1 Chronicles 14

Ika 2018 Bible

← Chapter 13 Jump to: Chapter 15 →

1Eze Taya wụ Hiram zi ndị ụkọ jẹnni Defidi, wẹ lẹ ogwe sida, ndị gi ọmụma e dọn ụlọ lẹ ndị a ma ụlọ, nị wẹ d'a tụnnị Defidi obi-eze.

2Defidi nọ gi ẹ marịn nị Osolobuẹ e mẹgụọ a wụrụ eze Izrẹlụ nke-esi, gi ufiri ndị nke ẹ wụ Izrẹlụ bushi alị-eze Defidi elu.

3Defidi lụrụzị inyẹnmẹ k'ọ lashigụ Jerusalẹm cheni ndị ọ lụ ushin, ọ nọ mụzị ikẹnnyẹ lẹ ikpoho cheni.

4Ndịnị wụ ẹfan ụmụ wẹ mụn'a imẹ Jerusalẹm: Shamụa, Shobabụ, Natanị, Solomọnụ,

5Ib'ha, Ẹlishụa, Ẹl'pẹlẹtị,

6Noga, Nẹfẹgi, Jafia,

7Ẹlishama, Bẹlịada lẹ Ẹlifẹlẹti.

8Ogẹn ndị Filistia gi nụ nị e kingụọ wẹ Defidi eze Izrẹlụ ile, ndị-agha alị Filistia ile nọ jẹnmẹ d'a chọ a nị wẹ lụsọn ẹ agha. Kanị Defidi a nụ a, ọ nọ kịrị ndị-agha buli n'o d'e kunrun wẹ.

9Ogẹn hụ, ndị Filistia a bịaọlẹ, maye ndị bi Ọdanmgbugbu ndị Rẹfa.

10Ya Defidi nọ jụ Chuku, “Nị m jẹn d'a lụsọn ndị Filistia agha? N'ị bu wẹ che m ẹka mẹri?” Osolobuẹ nọ sị a, “Jẹn, m k'e bu wẹ che i ẹka mẹri.”

11Defidi lẹ ndị-agha a nọ shi Baalụ-Pẹrazim, nọ ebẹhụ mẹri wẹ. Defidi nọ sị, “Chuku e gigụọ m tikpọpụ ndị-iṅẹnrẹn m kẹ mirin dọn e tikpọpụha.” Ya wẹ nọ kpọma ebahụn Baalụ-Pẹrazim.

12Ndị Filistia gba mmọn wẹ rị ichẹn-ichẹn tọ ebẹhụ, Defidi nọ sị ndị nke ẹ dụnpụ mmọn ndị hụ ọkụn.

13Ndị Filistia a bịazịghọ d'a maye ndị rị ọdanmgbugbu ahụn ọgụn.

14Defidi nọ jụzị Chuku, Chuku nọ sị a, “Aghalẹ ihun maye wẹ, ka ghashi azụụn d'a nọ ihun osisi basam ndị hụ maye wẹ.

15Ị nụhụ nkiti-ụkụ elu osisi basam ndị ahụn, y'e buli d'a maye wẹ, makẹni Chuku e burugụọn'ị ụzọ d'e gbupụ ndị-agha Filistia.”

16Defidi nọ mẹ kẹ Chuku dọn gwa a, wẹ nọ gbusọnmẹ ndị-agha Filistia, ghakwọrị Gibiọnụ d'e ru Gẹza.

17Ya ẹfan Defidi nọ kpọgbarị alị ile rị ichẹn-ichẹn, Osolobuẹ nọ mẹ ndị alị ile tụma egun Defidi.

← Chapter 13 Jump to: Chapter 15 →