1 Chronicles 7

Ika 2018 Bible

← Chapter 6 Jump to: Chapter 8 →

1Ikẹnnyẹ Isaka mụ wụ Tola, Pụa, Jashubu lẹ Shimrọnụ: wẹ rị madụ ẹnọ.

2Ikẹnnyẹ Tola mụ wụ Uzi, Rẹfaya, Jeriẹlụ, Jamaị, Ibsam lẹ Samuẹlụ — ndịnị kịsọnmẹ ikpụlọ wẹ. Ogẹn Defidi gi kị Izrẹlụ, ndị ẹbozo Tola wẹ depụha hụn a lụ agha rị mmadụ nnụ ohu lẹ mkpikpi kwasị nnụ-uku ẹbụọ kwasị ọgụn (22,600).

3Okẹnnyẹ Uzi mụ wụ Izrahịa. Ikẹnnyẹ Izrahịa mụ wụ Maịkẹlụ, Obadaya, Juwẹlụ lẹ Ishia. Wẹ isẹn wụchanrịn ndị-isi.

4Ebe wẹ detu ẹfan ẹbozo wẹ, wẹ nwọn ikẹnnyẹ nnụ-uku mmisẹn kwasị ọgụn (36,000) a saẹka a lụ agha: makẹni ẹbozo wẹ nwọn inyẹnmẹ lẹ ụmụ ọda-ọda.

5Ndị ile ru ogo agha imẹ ẹbozo Isaka wụ mmadụ nnụ-uku ẹsa kwasị ọgụn-ẹnọ (87,000).

6Ikẹnnyẹ ẹtọ Bẹnjamini mụ wụ Bẹla, Bẹkẹri lẹ Jediẹlụ.

7Ikẹnnyẹ Bẹla mụ wụ Ẹz'bọnụ, Uzi, Uziẹlụ, Jẹrimọtụ lẹ Iri — wẹ wụsọnmẹ ndị-isi ikpụlọ wẹ. Wẹ rị mmadụ isẹn. Ebe wẹ detu ẹfan ẹbozo wẹ, wẹ rị mmadụ mmẹnọ-kwasị-ọgụn kwasị nnụ-uku ẹbụọ kwasị ọgụnnaị (22,034) ma lụ agha.

8Ikẹnnyẹ Bẹkẹri mụ wụ Zẹmira, Jụashị, Ẹliẹza, Ẹlionaị, Omri, Jẹremọtụ, Abija, Anatọtụ lẹ Alẹmẹti. Ndịnị ile wụ ụmụ Bẹkẹri.

9Ebe wẹ detu ẹfan ẹbozo wẹ, wẹ rị ndị-isi lẹ madụ ọgụn-iri kwasị nnụ-uku ọgụn (20,200) a lụ agha.

10Okẹnnyẹ Jediẹlụ mụ wụ Bil'hanị; ikẹnnyẹ Bil'hanị mụ wụ Jeushi, Bẹnjamini, Ehudu, Kenaana, Zetanị, Tashishi lẹ Ahishaha.

11Ụmụ Jediẹlụ ndịnị kịsọnmẹ ikpụlọ. Ndị a lụ agha ẹbozo wẹ rị ọgụn-iri kwasị nnụ-uku mmẹsa (17,200).

12Ndị Shupu lẹ ndị Hupu wụ ẹbozo Iri; ndị Hushi wụ ẹbozo Aha.

13Ikẹnnyẹ Naf'tali mụ wụ Jaziẹlụ, Guni, Jeza lẹ Shilẹm; wẹ wụ ẹbozo Bil'ha nnẹ Naf'tali.

14Ẹbozo Manasẹ: Asriẹlụ wụ nwa Manasẹ hụn mgba a onyẹ alị Aram mụn'a; okpoho hụ mụzị Makiri nẹdi Gilẹdị.

15Makiri nkẹ nọ ebọn Hupu lẹ Shupu lụ nwunyẹ. Ẹfan nwẹnẹ Makiri okpoho wụ Maaka. Nwa Makiri nke ọb'ẹbụọ wụ Zẹlofẹhadị hụn mụ ikpoho sụọ.

16Maaka nwunyẹ Makiri mụ okẹnnyẹ, gụn a Pẹrẹshi, gụn nwẹnẹ ẹ hụn wụzị okẹnnyẹ Sherẹshị. Pẹrẹshi nkẹ mụ ikẹnnyẹ ẹbụọ — Ulam lẹ Rakẹm.

17Okẹnnyẹ Ulam nkẹ mụ wụ Bẹdanị. Uwẹ ile wụ ikẹnnyẹ Gilẹdị nwa Makiri nwa Manasẹ mụ.

18Nwẹnẹ Gilẹdị hụn okpoho wụ Hamolẹkẹti mụ Ish'họdụ, Abiẹza lẹ Mala.

19Ikẹnnyẹ Shẹmida mụ wụ Ahianị, Shẹkẹm, Likhi lẹ Anịam,

20Ẹbozo Ifrem wụ ndịnị: Shutẹla mụ Bẹrẹdi, Bẹrẹdi a mụ Tahatị; Tahatị mụ Ẹliẹda, Ẹliẹda a mụ Tahatị.

21Tahatị nwa Ẹliẹda nọ mụ Zabadị, Zabadị a mụ Shutẹla. Ndị Gatị kẹti-kẹti gbu Ẹza lẹ Ẹliadị hụn wụzị ụmụ Ifrem, ogẹn wẹ gi jẹn d'a maye ndị Gatị kẹni wẹ kpụnnarịn wẹ anụ wẹ.

22Ifrem nẹdi wẹ nọ kwanbie wẹ, umunẹ ẹ nọ bịa d'a rọkọ a obi.

23O sọnzi nwunyẹ ẹ ranhịn, ọ nọ tụrụ imẹ, mụ okẹnnyẹ, Ifrem nọ gụn a Bẹrịa, makẹ ufiri eje-ihiẹn ahụn mẹ ikpụlọ a.

24Okpoho Ifrem mụ wụ Shiẹra, ịya pumẹ Bẹt-Họrọnụ Mkpọtu oke lẹ Bẹt-Họrọnụ Elu-ugu hụn rịsọnmẹ ugu Ifrem, pumẹzikwọ Uzẹn-Shiẹra.

25Ifrem mụzịkwọ Rẹfa, Rẹfa a mụ Rẹshẹfụ, Rẹshẹfụ a mụ Tẹla, Tẹla a mụ Tahanị.

26Tahanị mụ Ladanị, Ladanị a mụ Amihudu, Amihudu a mụ Ẹlishama.

27Ẹlishama mụ Nọnụ, Nọnụ a mụ Joshụa hụn kịsọn Mozizi.

28Alị ẹbozo Ifrem lẹ ebe wẹ bisọnmẹ wụ ndịnị: Bẹtẹlụ lẹ ụmụ-alị a, Naaranị hụn rị ẹbamịn ọwụwa-ẹnyanwụn, Gẹza lẹ ụmụ-alị a hụn rị ẹbamịn ọdịdan-ẹnyanwụn lẹ Shẹkẹm lẹ ụmụ-alị a ile d'e rukwọrị Aya lẹ ụmụ-alị a.

29Obodo ndịnị lẹ ụmụ-alị wẹ ile rịsọnmẹzikwọ okẹn wẹ lẹ ebọn Manasẹ: Bẹt-Shịanị, Taanakị, Mẹgido lẹ Dọ. Ẹbozo Josẹfụ nwa Izrẹlụ bisọnmẹ obodo ndịnị wẹ.

30Ikẹnnyẹ Asha nwa Izrẹlụ mụ wụ Imna, Ish'va, Ish'vi lẹ Bẹrịa. Ẹfan nwẹnẹ wẹ okpoho wụ Sẹra.

31Ikẹnnyẹ Bẹrịa mụ wụ Hẹba lẹ Ma'kiẹlụ. Mal'kiẹlụ wụ nẹdi Bẹzaịtị.

32Hẹba nkẹ wụ nẹdi Jaf'lẹti, Shoma lẹ Hotam lẹ nwẹnẹ wẹ okpoho wụ Shụa.

33Ikẹnnyẹ Jaf'lẹti mụ wụ Pasakị, Bimhalụ lẹ Ash'vatị. Wẹ ile wụ ụmụ-ikẹnnyẹ Jaf'lẹti.

34Ikẹnnyẹ Shoma nwẹnẹ Jaf'lẹti mụ wụ Ahi, Roga, Huba lẹ Aram.

35Ikẹnnyẹ Hẹlẹm (Hotam) nwẹnẹ Shoma mụ wụ Zofa, Imna, Shẹlẹshi lẹ Amalụ.

36Ikẹnnyẹ Zofa mụ wụ Sụa, Hanẹfa, Shụalụ, Bẹri, Imra.

37Bẹza, Họdụ, Shama, Shil'sha, Itranị lẹ Bẹra.

38Ikẹnnyẹ Jeta mụ wụ Jefunẹ, Pispa lẹ Ara.

39Ikẹnnyẹ Ula mụ wụ Ara, Haniẹlụ lẹ Rizịa.

40Ndịnị ile wụ ẹbozo Asha, ndị kịsọnmẹ ikpụlọ, ndị wẹ marịn amarịn, ndị odogun-agha egun ghalẹni a tụ lẹ ndị-isi. Ikẹnnyẹ ẹbozo wẹ hụn wẹ detu hụn k'a saẹka lụ agha wụ mmadụ nnụ-uku isin-kwasị-ọgụn (26,000).

← Chapter 6 Jump to: Chapter 8 →