1 Chronicles 24

Ika 2018 Bible

← Chapter 23 Jump to: Chapter 25 →

1Ndịnị wụ itu-itu wẹ dọnsọnmẹ ebọn Ẹrọnụ, ndị nchụn-ẹjan: Ikẹnnyẹ Ẹrọnụ mụ wụ Nadabụ, Abihu, Ẹliẹza lẹ Itama.

2Kanị Nadabụ lẹ Abihu bu nẹdi wẹ ụzọ nwụnhụn, amụzịkwọnị wẹ ikẹnnyẹ, ya kẹ Ẹliẹza lẹ Itama nọ rụnma ọrụn nchụn-ẹjan.

3Defidi kebe wẹ itu-itu, ịya lẹ Zadọkụ onyẹ ẹbozo Ẹliẹza lẹ Ahimẹlẹkị onyẹ ẹbozo Itama, itu-itu wẹ k'a nọ a rụn ọrụn wẹ.

4Ndị kị ikpụlọ imẹ ebozo Ẹliẹza ka ndị nke Itama ọda, wẹ nọ gi ole wẹ rị kebesọnmẹ ebozo ndịnị: ndị isi ikpụlọ mmisin rị ebozo Ẹliẹza, nke Itama wụ ẹsatọ.

5Wẹ nyan utẹn Osolobuẹ gi kebe wẹ, onwọnni onyẹ wẹ mẹgbu; kẹ ebozo Ẹliẹza kẹ ẹbozo Itama nwọnsọnmẹ ndị-isi ọrụn ofufe lẹ ndị ọzọ gilẹni ọkwa hụn Chuku mẹ wụrụ ndị-isi.

6Akanwe wụ Shẹmaya nwa Natanẹlụ, onyẹ ebọn Livaị ibe wẹ wụlẹni onyẹ nchụn-ẹjan depụhasọnmẹ ẹfan wẹ. Idẹnya eze lẹ ịhaịmẹ ẹ, Zadọkụ onyẹ nchụn-ẹjan, Ahimẹlẹkị nwa Abiata lẹ ndị-isi ikpụlọ ichẹn-ichẹn ndị nchụn-ẹjan lẹ ndị Livaị k'ọ nọ detu ẹ. Wẹ weri ikpụlọ ohu ebozo Ẹliẹza, e weri wẹ ohu imẹ nke Itama.

7Jehoyaribu kẹ utẹn ibuzọ weri, nke ẹbụọ a nwụn Jedaya;

8nke ẹtọ weri Harim, nke ẹnọ e weri Sẹọrim;

9nke isẹn weri Mal'kija, nke isin e weri Mijamini;

10nke ẹsa weri Hakọzụ, nke ẹsatọ e weri Abija;

11nke itenẹi weri Jeshụa, nke iri e weri Shẹkania;

12nke mmanaị weri Ẹliashibu, nke mmẹbụọ e weri Jakim;

13nke mmẹtọ weri Hupa, nke mmẹnọ e weri Jeshebịabụ;

14nke mmisẹn weri Bil'ga, nke mmisin e weri Ima;

15nke mmẹsa weri Heziri, nke mmẹsatọ e weri Hapizẹzi;

16nke mmitenẹi weri Pẹtahia, nke ọgụn e weri Jehez'kẹlụ;

17nke ohu-kwasị-ọgụn weri Jakini, nke ẹbụọ-kwasị-ọgụn e weri Gamulu;

18nke ẹtọ kwasị ọgụn weri Dẹlaya, nke ẹnọ kwasị ọgụn e weri Maazia.

19Usọnrọnni kẹ wẹ tumẹni wẹ gi a banye imẹ Ụlọ Osolobuẹ d'a rụn ọrụn wẹ kẹ nẹdi wẹ kanị wụ Ẹrọnụ dọn gwasọnmẹ wẹ, nọkẹ kẹ Osolobuẹ wụ Chuku Izrẹlụ dọn gwa a.

20Ndị ebozo Livaị họdụnị wụ ndịnị: Imẹ ebozo Amram, ndị họdụnị wụ ụmụ Shubẹlụ. Nwa Shubẹlụ wụ Jedẹya mụchanrịn ndị mụnị wẹ;

21ndị ebozo Rehabia wụ ụmụ Ishia nwa ibuzọ a. Ndị ọzọ họdụnị wẹ họrị wụ ndịnị:

22Ndị ebozo Iziha, ụmụ Shẹlomọtụ, ndị hụn Jahatị nwa Shẹlomọtụ mụ.

23Ndị ẹbozo Hibrọnụ họdụnị wụ ụmụ Jẹria nwa-ibuzọ a, ụmụ Amaria nwa a ọb'ẹbụọ lẹ ụmụ Jahaziẹlụ nwa a ọb'ẹtọ lẹzi ụmụ Jekamịam nwa a nke ẹnọ.

24Ẹbozo Uziẹlụ họdụnị wụ ụmụ Maịka hụn Shamiri nwa Mika mụ

25lẹzi ndị Zẹkaraya nwa Ishia nwẹnẹ Maịka mụ.

26Imẹ ụmụ Mẹrari: Mali lẹ Mushi lẹ nwa Jaazia wụ Beno.

27Ụmụ Mẹrari: ndị Jaazia mụ wụ Beno, Shoham, Zakọ lẹ Ibri.

28Nwa Mali rịn'a wụ Ẹliẹza hụn mụlẹni okẹnnyẹ.

29Nwa Kishi rịn'a wụ Jẹramiẹlụ.

30Ụmụ Mushi rịn'a wụ Mali, Ẹda lẹ Jẹrimọtụ. Ndịnị ile wụsọnmẹ ndị ebọn Livaị ikp'ụlọ-ikp'ụlọ.

31Wẹ nyanzịkwọ utẹn-Osolobuẹ gi kerisọnmẹ ọrụn kẹ umunẹ wẹ ndị ẹbozo Ẹrọnụ dọn mẹ — idẹnya eze wụ Defidi lẹ Zadọkụ lẹ Ahimẹlẹkị lẹ ndị isi ikpụlọ ichẹn-ichẹn rị ndị nchụn-ẹjan lẹ ndị-isi ikpụlọ ichẹn-ichẹn rị ebọn Livaị. Ẹka ohu kẹ wẹ gi sọn wẹ ile, kẹ ụmụ nwa-ibuzọ kẹ ụmụ nwa-mbi rịn'a.

← Chapter 23 Jump to: Chapter 25 →