bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ika
/
Ika 2018 Bible
/
1 Chronicles 21
1 Chronicles 21
Ika 2018 Bible
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 22 →
1
Ekwensụ chọkọ ni eje-ihiẹn mẹ Izrẹlụ, ọ nọ nu Defidi d'a gụn ndị Izrẹlụ.
2
Defidi nọ sị Jụabụ lẹ ndị ọkị-agha Izrẹlụ, “Jẹn ni d'a gụn ndị Izrẹlụ, wẹ ile — ghakwọrị Biẹshẹba d'e ru Danị, ụnụ a bịa d'a gwa m, nị m marịn ole wẹ rị.”
3
Kanị Jụabụ nọ sị a, “Osolobuẹ ya mẹkwọ ndị-agha a bawaye ụzọ ọgụn-isẹn!! Dodo eze nwọnni m, ẹlẹ ihu yụ wụ di-nwọnni m kẹ wẹ ile wụ? Kị haịn di-nwọnni m gizi nwan chọ n'o mẹ ihiẹnni? Kịnị k'i k'e buhẹni nwan Izrẹlụ ikpe-ọmụma?”
4
Kanị eze nọ sị Jụabụ d'e mẹ ihiẹn ọ sị a mẹ. Ya kẹ Jụabụ nọ jẹnmẹ. Jụabụ wẹ nọ ghagbarị Izrẹlụ ile, a gụn ịhịan. Ọ gụngụ, o nọ kinhẹn Jerusalẹm.
5
Jụabụ nọ gwa Defidi ole ndị ru ogo agha rị: Imẹ Izrẹlụ ile, ndị k'a sa ẹka gi ọpịa-agha lụ agha rị mmadụ nnụ-uku ọgụn-isẹn kwasị ijẹri-uku (1,100,000); nke ndị Juda wụ madụ nnụ-uku iri-kwasị-ọgụn-ẹtọ kwasị nnụ (470,000) k'a saẹka gi ọpịa-agha lụ agha.
6
Kanị, Jụabụ agụnnị ndị Livaị lẹ ndị Bẹnjamini, makẹni ihiẹnni eze sị a mẹ rị a kẹ arụ.
7
Ihiẹn Defidi mẹ asụọzịkwọnị Osolobuẹ. Ya Osolobuẹ nọ mẹ Izrẹlụ ihiẹn.
8
Defidi nọ sị Osolobuẹ, “E mẹọlẹ m okẹn njọ ebe m nọ mẹ ihiẹnni. M rị nwan a rịọ ị, dodo gbagharị mmẹ wụ odibo i njọ. E zuzugụọ m nzuzu.”
9
Osolobuẹ nọ sị Gadị hụn a hụnnị Defidi ọhụn,
10
“Jẹn d'a gwa Defidi, ‘Lee ihiẹn Osolobuẹ ku: m rị e butọ n'i ihiẹn ẹtọ: hanrịn nwan hụn m k'e mẹ i.’ ”
11
Ya kẹ Gadị nọ jẹn d'e kunrun Defidi, sị a, “Lee ihiẹn Osolobuẹ ku: ‘Hanrịn hụn sụọn'ị:
12
ụnwụn ahụa ẹtọ ra nị ndị-iṅẹnrẹn ụnụ chụ ụnụ ọsọ ifọn ẹtọ, e gbu ụnụ ra nị Osolobuẹ gi ọpịa-agha a gbusọnmẹ ụnụ akp'ọhịn ẹtọ, gi eje-nsọngbu sọn alịnị, mmọn-ozi Osolobuẹ e gwọnma ebe ile imẹ alị Izrẹlụ.’ Ro ẹ nwan nị ị gwa m, kẹni m marịn ihiẹn m k'a gwa onyẹ zini m.”
13
Defidi nọ sị Gadị, “Ijẹn e gbuẹ m!! Nị m danban nwan ẹka Osolobuẹ, makẹni o mẹkẹmẹkẹ onyẹ-omikẹn. Anịkwọlẹ m danban ẹka ịhịan.”
14
Ya Osolobuẹ nọ zi eje-emu e gbuni ye imẹ Izrẹlụ, nnụ-uku iri kwasị ọgụn-ẹtọ (70,000) nọ nwụnhụn.
15
Osolobuẹ nọ zi mmọn-ozi d'e tikpọ obodo Jerusalẹm. Kanị, ebe mmọn-ozi ahụn rị e m'ẹ, Osolobuẹ e lee ẹnya, omikẹn wẹ nọ mẹ ẹ, ọ nọ sị mmọn-ozi hụ rị e gbuni wẹ, “O higụọ! Egbuzilẹ.” Ogẹn ahụn, mmọn-ozi Osolobuẹ ahụn wuzo imẹ elu, ebe Ọnanị onyẹ Jebusu nọ a kụkpọ ọka.
16
Defidi e lee ẹnya elu, ọ nọ hụn mmọn-ozi Osolobuẹ hụ k'o wuzo ẹgbata igwere lẹ alị; ọpịa-agha o sepụha bu zinmẹ Jerusalẹm hụkwọ a ẹka. Ya Defidi lẹ ndị-ichẹn nọ dan alị bu ihun kpumẹ alị, wẹ ile yi ẹkwa-achọ (ahịọ) wẹ gi a kwan ụya.
17
Defidi nọ sị Chuku, “Ẹlẹ mmẹ zi wẹ d'a gụn ndị alị? Mmẹ mẹ njọ; mmẹ mẹfie. Ndịnị wụhụ atụnrụn, ndị wẹ rị e du. Kị wẹ mẹ? Dodo, Osolobuẹ wụ Chuku m, mẹshi m ikẹn, mmẹ lẹ ikpụlọ m, ka wepụnị ndị nke i ọnwụnnị rị e gbuni.”
18
Ya mmọn-ozi Osolobuẹ hụ nọ sị Gadị d'a gwa Defidi ya jẹn d'a tụnnị Osolobuẹ ukpo nchụn-ẹjan ebẹhụ Ọnanị onyẹ Jebusu nọ a kụkpọ ọka.
19
Defidi nọ jẹnmẹ d'e mẹ ihiẹn Gadị gwa, ihiẹn o gi ẹfan Osolobuẹ gwa a.
20
Kẹ Ọnanị rị a kụkpọ ọka-witi. O gbehutọ, ọ nọ hụn mmọn-ozi hụ; ụmụ a ikẹnnyẹ ẹnọ ya lẹ wẹ rị ebẹhụ nọ warị.
21
Defidi nọ nọzụhan. Ọnanị e lee ẹnya, e lee Defidi! Ọ nọ gha ebe ọ nọ a kụkpọ ọka pụha, hulụa nị Defidi isi.
22
Defidi nọ sị a, “Ye m ebeni ị nọ a kụkpọ ọka, nị m tụnnị Osolobuẹ ukpo nchụn-ẹjan ebeni, kẹni ọnwụnnị rị e gbu ndị alị kụsị. Reye m'ẹ ọnụ-egho ẹ.”
23
Ọnanị nọ sị Defidi, “Weri ẹ! Eze nwọnni m, mẹ ihiẹn ọwụlẹ sụọn'ị. Lee ẹ, m k'e wẹhẹ okẹn-efin m gi a kụkpọ ọka ebeni nị wẹ gi chụn ẹjan w'a dụn ọkụn lẹ ibe osisi okẹn-efin hụ gi a rụn ọrụn a nị wẹ gi fiye ọkụn lẹ ọka-witi m kụkpọpụha nị wẹ gi chụn ẹjan-ọka. Mmẹ k'e wẹhẹ ihiẹn ndịnị ile.”
24
Kanị Eze wụ Defidi nọ sị Ọnanị, “Mba. M k'a kụrịrị ọnụ-egho ẹ. Ewekọ m ihiẹn i ye Osolobuẹ mọbụ gi ihiẹn nwọnlẹni ihiẹn o ri m chụn ẹjan w'a dụn ọkụn.”
25
Ya kẹ Defidi nọ gi akpụrụ goru ọgụn-iri kwasị nnụ (500) ṅọnnarịn Ọnanị ebahụn.
26
Defidi nọ tụnnị Osolobuẹ ukpo nchụn-ẹjan ebahụn, nọ elu ẹ chụn ẹjan w'a dụn ọkụn lẹ ẹjan-ekele. Ọ kpọku Osolobuẹ, Osolobuẹ nọ gi ọkụn gha elu-igwee za a, zi ọkụn hụ ye elu ukpo ahụn wẹ nọ chụn ẹjan.
27
Osolobuẹ nọ gwa mmọn-ozi ahụn oku, ọ nọ fakin ọpịa-agha hụ ọbụọ a.
28
Defidi nọ ebẹhụ Ọnanị onyẹ Jebusu nọ a kụkpọ ọka-witi chụn ẹjan ndị ahụn ọ chụn makẹni ọ hụn nị Osolobuẹ a nọgụọ ebahụn za a oku.
29
Ọdụ-ofufe Osolobuẹ hụn Mozizi nọ alị ọkpọ-nkụn mẹmẹ lẹ ukpo wẹ n'a dụn ẹjan ọkụn rị ebe jẹn elu hụn rị Gibiọnụ ogẹn ahụn.
30
Kanị Defidi ejẹnni ebẹhụ d'a chọ uche Osolobuẹ, makẹni egun ọpịa-agha mmọn-ozi Osolobuẹ hụ rị a tụ a.
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 22 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29