bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ika
/
Ika 2018 Bible
/
1 Chronicles 9
1 Chronicles 9
Ika 2018 Bible
← Chapter 8
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 10 →
1
Ya wụ, wẹ deyechanrịn ndị Izrẹlụ ile ẹbozo-ẹbozo imẹ ẹkụkwọ ndị-nze Izrẹlụ. Wẹ kpụnshi ndị Juda Babilọnụ makẹni wẹ gi ghẹrẹ-ghẹrẹ-ghẹrẹ sọn Osolobuẹ.
2
Ogẹn wẹ gi lụahama, o nwọn ndị bu ụzọ lụaha d'e bikin ọkpụlọ wẹ imẹ obodo wẹ rị ichẹn-ichẹn. Ndị Izrẹlụ mmaka hụ a, ndị ebọn Livaị wụ ndị nchụn-ẹjan kẹ ndị Livaị wụlẹni ndị nchụn-ẹjan hụ a, ndị ọzọ a rụn ọrụn imẹ Ụlọ-nsọ hụzị a.
3
Imẹ wẹ, ndị ebọn Juda, ebọn Bẹnjamini, ebọn Ifrem lẹ ebọn Manasẹ, hụn bi Jerusalẹm, wụ ndịnị:
4
Ụtaị nwa Amihudu nwa Omri nwa Im'ri nwa Bani, onyẹ ẹbozo Pẹrẹzi nwa Juda.
5
Ikẹnnyẹ ẹbozo Shilọnụ lụanị wụ Asaya nwa ibuzọ a lẹ ụmụ Asaya.
6
Ndị ẹbozo Zẹra lụanị wụ Jewuẹlụ. Ndị ebọn Juda ndịnị lụanị rị mmadụ iri kwasị ọgụn mmẹnọ kwasị nnụ (690).
7
Ndị ebọn Bẹnjamini lụanị biri Jerusalẹm wụ Salu nwa Mẹshulam nwa Hodavia nwa Hasẹnụa;
8
Ibnẹya nwa Jẹroham, Ẹla nwa Uzi nwa Mikri lẹ Mẹshulam nwa Shẹfatịa nwa Rẹwuẹlụ nwa Ib'nija.
9
Ndị ebọn Bẹnjamini ndịnị, kẹ wẹ dọn detọsọnmẹ ẹfan wẹ ẹbozo-ẹbozo, rị mmadụ mmisin kwasị ọgụn ẹsa kwasị nnụnaị (956). Wẹ ile wụ ndị-isi ndị-isi imẹ ikpụlọ wẹ ile.
10
Ndị nchụn-ẹjan lụanị biri Jerusalẹm wụ: Jedaya, Jehoyaribu, Jakini,
11
Azaria nwa Hil'kia nwa Mẹshulam nwa Zadọkụ nwa Mẹrayotu nwa Ahitubu. Azaria kẹ Ụlọ Osolobuẹ rị ẹka;
12
Adaya nwa Jẹroham nwa Pashuru nwa Mal'kija; lẹ Maasaị nwa Adiẹlụ nwa Jazẹra nwa Mẹshulam nwa Mẹshilẹmiti nwa Ima.
13
Ndị nchụn-ẹjan hụn wụsọnmẹ ndị-isi ikpụlọ wẹ wụ mmadụ ọgụn-ẹsatọ kwasị nnụ ẹnọ (1,760) marịn ọrụn wẹ; uwẹ kẹ ọrụn rị Ụlọ Osolobuẹ rị ẹka ogẹn hụ.
14
Ndị ebọn Livaị lụanị wụ: Shẹmaya nwa Hashubu nwa Az'rikam nwa Hashabia onyẹ ẹbozo Mẹrari nwa Livaị;
15
Bak'bakari, Hẹrẹshi, Galalụ lẹ Matania nwa Mika nwa Zikri nwa Asafụ;
16
Obadaya nwa Shẹmaya nwa Galalụ nwa Jedutunu; lẹzi Bẹrẹkia nwa Asa nwa Ẹl'kana. Ndịnị bi ụmụ obodo ndị Netofa.
17
Ndị e che nche ọnụ-mgbọn ichẹn-ichẹn hụn lụanị wụ: Shalum, Akubu, Tal'mọnụ, Ahimanị lẹ umunẹ wẹ ikẹnnyẹ. Shalum wụ onyẹ-ndu wẹ.
18
Ọnụ-mgbọn Eze rị ẹbamịn ọwụwa-ẹnyanwụn kẹ wẹ e chekwọ nche d'e ru ogẹn ahụn. Wẹ e che nche ọnụ-mgbọn ndị Livaị rị ichẹn-ichẹn.
19
Imẹ ndị-nche, Shalum nwa Kore nwa Ẹbiasafụ nwa Kora lẹ ndị ikpụlọ Kora ibe ẹ wụ ndị e che nche ọnụmụzọ Ọdụ-nsọ kẹ ndị nẹdi wẹ dọn che ọnụmụzọ Ụlọ Osolobuẹ.
20
Isi ibuzọ, Finẹhasị nwa Ẹliẹza te kị ndị e che ọnụmụzọ ụlọ Osolobuẹ. Osolobuẹ nọyen'ẹ a nọyeni.
21
Zẹkaraya nwa Mẹshẹlẹmia e chezighọ ọnụmụzọ Ọdụ-ozuzu, Ọdụ-Osolobuẹ.
22
Ndị ile wẹ han e che ọnụ-mgbọn ichẹn-ichẹn rị mmadụ mmẹbụọ kwasị ọgụn-iri (212) Ẹbozo-ẹbozo kẹ wẹ desọnmẹ ẹfan wẹ imẹ mmụ obodo ndị wẹ bi. Defidi lẹ Samuẹlụ hụn a hụn ụzọ tumẹsọnmẹ ndị-ncheni ọnọdị ndịnị.
23
Wẹ lẹ ụmụ wẹ kẹ oku iche-nche ọnụmụzọ ụlọ Osolobuẹ rị ẹka — ụlọ a hụn wụ Ọdụ.
24
Ndị-nche ọnụ-mgbọn ndịnị e che nche ẹbamịn ẹnịnọ Ụlọ-nsọ: ẹbamịn ọwụwa-ẹnyanwụn, ẹbamịn ọdịdan-ẹnyanwụn, ẹbamịn-ugu lẹ ẹbamịn ndịdan-mirin.
25
Ibe wẹ a ghasọnmẹ mmụ obodo ichẹn-ichẹn wẹ bi a bịa d'a nọ nche wẹ akpọhịn ẹsa-ẹsa.
26
Kanị ndị Livaị ẹnọ, hụn kịchanrịn ndị-nche ọnụ-mgbọn nwọn e lepụ mmughẹ ndị rị Ụlọ Osolobuẹ lẹ ebe ile rịn'a w'e dọnmẹ ihiẹn rị mkpa ẹnya.
27
W'a nọhunmẹ Ụlọ Osolobuẹ eki e we fọn, makẹni ogbo wẹ rọ; uwẹ e kwọndọnzi ịsanhan wẹ gi a kpọpụ a ụtụntụn ile.
28
Imẹ wẹ, o nwọnzighọ ndị nke wẹ wụ ilepụ arịa ndị wẹ gi a rụn ọrụn imẹ Ụlọ-nsọ ẹnya; wẹ kpọnbanhan wẹ a gụn wẹ ole wẹ rị, wẹ kpọnpụhakọnị wẹ a gụn wẹ ole wẹ rị.
29
Ndị ọzọ imẹ wẹ nwọn e lepụ ihiẹn-ọrụn Ụlọ-nsọ ẹnya, ya lẹ arịa ọzọ ile rị imẹ ebẹhụ rị nsọ. Uwẹ nwọnzi e lepụ ọka wẹ gweriẹn lẹ manya lẹ ofigbọn-olivu lẹ nsẹnsi lẹ ihiẹn ndị hụn e shin ọhụnma.
30
Kanị o nwọn ndị nchụn-ẹjan a gwọ ihiẹn ndịnị e shin ọhụnma.
31
Onyẹ Livaị w'a kpọ Matitịa, nwa-ibuzọ Shalum onyẹ ebọn Kora kẹ wẹ bu oku ishi brẹdi wẹ gi e ye oyiye che ẹka.
32
O nwọn ibe wẹ ndị ẹbozo Kohatị wẹ tumẹ e mẹmẹ brẹdi hụ w'e butọnị Osolobuẹ elu-teburu Ụhụọhịn Ezumikẹn ọwụlẹ.
33
Nke ndị ọkụ-ẹbụ, ndị kịsọnmẹ ikpụlọ imẹ ebọn wẹ wụ Livaị nwọnsọnmẹ mmughẹ w'a nọdị imẹ Ụlọ-nsọ; onwọnzini ọrụn ọzọ wẹ keye wẹ, makẹni w'a rụn nke wẹ kẹ ebe eki rị elu kẹ imẹ uhinhin.
34
Ndịnị ile kịsọnmẹ ikpụlọ ichẹn-ichẹn rị ebọn Livaị; wẹ wụsọnmẹ ndị-isi nọkẹ kẹ wẹ dọn detọsọnmẹ ẹfan ndị ẹbozo wẹ; Jerusalẹm kẹ wẹ bi.
35
Jẹyẹlụ nẹdi ndị Gibiọnụ bi Gibiọnụ. Ẹfan nwunyẹ ẹ wụ Maaka,
36
okẹnnyẹ ibuzọ ọ mụ wụ Ab'dọnụ, o sọn Zọ, Kishi, Baalụ, Nẹ, Nadabụ,
37
Gẹdọ, Ahio, Zẹkaraya lẹ Mik'lọtụ.
38
Mik'lọtụ wụ nẹdi ndị alị Shimiam. Wẹ nwẹn bikụnmazị ndị nke wẹ imẹ Jerusalẹm.
39
Nẹ wụ nẹdi Kishi, Kishi nẹdi Sọlụ, Sọlụ nẹdi Jonatanị lẹ Mal'ki-Shụa lẹ Abinadabụ lẹ Ẹsh-Baalụ (hụn wụzị Ish'boshẹti).
40
Okẹnnyẹ Jonatanị mụ wụ Mẹribu-Baalụ (hụn wụ Mephiboshẹti) nẹdi Maịka.
41
Ikẹnnyẹ Maịka mụ wụ Pitọnụ, Mẹlẹki, Tarịa lẹ Ahazị.
42
Ahazị wụ nẹdi Jara (Jada), Jara wụ nẹdi Alẹmẹti, Az'mavẹti lẹ Zimri. Zimri wụ nẹdi Moza.
43
Moza wụ nẹdi Binịa; Binịa wụ nẹdi Rẹfaya, Rẹfaya wụ nẹdi Ẹliasa, Ẹliasa wụ nẹdi Azẹlụ.
44
Ikẹnnyẹ isin kẹ Azẹlụ mụ. Ẹfan wẹ wụ Az'rikam, Bokẹru, Ishmẹlụ, Shẹraya, Obadaya lẹ Hanan. Uwẹ wụ ikẹnnyẹ Azẹlụ mụ.
← Chapter 8
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 10 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29