bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ika
/
Ika 2018 Bible
/
1 Samuel 10
1 Samuel 10
Ika 2018 Bible
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 11 →
1
Samuẹlụ nọ weri mkpu udẹn-ntumẹ, hu ẹ kpu Sọlụ isi, dide ẹ, sị a, “Osolobuẹ e tumẹgụọ ị onyẹ ndu ndị nke ẹ wụ ndị Izrẹlụ haịn!
2
Ị gha ebeni m rị pụ tannị, i jẹnkọ d'e kunrun ikẹnnyẹ ẹbụọ ẹhụ ili Rechẹlụ imẹ Zẹl'za, ebe alị Bẹnjamini gha bidọn. Wẹ k'a sị ị, ‘A hụngụọ wẹ jaki ndị hụ i jẹn d'a chọ. Nẹdi i arịzị e ku oku wẹ, yụ k'ọ nọzị nwan e hueni uhue. Ọ hụ a jụ, “Kị m'e mẹzi nwan banyeni nwa m?” ’
3
“I jẹnkọ d'a gha ebẹhụ jẹnsọnmẹ; i ru ukun okẹn-osisi Tabọ, ikẹnnyẹ ẹtọ jẹnkọ Bẹtẹlụ d'e fe Chuku k'e kunrun i ebẹhụ. Ohu imẹ wẹ k'e bu ụmụ-ewu ẹtọ, hụn ẹbọ k'e bu ogbe brẹdi ẹtọ, hụn mẹ wẹ ẹtọ k'e bu akpụkpọ wẹ gbaye manya.
4
Wẹ jẹnkọ d'e kele i, ye i ogbe brẹdi ẹbụọ; narịn wẹ ya.
5
“Ọhụn mẹgụ, i k'e jẹn Gibia Osolobuẹ ebẹhụ ndị-agha alị Filistia a nọdị; i rumẹ obodo hụ, i jẹnkọ d'a hụn igunrun ndị-amụma gha elu-ugu ebe wẹ nọ a chụn ẹjan hidanla, wẹ k'a rị a kpọnị wẹ ụbọ-layẹ lẹ ẹgede-chakachaka, e gbuni wẹ ẹkpịrị, a kpọnị wẹ ụbọ-mmaka, wẹ nwẹn hụ e bu amụma.
6
Mmọn Osolobuẹ sikọ d'a ban imẹ i, y'e sọn wẹ bumẹ amụma; i jẹnkọ d'e gbehutọ wụrụ ụdị ịhịan ọzọ.
7
Ihiẹn ahịma ndịnị ile mẹgụ, ihiẹn ọwụlẹ obi i gwa ị, y'e mẹ ẹ, makẹni Osolobuẹ nọyeni i anọyeni.
8
“Nje Gil'galụ, m lala d'e kunrun i, nị m chụn ẹjan w'a dụn ọkụn lẹ ẹjan-ekele — kanị ị k'e cherikwọ m akpọhịn ẹsa. M bịa, a gwa m'ị ihiẹn i jẹnkọ d'e mẹ.”
9
Ogẹn Sọlụ gi gbehutọ n'ọ gha ebe ya lẹ Samuẹlụ rị e ku lama, Chuku nọ gbehutọ obi ẹ idẹnmizi; ihiẹn-nghọsị ile Samuẹlụ ku mẹzuchanrịn ụhụọhịn hụ:
10
makẹni, ogẹn Sọlụ lẹ odibo ẹ gi ru Gibia, e lee igunrun ndị-amụma kẹ wẹ bịa d'e kunrun ẹ! Mmọn Osolobuẹ nọ gi ikẹn ban imẹ ẹ, ya nwẹn nọ bannị wẹ, bumẹ amụma.
11
Ogẹn ndị marịn a mbụ gi hụn a k'ọ rị e bu amụma, wẹ nọ jụma ibe wẹ, “Kị wụ ihiẹnni bankunrun nwa Kishi? Sọlụ rịzịdẹ nwan imẹ ndị-amụma ra?”
12
Kanị okẹnnyẹ ohu bi ebẹhụ nọ sị, “Onyẹ wụ nẹdi itu ndị amụmanị?” Ya ọ nọ họnrin ihiẹn wẹ gi e ku oku: “Sọlụ rịzịdẹ nwan imẹ ndị-amụma ra?”
13
Ogẹn Sọlụ gi bubehi amụma hụ, ọ nọ shi elu-ugu hụ w'a nọ a chụn ẹjan.
14
Nwẹnẹ-nẹdi Sọlụ nọ jụ ya lẹ odibo ẹ, “Ebe ụnụ jẹn?” Sọlụ nọ sị a, “Ẹnyi rị a chọ jaki ndị hụ. Kanị, ogẹn ẹnyi gilẹni hụn wẹ, ẹnyi nọ jẹnburu Samuẹlụ,”
15
Nwẹnẹ-nẹdi ẹ hụ nọ sị, “Gwa nị m nwan ihiẹn Samuẹlụ gwa ụnụ.”
16
Sọlụ nọ sị a hụ, “Ọ sị a hụngụọ wẹ jaki ndị hụ.” Kanị, Sọlụ agwan'a ihiẹn Samuẹlụ ku banyeni iri-eze.
17
O mẹgụ, Samuẹlụ nọ kpọ ndị Izrẹlụ ile d'e zu ihun Osolobuẹ imẹ Mizpa.
18
Ọ nọ sị wẹ, “Lee ni ihiẹn Osolobuẹ wụ Chuku Izrẹlụ ku: Mmẹ gha alị Ijiptu wepụha ụnụ; mmẹ gbapụha ụnụ ẹka ndị Ijiptu lẹ alị-eze ndị ọzọ ile ye ụnụ nsọngbu.
19
Kanị, ụnụ a jụtọgụọ nwan Chuku ụnụ hụn a zụọpụha ụnụ imẹ ọdakin lẹ nsọngbu. Ụnụ sị, ‘Mba, tumẹni ẹnyi eze!’ Nọdịsọnmẹ ni nwan ebọn-ebọn lẹ ikp'ụlọ-ikp'ụlọ.”
20
Ya Samuẹlụ nọ wezụnhan ebọn ile rị Izrẹlụ, utẹn Osolobuẹ wẹ nyan nọ hanrịn ebọn Bẹnjamini.
21
Ọ nọ wepụha ebọn Bẹnjamini ikp'ụlọ-ikp'ụlọ, utẹn Osolobuẹ nọ hanrịn ikpụlọ Matri. O mẹgụ, utẹn Osolobuẹ nọ weri Sọlụ nwa Kishi. Kanị a chọ w'a, ahụnnị w'a.
22
Ya wẹ nọ jụmazị Osolobuẹ, “Okẹnnyẹ hụ e rugụọ ebeni?” Osolobuẹ nọ sị wẹ, “Ọ warịgụọ ebẹhụ ụnụ kpọntọ ẹkpa ụnụ lẹ ibu ndị ọzọ.”
23
Wẹ nọ gbajẹn d'e wepụha a; ogẹn o gi wuzo imẹ igunrun wẹ, ya suekarị wẹ ile.
24
Ya kẹ Samuẹlụ nọ sị wẹ ile, “Ụnụ a hụnghọ onyẹ Osolobuẹ hanye ụnụ? Onwọnni onyẹ nọ kẹ ịya imẹ ndị Izrẹlụ ile!” Ya kẹ ndị Izrẹlụ nọ yi “Eze, isi-i-chei!!”
25
Ya Samuẹlụ nọ kọwanị wẹ ọrụn eze lẹ ihiẹn ru eze. O detu wẹ ye imẹ ẹkụkwọ, bu ẹ dọnmẹ ihun Osolobuẹ. Ya Samuẹlụ nọ gbashịa wẹ, onyẹ-onyẹ nọ la iwe ẹ.
26
Sọlụ nkẹ nọ lashi iwe ẹ imẹ Gibia, ndị egun ghalẹni a tụ hụn Chuku mẹtụ ẹka obi nọ sọnrin ẹ.
27
Kanị o nwọn ndị a chọ oku hụn sị, “Nanị kẹ okẹnnyẹni a dọn sa ẹka zụọpụha ẹnyi?” E legberi w'ẹ, jụ n'e wẹhẹkọnị w'a ihiẹn; kanị Sọlụ nọ gba nkịtịn.
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 11 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31