bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ika
/
Ika 2018 Bible
/
1 Samuel 16
1 Samuel 16
Ika 2018 Bible
← Chapter 15
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 17 →
1
Omẹgụ, Osolobuẹ nọ sị Samuẹlụ, “Elee ogẹn kẹ y'e gi kwanbehini Sọlụ ẹkwan, ebe omẹni a jụgụọ m'a nị ẹlẹzi eze Izrẹlụ, gba nwan udẹn-ntumẹ jun mpịn i gi a gbaye udẹn, n'ị ban ụzọ; m zikọ ị d'e kunrun Jese onyẹ obodo Bẹt'lẹhẹm. A họrịgụọ m onyẹ ohu imẹ ụmụ a ikẹnnyẹ n'ọ wụrụnị m eze.”
2
Kanị Samuẹlụ nọ sị, “Nanị m'a dọn jẹn ijẹnni? Sọlụ nụ a, ọ jẹnkọ d'e gbu m.” Osolobuẹ nọ sị a, “I jẹnkọnị y'e weri nwa-efin, i ru ẹ y'a sị wẹ ‘M bịa d'a chụnyeni Osolobuẹ ẹjan.’
3
Kpọ Jese bịa ebe i jẹnkọ d'a nọ chụn ẹjan hụ; m sikọ d'a ghọsị ị ihiẹn i jẹnkọ d'e mẹ. I k'e hu udẹn-ntumẹ kpu onyẹ m k'a ghọsị ị.”
4
Ya Samuẹlụ nọ mẹ kẹ Osolobuẹ dọn gwa a. O ru Bẹt'lẹhẹm, ẹhụ nọ mama ndị-ichẹn obodo hụ nni kẹ wẹ bịa d'e kunrun ẹ, wẹ hụ a jụ a, “Demẹ onwọnni eje-ihiẹn ẹnyi mẹ?”
5
Samuẹlụ nọ sị, “Nsọngbu arịa; m bịa d'a chụnyeni Osolobuẹ ẹjan-ekele. Fe ni ẹhụ kẹ Osolobuẹ dọn ku, ụnụ a bịa d'e sọn m chụn ẹjan ahụn.” Ya kẹ Samuẹlụ nọ fe Jese lẹ ụmụ a ikẹnnyẹ ẹhụ, kpọ wẹ d'e du wẹ ri ẹjan-ekele hụ.
6
A bịa wẹ, Samuẹlụ a hụn Ẹliabụ, ọ nọ sị enwẹn ẹ, “W'a ra rụ ụka a, hụn Osolobuẹ tumẹ wụ hụnnị wuzo ihun Osolobuẹ ebeni!”
7
Kanị Osolobuẹ nọ sị Samuẹlụ, “Etulẹ kẹ ẹhụ a nọ mọbụ k'ọ pụhan-ẹka, nị ẹlẹ ịya kẹ m họrị. Osolobuẹ ara lee ihiẹn kẹ ịhịan dọn e lee! Hụn ẹnya e legha kẹ ịhịan e lee, kanị obi kẹ Osolobuẹ e lee.”
8
Jese nọ hị nwa a wụ Abinadabụ, mẹ ẹ ghafe Samuẹlụ ihun. Kanị Samuẹlụ nọ sị, “Ẹlẹzikwọ hụnnị kẹ Osolobuẹ họrị.”
9
Jese nọzị mẹ Shama ghafe, Samuẹlụ a sịzị, “Ẹlẹzikwọ ọnwan kẹ Osolobuẹ họrị.”
10
Jese nọ mẹ ụmụ a ikẹnnyẹ ẹsa ghafechanrịn ihun Samuẹlụ. Samuẹlụ nọ sị a, “Onwọnni onyẹ Osolobuẹ họrị imẹ ndịnị.”
11
“Ụmụ ị ikẹnnyẹ a gụgụọ?” Jese nọ sị a, “Ọ họdụ hụn nta rịn'a, kanị ọ rị e lepụ atụnrụn ẹnya.” Samuẹlụ nọ sị a, “Zi wẹ d'a kpọha a; ẹnyi anọdịkọ alị d'e ru n'ọ pụha.”
12
Ya kẹ Jese nọ zi wẹ, wẹ nọ jẹn d'e wẹhẹ ẹ: o mẹ moko-moko, ma mma ẹhụ, pu okorọbịa ọhụnma-ọhụnma. Osolobuẹ nọ sị, “Jẹn nwan d'e hukpu ẹ udẹn-ntumẹ, tumẹ ẹ; ịya rọ.”
13
Ya kẹ Samuẹlụ nọ weri mpịn hụ udẹn rị, nọ idẹnya umunẹ ẹ ebẹhụ hu ẹ kpu ẹ. Gha ụhụọhịn ahụn jẹnmẹ Mmọn Osolobuẹ nọ numẹ Defidi. Samuẹlụ e mẹmẹgụ, ọ nọ lakin Rama.
14
Ogẹnni, Mmọn Osolobuẹ a lagụọ Sọlụ tọ, eje mmọn gha ẹka Osolobuẹ bịa e yemẹ ẹ nsọngbu.
15
Ndị e jẹnni Sọlụ ozi nọ sị a, “Lee ẹ, eje-mmọn gha ẹka Chuku bịa rị e ye i nsọngbu.
16
Di-nwọnni ẹnyi, gwa nwan ẹnyi ndị idibo i rị ebeni nị ẹnyi d'a chọha onyẹ ma kpọ ụbọ. Eje-mmọn ahụn gha ẹka Osolobuẹ bịa kwọndọn i, ọ kpọye ẹ, ọ rị ị mma.”
17
Ya Sọlụ nọ sị ndị e jẹnn'ẹ ozi, “D'a chọ nị nwan onyẹ ma kpọ ụbọ wẹhẹni m.”
18
Onyẹ ohu imẹ ndị idibo ẹ nọ sị, “A hụngụọ m nwa Jese onyẹ Bẹt'lẹhẹm ohu; ọ maghọ kpọ ụbọ. Egun ara tụ a; odogun rọ. O ku oku ọhụnma-ọhụnma, ma mma okẹnnyẹ. Osolobuẹ nọyen'ẹ a nọyeni.”
19
Ya Sọlụ nọ zi ozi jẹnni Jese, sị a, “Zihẹni m Defidi nwa ị, hụn rị e lepụ atụnrụn ẹnya.”
20
Ya Jese nọ weri jaki ohu, dọn brẹdi jun ẹ, bu ya lẹ ẹgbo manya ohu lẹ nwa ewu buye Defidi nwa a jẹnni Sọlụ.
21
Ya Defidi nọ bịa d'e kunrun Sọlụ, ọ nọ họnrin onyẹ ọrụn Sọlụ; ihiẹn ẹ a sụọ Sọlụ ọda-ọda, Defidi nọ họnrin onyẹ e bun'ẹ ihiẹn-ọgụn.
22
Sọlụ nọ zi ozi jẹnni Jese, sị a, “Dodo, nị Defidi rụnsọnmẹni m ọrụn, makẹni ihiẹn ẹ sụọ m asụọ.”
23
Ogẹn ọwụlẹ mmọn ahụn gha ẹka Osolobuẹ a bịa gi bịa d'e ye Sọlụ nsọngbu, Defidi e buru ụbọ a, kpọma, Sọlụ e nwọnrin enwẹn ẹ; ọ rị Sọlụ mma — makẹni eje-mmọn ahụn a hapụgụọ a nke ogẹn ahụn.
← Chapter 15
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 17 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31