bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ika
/
Ika 2018 Bible
/
1 Samuel 25
1 Samuel 25
Ika 2018 Bible
← Chapter 24
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 26 →
1
Samuẹlụ a nwụnhụn, Izrẹlụ ile nọ zu, kwan a. Wẹ nọ li ẹ ye iwe ẹ rị Rama. Ya Defidi nọ nwan shi Atụ alị ọkpọ-nkụn Paranị d'a nọdị.
2
O nwọn okẹnnyẹ ohu rị Mawọnụ, kanị ihiẹn ẹ rị Kamẹlụ; ezigbo ọdanfịn k'ọ wụ. Ewu ẹ rị nnụ-uku, atụnrụn a rị nnụ-uku ẹtọ. Ọ rị imẹ Kamẹlụ ogẹn hụ, a kọrị ẹṅẹnrẹn anụ ndị ahụn.
3
Ẹfan okẹnnyẹni wụ Nabalụ; ẹfan nwunyẹ ẹ wụ Abigẹlụ. Abigẹlụ ma mma-ẹhụ, nwọn uche, kanị di ẹ wụ Nabalụ, onyẹ ẹbozo Kalẹbụ, nwọn eje-obi, ẹlẹ ezigbo ịhịan.
4
Ogẹn Defidi gi nwan rị alị ọkpọ-nkụn ebẹhụ, ọ nọ nụ nị Nabalụ rị a kọrị ẹṅẹnrẹn atụnrụn a.
5
Ọ nọ zi ikorọbịa iri imẹ ndị itu ẹ, sị wẹ, “Jẹnni Kamẹlụ d'e kunrun Nabalụ, zin'ẹ ekele m.
6
Sị n'a: N'ị tọ! Ya rịnị yụ lẹ ezi-lẹ-ụlọ ị mma! Ya rịnị ihiẹn ile i nwọn mma!
7
“A nụghọ m nwan nị y'a kọrịma ẹṅẹnrẹn atụnrụn ị. Ogẹn ẹnyi lẹ ndị e dun'i anụ gi rị ụzọ ohu, ẹnyi emẹjanị wẹ, onwọnni ihiẹn wẹ tuhuni ọrọgbọ hụ ile wẹ nọ Kamẹlụ.
8
Jụ idibo i, nị wẹ gwaghọ ị. Mẹni nwan ikorọbịa m zihẹ ọhụnma, ebe o mẹni ẹnyi a bịayeghọ ogẹn oriri. Dodo, ye idibo i lẹ mmẹ wụ Defidi nwa ị hụn ọwụlẹ ị k'a s'ẹka.”
9
Ogẹn ndị Defidi zi gi ru ẹ, wẹ nọ gi ẹfan Defidi zi Nabalụ ozini. Wẹ nọ cheri.
10
Nabalụ nọ sị ndị ozi Defidi, “Onyẹ wụdẹ nwan Defidini? Onyẹ wụdẹ nwa Jeseni? Idibo rị a gbanahịn di-nwọnni wẹ bu ọda ogẹnni.
11
Nanị m'e dọn nwan we ihiẹn-oriri m lẹ mirin m lẹ anụ m gbuni ndị rị a kọnị m atụnrụn ẹṅẹnrẹn ye ndị m marịnlẹni ebe wẹ gha pụha?”
12
Ndị ozi Defidi nọ gbehutọ, kin azụụn. E ru wẹ, wẹ nọ gwachanrịn Defidi ihiẹn ile Nabalụ ku.
13
Defidi nọ sị itu ẹ, “Buru ni ọpịa-agha ụnụ!” Wẹ nọ buru ọpịa-agha wẹ; Defidi nọzị weri nke ẹ. Ihiẹn nọkẹ madụ nnụ nọ sọnrin Defidi, madụ ọgụn-iri a nọdị, e lepụ ihiẹn wẹ ẹnya.
14
Onyẹ ohu imẹ ndị idibo Nabalụ nọ bịa d'a gwa Abigẹlụ nwunyẹ Nabalụ, sị, “Defidi gha atụ alị ọkpọ-nkụn zihẹ wẹ d'e kele di-nwọnni ẹnyi, kanị ọ nọ kpọma wẹ iyi.
15
Bụ ndịnị e mẹyekẹni ẹnyi ogẹnnẹi, emẹjanị wẹ ẹnyi; ọrọgbọ hụ ile ẹnyi gi nọkunmẹ wẹ imẹ ọfịa, onwọnni ihiẹn tuhuni.
16
Wẹ wụ ụgba wẹ gi gbahunmẹ ẹnyi uhinhin lẹ efinnaị, ogẹn hụ ẹnyi gi nọkunmẹ wẹ e du atụnrụn ẹnyi.
17
Dodo rokpọ a nwan n'ị marịn ihiẹn i k'a saẹka mẹ, makẹni di-nwọnni ẹnyi lẹ ezi-lẹ-ụlọ a ile a banọlẹ nwan eje-nsọngbu. O nwọnni onyẹ ọ nụ oku ẹ.”
18
Abigẹlụ egbuni ogẹn: o kpọnrin ogbe brẹdi ọgụn-iri, buru ihiẹn-manya ẹbụọ, shi atụnrụn isẹn buru, buruzi ọka wẹ ghe hụn sikọ d'e jun mkpu-penti uku ẹbụọ, ọ gha akpụrụ vaịnị wẹ pịngbamasọnmẹ kpọnrin ọkpụkpụ ọgụn-isẹn, gha figi wẹ mẹmẹzi ẹrịra kpọnrin ọkpụkpụ ọgụn-iri; o dọn wẹ ile ye elu jaki ndị o gi jẹnkọ.
19
Ọ nọ sị idibo ẹ, “Nje ni; m k'e sọn ọnụ.” Kanị ọ gwanị di ẹ wụ Nabalụ.
20
O nyinkọ jaki ẹhụ ugu. Hụn o gihụ pụha ntugi, e lee Defidi lẹ itu ẹ kẹ wẹ kpọtula! Ọ nọ jẹn d'e kunrun wẹ.
21
Defidi nkẹ rịhụ a sị enwẹn ẹ, “Ihiẹn la iwi rọ — nche hụ ile m che ihiẹn onyẹni imẹ atụ, o gilẹni nwọn ihiẹn ẹ tuhuni!! Njọ k'o gi kụ m mma.
22
Osolobuẹ ya mẹ m ihiẹn, mẹshi m'ẹ ikẹn, omẹni a nị m akpụ okẹnnyẹ ohu rị ndụn iwe Nabalụ d'e ru ụtụntụn eki!”
23
Ogẹn Abigẹlụ gi hụn Defidi, ọ nọ jẹn d'e kunrun ẹ, Abigẹlụ nọ hidan elu jaki ẹ ozigbo-ozigbo, hulụan'a alị;
24
ọ dan nị Defidi alị, sị, “Di-nwọnni m, weri ẹ nị mmẹ sụọ mẹ ihiẹnni. Dodo, nị mmẹ wụ odibo i gwa ị oku; nụ ihiẹn odibo i jẹnkọ d'e ku.
25
Dodo di-nwọnni m, etukwọlẹ eje-okẹnnyẹ hụ wụ Nabalụ. Kẹ ẹfan nọ k'o mẹ: ẹfan a wụ ‘Nabalụ’ wụ ‘Nzuzu’ o zuzu e zuzu. Mmẹ nwẹn wụ odibo i ahụnnị ndị yụ wụ di-nwọnni m zihẹ.
26
“Hụnnị o mẹ nwan nị Osolobuẹ anịnị yụ wụ di-nwọnni m gbu ọchụn mọbụ gi ẹka ị mẹgwarị, ma Osolobuẹ, ma isi yụ nwẹn, ndị-iṅẹnrẹn i ile lẹ ndị ile rị a chọ yụ wụ di-nwọnni m njọ wẹ rị kẹ Nabalụ.
27
We nwan ihiẹnni odibo i buhẹni i di-nwọnni m ye ndị ịyụ lẹ wẹ wị.
28
Dodo, gbagharị mmẹfie mmẹ wụ odibo i, makẹni Osolobuẹ k'e yerịrị yụ wụ di-nwọnni m eze e-rigụ-e-ye-nwa jẹnrin ejẹn, makẹni ị rị a lụ ọgụn Osolobuẹ. Ahụnkọ wẹ eje-ihiẹn ẹka ị y'e we bigụ.
29
Ọ sụọn'a wẹ chụkọ ị nị wẹ gbu i, Osolobuẹ wụ Chuku i k'e kẹnmẹ ndụn ị ọhụnma-ọhụnma ye imẹ ngungun o buche ndị rị ndụn. Kanị o k'a gbahu ndụn ndị iṅẹnrẹn i rịkẹ akpụrụ-iyi wẹ buche araba.
30
Osolobuẹ mẹchanrịngụnị yụ wụ di-nwọnni m ihiẹn-ọma ile o kwe i nkwa, tumẹgụ ị eze Izrẹlụ,
31
y'a hụnkọ ihiẹn ịhọrị ị e gi kọrịan'ị n'i gbu onyẹ nwọnlẹni ihiẹn o mẹ mọbụ n'i gi ẹka ị mẹgwarị. Osolobuẹ mẹgụ n'ọ rịnị ị mma di-nwọnni m, dodo, nyanhankwọ mmẹ wụ odibo i!”
32
Defidi nọ sị Abigẹlụ, “Ịja-mma ya rịnị Osolobuẹ wụ Chuku Izrẹlụ, hụn zihẹ i tannị d'e kunrun m!
33
O k'a masịn'ị hụnnị i mẹ ihiẹn furuni lẹ hụn i gilẹni nị m gbu ịhịan tannị mọbụ gi ẹka m mẹgwarị.
34
Makẹni, ma Osolobuẹ wụ Chuku Izrẹlụ hụn haịn m gilẹni rụ ị ẹhụ, omẹni ẹlẹ hụn ị bịakẹnrin d'e kunrun m, o ke nwọn akpụ okẹnnyẹ ohu Nabalụ nwọn nkẹ a rị ndụn d'e ru ụtụntụn eki.”
35
Ya Defidi nọ narịn a ihiẹn ndị ahụn o buhẹ, sị a, “Ihiẹn emẹ i; a la. A nụgụọ m ihiẹn i ku, e kwerigụọ m.”
36
Ogẹn Abigẹlụ gi lụaha, jẹn d'e kunrun Nabalụ, Nabalụ rị ụlọ; ọ kpọgụọ oriri kẹ eze; ẹhụ hụ a tụ a, ọ ragbugụọ enwẹn ẹ manya ọda-ọda. Ya Abigẹlụ nọlẹni gwa a ihiẹn ọwụlẹ eki e we fọn.
37
Eki e fọn ụtụntụn, hụn ẹnya gi dọngụ Nabalụ, nwunyẹ ẹ nọ gwa a ihiẹn ile mẹni. Hụn o gihụ nụ a, obi nọ feri ẹ, ẹhụ a ile e shiri.
38
O zu ihiẹn nọkẹ akp'ọhịn iri, Osolobuẹ nọ kụtu ẹ, ọ nọ nwụnhụn.
39
Mgbe Defidi gi nụ nị Nabalụ a nwụnhụn, ọ nọ sị, “Ọjịja-mma ya rịnị Osolobuẹ, hụn mẹgwarịnị m Nabalụ ihiẹn-ụya o mẹ m. Osolobuẹ e gbọndọngụọ mmẹ wụ odibo ẹ emẹlẹ eje-ihiẹn, mẹ nwan Nabalụ gi isi ẹ buru eje-ihiẹn o mẹ.” Ya Defidi nọ zi ozi jẹnni Abigẹlụ sị a d'a wụrụ nwunyẹ ẹ.
40
Idibo ẹ hụ nọ shi Kamẹlụ d'e kunrun Abigẹlụ, sị a, “Defidi zi ẹnyi d'e kunrun i, d'e weri i n'ị wụrụ nwunyẹ ẹ.”
41
Abigẹlụ nọ hulụa, bu ihun kọma alị, sị, “E lee odibo i, a kwademẹgụọ m ifen'i lẹ ịchan idibo yụ wụ di-nwọnni m ụkụ!”
42
Abigẹlụ nọ nyinrin elu jaki ẹ ozigbo, ya lẹ idibo ẹ ikpoho isẹn nọ wịrị, ọ nọ sọnmẹ ndị-ozi Defidi, họnrin nwunyẹ Defidi.
43
Defidi a lụrụgụọzị Ahinụam onyẹ Jezriẹlụ mbụ. Wẹ ẹbụbụọ nọ nwan wụrụ inyẹnmẹ ẹ.
44
Ogẹnni, Sọlụ e wegụọ Mikalụ nkẹ, nwa a wụ nwunyẹ Defidi, ye Pal'tiẹlụ nwa Laishi onyẹ Galim lụrụ.
← Chapter 24
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 26 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31