bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ika
/
Ika 2018 Bible
/
1 Samuel 30
1 Samuel 30
Ika 2018 Bible
← Chapter 29
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 31 →
1
Hụn mẹ ẹ akpọhịn ẹtọ kẹ Defidi lẹ itu ẹ gi laru Zik'lagị. Ogẹnni, ndị Amalẹki a mayegụọ ndị bi Nẹgẹvụ hụ wẹ bi; a mayegụọ wẹ Zik'lagị, dụnpụ a ọkụn,
2
kịrị ikpoho lẹ ndị ọzọ ile rịn'a, kẹ nwata kẹ ẹgẹdi. Egbuni wẹ onyẹ ọwụlẹ, kama, a kịrịchanrịn wẹ wẹ ile lama.
3
Ogẹn Defidi lẹ itu ẹ gi ru Zik'lagị, wẹ nọ hụn a nị a dụnpụgụọ w'a ọkụn, dọkpụnrụn inyẹnmẹ wẹ lẹ ụmụ wẹ, kẹ ikẹnnyẹ kẹ ikpoho.
4
Ya kẹ Defidi wẹ nọ kwanma, kwan a, ndụn ẹkwan a gụ wẹ.
5
Inyẹnmẹ Defidi ẹbụọ rị ndị wẹ nwụnrụn: wẹ wụ Ahinụam onyẹ Jezriẹlụ lẹ Abigẹlụ hụn te wụ nwunyẹ Nabalụ onyẹ Kamẹlụ nị Nabalụ d'a nwụnhụn.
6
Obi eruni Defidi alị kaka, makẹni ndị hụ sọnkọn'a hụ e ku oku igi ọmụma magbu ẹ — ihiẹn hụn mẹ ụmụ onyẹ-onyẹ hụ a fụ hụnyẹ akpobi. Kanị Defidi nọ gi Osolobuẹ wụ Chuku ẹ kasị enwẹn ẹ obi.
7
Ya Defidi nọ sị Abiata onyẹ nchụn-ẹjan, nwa Ahimẹlẹkị, “Wẹhẹni m Ẹfọdụ hụ wẹ gi a jụ Osolobuẹ uche ẹ.” Abiata nọ wẹhẹn'ẹ ya.
8
Ya Defidi nọ jụma Osolobuẹ, sị “Nị m chụ itu-gbukwarịnị? Nịbe m s'ẹka kunrun wẹ?” Osolobuẹ nọ sị a, “Chụ wẹ. I jẹnkọ d'e kunrunrịrị wẹ; i jẹnkọ d'a napụhadẹ wẹ ihiẹn wẹ weri.”
9
Ya Defidi lẹ madụ ọgụn-iri kwasị nnụ hụ ya lẹ wẹ wị nọ jẹnmẹ; e ru wẹ Ọdanmgbugbu-Bẹsọ, ufọdụ nọ kụsị,
10
makẹni ndụn a gụgụọ wẹ, mmadụ ọgụn iri imẹ wẹ, nke wụnị asakọ wẹ ẹka fetu Ọdanmgbugbu hụ. Kanị Defidi lẹ mmadụ nnụ họdụnị nọ chụsọnmẹ ndị wẹ chụkọ.
11
A hụn wẹ okẹnnyẹ ohu wụ onyẹ Ijiptu imẹ ugbo, wẹ nọ wẹhẹni Defidi ya. Wẹ nọ ye ẹ mirin lẹ ihiẹn-oriri;
12
e beye w'ẹ figi wẹ pịngbama kikọ lẹ ọhịọ vaịnị ẹbụọ wẹ kikọ. O rigụ, ndụn nọ ban a — o ke ri ihiẹn-oriri mọbụ ra mirin kete akpọhịn ẹtọ, kẹ uhinhin kẹ efinaị.
13
Defidi nọ sị a, “Onyẹ nwọn i? Elebe k'ị gha bịa?” Ọ nọ sị, “M wụ onyẹ Ijiptu; m wụ igbọn onyẹ Amalẹki. Di-nwọnni m la m tọ ogẹn emu gi kụma m taịntọ.
14
Ẹnyi maye ndị bisọnmẹ Nẹgẹvụ, kẹ azụụn ndị Kẹrẹtị kẹ ẹgbẹrẹ ndị Juda kẹ azụụn ndị Kalẹbụ, ẹnyi nọ kwarị ihiẹn wẹ; ẹnyi dụn obodo Zik'lagị ọkụn.”
15
Defidi nọ sị a, “N'ị sa nwan ẹka we m d'e kunrun itu e gbu a kwarị ụnụ?” Ya ọ nọ sị, “Kungụnị m Chuku nị y'e gbukọ m, y'e wekọ m ye di-nwọnni m, m k'e we i d'e kunrun wẹ.”
16
Ya ọ nọ wejẹn Defidi ebe wẹ rị: e lee wẹ kẹ wẹ rujun ụzọ ile azụụn wẹ nọ a rụn ugbo, e ri, a ra, ẹhụ hụ a tụ wẹ makẹ okẹn-ihiẹn wẹ kwarị imẹ alị ndị Filistia lẹ imẹ Juda.
17
Ya Defidi nọ maye wẹ ọgụn, gha ogẹn hụ ọhịhị gi gbama ụhụọhịn hụ eki e we fọn d'e ruzi ẹnyasị. Onwọnni onyẹ wanahịnnị mmanị ikorọbịa nnụ sụọ, hụn gi anyịnyan-mkpukpuke gbapụ.
18
Defidi nọ napụhachanrịn ndị Amalẹki ihiẹn ile wẹ weri — kẹ inyẹnmẹ ẹ ẹbụbụọ.
19
Ihiẹn anaị ehuni: kẹ okoro kẹ ẹgẹdi, kẹ nwata-okẹnnyẹ kẹ nwata-okpoho, kẹ ihiẹn ndị ọzọ ile wẹ te kwarị, Defidi wekinhẹnchanrịn wẹ ile.
20
O kpọnrin ewu lẹ atụnrụn lẹ efin ile, ndị itu ẹ nọ bu wẹ che ihun, dukọ wẹ jẹnkọ, a sị “Ọnwan wụ ihiẹn Defidi kpọnlụa agha.”
21
Ya Defidi wẹ nọ pụha d'e kunrun mmadụ ọgụn-iri hụ ndụn gụ salẹni ẹka sọnjẹn wẹ, ndị ahụn wẹ latọ Ọdanmgbugbu-Bẹsọ. Wẹ nọ pụha d'e kunrun Defidi lẹ ndị ya lẹ wẹ wị. Hụn Defidi lẹ itu ẹ gi ru ebe wẹ rị, ọ nọ kele wẹ.
22
Kanị ndị eje-ịhịan ile lẹ ndị e mẹ oku imẹ ndị sọnjẹn Defidi nọ sị, “Hụnnị wẹ sọnjẹnlẹni ẹnyi, ẹnyi ekeyekọ wẹ ihiẹn ẹnyi lụha agha. Kama, onyẹ-onyẹ ya werihụ nwunyẹ ẹ lẹ ụmụ a lama.”
23
Kanị Defidi nọ sị, “Mba nị umunẹ m, egikwọlẹ ni ihiẹn Osolobuẹ ye ẹnyi mẹ ẹrịra. Ọ nịnị ihiẹn ọwụlẹ mẹ ẹnyi, o bu ndị maye ẹnyi ọgụn che ẹnyi ẹka hụn ẹnyi gi mẹri wẹ.
24
Onyẹ jẹnkọ d'e kweridẹ ihiẹnni ụnụ rị e ku? Hụn k'e ru onyẹ nọdị lepụ ihiẹn ẹnya lẹ hụn k'e ru onyẹ jẹn agha k'a wụ ahanmahan. Ịhịan ile sikọ d'e keri ẹ ahanmahan.”
25
Defidi nọ gi ẹ họnrin iwu lẹ omẹnalị imẹ Izrẹlụ gha ụhụọhịn ahụn jẹnmẹ — ẹrịra k'ọ rị d'e ru tannị.
26
Ogẹn Defidi gi laru Zik'lagị, ọ nọ weberi ihiẹn wẹ bulụa agha jẹnni ndị ọwụ a imẹ ndị-ichẹn alị Juda, sị, “Ọnwan kẹ ẹnyi wẹhẹni ụnụ imẹ ihiẹn ẹnyi kpọnnarịn ndị-iṅẹnrẹn Osolobuẹ.”
27
Ndị-ichẹn o zijẹnni wụ ndị rị Bẹtẹlụ, Ramọtụ-Nẹgẹvụ lẹ Jatiri;
28
ndị rị Arụa, Sifmọtụ, Ẹsh'tẹmụa
29
lẹ Rakalụ; ndị rị obodo ichẹn-ichẹn ndị Jẹramiẹlụ lẹ obodo ichẹn-ichẹn ndị Kẹni;
30
ndị rị Homa, Bọ-Ashanị, Atakị
31
lẹ Hibrọnụ; lẹzi ndị ile rịsọnmẹ ebe ọzọ ile Defidi lẹ itu ẹ nọ wahunmẹ.
← Chapter 29
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 31 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31