bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ika
/
Ika 2018 Bible
/
1 Samuel 17
1 Samuel 17
Ika 2018 Bible
← Chapter 16
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 18 →
1
Ndị Filistia kpọnhẹn ndị-agha wẹ d'a lụsọn Izrẹlụ agha, wẹ nọ nọdị obodo Sọkọ rị alị Juda. E ru wẹ, wẹ nọ weri ọnọdị agha imẹ Ẹfẹsị-Damim, ẹgbata Sọkọ lẹ Azẹka.
2
Sọlụ lẹ ndị Izrẹlụ nọ zugbama d'a nọdị Ọdanmgbugbu Ẹla, werisọnmẹ ọnọdị w'e gi lụsọn ndị Filistia agha.
3
Ndị Filistia rị ugu ohu, ndị Izrẹlụ rị ugu hụn ẹbọ, ọdanmgbugbu hụ ẹgbata wẹ.
4
O ru, odogun-agha w'a kpọ Golịatị, onyẹ obodo Gatị alị Filistia, nọ gha imẹ igunrun ndị-agha Filistia pụha. Okẹnnyẹni suekarị ụbụkụ itenẹi.
5
Okpu-agha igwe-bronzu k'o kpu; ẹwuru-agha igwe-bronzu o yi nyịnkarị ẹkpa simẹnti;
6
o gihụ ihiẹn igwe-bronzu kpumẹ ịgọnrọn-ụkụ a, kọnrin obo igwe-bronzu ọnụ a mẹ suẹn-suẹn-suẹn ye azụụn.
7
Obo rị a ẹka han kẹ ẹgbe wẹ gi a tụ oruru; ọnụnụ oboni wụ igwe nyịnhan kẹ ẹka-ọlọ ẹsa. Onyẹ e buni Golịatị akpaịn bun'ẹ ụzọ.
8
Golịatị e wuzo, kpọcheni ndị-agha Izrẹlụ, sị, “Kị ụnụ a pụhanị, e dọn ogele agha? Ẹlẹ m onyẹ Filistia? Ụnụ ẹlẹ idibo Sọlụ? Họpụha nị okẹnnyẹ ohu, ụnụ e zi ẹ d'e kunrun m.
9
Ọ saẹka lụsọn m ọgụn, gbu m, ẹnyi a ban okpuru ụnụ; kanị, omẹni a karị m'a ẹka, gbu ẹ, ọnụ a dịnọ okpuru ẹnyi, femẹ ẹnyi!”
10
Ọ nọzị sị, “M rị nwan a kpọ ndị Izrẹlụ mgba tannị! Ye ni m okẹnnyẹ ohu nị mmẹ lẹ ya lụ ọgụn!!”
11
Ogẹn wẹ gi nụ ihiẹn onyẹ Filistia hụ rị e ku, uhue nọ dọrị Sọlụ lẹ ndị Izrẹlụ ile, ẹhụ hụ a ma wẹ nni.
12
Defidi wụ nwa onyẹ w'a kpọ Jese, onyẹ alị Ẹfratị, obodo Bẹt'lẹhẹm alị Juda. Ikẹnnyẹ ẹsatọ kẹ Jese mụ; ọ kaọlẹ ẹgẹdi ogẹn hụ Sọlụ gi rị a kị.
13
Ikẹnnyẹ ẹtọ rị isi-elu imẹ ụmụ Jese e sọnringụọ Sọlụ shi agha. Ẹliabụ wụ hụn kanị, Abinadabụ wụ ọb'ẹbụọ, Shama wụ ọb'ẹtọ.
14
Defidi wụ hụn nta. Madụ ẹtọ kanị sọnrin Sọlụ,
15
kanị Defidi nkẹ hụ e jẹn d'a rụnnị Sọlụ, a lụahazị d'e lepụ atụnrụn nẹdi ẹ ẹnya imẹ Bẹt'lẹhẹm.
16
Ọrọgbọ akp'ọhịn ọgụnnaị, onyẹ Filistia hụ hụ a pụha — ụtụntụn lẹ ẹnyasị d'e wuzo ebẹhụ.
17
Ụhụọhịn ohu, Jese nọ sị Defidi, “Bu ọkanị wẹ ghe hụn jun adana ẹtọ lẹ mkpikpi lẹ ogbe brẹdi irini jẹnni umunẹ i jẹn agha ebẹhụ wẹ nọdị; jẹnkẹrinkwọ!
18
We ọkpụkpụ mirin-ẹran irini ye onyẹ-ndu itu-agha wẹ. Lele kẹ umunẹ i nọ, y'a nahannị m wẹ ozi m'e gi marịn nị wẹ hụghọ mma.
19
Wẹ lẹ Sọlụ lẹ ndị-agha Izrẹlụ ile rị Ọdanmgbugbu Ẹla, a lụsọn ndị Filistia ọgụn.”
20
Eki e fọn Ụzụtụntụn, Defidi nọ la atụnrụn ndị hụ tọnị onyẹ ọzọ e du atụnrụn, buru ihiẹn ndị ahụn jẹnmẹ kẹ Jese nẹdi ẹ dọn gwa a. O ru ẹ, ndị-agha hụ jẹnkọhụ d'e werisọnmẹ ọnọdị agha nke ụhụọhịn hụ, yikọ oro agha —
21
kẹ ndị Izrẹlụ kẹ ndị Filistia rị e werisọnmẹ ọnọdị agha elu ugu wẹ rịsọnmẹ, bu ihun zinmẹ ibe wẹ.
22
Defidi nọ na ihiẹn o buhẹ tọnị onyẹ e lepụ ihiẹn ẹnya, gbashi imẹ ogele agha hụ d'e kele umunẹ ẹ.
23
Ebe ya lẹ wẹ rị e ku, e lee Golịatị eze-agha ndị Filistia hụ wụ onyẹ alị Gatị k'o gha ogele ẹ jẹnpụha, yimẹzi ihiẹn nwẹn o gi a kpọ Izrẹlụ mgba k'o mẹ mbụ, Defidi nọ nụ.
24
Hụn ndị-agha Izrẹlụ gihụ hụn Golịatị, wẹ ile nọ gi okẹn egun gbapụn'a.
25
Ndị Izrẹlụ hụ a sị, “Ya hụnkwọ kẹ okẹnnyẹni dọn a pụha? Ọ pụha d'a kpọ ndị Izrẹlụ mgba. Eze k'e ye onyẹ sikọ d'e gbun'ẹ ihiẹn ọda-ọda, o jẹnkọ d'e wedẹ nwa a okpoho y'ẹ lụrụ, ọ hẹnhẹn ikpụlọ nẹdi ẹ ile, akụkọzị wẹ ụgwọ-isi!”
26
Defidi hụzị a jụ ndị wuzo ebe ọ rị, “Kịnị kẹ wẹ jẹnkọ d'e ye onyẹ gbu onyẹ Filistia-nị, wepụnị Izrẹlụ ifẹnrẹnni? Onyẹ wụdẹ nwan onyẹ Filistia-nị kwalẹni ugun, o gi a kpọ ndị-agha Chuku mgba, Chuku hụn rị ndụn?”
27
Wẹ nọ gwazị a ihiẹn ohu ahụn wẹ rị e ku, sị a, “Ihiẹnni kẹ wẹ k'e mẹni onyẹ gbun'ẹ.”
28
Kanị ogẹn nwẹnẹ Defidi hụn kanị wụ Ẹliabụ gi nụ kẹ Defidi lẹ ndị hụ rị e ku, ọ nọ gi olulu sị a, “K'ị bịadẹ nwan ebeni d'e mẹ? Onyẹ k'ị latọnị atụnrụn ndị ahụn bulẹni ọda imẹ atụ? A marịnghọ m kẹ y'e mẹkarịhan enwẹn i lẹ kẹ obi jọhan ị njọ. Agha k'ị bịahụ ebeni d'e lee.”
29
Defidi nọ sị a, “Kịnị kẹ m mẹ nwan. M'a kuzi oku?”
30
Ọ nọ pụ ebẹhụ, jẹnburu ndị ọzọ, bupụhazịkwọ oku ohu hụ, ndị hụ a shịarịzịkwọ a ihiẹn ohu hụ.
31
O nwọn ndị nụ ihiẹn Defidi ku, wẹ nọ jẹn d'a gwa Sọlụ, ọ nọ zi wẹ d'a kpọha Defidi.
32
Defidi nọ sị Sọlụ, “Onyẹ ọwụlẹ e huelẹ uhue makẹ onyẹ Filistia-nị; mmẹ wụ odibo i jẹnkọ d'e sọn ẹ lụ ọgụn!”
33
Sọlụ nọ sị a, “Y'a s'ẹka jẹn d'a lụsọn onyẹ Filistia-nị ọgụn; ị wụhụ nwata, kanị ya nwẹn lụma agha kete ọ rị okoro.”
34
Kanị Defidi nọ sị Sọlụ, “Mmẹ odibo i e lepụ atụnrụn nẹdi m ẹnya. Ogẹn ẹwọrọ gi nwụnrụn atụnrụn lẹ ogẹn eje-anụ wụ biẹ gizi nwụn atụnrụn,
35
a chụ m'a, kụ a ihiẹn, napụha a atụnrụn ahụn ọnụ. Ọ maye m, a nwụndọn m'ẹ ẹtu, gi ihiẹn kụgbu ẹ.
36
Mmẹ odibo i e gbugụọ kẹ ẹwọrọ kẹ biẹ; onyẹ Filistia-nị kwalẹni ugun k'a nọ kẹ wẹ, makẹni ọ kpariọlẹ ndị-agha Chuku, Chuku hụn rị ndụn!
37
Osolobuẹ hụ hụn zụọpụha m ẹka ẹwọrọ lẹ ẹka biẹ k'a zụọpụha m ẹka onyẹ Filistia-nị!” Ya Sọlụ nọ kweyen'ẹ, sị, “Jẹnmẹ nwan; Osolobuẹ ya nọyen'i.”
38
Ya kẹ Sọlụ nọ yimẹ Defidi ẹwuru-agha ya nwẹn wụ Sọlụ e yi: o yimẹ ẹ ẹwuru-agha igwe, bu okpu-agha igwe-bronzu che ẹ isi.
39
Defidi e bu ọpịa agha sọnn'ẹ che ọnọdị elu ẹwuru-agha hụ, kanị ọ nịn'a nwan jẹnhunmẹ, makẹni o yituni ụdị a mbụ. Ọ nọ sị, “Ndịnị anịkọ m jẹn ijẹn. Amarịn m ẹnya wẹ.” Ya kẹ ọ nọ gbụpụ wẹ.
40
Ọ nọ werihụ ọkpọ o gi e du anụ; ọ nọ gha imẹ iyi nta hụ rị e hu Ọdanmgbugbu hụ tụtụrụ akpụrụ-iyi isẹn riẹnni, bu wẹ che imẹ ẹkpa o bu e du anụ, weri araba, jẹnburu onyẹ Filistia hụ.
41
Onyẹ Filistia hụ nkẹ ghazị ebe ọ rị jẹnburula Defidi, ya lẹ hụn e bun'ẹ akpaịn hụn rị a ihun.
42
O lecheni Defidi, hụn a nị nwa-ndu mẹ moko-moko, pu-okorọbịa rọ, ọ nọ legberi ẹ.
43
Ọ sị Defidi, “M wụdẹ nkitẹ ra, i gi bulanị m mkpụrụ ẹgbe?!” Ọ nọ bu mmọn a rị ichẹn-ichẹn kpọ Defidi.
44
Ọ sị a, “Bịa ebeni nị m hụn ụzọ we anụ ị ye nnụnụ lẹ anụ rị ọfịa!”
45
Defidi nọ sị a, “Ọpịa-agha lẹ obo lẹ obo ọnụ-suẹn-suẹn-suẹn k'i bula d'a lụsọn m ọgụn, kanị ihiẹn mmẹ gi bịa d'a lụsọn i ọgụn wụ ẹfan Osolobuẹ ihiẹn ile rị okpuru ẹ, Chuku ndị-agha Izrẹlụ, hụn ị rị a kpọ mgba a kpari!!
46
Osolobuẹ jẹnkọ d'e bu i che m ẹka tannị, e gbu m'i, beri i isi. M k'e we ozun ndị-agha Filistia ye nnụnụ lẹ anụmanụ, kẹni ụwa ile marịn nị Chuku hụn wụ Chuku nke-esi rị Izrẹlụ!
47
Ndị ile rị ebeni jẹnkọ d'a marịn nị ẹlẹ ọpịa-agha lẹ obo kẹ Osolobuẹ gi a zụọpụha. Ọgụn Osolobuẹ rọ; o k'e bu ụnụ ile che ẹnyi ẹka!”
48
Ogẹn onyẹ Filistia hụ gi jẹnkẹnrinmẹ n'o d'a maye Defidi, Defidi nkẹ nọ gbajẹnmẹ ahanmahan ebẹhụ d'e kunrun ẹ,
49
buche ẹka ẹkpa weri akpụrụ-iyi ohu, bu akpụrụ-iyi hụ che araba, fe ẹ, akpụrụ-iyi nọ tụ onyẹ Filistia hụ ezimezi ihun. Akpụrụ-iyi hụ nọ zụnban a ezimezi ihun; ọ nọ dan, we ihun kpu alị.
50
Ẹrịra kẹ Defidi dọn gi akpụrụ-iyi ohu sụọ lẹ araba mẹri onyẹ Filistia hụ, kụtu ẹ, gbu ẹ. Kanị Defidi egi ọpịa-agha.
51
Defidi nọ gbaburu ẹ ebẹhụ ọ dantọ, hulụa a, zu ẹka ye ọpịa-agha okẹnnyẹ hu rị ọbụọ, sepụha a, gbu ẹ nwan, gi ọpịa-agha hụ beri ẹ isi. Ogẹn ndị Filistia gi hụn nị odogun wẹ a nwụnọlẹ, wẹ nọ gbehutọ, gbama ọsọ.
52
Ya kẹ ndị-agha Izrẹlụ lẹ Juda nọ zụnpụha, yi oro agha, chụ ndị Filistia, chụkwọ wẹ rị d'e ru ẹbụ Gatị lẹ ọnụ-ụgba Ẹkrọnụ. Ozun ndị Filistia e jun Ụzọ Shaaraim, d'e rukwọrị Gatị lẹ Ẹkrọnụ.
53
Mgbe ndị Izrẹlụ gi chụgụ ndị Filistia kinhẹn azụụn, wẹ nọ kpọnrin ihiẹn ndị Filistia gbatọ ebe wẹ te nọdị.
54
Defidi nọ buru isi onyẹ Filistia hụ, bulụa a Jerusalẹm, bu ihiẹn ọgụn onyẹ Filistia hụ dọnmẹ imẹ ọdụ.
55
Ogẹn Sọlụ gi rị e lee Defidi k'o jẹnkọ d'a lụsọn onyẹ Filistia hụ ọgụn, ọ nọ jụ Abna, hụn wụ ọkị-agha a, “Abna, onyẹ mụ nwata-okẹnnyẹ hụ?” Abna nọ sị a, “Agụ, ma isi i, amarịn m.”
56
Eze nọ sị a, “Jụ wẹ onyẹ mụ nwata-okẹnnyẹni.”
57
Hụn Defidi gihụ gbugụ onyẹ Filistia hụ, pụha, Abna nọ w'ẹ d'e kunrun Sọlụ; Defidi buhụkwọ isi onyẹ Filistia hụ.
58
Sọlụ nọ sị a, “Okorọbịa, onyẹ mụ ị?” Defidi nọ sị a, “M wụ nwa odibo i wụ Jese, onyẹ Bẹt'lẹhẹm.”
← Chapter 16
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 18 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31