bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ika
/
Ika 2018 Bible
/
1 Samuel 23
1 Samuel 23
Ika 2018 Bible
← Chapter 22
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 24 →
1
Ogẹn wẹ gi gwa Defidi nị ndị Filistia rị a lụsọn ndị Kẹila agha, e buru ọka wẹ butọsọnmẹ ebe wẹ nọ a kụkpọ ọka,
2
Defidi nọ jụ Osolobuẹ uche ẹ, sị, “Nị m jẹn d'a lụsọn ndị Filistia ọgụn?” Osolobuẹ nọ sị a, “Jẹn d'a lụsọn ndị Filistia ọgụn, n'ị zụọpụha ndị Kẹila.”
3
Kanị ndị itu Defidi nọ sị Defidi, “Egun hụ a tụ ẹnyi imẹ Juda ebeni, ọrịwụzị nị ẹnyi shi Kẹila d'a lụsọnmẹ ndị-agha Filistia agha!”
4
Ya Defidi nọ jụzị Osolobuẹ, Osolobuẹ nọ sị a, “Jẹnmẹ Kẹila, nị m k'e bu ndị Filistia che i ẹka mẹri.”
5
Defidi lẹ itu ẹ nọ shi Kẹila, a lụsọn wẹ ndị Filistia ọgụn, kpọnnarịn wẹ ihiẹn-uriri wẹ. O ti ndị Filistia iwi ọda-ọda, zụọpụha ndị Kẹila.
6
Abiata nwa Ahimẹlẹkị wẹhẹ ẹfọdụ hụ wẹ gi a jụ Osolobuẹ uche ẹ k'ọ gbala d'e kunrun Defidi imẹ Kẹila.
7
Ogẹn Sọlụ gi nụ nị Defidi rị Kẹila, ọ nọ sị, “Chuku e buọl'a nwan che m ẹka hụn m'e gi mẹri ẹ, makẹni ọ kpọkingụọ nwan enwẹn ẹ ye — ebe ọ nọ banye obodo nwọn ọnụ-mgbọn w'a kpọkin.”
8
Ya Sọlụ nọ kpọpụha ndị-agha a ile, kẹni wẹ shi Kẹila d'e kehunmẹ Defidi lẹ itu ẹ.
9
Mgbe Defidi gi marịn nị Sọlụ rị e zun'ẹ eje-umẹ, ọ nọ sị Abiata onyẹ nchụn-ẹjan, “Wẹhẹ Ẹfọdụ hụ wẹ gi a jụ Chuku uche ẹ!”
10
Defidi nọ gi ẹ jụma Osolobuẹ uche ẹ, sị, “Euu Osolobuẹ, Chuku Izrẹlụ, ezioku-ezioku, mmẹ wụ odibo i a nụgụọ nị Sọlụ rị a kwademẹ n'ọ bịa Kẹila d'e gi ufiri m tikpọ obodoni.
11
Euu Osolobuẹ, Chuku Izrẹlụ, gwa mmẹ wụ odibo i kẹ ndị Kẹila k'e we m y'ẹ? Gwa m kẹ Sọlụ k'a bịa kẹ m dọn nụ?” Osolobuẹ nọ sị a, “O k'a bịa.”
12
Defidi nọ jụzị a, “Ndị Kẹila k'e we mmẹ lẹ itu m ye Sọlụ?” Osolobuẹ nọ sị a, “Wẹ k'e we ụnụ ye ẹ.”
13
Ya kẹ Defidi lẹ itu ẹ, ihiẹn nọ kẹ madụ ọgụn-iri kwasị nnụ nọ gha Kẹila pụ, wahunmẹmẹ. Mgbe Sọlụ gi nụ nị Defidi a ghagụọ Kẹila gbapụ, o jẹnzini Kẹila.
14
Defidi hụ a nọsọnmẹ ebe a fụ ọrụn ọbanye rịsọnmẹ atụ lẹ ebe ndị jẹnsọnmẹ elu rị Atụ alị Zifu. Sọlụ hụ a chọ a ogẹn ahụn ile, kanị Chuku eweni Defidi che ẹ ẹka.
15
Ogẹn Defidi gi rị Họrẹshi imẹ Atụ alị Zifu, ọ nọ nụ nị Sọlụ rị ụzọ o gi lala d'e gbu ẹ.
16
Ya Jonatanị nwa Sọlụ nọ buli ebe ọ rị, chọburu Defidi imẹ Họrẹshi d'e gi ẹfan Osolobuẹ kasị a obi.
17
Jonatanị e ru ẹ, ọ nọ sị a, “Atụlẹ egun! Nẹdi m wụ Sọlụ as'ẹka gbu i. Ịyụ jẹnkọ d'a wụ eze Izrẹlụ, mmẹ nwẹn a hansọn i. Kẹ nẹdi m wụ Sọlụ lẹ enwẹn ẹ a marịngụọdẹ ihiẹnni.”
18
Ya wẹ ẹbụọ nọ gi ẹfan Osolobuẹ kwetarị nkwa. Jonatanị nọ lama, Defidi nkẹ nọ dịnọ Họrẹshi.
19
Kanị ndị Zifu nọ jẹnburu Sọlụ imẹ Gibia, sị a, “Ẹlẹ Defidi warị alị ẹnyi, ebẹhụ a fụ ọrụn ọbanye rị Họrẹshi, elu ugu Hakila, ẹbamịn ndịdan-mirin Jeshimọnụ?
20
Agụ, bịa ogẹn ọwụlẹ ọ sụọ ị, nke ẹnyi wụ we ẹ hụ che eze ẹka!”
21
Sọlụ nọ sị wẹ, “Osolobuẹ ya gọzi ụnụ ụnụ gi e roni m mma!
22
Jẹnzi ni nwan d'e we ẹnya ru alị. Chọpụha nị ebe ọ rị daị lẹ onyẹ hụn a ebẹhụ. A gwagụọ wẹ m n'o nwọnkẹ akọ.
23
Chọpụha nị ebe ile ọ nọ a warị, ụnụ e kinhẹn d'a gwa m kẹ ihiẹn rịchanrịn. Ogẹn ahụn, mmẹ lẹ ụnụ a wịrị; ọ rịọlẹ ẹgbẹrẹ hụ a rị, m k'a chọ a nchọgbu imẹ igunrun ndị Juda ile, nwụndọn ẹ!”
24
Ya wẹ nọ lama, buruni Sọlụ ụzọ shi Zifu alị wẹ. Ogẹnni, Defidi lẹ itu ẹ rị Atụ alị ọkpọ-nkụn Mawọnụ imẹ Araba, ẹbamịn ndịdan-mirin Jeshimọnụ Juda.
25
Sọlụ lẹ itu ẹ nọ gwalọma. Ogẹn Defidi gi nụ a, ọ nọ shi ọmụma ahụn o gi che ẹhụ, nọdị Atụ alị ọkpọ-nkụn Mawọnụ hụ. Sọlụ a nụ a, ọ nọ chụrụ Defidi shi imẹ Alị ọkpọ-nkụn Mawọnụ.
26
Sọlụ ghakọ ugu hụ azụụnnị, Defidi lẹ itu ẹ ghakọ azụụn hụn ẹbọ, Defidi nkẹ rị e mẹ n'ọ gbanahịn Sọlụ, kanị Sọlụ lẹ itu ẹ hụ a nọkunmẹ Defidi lẹ itu ẹ nị wẹ nwụn wẹ.
27
Ebẹhụ kẹ onyẹ ohu nọ wẹhẹni Sọlụ ozi, sị a, “Bịakẹnrin! Ndị Filistia a kpụgụọ alị ẹnyi.”
28
Ya kẹ Sọlụ nọ la ọsọ ọ rị a chụ Defidi tọ, kin azụụn buru ndị Filistia. Ya kẹ wẹ gi nwan a kpọ ebahụn Sẹla-Hamalẹkọtụ (Ọmụma Wẹ nọ Wanahịn).
29
Defidi nkẹ nọ shi Ẹn-gẹdi, e bisọnmẹ ebe rị ichẹn-ichẹn a fụ ọrụn ọbanye rịsọnmẹn'ẹ.
← Chapter 22
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 24 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31