bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ika
/
Ika 2018 Bible
/
1 Samuel 9
1 Samuel 9
Ika 2018 Bible
← Chapter 8
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 10 →
1
O nwọn okẹnnyẹ ohu, onyẹ ebọn Bẹnjamini wẹ marịn amarịn, hụn ẹfan a wụ Kishi; nwa Abiẹlụ nwa Zẹrọ nwa Bẹkoratị nwa Afịa; onyẹ Bẹnjamini k'ọ wụ.
2
O nwọn nwa a okẹnnyẹ w'a kpọ Sọlụ. Sọlụ pu okorọbịa ọda-ọda, onwọnni onyẹ wẹ gi e jen'ẹ imẹ ndị Izrẹlụ — onwọnni onyẹ sueghafe ẹ uvun.
3
O nwọn Jaki Kishi nẹdi Sọlụ ndị tuhuni. Kishi nọ sị Sọlụ nwa a, “Weri odibo ohu jẹnmẹ d'a chọ jaki ndị hụ.”
4
Ya Sọlụ nọ ghagbama alị-ugu Ifrem lẹ alị Shalisha, ahụnnị wẹ wẹ. Wẹ nọ shi ẹgbẹrẹ Shaalim, kanị jaki ndị hụ arị ebahụn; a ghagbarị wẹ ẹgbẹrẹ Bẹnjamini, kanị ahụnnị wẹ jaki ndị ahụn wẹ rị a chọ.
5
Ogẹn wẹ gi banye ẹgbẹrẹ Zufu, Sọlụ nọ sị odibo hụ ya lẹ ya wị, “Pụha nị ẹnyi kin azụụn. O ru tan nẹdi m a la oku jaki tọ, romẹ ẹnyi.”
6
Odibo ahụn nọ sị a, “Lee ẹ, o nwọn odibo Osolobuẹ rị imẹ obodoni; w'a gbaye ẹ ọhụnma-ọhụnma, ihiẹn ile o ku e mẹchanrịn emẹ. Nị ẹnyi jẹn nwan d'a hụn a. Ikẹnkwọ ọ gwa ẹnyi ụzọ ẹnyi jẹnkọ d'a gha.”
7
Sọlụ nọ sị odibo ẹ, “Ẹnyi jẹn nwan, kị ẹnyi k'e y'ẹ? Ihiẹn-oriri a gụgụọ ẹkpa ẹnyi. Ẹnyi egi kaka akpụ ihiẹn ohu ẹnyi e ye odibo Osolobuẹ hụ. Ra o nwọnghọ ihiẹn ẹnyi nwọn?”
8
Odibo hụ ya lẹ Sọlụ wị nọ sị a, “Lee ẹ, m gihụ egho-ọrụn akpọhịn wẹ kebe ụzọ ẹnọ. M k'e we ẹ ye odibo Osolobuẹ hụ, n'ọ hụn ụzọ gwa ẹnyi ụzọ ẹnyi k'a gha.”
9
(Ogẹn mbụ imẹ Izrẹlụ, onyẹ chọ n'o jẹn d'a chọpụha uche Osolobuẹ, o ru ọ sị, “Nị ẹnyi d'e kunrun ‘Onyẹ a hụn ọhụn’ makẹni ihiẹn w'a kpọ ‘Onyẹ-amụma’ ogẹn mbụ wụ Onyẹ a hụn ọhụn.)”
10
Sọlụ nọ sị odibo ẹ, “Ọ hụ mma. Pụha nị ẹnyi jẹn!” Ya wẹ nọ jẹnmẹ imẹ obodo ahụn odibo Osolobuẹ rị.
11
Hụn Sọlụ lẹ odibo ẹ gi bankọ nwan obodo hụ rị elu òke, wẹ nọ zu ịgbagba pụla d'a kwọ mirin. Ya wẹ nọ jụ wẹ, sị, “Ebeni kẹ onyẹ nẹi a hụn ọhụn rị?”
12
Wẹ nọ sị, “Ọ hụ a; ọ rị ụnụ ihun. Jẹnkẹrinkwọ nị; ọ rịhụ a banhan imẹ obodoni tannị, makẹni ndị nke ẹnyi jẹnkọ d'a chụn ẹjan elu-ugu.
13
Hụn ụnụ gihụ banye imẹ obodo, ụnụ jẹnkọ d'a hụn a o gini d'e nyinrin elu-ugu hụ d'e ri ihiẹn-oriri. Erimẹkọ wẹ mmanị ọ bịagụ, makẹni ịya k'a gọzirịrị ẹjan hụ; ọ gọzigụ a ndị wẹ kpọ d'e ri ẹ kebe ri. Jẹnmẹ ni nwan ozigbo; ogẹnni kẹ ụnụ e gi hụn a.”
14
Ya wẹ nọ shi imẹ obodo hụ, hụn wẹ gihụ banyekọ, e lee Samuẹlụ k'ọ lala ibe wẹ rị, o shikọ enu-ugu hụ wẹ k'a nọ chụn ẹjan.
15
Nị Sọlụ d'a bịa, Osolobuẹ a gwagụọ Samuẹlụ oku Sọlụ w'a kpọ a ụnyanhụn, sị a,
16
“Mgbeni eki, m jẹnkọ d'e zihẹn'i onyẹ alị Bẹnjamini. Hukpu ẹ udẹn-ntumẹ, n'ọ wụrụ onyẹ-ndu ndị nke m wụ Izrẹlụ; ịya nwọn zụọpụha ndị nke m ẹka ndị Filistia, makẹni a hụngụọ m k'ọ rị ndị nke m, makẹni ẹkwan wẹ e rugụọ m ẹhụ.”
17
Hụn ẹnya Samuẹlụ gi ketụ Sọlụ, Osolobuẹ nọ sị a, “Hụnnị wụ okẹnnyẹ hụ m gwa ị oku ẹ; ịya nwọn kị ndị nke m.”
18
Sọlụ e kunrun Samuẹlụ ọnụ-mgbọn ebẹhụ, ọ nọ sị a, “Dodo, n'ị s'ẹka gwa m ebe iwe onyẹnẹi a hụn ọhụn rị?”
19
Samuẹlụ nọ sị a, “Mmẹ wụ onyẹ ahụn a hụn ọhụn! Nje nwan elu-ugu ebẹhụ w'a nọ a chụn ẹjan, nị m lala, makẹni i k'e sọn m ri ihiẹn-oriri tannị; ụtụntụn ekile kẹ m'a n'ị la, gwa ị ihiẹn ile rị ị obi.
20
O mẹ nke jaki ndị hụ ụnụ tuhu taịnọ, ehuelẹ uhue wẹ, nị a hụngụọ wẹ wẹ. Onyẹ kẹ Izrẹlụ ile rị a chọ? Ẹlẹ ịyụ lẹ ikpụnọ nẹdi i?”
21
Sọlụ nọ sị a, “Onyẹ Bẹnjamini kẹ m wụ-o! Bẹnjamini kachanrịn ntịn imẹ ebọn Izrẹlụ ile! Ẹlẹ ikpụlọ ẹnyi kachanrịn ntịn imẹ ebọn Bẹnjamini? K'ị rị nwan a gwanị m ihiẹn nọ ẹnịna?”
22
Ya Samuẹlụ nọ webanhan Sọlụ lẹ odibo ẹ ibẹrẹ-uku hụ wẹ nọ e zu, bu wẹ che isi-ocho imẹ ndị ile wẹ kpọ, ihiẹn nọ kẹ madụ iri kwasị ọgụn.
23
Samuẹlụ nọ sị onyẹ shi ihiẹn-oriri hụ, “Buhẹ anụ hụ m ye i, hụnnẹi m sị ị butọ ụsụọ.”
24
Ya kẹ hụn shi ihiẹn-oriri nọ wẹhẹ ọrụ anụ hụ lẹ ihiẹn sọnn'ẹ, bu ẹ tọ ihun Sọlụ. Samuẹlụ nọ sị Sọlụ, “Lee ihiẹn wẹ butọn'ị. Ri, nị wẹ dọnmẹtọn'ị ya e che nị ogẹn ru, kete m kulẹ nị ‘O nwọnghọ ndị m kpọ.’ ” Ya Sọlụ nọ sọn Samuẹlụ ri ihiẹn-oriri ụhụọhịn ahụn.
25
Ogẹn wẹ gi ghagụ ebahụn wẹ nọ a chụn ẹjan hidan, banye imẹ obodo, Samuẹlụ nọ nọ elu ụlọ a du Sọlụ ku.
26
E lihi wẹ ụtụntụn, Samuẹlụ nọ kpọcheni Sọlụ, sị a, “Kwademẹ, nị m ha ị ụla.” Sọlụ a kwademẹgụ, ịya lẹ Samuẹlụ nọ wịrị pụha ezi.
27
Ogẹn wẹ gi rumẹ mkpẹnrẹn obodo hụ, Samuẹlụ nọ sị Sọlụ, “Sị odibo i jẹnshi ihun. Mgbe odibo hụ gi jẹnmẹgụ, Samuẹlụ nọ sị Sọlụ, yụ nwẹn cheri ẹkẹrẹ nị m gwa ị ihiẹn Osolobuẹ ku.”
← Chapter 8
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 10 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31