bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ika
/
Ika 2018 Bible
/
1 Samuel 2
1 Samuel 2
Ika 2018 Bible
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 3 →
1
Ya Hana nọ mẹ ekpere, sị, “Obi m rị a ghọghọ makẹ Osolobuẹ! Osolobuẹ e yegụọ m mmẹri! A mụgbu m ndị iṅẹnrẹn m ẹmụ! M rị a ghọghọ nị y'a zụọgụọ m.
2
Onwọnni onyẹ rị nsọ nọkẹ Osolobuẹ! Onwọnni onyẹ ọzọ rịnị mmanị yụ; onwọnni ọmụma nọ kẹ Chuku ẹnyi.
3
Nyanbehi isi hụ; ekukarịzịlẹ enwẹn i! Osolobuẹ wụ Chuku hụn marịn ihiẹn ile; ịya e lele ihiẹn ịhịan rị e mẹ.
4
Ụta ndị wụ odogun-agha a kpagipụgụọ; kanị ndị te zelẹni e kẹnrẹngụọ!
5
Ndị e te rijun ẹfọ e regụọ nwan enwẹn wẹ yeni ẹgụn, kanị ẹfọ e jungụọ ndị ẹgụn te rị a gụn! Okpoho nwẹn wụ agan a mụgụọ ẹsa, kanị hụn te mụ ọda enwọnzi ihiẹn ọ wụ!
6
Osolobuẹ nwọn e gbu, e ye ndụn; ịya e wetu ịhịan we ẹ che alị-mmọn, ịya e weli ịhịan.
7
Osolobuẹ e mẹ ịhịan e hi ọdanfịn e mẹ ịhịan a dan ogbẹnnyẹ; o butu ịhịan; o bushizikwọ ịhịan elu.
8
Ọ gha imẹ uzunzun e weshi ogbẹnnyẹ elu, a gha ikpọn-ntụn e weshi ndị elu rị a fụ elu. O ye wẹ ọnọdị imẹ ndị-isi, e mẹ wẹ e nwọnrin ezigbo ocho. Iyetọ gi ụwanị wụ nke Osolobuẹ, ịya bu ụwanị dọnmẹ elu ẹ.
9
O k'e chemẹ ndị-nsọ a ebe-lẹ-ebe wẹ jẹnkọ, kanị ndị-njọ jẹnkọ d'a nwụntọ imẹ ishi, nwụnyụn ẹnya. Ẹlẹ akwanran kẹ ịhịan gi e mẹri;
10
ndị a nụsọn Osolobuẹ ọgụn k'a la ntikpọ. Ọ k'a gha elu-igwee gan wẹ rịkẹ akpara. Osolobuẹ k'e kin ụwa ile ikpe. “O ye eze o tumẹ ikẹn — ẹghẹẹ, o ye onyẹ o te udẹn-ntumẹ ẹ mmẹri!”
11
Ya kẹ Ẹl'kana lẹ Hana nọ lakin Rama. Nwata hụ nọ nọdị ebẹhụ rụnmanị Osolobuẹ ọrụn okpuru onyẹ nchụn-ẹjan wụ Ẹlaị.
12
Ụmụ Ẹlaị ndị nchụn-ẹjan e mẹkẹ eje-ịhịan; onwọnni ihiẹn wẹ kpọ Osolobuẹ.
13
Ogẹn ahụn, usọnrọn ndị nchụn-ẹjan tumẹni ndị alị wụ: ịhịan bịa d'a chụnyeni Osolobuẹ ẹjan, nwa-ọrụn onyẹ nchụn-ẹjan e buhẹ ndụndụn ọnụnụ-ẹtọ ebẹhụ anụ wẹ gi chụn ẹjan rịkwọ ọkụn a gbọ,
14
o zu ndụndụn hụ ye imẹ ite mọbụ ihiẹn ọzọ ọwụlẹ wẹ gi shimẹ anụ hụ; ihiẹn ọwụlẹ ndụndụn hụ wepụha a wụrụ nke onyẹ nchụn-ẹjan. Ẹnịna kẹ wẹ e mẹ ndị Izrẹlụ ile hụn a bịa imẹ Shilo d'a chụnyeni Osolobuẹ ẹjan.
15
Nwa-ọrụn onyẹ nchụn-ẹjan a bịadẹ ebe wẹ kelẹni dụnnị Osolobuẹ ụtọrọ anụ hụ ọkụn d'a sị onyẹ hụn wẹhẹ ẹjan hụ “Ye onyẹ nchụn-ẹjan anụ n'ọ hụnmarịn, nị ẹlẹ o k'a narịn hụn wẹ shimẹ; anụ-oyiyi sụọ k'ọ chọ.”
16
Omẹni hụn wẹhẹ ẹjan ahụn d'a chụnye a sị a, “Nị wẹ dụngụdẹni Osolobuẹ ụtọrọ a ọkụn k'o furu, i kebe weri nwan k'ọ sụọn'ị.” Hụn a rụnnị onyẹ nchụn ọrụn a shịarị a, sị, “Mba. Yekwọ m'a kikẹnni! Y'e yeni m'ẹ, e gi m ikẹn narịn ị ya!”
17
Njọ ikorọbịa hụ jọgbu enwẹn ẹ ẹnya Osolobuẹ makẹni wẹ gi ihiẹn ndị Izrẹlụ rị e ye Osolobuẹ e mẹ ihiẹn ẹti.
18
Kanị Samuẹlụ hụ a rụnnị Osolobuẹ ọrụn, nwa-ndu rị e yi ẹwuru ẹfọdụ wẹ gi ẹkwa linẹ kwa hụn ndị nchụn-ẹjan e yi!
19
Ahụa-ahụa kẹ nnẹ ẹ gi a kwahan'a ẹwuru mẹ ẹkẹrẹ e wẹhẹn'ẹ, ogẹn ọwụlẹ ya lẹ di ẹ bịa d'a chụn ẹjan ahụa hụ.
20
O ru, Ẹlaị a gọzi Ẹl'kana lẹ nwunyẹ ẹ wụ Hana, sị “Osolobuẹ ya gi okpohoni wụ Hana yezi i ụmụ ọzọ k'a nọkin ẹnya hụnnị ọ rịọnarịn Osolobuẹ.”
21
Osolobuẹ nọ mẹni Hana ọhụnma: ọ nọ mụ ikẹnnyẹ ẹtọ lẹ ikpoho ẹbụọ. Samuẹlụ nkẹ hụ e sue ihun Osolobuẹ ebẹhụ ọ rị Ụlọ-Osolobuẹ.
22
Ẹlaị akakpụkpọgụọ; ọ hụ a nụ ihiẹn ụmụ a rị e mẹ ndị Izrẹlụ ile, a nụzị kẹ wẹ dọn e mẹ mgba ikpoho ndị a nọ ọnụ-ụgba Ọdụ-ofufe e jẹn ozi.
23
Ya kẹ Ẹlaị nọ sị wẹ, “Kị ụnụ rị e mẹni ihiẹn ndị nọ ẹnịna? M hụ a nụ eje-ihiẹn ndịnị ụnụ rị e mẹ ọnụ ndị Izrẹlụ ile!
24
Mba, ụmụ m! Ihiẹnni m rị a nụ hụn rị a kpọ imẹ igunrun ndị nke Osolobuẹ ẹlẹkwọ ihiẹn rị mma!
25
Ịhịan mẹ ibe ẹ njọ, Osolobuẹ k'a saẹka rịọdọnn'ẹ. Kanị, ịhịan mẹ Osolobuẹ eje-ihiẹn, onyẹ sikọ d'a rịọdọnn'ẹ?” Kanị ụmụ Ẹlaị egọnni ntịn mban nẹdi wẹ bannị wẹ, makẹni Osolobuẹ chọ n'o gbupụ wẹ.
26
Nwata ahụn wụ Samuẹlụ nkẹ hụ e suewaye, ihiẹn ẹ hụ a sụọ kẹ Osolobuẹ kẹ ịhịan.
27
Onyẹ-ozi Osolobuẹ zi nọ nwan bịa d'e kunrun Ẹlaị, sị a, “Lee ihiẹn Osolobuẹ ku: Eweni m enwẹn m ghọsị ikpụlọ nẹdi i ogẹn wẹ gi rị alị Ijiptu okpuru eze Ijiptu wụ Fẹro?
28
Mmẹ họrị Ẹrọnụ nẹdi i imẹ ebọn ile rị Izrẹlụ n'ọ wụrụnị m onyẹ nchụn-ẹjan, e nyinrin ukpo nchụn-ẹjan m, a mụ nsẹnsi, n'o yiri ẹwuru ẹfọdụ ndị nchụn-ẹjan a rụn ọrụn ihun m. Mmẹ keyezi ikpụnọ nẹdi i ẹjan ile ndị Izrẹlụ gi ọkụn a chụnyeni m.
29
Kị ụnụ rị nwan e legberini ẹjan lẹ oyiye m hụn m tumẹni Ụlọ m? K'ị rị a gbayeni ụmụ ị a karị m — ụnụ gi e weri ebe ka mma imẹ oyiye ile ndị nke m rị e wẹhẹni m, e gi e rijun ẹfọ?
30
“Makẹ ufiri ẹ, Osolobuẹ, hụn wụ Chuku ndị Izrẹlụ, sị, ‘E te kwegụọ m nkwa nị ikpụnọ ị lẹ ẹbozo nẹdi i jẹnkọ d'a wụsọnmẹ ndị nchụn-ẹjan m.’ Kanị m sị ị nwan nị emẹkọzị m'a! Ndị ye m ọghọ kẹ m k'e ye ọghọ; ndị lelịanị m, e lelịa m wẹ.
31
Lee ẹnya: ogẹn lala hụn m k'e gi belụa ikẹn i lẹ nke ẹbozo nẹdi i, nkesịnị onwọnni onyẹ k'a kazị ẹgẹdi ẹbozo i.
32
Ẹnya k'a hụn ị ihiẹn imẹ Ụlọ m. Izrẹlụ sikọ d'a gha ihun, kanị onwọnni ogẹn onyẹ ikpụnọ ị e gizi ka nka.
33
Okẹnnyẹ ọwụlẹ m gbupụlẹni imẹ ndị nke i, m napụlẹni ọrụn ukpo wẹ n'a chụnnị m ẹjan, m latọ a hụ n'ọ wụrụ ihiẹn k'e mẹ i kwan ẹnya-mirin kwankpọ ẹnya, mẹ obi gbawapụ ị. Ụmụ ị ahụnkọ isi-nka.
34
“Ihiẹn k'e mẹ ụmụ ị ẹbụọ wụ Hof'ni lẹ Finẹhasị kẹ y'e gi marịn ihiẹn m k'e mẹ ihun: wẹ ẹbụbụọ k'a nwụnhụn akpọhịn ohu!
35
“M k'e wepụhanị enwẹn m onyẹ nchụn-ẹjan m'e gi dọn ẹnya hụn jẹnkọ d'e mẹ ihiẹn a sụọnị m lẹ ihiẹn wụ uche m. M k'e mẹ ẹbozo ẹ turu, ọ rụnsọnmẹni m ọrụn ihun eze m jẹnkọ d'e tumẹ.
36
Ogẹn ahụn, onyẹ-lẹ-onyẹ họdụ ikpụlọ ị jẹnkọ d'e gbu osekpu d'e kunrun ẹ kẹn'o ye ẹ egho lẹ n'o beye ẹ ẹkẹrẹ brẹdi, a rịọ a, ‘Dodo, ye m ọrụn onyẹ nchụn-ẹjan rụn, kẹni m hụn ihiẹn-oriri ri.’ ”
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 3 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31