bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ika
/
Ika 2018 Bible
/
1 Samuel 22
1 Samuel 22
Ika 2018 Bible
← Chapter 21
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 23 →
1
Defidi nọ gha Gatị pụ, shi okporo-uku rị Adulam d'a nọdị. Ogẹn umunẹ ẹ ikẹnnyẹ lẹ ikpụnọ nẹdi ẹ gi nụ a, wẹ nọ buru ẹ d'a dịnọ ebẹhụ.
2
Ndị ile ụya rị e ri lẹ ndị gi ụgwọ lẹ ndị ẹfọ rịlẹni a sụọ ụsụọ ebe wẹ rị nọ sọnmẹ ẹ, ọ nọ họnrin onyẹ-ndu wẹ. Wẹ rị ihiẹn nọkẹ ikẹnnyẹ nnụ.
3
Defidi nọ gha ebahụn shi obodo Mizpa rị alị Mụabụ; ọ nọ sị eze ndị Mụabụ, “Dodo, nị ị nị nẹdi m lẹ nnẹ m bịa d'e sọn ụnụ nọdị d'e ru mgbe m marịngụ ihiẹn Chuku jẹnkọ d'e mẹni m?”
4
Ya ọ nọ la wẹ tọnị eze Mụabụ, wẹ nọ sọn ẹ nọdị ọrọgbọ ahụn ile Defidi gi bi imẹ okporo-uku hụ ọ nọ e che ẹhụ.
5
O ru ụhụọhịn ohu, onyẹ amụma wụ Gadị nọ sị Defidi, “Gha okporo hụ pụ; shi alị Juda.” Ya Defidi nọ pụ, shi ẹgboko Hẹrẹti.
6
Sọlụ a nụgụọ nị o nwọngụọ ndị marịn ebe Defidi lẹ itu ẹ rị. Sọlụ nọdị nwan oche okpuru osisi tamarisi hụ rị Gibia; o gihụ obo ẹ; ndị ọrụn a fihunmẹ ẹ.
7
Ya Sọlụ nọ sị ndị ọrụn a, “Ụnụ ndị Bẹnjamini, gọn ni ntịn! Kịnị kẹ nwa Jese jẹnkọ d'e yedẹ ụnụ ile? N'o ye ụnụ ugbo lẹ alị vaịnị? N'o ye ọnụ ile ọkwa ọkị-agha uku lẹ ọkị-agha nta?!
8
Ya kẹ ụnụ ile gi nwan zuni m eje-umẹ?! Ya haịn o gilẹni nwọn onyẹ gwanị m ogẹn Jonatanị nwa m lẹ Defidi nwa Jese gi kuntarị Osolobuẹ kwọngbama enwẹn wẹ?! Imẹ ụnụ ile onwọndẹni onyẹ bu m obi mọbụ gwadẹ m nị nwa ẹfọ m a dụnjagụọ odibo m d'a warị e che n'o gbu m — k'o dọn nwan rị e mẹ tannị?!”
9
Duẹgị onyẹ Ẹdọm sọn ịhaịmẹ Sọlụ wuzo ebẹhụ. Ọ nọ nwan sị, “A hụnghọ m nwa Jese hụ k'ọ bịa d'e kunrun Ahimẹlẹkị nwa Ahitubu imẹ Nọbụ.
10
Ahimẹlẹkị nọ jụn'a Osolobuẹ ihiẹn ọ sị a jụ a, wezi ọpịa-agha Golịatị onyẹ Filistia ye ẹ.”
11
Ya kẹ eze nọ zi wẹ d'a kpọha Ahimẹlẹkị lẹ ikpụnọ nẹdi ẹ ile, ndị nchụn-ẹjan rị Nọbụ, wẹ ile nọ bịa d'a za eze oku ọ kpọ wẹ.
12
Sọlụ nọ sị, “Gọn nwan ntịn, ịyụ wụ nwa Ahitubu!” Ahimẹlẹkị nọ sị a, “Elee m ebeni, di-nwọnni m!”
13
Sọlụ nọ sị a, “Kị haịn ụnụ gi zuni m ọgwa, ịyụ lẹ nwa Jese? Y'e we brẹdi lẹ ọpịa-agha y'ẹ, jụn'a Chuku ihiẹn ọ sị ị jụ a, ọ nọ gi ẹ nupụnị m isi, warị e che m, k'o dọn rị e mẹ tannị?”
14
Ahimẹlẹkị nọ sị a, “Imẹ idibo ile, onyẹ wechanrịn enwẹn ẹ ye i nọkẹ Defidi, hụn wụzị ọgọ ị lẹ onyẹ-isi ndị i gi e che ẹhụ, onyẹ w'a gbaye ọda-ọda imẹ ezi-lẹ-ụlọ ị?
15
Ọnwan wụzị ibuzọ m jụn'a Chuku ọnụ?! Ẹlẹkwọ ya! Eze, dodo, egilẹ okuni mama mmẹ wụ odibo i mọbụ onyẹ ọwụlẹ rị ikpụlọ nẹdi m ikpe, makẹni onwọnkwọnị hụn odibo i marịn imẹ ihiẹn ndịnị ile.”
16
Kanị eze nọ sị a, “Ahimẹlẹkị, ị k'a nwụnrịrị, kẹ ịyụ kẹ ikpụlọ nẹdi i ile!”
17
Ya eze nọ sị ndị ozi ẹ, hụn wuzoyenin'ẹ, “D'e gbu ni ndị nchụn-ẹjan Osolobuẹ, makẹni wẹ nwẹn a banyegụọnị Defidi. A marịngụọ wẹ n'ọ gbakọ ọsọ, agwanị wẹ m!” Kanị ndị-ozi eze hụ ekweni gbu ndị nchụn-ẹjan Osolobuẹ.
18
Ya kẹ eze nọ sị Duẹgị, “Yụ nwẹn, d'e gbu ndị nchụn-ẹjannị.” Ya kẹ Duẹgị onyẹ Ẹdọm nọ gbehutọ, gbu wẹ. Ndị nchụn-ẹjan isẹn kwasị ọgụn-ẹnọ gbegbegbe yi ẹwuru Ẹfọdụ wẹ gi ẹkwa linẹ kwa k'o gbu ụhụọhịn ahụn!
19
Ọ nọzị gi ọpịa-agha gbumẹ ndị Nọbụ, obodo hụ ndị nchụn-ẹjan bi, gbuchanrịn ihiẹn ile rịn'a, kẹ ikẹnnyẹ kẹ ikpoho kẹ ụmụẹka kẹ ndị rị a ra ẹran kẹ efin kẹ jaki kẹ atụnrụn.
20
Kanị Abiata hụn rị ikẹnnyẹ Ahimẹlẹkị nwa Ahitubu mụ nọ wanahịn, gbaburu Defidi.
21
Ọ nọ gwa Defidi nị Sọlụ e gbugụọ ndị nchụn-ẹjan Osolobuẹ.
22
Defidi nọ sị Abiata, “Hụn a hụn Duẹgị onyẹ Ẹdọm rị ebẹhụ ụhụọhịn ahụn, a marịnghọ m n'o k'a gwarịrị Sọlụ. Mmẹ sehẹ ọnwụn gbu ezi-lẹ-ụlọ nẹdi i ile.
23
Du m nọdị; atụlẹ egun; onyẹ chọkọ isi i chọkọzịkwọ isi mmẹ nwẹn. Nọdịyeni m, onwọnni ihiẹn k'e mẹn'i.”
← Chapter 21
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 23 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31