bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ika
/
Ika 2018 Bible
/
1 Samuel 26
1 Samuel 26
Ika 2018 Bible
← Chapter 25
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 27 →
1
Ndị Zifu bịa Gibia d'e kunrun Sọlụ, sị a, “Ẹlẹ Defidi warị elu ugu Hakila, hụn bu ihun zimẹ Jeshimọnụ?”
2
Ya Sọlụ nọ shi Atụ alị ọkpọ-nkụn Zifu, ịya lẹ ndị-agha Izrẹlụ nnụ-uku ẹtọ (3,000) wẹ họrị marịn ẹnya agha, we wẹ d'a chọ Defidi.
3
Sọlụ wẹ nọ bịa d'a nọdị mkpẹnrẹn ụzọ, elu ugu Hakila hụn bu ihun zinmẹ Jeshimọnụ, kanị Defidi nkẹ a nọdị imẹ alị ọkpọ-nkụn ebẹhụ. Mgbe Defidi gi nụ nị Sọlụ a chọhagụọ a ebẹhụ,
4
ọ nọ zijẹn ndị nke ẹ d'e gi nzuzue lele ẹ. Ọ nọ hụn a nị Sọlụ a bịaghọ nke-esi.
5
Ya Defidi nọ buli, shi ebẹhụ Sọlụ lẹ ndị-agha a rị. Ọ nọ hụn ebe Sọlụ lẹ onyẹ-ndu agha a wụ Abna nwa Nẹ dinẹ, a ranhịn ụran. Sọlụ dinẹ etintin wẹ ebẹhụ, ndị-agha a e fihunmẹ ẹ.
6
Defidi nọ sị Ahimẹlẹkị onyẹ Hẹti lẹ Abishaị nwa Zeruaya nwẹnẹ-nẹdi Defidi okpoho hụn mụzị Jụabụ, “Onyẹ k'e sọn m banye ebẹhụ wẹ rị d'e kunrun Sọlụ?” Abishaị nọ sị a, “M k'e sọn i.”
7
Ya Defidi lẹ Abishaị nọ gi abalị shi ebẹhụ ndị-agha hụ rị, e lee Sọlụ k'o dinẹ imẹ wẹ ebẹhụ, a ranhịn; obo ẹ turuhụ alị ẹhụ isi ẹ. Abna lẹ ndị-agha dinẹhunmẹ ẹ.
8
Abishaị nọ sị Defidi, “Osolobuẹ e buọlẹ eṅẹnrẹn ị che i ẹka tannị! Nị m gi nwan obo m zu ẹ limẹ alị ube ohu, ezukọdẹ m'a ubẹbụọ!”
9
Kanị Defidi nọ sị Abishaị, “Egbulẹ ẹ. Makẹni onwọnni onyẹ e gbu onyẹ Osolobuẹ tumẹ a la mmaka.
10
Ma Osolobuẹ, Osolobuẹ k'e gbu Sọlụ ihiẹn-ẹka a; ikẹnkwọ ogẹn ẹ ru, ọ nwụn ọnwụn-ẹhi mọbụ o jẹn agha nwụntọ a.
11
Osolobuẹ a sọ nị m k'e mẹtụ onyẹ Osolobuẹ tumẹ ẹka! Weri nwan obo ẹ lẹ ihiẹn o gi a gbaye mirin rị a ẹhụ isi nị ẹnyi pụ!”
12
Ya Defidi nọ weri obo lẹ ihiẹn-mirin rị Sọlụ ẹhụ isi, wẹ nọ pụ. Onwọnni onyẹ hụn mọbụ marịn ihiẹn mẹni, onwọnzikwọnị onyẹ tẹnhinni. Wẹ ile rị a ranhịn — makẹni Osolobuẹ a kpọgụọ wẹ ye okẹn-ụran.
13
Defidi nọ fetu azụụn hụn ẹbọ, shi elu òke rị azụụn hụ, o jẹnte ọhụnma-ọhụnma, ọ nọ wuzo elu ugu ebẹhụ.
14
Ọ nọ hịcheni ndị-agha hụ lẹ Abna nwa Nẹ sị, “Abna, y'a zakọ m?” Abna a sị, “Onyẹ wụ onyẹ hụ rị a hị eze?”
15
Ọ nọzị sị Abna, “Okẹnnyẹ k'ị wụ, ẹlẹ ya? Onyẹ han kẹ ịyụ imẹ Izrẹlụ? Kị haịn i gilẹni che di-nwọnni i wụ eze nche? Wẹ te bịa d'e gbu di-nwọnni i wụ eze.
16
Ihiẹn i mẹ arị mma kaka! Ma Osolobuẹ, ịyụ lẹ itu i furu hụn a nwụnnị, makẹni ụnụ echeni di-nwọnni ụnụ, hụn wụ onyẹ Osolobuẹ tumẹ, nche. Lehunmẹ nwan ẹnya: elebe kẹ obo eze lẹ ihiẹn-mirin ẹ te rị a ẹhụ isi rị?”
17
Sọlụ a marịnghọ olu Defidi, ọ nọ sị, “Defidi nwa m, ọhụn wụ olu i?!” Defidi gha sị a, “Ẹghẹẹ eze nwọnni m!”
18
Ọ nọzị sị Sọlụ, “Kị di-nwọnni m chụkọnị odibo ẹ? Kịnị kẹ m mẹ? Elee njọ kẹ m mẹ?
19
Eze nwọnni m ya gọn nwan ntịn ihiẹn odibo ẹ jẹnkọ d'e ku. Omẹni Osolobuẹ kpasu i d'e gbu m, ya dodo narịn oyiye, gharị m. Kanị omẹni ịhịan mmaka mẹ ẹ, Osolobuẹ ya bụ wẹ ọnụ! A chụpụgụọ wẹ m nwan alị Osolobuẹ, wẹ rị a sị m nwan, ‘D'e femẹ mmọn.’
20
Anịkwọlẹ m nwan nwụntọ alị ọzọ, ebe wụlẹni ihun Osolobuẹ. Ledẹ kẹ eze Izrẹlụ pụha d'a chọ akpụ ndandan ohu, nọkẹ onyẹ rị a chụhunmẹ nduru elu ugu.”
21
Ya kẹ Sọlụ nọ sị, “E mẹọlẹ m njọ. Defidi nwa m, kinhẹn nwan. Makẹni y'a kpọlẹ ndụn m ihiẹn rị mkpa tannị, achọkọzị m'ị njọ. Ezioku-ezioku, e zuzuọlẹ m nzuzu, mẹfie ọda-ọda.”
22
Defidi nọ sị a, “Lee obo eze ebeni. Okorọbịa ị ohu ya bịa d'e weri ẹ.
23
Osolobuẹ a kụ onyẹ ọwụlẹ mẹ mma lẹ onyẹ furu wẹ gi e dọn ẹnya ụgwọ-ọrụn. Osolobuẹ bu i che m ẹka tannị, kanị emẹtụkọ m onyẹ Osolobuẹ tumẹ ẹka.
24
Kẹ m dọn kpọ ndụn ị ihiẹn tannị, Osolobuẹ ya kpọzịkwọ ndụn m ihiẹn, gbapụhachanrịn m imẹ nsọngbu ile.”
25
Sọlụ nọ sị Defidi, “Ngọzi ya rịnị ị Defidi nwa m; i jẹnkọ d'a gha e mẹ okẹn-ihiẹn, e nwọn mmẹri.” Defidi nọ pụ; Sọlụ nkẹ nọ la.
← Chapter 25
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 27 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31