bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ika
/
Ika 2018 Bible
/
1 Samuel 15
1 Samuel 15
Ika 2018 Bible
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 16 →
1
Samuẹlụ nọ sị Sọlụ, “Mmẹ kẹ Osolobuẹ zi d'e kin i eze ndị Izrẹlụ; gọn nwan ntịn ozi Osolobuẹ sị m zi i:
2
Ọnwan wụ ihiẹn Osolobuẹ ihiẹn ile rị okpuru ẹ ku: ‘M jẹnkọ d'e ye ndị Amalẹki afụnfụn makẹ eje-ihiẹn wẹ mẹ ndị Izrẹlụ — ebe wẹ nọ maye ndị Izrẹlụ ụzọ kẹ ndị Izrẹlụ gha alị Ijiptu pụla.
3
Jẹn nwan d'a maye ndị Amalẹki, y'e tikpọchanrịn ihiẹn ọwụlẹ wụ nke wẹ. Edọnmẹkwọlẹ wẹ ndụn; ka gbuchanrịn kẹ ikẹnnyẹ kẹ ikpoho kẹ ụmụ-ndu kẹ ndị rị a ra ẹran kẹ efin kẹ atụnrụn kẹ anyịnyan-mkpukpuke kẹ jaki.’ ”
4
Ya Sọlụ nọ kpọ ndị agha a, nọ Tẹlaịm gụn wẹ, ndị ghasọnmẹ ebọn ndị ọzọ rị Izrẹlụ pụha ndị agha nnụ-uku ọgụn-iri (200,000) gi ụkụ e jẹn, cheni ndị Juda nnụ-uku iri (10,000).
5
Ya Sọlụ nọ kịrị wẹ shi obodo Amalẹki, bu ndị-agha zuemẹ imẹ ọdanmgbugbu rị ebẹhụ.
6
Ọ nọ sị ndị Kẹni, “Pụ nị; pụnị nị ndị Amalẹki, amamgbe m'e tikpọ ụnụ cheni wẹ; makẹni ụnụ mẹni ndị Izrẹlụ ile ọhụnma ogẹn wẹ gi gha Ijiptu pụha.” Ya kẹ ndị Kẹni nọ pụnị ndị Amalẹki.
7
Sọlụ nọ maye ndị Amalẹki, ghakwọrị Havila d'e ru Shuru, d'e ruzi ẹbamịn ọwụwa-ẹnyanwụn Ijiptu.
8
Ọ nwụnrụn Agagị, eze Amalẹki, gi ọpịa-agha gbuchanrịn ndị alị a ile.
9
Sọlụ lẹ ndị-agha a e dọnmẹ Agagị ndụn, ịya lẹ atụnrụn lẹ efin lẹ ụmụ-efin wẹ zụntọ lẹ ụmụ atụnrụn wẹ zụntọ — ihiẹn ile rị mma, kanị e tikpọchanrịn wẹ ihiẹn ile w'e lelịa lẹ ndị ndụn rịlẹni.
10
Ya Osolobuẹ nọ sị Samuẹlụ,
11
“Ọ fụka m nị m tumẹ Sọlụ eze, makẹni ọ gbakitọgụọ m azụụn; o mẹni ihiẹn m sị a mẹ.” Ihiẹnni nọ fụ Samuẹlụ, ọ nọ kwanghọsị Osolobuẹ uhinhin hụ ile.
12
Eki e fọn ụz'ụtụntụn Samuẹlụ nọ lihi, chọburu Sọlụ. Wẹ nọ sị a, “Sọlụ e shigụọ Kamẹlụ, ọ tụngụọ ihiẹn w'e gi a nyanhan a, e ye ẹ ọghọ ye ebahụn; ọ ghagụọzị ebẹhụ shi Gil'galụ.”
13
Mgbe Samuẹlụ gi hụn a, Sọlụ nọ sị a, “Osolobuẹ ya gọzi i, e mẹgụọ m ihiẹn Osolobuẹ sị m mẹ!”
14
Samuẹlụ nọ sị a, “Kị wụzị nwan olu atụnrụnnị m rị a nụ? Kị wụ olu okẹn efinni m rị a nụ?”
15
Sọlụ nọ sị a, “Ihiẹn wẹ kpọnnarịn ndị Amalẹki rọ: ndị-agha dọnmẹ atụnrụn ka mma lẹ efin ka mma ndụn nị wẹ gi wẹ chụnyeni Osolobuẹ wụ Chuku i ẹjan; kanị ẹnyi e gbuchanrịnghọkwọ ihiẹn ndị ọzọ họdụnị.”
16
Samuẹlụ nọ sị Sọlụ, “Kubehi! Nị m gwa ị ihiẹn Osolobuẹ gwa m hụn uhinhin!” Sọlụ nọ sị, “Gwa m.”
17
Samuẹlụ a sị, “Ọsụọn'a nị y'e te werighọ enwẹn i n'i mẹ ẹkẹrẹ, y'e họnrinni nwan onyẹ-isi ebọn ile rị Izrẹlụ? Osolobuẹ we i tumẹ eze Izrẹlụ.
18
Osolobuẹ e zi i nwan ozi, sị ị, ‘Jẹn d'e gbukwama eje-ndị hụ wụ ndị Amalẹki; lụsọn wẹ agha d'e runi y'a zachanpụ wẹ.’
19
Kị haịn i gilẹni mẹ ihiẹn Osolobuẹ sị ị mẹ? Kị haịn i gi zu ẹka ye weri ihiẹn ụnụ hụn imẹ agha gi ẹ mẹ ihiẹn rịlẹni Osolobuẹ mma ẹnya?”
20
Sọlụ a sị a, “Kanị e jẹngụọ m ozi Osolobuẹ zi m nụ: m gbucharịn ndị Amalẹki ile, nwụnlụa eze wẹ wụ Agagị.
21
Ndị agha nọ nọ imẹ ihiẹn ndị Amalẹki, ihiẹn ndị ahụn Osolobuẹ sị tikpọ, kpọnlụa atụnrụn lẹ efin kachanrịn mma, kẹni wẹ gi wẹ chụnyeni Osolobuẹ wụ Chuku i ẹjan imẹ Gil'galụ.”
22
Kanị Samuẹlụ nọ sị a, “Ẹjan w'a dụn ọkụn lẹ ẹjan mmaka kadẹ nwan Osolobuẹ a sụọ karị igi oku ẹ dọn ra? Lee ẹnya, ihumẹ-isi ka ịchụn-ẹjan mma; i mẹ ihiẹn wẹ sị ị mẹ ka iye ụtọrọ ebulu mma.
23
“Nnupụ-isi lẹ ịgba-ẹfa wụ ohu; imẹ-karị-enwẹn ịhịan lẹ ịrụa-mmọn wụ ohu. Ebe o mẹ ni ya jụgụọ oku Osolobuẹ, Osolobuẹ a jụgụọ ị nị y'e ẹlẹzi eze.”
24
Ya kẹ Sọlụ nọ sị Samuẹlụ, “E mẹọlẹ m njọ. E nupụgụọ m isi oku Osolobuẹ lẹ ihiẹn ị gwa m mẹ. Egun ndị-agha ẹnyi tụ m, m nọ kweyeni wẹ.
25
Dodo gbagharị m njọ m, y'e sọn m kin azụụn, nị m d'e fe Osolobuẹ.”
26
Kanị Samuẹlụ nọ sị a, “Esọnkinkọ m'ị, makẹni y'a jụgụọ oku Osolobuẹ, Osolobuẹ a jụ ị n'ị y'ẹ lẹzi eze Izrẹlụ!”
27
Hụn Samuẹlụ gi gbehutọ n'ọ pụ, Sọlụ nọ dọdọn ẹ ntịn ẹwuru, ọ nọ dọka.
28
Samuẹlụ nọ sị a, “Lee ẹ, Osolobuẹ a dọkanarịngụọ ị alị eze Izrẹlụ tannị, w'ẹ ye onyẹ nọkunmẹn'i, onyẹ hụn ka ị mma.
29
Ọghọ Izrẹlụ wụ Osolobuẹ ara tụ ntụ, o rohutọkọ — makẹni ẹlẹ ịhịan hụn o gi rohutọ!”
30
Sọlụ nọ sị, “E mẹọlẹ m njọ. Ka dodo, ye m ọghọ ihun ndị-ichẹn ẹnyi lẹ ihun Izrẹlụ ile; sọnkin m, nị m d'e fe Osolobuẹ wụ Chuku i.”
31
Ya Samuẹlụ nọ sọnkin Sọlụ, Sọlụ nọ fe Osolobuẹ.
32
Samuẹlụ nọ nwan sị, “Wẹhẹni ni m Agagị eze Amalẹki.” Ya Agagị nọ tu udọn pụha d'e kunrun ẹ, a sị, “A wanahịngụọ m eje-ọnwụn te kpọ m ihun!”
33
Kanị Samuẹlụ nọ sị a, “Kẹ ọpịa-agha ị dọn gba ikpoho ẹka nwa, ẹrịra kẹ nnẹ i k'a gba ẹka nwa.” Ya kẹ Samuẹlụ nọ nọ ihun Osolobuẹ imẹ Gil'galụ jakịka Agagị.
34
Samuẹlụ nọ lashi Rama; Sọlụ nkẹ nọ la iwe ẹ rị Gibia-Sọlụ.
35
Samuẹlụ e we nwụn, o jẹnzini d'a hụn Sọlụ, kanị ọ hụkwọ a kwannị Sọlụ. Ọ fụghọ Osolobuẹ nkẹ ọda-ọda n'o kin Sọlụ eze.
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 16 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31