bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ika
/
Ika 2018 Bible
/
2 Kings 10
2 Kings 10
Ika 2018 Bible
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 11 →
1
Ụmụ Ehabụ ikẹnnyẹ iri kwasị ọgụn-ẹtọ rị obodo Sameria. Ya Jehu nọ desọnmẹ ẹkụkwọ-ozi zijẹn Sameria — jẹnni ndị-isi obodo Jezriẹlụ rị ebẹhụ lẹ ndị-ichẹn lẹ ndị rị e lepụ ụmụ Ehabụ ẹnya. Ọ sị,
2
“Hụn ẹkụkwọ-ozini gihụ ru ọnụ ẹka, ebe o mẹ ni ụnụ lẹ ụmụ di-nwọnni ụnụ rị, ebe o mẹ ni ụnụ e nwọnghọ ụgbọ-ẹshin agha lẹ ẹshin lẹ obodo wẹ tụnhunmẹ mgbọn lẹ ihiẹn-ọgụn,
3
họrị nị onyẹ kachanrịn mma, ruchanrịn ogo imẹ ụmụ di-nwọnni ụnụ, bu ẹ che ukpo nẹdi ẹ, ụnụ e kọnrin, nị ụnụ lụnị ikpụlọ di-nwọnni ọnụ ọgụn.”
4
Kanị okẹn egun nọ tụma wẹ, wẹ nọ sị, “Eze ẹbụọ asanị ẹka che ẹ, ọrịwụ ẹnyi?”
5
Onyẹ e lepụ obi-eze ẹnya lẹ onyẹ e lepụ obodo Sameria ẹnya lẹ ndị-ichẹn lẹ ndị rị a zụn ụmụ eze nọ zi ozi jẹnni Jehu, sị, “Idibo i kẹ ẹnyi wụ, ihiẹn ị sị ẹnyi mẹ kẹ ẹnyi k'e mẹ. Ẹnyi e tumẹkọ onyẹ ọwụlẹ eze; ihiẹn ọwụlẹ rị ị mma ẹnya y'e mẹ.”
6
Ya Jehu nọ dejẹnni wẹ ẹkụkwọ-ozi nke ẹbụọ, sị, “Omẹni azụụn nke m kẹ ụnụ rị, ni ihiẹn m gwa ọnụ kẹ ụnụ sikọ d'e mẹ, weri ni isi ụmụ di-nwọnni ọnụ bịa d'e kunrun m imẹ Jezriẹlụ mgbeni ekile.” Ụmụ ikẹnnyẹ eze iri kwasị ọgụn-ẹtọ ndị hụ rịsọnmẹ ẹka ndị ndu obodo hụ; uwẹ rị azụn wẹ.
7
Ogẹn wẹ gi nwọnhẹn ẹkụkwọ ozi hụnnị Jehu de, wẹ nọ weri ụmụ eze ndị hụ, gbuchanrịn wẹ mmadụ iri kwasị ọgụn-ẹtọ. Wẹ nọ berisọnmẹ wẹ isi kpọnyesọnmẹ ụkpalị, zi wẹ jẹnni Jehu imẹ Jezriẹlụ.
8
Onyẹ-ozi nọ bịa d'a sị Jehu, “E buhẹgụọ wẹ isi ụmụ eze.” Jehu nọ sị wẹ, “Kpọn ni wẹ tọ ụzọ ẹbụọ ọnụ-mgbọn obodoni nị eki fọn.”
9
Eki e fọn ụz'ọtụntụn, Jehu nọ pụ d'e wuzo ihun ndị alị ahụn ile. Ọ nọ sị wẹ, “Ẹnya ụnụ eruni. Mmẹ zuni di-nwọnni m umẹ, gbu ẹ. Kanị, onyẹ gbu nwan ndịnị ile?
10
Marịn nị nwan n'o nwọnni ihiẹn ọwụlẹ Osolobuẹ ku n'o k'e mẹ ikpụlọ Ehabụ hụn jẹnkọlẹni d'a bụn. Osolobuẹ e mẹzuchanrịngụọ ihiẹn ile o gi odibo ẹ wụ Ẹlaịja ku.”
11
Ya Jehu nọ gbuchanrịn ndị ile họdụ ezi-lẹ-ụlọ Ehabụ imẹ Jezriẹlụ lẹ ndị-isi ile Ehabụ tumẹ, ndị o gi e mẹ ẹhụ lẹ ndị nchụn-ẹjan a; onwọnni onyẹ ọ latọn'a.
12
Ya Jehu nọ gha ebẹhụ buli, dọn ihun Sameria. O ru Bẹt-Ẹkẹdi, ebe ndị e du anụ nọ a kọ anụ ẹṅẹnrẹn,
13
o zu umunẹ Ahazia eze Juda. Ọ nọ jụ wẹ, “Elee ndị kẹ ọnụ wụ?” Wẹ nọ sị a, “Ẹnyi wụ umunẹ Ahazia, ẹnyi bịa d'e kele ụmụ eze lẹ ụmụ nnẹ-eze.”
14
Jehu nọ sị ndị ya lẹ wẹ wị, “Weri ni wẹ lẹ ndụn!” Ya wẹ nọ weri wẹ lẹ ndụn, nọ ẹhụ ọmị Bẹt-Ẹkẹdi gbu wẹ ile ikẹnnyẹ ẹbụọ kwasị ọgụnnaị. O gbuhọdụnị.
15
Ọ ghagụ ebẹhụ pụ, ọ nọ zu Jehonadabụ nwa Rekabụ hụn lala d'e kunrun ẹ. Jehu nọ kele ẹ, sị a, “I buhụ m obi kẹ m dọn bu i obi?” Jehonadabụ nọ sị a, “Ẹghẹẹ, m buhụ i obi.” Jehu nọ sị a, “Omẹni i buhụ m obi, ye m nwan ẹka ị.” Ọ nọ ye ẹ ẹka a, Jehu nọ yen'ẹ ẹka banhan imẹ ụgbọ-ẹshin.
16
Jehu nọ sị a, “Sọnmẹ m, n'ị d'a hụn kẹ ihiẹn Osolobuẹ a dụhan m.” Ọ nọ gi ụgbọ-ẹshin ẹ buru ẹ.
17
Jehu e ru Sameria, ọ nọ gbuchanrịn ndị ikpụlọ Ehabụ ile te họdụnị d'e ru ni a gụchanrịn wẹ kẹ Osolobuẹ dọn gwa Ẹlaịja.
18
Ya Jehu nọ kpọkikomẹ ndị Izrẹlụ ile, sị wẹ “Ẹkẹrẹ kẹ Ehabụ fe mmọn Baalụ; Jehu k'e fe ẹ ọda-ọda.
19
Kpọkikomẹ nị nwan ndị-amụma Baalụ, ndị ile a rụnn'a ọrụn lẹ ndị-ihẹnrẹn ẹ ile. Anịkwọlẹ ni kaka akpụ onyẹ ohu pụ imẹ wẹ, makẹni m k'a chụnyeni Baalụ ẹregede ẹjan. Onyẹ ọwụlẹ bịalẹni arịkọkwọ ndụn.” Kanị Jehu rị e mẹ wẹ ẹro kẹn'ọ hụn ụzọ gbuchanrịn ndị ile a rụnnị Baalụ ọrụn.
20
Jehu nọ sị wẹ, “Kpọ nị ọgwa nị ẹnyi ye Baalụ ọghọ.” Ya wẹ nọ kpọ ọgwa.
21
Ọ nọ zi ozi ghagbarị Izrẹlụ ile, ndị ile e fe Baalụ ọ nọ bịa; onwọnni onyẹ ohu imẹ wẹ bịalẹni. Wẹ ile nọ ruban imẹ ụlọ-mmọn Baalụ, jun ẹ gha isi ẹ ni d'e ru isi ẹ ni.
22
Jehu nọ sị onyẹ e dọnmẹ ẹwuru wẹ gi e fe mmọn Baalụ, “Kpọnhẹn ẹwuru ndịnị ile a rụnnị Baalụ ọrụn jẹnkọ d'e yi.” Ọ nọ kpọnpụhanị wẹ ẹwuru.
23
Jehu lẹ Jehonadabụ nwa Rekabụ nọ banye imẹ ụlọ-mmọn Baalụ. Jehu nọ sị ndị hụ a rụnnị Baalụ ọrụn, “Lehunmẹ ni ẹnya — hụnkwọ n'a nị onwọnni odibo Osolobuẹ rị imẹ igunrun ụnụ ebeni — ndị-ọrụn Baalụ sụọ jẹnkọ d'a rị a.”
24
Wẹ nọ banye d'a chụn ẹjan, ye oyiye w'a dụn ọkụn. Ogẹnni, Jehu e butọgụọ mmadụ ọgụn-ẹnọ ezi, sị wẹ, “Imẹ ụnụ ile, onyẹ nị onyẹ ọwụlẹ imẹ ndị m rị e buche ụnụ ẹka nahịn a, o gi isi ẹ kụ ụgwọ a.”
25
Hụn Jehu gihụ chụnyegụ ẹjan w'a dụn ọkụn, ọ nọ sị ndị-nche lẹ ndị-agha rị ebẹhụ, “Banye ni d'e gbumẹ ni wẹ! Anịkwọlẹ ni onyẹ ọwụlẹ la!!” Ya wẹ nọ gi ọpịa-agha gbukwama wẹ. Ndị-nche lẹ ndị-agha hụ nọ tụ ẹhụ wẹ ye ezi. Ya wẹ nọ shi imẹ-imẹ ụnọ-mmọn Baalụ.
26
Wẹ nọ bupụha ọmụma-nsọ rị ụlọ-mmọn Baalụ, yi ẹ ọkụn.
27
Wẹ nọ tikpọ ọmụma-nsọ Baalụ, kụtu ụnọ-mmọn Baalụ. Ya wẹ nọ nwan gi ẹ họnrin ebe w'a pụye ezi d'e ru tannị.
28
Ẹrịra kẹ Jehu dọn kụsịchanrịn ofufe Baalụ imẹ ndị Izrẹlụ ẹbamịn-ugu.
29
Kanị Jehu e mẹbehini njọ Jerobụam nwa Nebatị, hụn Jerobụam dọ Izrẹlụ ye imẹ ẹ hụn wụ nwa-efin goru ahụn wẹ kọma obodo Bẹtẹlụ lẹ hụn rị obodo Danị.
30
Osolobuẹ sị Jehu, “Ebe i mẹ ọhụnma mẹchanrịn ihiẹn rị m mma ẹnya, mẹchanrịn ikpụlọ Ehabụ ihiẹn ile rị m obi, ụmụ ị k'a nọdị ukpo-eze Izrẹlụ d'e ru agbọ nke ẹnọ.”
31
Kanị Jehu akpachanpụkwọnị ẹnya, gi obi ẹ ile sọn iwu Osolobuẹ wụ Chuku Izrẹlụ. O mẹbehini njọ Jerobụam, hụn Jerobụam dọ Izrẹlụ ye imẹ ẹ.
32
Ogẹn ahụn, Osolobuẹ nọ belụama alị ndị Izrẹlụ rị ẹbamịn-ugu. Hazaẹlụ, eze Aram, nọ karị ndị Izrẹlụ ẹka ẹgbẹrẹ Izrẹlụ ile
33
rị ẹbamịn ọwụwa-ẹnyanwụn Iyi Jọdanị: ya wụ, ẹgbẹrẹ Gilẹdị lẹ Bashanị hụn wụ alị ebọn Gadị lẹ ebọn Rubẹni lẹ ebọn Manasẹ — ghakwọrị Arụa hụn nọkunmẹ Ọdanmgbugbu Iyi udu-mirin Anọnụ.
34
Ihiẹn ndị ọzọ mẹni kẹ Jehu rị a kị lẹ ihiẹn ile o mẹ lẹ ikẹn ile o kpa, wẹ de wẹ ye imẹ ẹkụkwọ w'e detọ ihiẹn mẹ ogẹn ndị-nze kị Izrẹlụ.
35
Jehu a nwụnhụn, laburu ndị nẹdi ẹ, wẹ nọ li ẹ ye obodo Sameria. Nwa a wụ Jeho-ahazị nọ rikin eze ẹ.
36
Ahụa ẹsatọ kwasị ọgụn kẹ Jehu nọ Sameria kị Izrẹlụ.
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 11 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25