bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ika
/
Ika 2018 Bible
/
2 Kings 25
2 Kings 25
Ika 2018 Bible
← Chapter 24
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
1
Hụn mẹ ẹ ahụa itenẹi Zẹdikaya kịma, nke akpọhịn iri imẹ ọnwan nke iri, Nebukadineza wụ eze Babilọnụ nọ gi ufiri isi Zẹdikaya nupụ kịha ndị-agha a ile d'a maye Jerusalẹm ọgụn. Nebukadineza wẹ nọ kehunmẹ obodo hụ, tụn ebe wẹ nọ a gba ụta ghahunmẹ mgbọn obodo hụ.
2
E kehunmẹ wẹ obodo ahụn ẹrịra d'e ru hụn mẹ ẹ ahụa mmanaị Zẹdikaya kịma: ya wụ ọrọgbọ ahụa ohu lẹ ifọn isin kẹ wẹ kehunmẹ ẹ.
3
Nke akpọhịn itenẹi imẹ ọnwan nke ẹnọ ahụa hụ, ihiẹn-oriri rị a kọ imẹ obodo hụ a karịgụọ ẹka, ndị obodo hụ enwọnzi ihiẹn wẹ k'e ri.
4
Ya wẹ nọ tipu mgbọn obodo ahụn, ndị agha Izrẹlụ ile nọ gi imẹ abalị gha ọnụ-mgbọn rị ẹgbata mgbọn ẹbụọ wẹ gi gbehunmẹ obodo hụ gbapụ. Ọnụ-mgbọnni nọkunmẹ ụgba-obobo eze a nọdị e zu ikẹn. Etuni wẹ ndị-agha Kal'di Babilọnụ kehunmẹchanrịn obodo ahụn. Wẹ nọ dọn ihun ibẹka Araba, Ọdanmgbugbu Iyi-Jọdanị.
5
Kanị ndị-agha Kal'di Babilọnụ nọ chụrụ eze, kunrun ẹ ebe alị nọsọnmẹ riẹn ẹhụ Jẹriko. Ndị-agha a ile nọ gba a tọ, gbayịya;
6
ndị-agha Babilọnụ nọ nwụn a, w'ẹ jẹnni eze Babilọnụ imẹ Ribla. Wẹ nọ nọ ebẹhụ hangbu ẹ eṅẹn.
7
Wẹ nọ nọ idẹnya Zẹdikaya gbu ụmụ a ikẹnnyẹ. Ya wẹ nọ gụpụ a akpẹnya ẹbụọ, kpọma a ẹgan igwe-bronzu, w'ẹ shi alị Babilọnụ.
8
Ifọn ohu a gharịgụ, hụn mẹ ẹ ifọn isẹn imẹ ahụa nke mmitenẹi Nebukadineza eze Babilọnụ kịma, nke akpọhịn ẹsa rịn'a, Nebuzaradanị onyẹ-isi ndị agha e che Nebukadineza nche, hụn rịzịkwọ ndị-isi eze Babilọnụ, nọ bịa Jerusalẹm.
9
Ọ nọ mụ ọkụn ye Ụlọ-nsọ Osolobuẹ lẹ obi-eze lẹ ụlọ ile rị Jerusalẹm, dụnpụ ụlọ ile rị mkpa ọkụn.
10
Ya ndị-agha Babilọnụ ile onyẹ-isi ndị nche eze wẹ kịha nọ kụtu mgbọn hụ ghahunmẹ Jerusalẹm.
11
Ya Nebuzaradanị hụn kịhanị wẹ nọ kpụnrụnchanrịn ndị họdụ imẹ obodo ahụn, ndị obodo ahụn ile lẹ ndị hụn gi uche wẹ pụha d'e we enwẹn wẹ ye eze Babilọnụ ogẹn ndị Babilọnụ gi kehunmẹ obodo hụ.
12
Kanị, o nwọnghọ ndị kachanrịn ogbẹnnyẹ e mẹ ọ latọ imẹ ẹ kẹni wẹ hụn ụzọ e lepụ ihiẹn wẹ kụn alị vaịnị lẹ ugbo ẹnya.
13
Ndị Kal'di Babilọnụ hụ nọ gbuka adansụn igwe-bronzu ẹbụọ ndị ahụn rị ihun Ụlọ-nsọ Osolobuẹ, trọkụ igwe-bronzu ndị hụ afẹrẹ rịsọnmẹ lẹ tankị mirin uku igwe-bronzu hụ; wẹ nọ bu igwe-bronzu ahụn ile la Babilọnụ.
14
A kwarịzịghọ wẹ ite lẹ ọsẹkẹ lẹ nwa-mbu wẹ gi a fị ukpẹ lẹ arịa lẹ ihiẹn ile wẹ gi igwe-bronzu mẹmẹ wẹ gi a rụn ọrụn rị Ụlọ-nsọ.
15
Onyẹ-isi ahụn kị ndị nche Nebukadineza a kwarịzịghọ sẹnsa wẹ gi a mụ nsẹnsi lẹ afẹrẹ ndị wẹ e huye ihiẹn ndị w'e fekpu. O buru ihiẹn goru ile lẹ ihiẹn siliva ile.
16
Nke adansụn ẹbụbụọ hụ lẹ Tankị uku hụ lẹ trọkụ ndị hụ, ihiẹn igwe-bronzu ndịnị Solomọnụ mẹmẹ wẹ gi a rụn ọrụn Ụlọ-nsọ Osolobuẹ, igwe-bronzu ile wẹ gi mẹmẹ karị hụn w'a ma.
17
Ojijẹn-elu adansụn ohu-ohu imẹ wẹ ẹbụọ wụ ọbụkụ ẹsa kwasị ọgụn; ojijẹn-elu isi-adansụn igwe-bronzu wẹ dọyesọnmẹ elu adansụn ndị hụ wụ ọbụkụ ẹnọ lẹ nkirishi; igwe-bronzu wẹ gi mẹmẹ ihiẹn ile wẹ gi chọ isi-adansụn mma hụzị a: kẹ ẹgan ndị ahụn wẹ kpagbama kẹ mkpụrụ-osisi pomegraneti wẹ kpụ gi ghahunmẹ elu isi-adansụn ohu-ohu.
18
Onyẹ-isi ndị-nche Nebukadineza a kpụnrụnzịghọ onyẹ-isi nchụn-ẹjan wụ Sẹraya, onyẹ nchụn-ẹjan a hansọnn'ẹ wụ Zẹfanaya lẹzi madụ ẹtọ ndị-isi ndị-nche ọnụmụzọ Ụlọ-nsọ.
19
Ọ nọ gha imẹ ndị họdụ imẹ obodo hụ weri onyẹ ohu te rị a kị ndị-agha lẹ mmadụ isẹn imẹ ndị te a dụn eze ọdụn hụn wẹ hụn imẹ obodo hụ. O werizighọ akanwe hụn kị ndị e detu ẹfan ndị k'e jẹn agha lẹ madụ ọgụn-ẹtọ wẹ hụn imẹ obodo hụ.
20
Nebuzaradanị hụn kị ndị-agha Nebukadineza nọ kpụnrụn wẹ ile jẹnni eze Babilọnụ imẹ Ribla.
21
Eze Babilọnụ gha nọ imẹ Ribla rị alị Hamatị gbu wẹ. Ẹrịra kẹ wẹ dọnmẹ ẹka kpụnpụ ndị Juda alị wẹ, we wẹ shi alị ọzọ.
22
Nebukadineza wụ eze Babilọnụ nọ tumẹ Gẹdalia nwa Ahikam nwa Shafanị n'ọ kịma ndị wẹ latọ imẹ Juda.
23
Ogẹn ndị isi-agha rịsọnmẹ obodo ọzọ rị Juda hụn wụlẹni Jerusalẹm lẹ itu-agha wẹ gi nụ nị eze Babilọnụ e tumẹgụọ Gẹdalia onyẹ-ọkịkị, wẹ nọsọnmẹ bịa Mizpa d'e kunrun Gẹdalia. Ndị bịa ijẹn ahụn wụ Ishmẹlụ nwa Nẹtanịa, Johananị nwa Karia, Sẹraya nwa Tanhumẹtị onyẹ Netofa lẹ Ja-azanịa nwa onyẹ Maaka; uwẹ lẹ itu-agha wẹ wịsọnmẹ bịa.
24
Ịya kẹ Gẹdalia nọ kunni wẹ ẹfan Osolobuẹ n'o gi mẹ obi ru wẹ alị, sị, “Atụlẹ ni egun ndị rị a rụnnị ndị Kal'di Babilọnụ ọrụn. Nọdị nị alịnị — ka nọdị nị okpuru eze Babilọnụ, kẹn'ọ rịnị ọnụ mma.”
25
Kanị, o ru ifọn nke ẹsa rịn'a, Ishmẹlụ nwa Nẹtanịa nwa Ẹlishama, hụn wụ onyẹ ebọn eze lẹ ikẹnnyẹ iri nọ bịa, gbu Gẹdalia lẹ ndị Juda lẹ ndị Kal'di Babilọnụ rị Mizpa.
26
Ya kẹ ndị alị ahụn ile, kẹ onyẹ-uku kẹ onyẹ-nta kẹ ndị isi-agha kẹ wẹ ile, nọ gi egun ndị Kal'di Babilọnụ gbashi alị Ijiptu.
27
Hụn mẹ ẹ ahụa mmẹsa kwasị ọgụn wẹ nwụnrụn Jehoyakini eze Juda, Ẹvili-Mẹrọdakị nọ họnrin eze Babilọnụ. Hụn mẹ akpọhịn ẹsa kwasị ọgụn imẹ ifọn nke mmẹbụọ rịn'a, Ẹvili-Mẹrọdakị nọ gha ụlọ-ngan wepụha Jehoyakini eze Juda;
28
o gi ẹka rị mma sọn ẹ, ye ẹ ocho kachanrịn nke ndị-nze alị ndị ọzọ ile wẹ kpụnhan ya lẹ wẹ Babilọnụ.
29
Jehoyakini a gbụpụ ẹwuru-ngan, yiri ichẹn; d'e ru ụhụọhịn Jehoyakini nwụn ọ hụ e sọn eze Babilọnụ e ri.
30
Eze hụ e ye Jehoyakini ihiẹn o gi e bi ụhụọhịn-ụhụọhịn Jehoyakini e we nwụn.
← Chapter 24
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25