bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ika
/
Ika 2018 Bible
/
2 Kings 5
2 Kings 5
Ika 2018 Bible
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 6 →
1
Naamanị wụ onyẹ-isi agha eze ndị Aram. Eze ndị Aram ara gi ẹ gu egu, ọ gbaye ẹ ọhụnma-ọhụnma — makẹni Osolobuẹ gha ẹka a ye ndị Aram mmẹri. Naamanị wụ odogun-agha, kanị onyẹ-oti rọ.
2
O nwọnsọnmẹ itu ndị Aram e gbu, a kwarị hụn maye ndị Izrẹlụ, nwụnrụn nwata-okpoho ohu. Nwata-okpohoni nọ họnrin odibo nwunyẹ Naamanị.
3
Ụhụọhịn ohu, nwata-okpohoni nọ sị nwunyẹ Naamanị hụn ọ rị iwe ẹ, “K'o furu di-nwọnni m e jẹn d'a hụn onyẹ-amụma rị Sameria! Nkẹ ọ zụọ a emu oti rị a kụn'a.”
4
Naamanị nọ jẹn d'a gwa nna a wụ eze ndị Aram ihiẹn nwata-okpoho onyẹ Izrẹlụ ahụn ku.
5
Eze Aram nọ sị a, “Jẹn nụ! M k'e deye i ẹkụkwọ-ozi jẹnni eze Izrẹlụ.” Ya Naamanị nọ jẹnmẹ. O jẹnkọ, ọ nọ buru ẹkpa siliva uku iri lẹ ẹkpa goru nta ẹbụọ lẹzi ẹwuru iri.
6
Ihiẹn rị imẹ ẹkụkwọ-ozi hụ o wejẹnni eze Izrẹlụ, wụ: “M gi ẹkụkwọ-ozini e mẹ i a marịn nị mmẹ zihẹ odibo m wụ Naamanị, n'ị hụn ụzọ zụọ a emu oti rị a kụn'a.”
7
Hụn eze Izrẹlụ gihụ gụn ẹkụkwọ-ozi ahụn, ọ nọ dọwa ẹwuru o yi, sị, “M wụ Osolobuẹ? Ogbugbu kẹ m'a s'ẹka gbu ra ndụn kẹ m'a s'ẹka ye? Nanị kẹ onyẹni e zihẹni m ịhịan nị m zụọ a oti? Oku k'ọ chọkọkwọ m ihiẹnni!”
8
Ogẹn odibo Osolobuẹ wụ Ẹlaịsha gi nụ nị eze ndị Izrẹlụ dọwa ẹwuru ẹ, ya ọ nọ zi ozini jẹnn'ẹ, “K'ị dọwanị ẹwuru i? Zihẹni m okẹnnyẹ hụ. O jẹnkọ nwan d'a marịn nị onyẹ-amụma Osolobuẹ rị arị imẹ Izrẹlụ.”
9
Naamanị nọ jẹnmẹ, ya lẹ ẹshin lẹ ụgbọ-ẹshin ndị wẹ gi buhẹ ẹ lẹ ndị wẹ gi duhẹ ẹ. Ọ nọ kụsị ọnụmụzọ iwe Ẹlaịsha.
10
Ẹlaịsha nọ zi onyẹ ohu d'a sị a, “Jẹn, wụ ẹhụ mgbe ẹsa imẹ Iyi Jọdanị, ẹhụ ị k'a nọ k'ọ nọ mbụ, y'a dịnhịn emu oti rị a kụn'ị.”
11
Ya Naamanị nọ gi iwe pụ. Ọ sị, “M rodẹ n'o k'a pụha d'e kunrun m, turu, kpọku ẹfan Osolobuẹ wụ Chuku ẹ, fe ẹka ebẹhụ rị e rọnni m, zụọ m oti hụ.
12
Iyi Abana lẹ Iyi Fapa ndị rị obodo Damaskọsụ ẹnyi akanị mirin ile rị alị Izrẹlụ mma? M'a gwarị nọ imẹ wẹ wụ, dịnhịn?” Ọ nọ gbehutọ, fụrụ pụ.
13
Idibo ẹ nọ jẹnburu ẹ, sị a, “Baba, omẹni odibo Osolobuẹ sị ị nwan mẹ ihiẹn zenahịn hụnnị, y'e mẹkọ a? Ọrịwụzị n'ọ sị, ‘D'a wụ n'ị dịnhịn!’ ”
14
Ya Naamanị nọ jẹnmẹ, ruban imẹ mirin Jọdanị mgbe ẹsa hụ Osolobuẹ gwa a, ya ẹhụ a nọ rị mma, nọ kẹ ẹhụ okorọbịa.
15
Ya Naamanị lẹ ndị ile ya lẹ wẹ wị nọ kin azụụn d'e kunrun odibo Osolobuẹ wụ Ẹlaịsha. Ọ nọ wuzo ihun Ẹlaịsha, sị, “Echẹn kẹ m marịn nị onwọnni ebe Chuku rị imẹ ụwa ile karị imẹ Izrẹlụ. Dodo narịn nwan mmẹ wụ odibo i ihiẹnni m wẹhẹ.”
16
Odibo Osolobuẹ nọ sị a, “Ma Osolobuẹ hụn m'e fe, ewerikọ m ihiẹn ọwụlẹ.” Ọ rịọgbama Ẹlaịsha, Ẹlaịsha a jụ.
17
Ya Naamanị nọ sị a, “O mẹ nwan nị y'a narịnkọ, dodo, wẹ kpọnye nwan mmẹ odibo i ẹjan han kẹ ibu jaki-mulu ẹbụọ e bu, makẹni mmẹ wụ odibo i achụnkọzịnị mmọn ọwụlẹ ẹjan w'a dụn ọkụn lẹ ẹjan ndị ọzọ, Osolobuẹ sụọ.
18
Kanị Osolobuẹ ya gbagharịkwọ mmẹ wụ odibo i ihiẹn ohuni: di-nwọnni m wụ eze banye ụlọ-mmọn Rimọnụ d'a kụ isi alị, nị mmẹ sọnjẹn ẹ, nị mmẹ nwẹn a kụ isi alị ebẹhụ. M kụ isi-alị hụ imẹ ụlọ-mmọn Rimọnụ, Osolobuẹ ya dodo gbagharị mmẹ odibo i ọhụn.”
19
Ẹlaịsha nọ sị a, “A la; ihiẹn e mẹ i.” Naamanị e ke jẹnte ọda,
20
Gẹhazi hụn wụ odibo Ẹlaịsha onyẹ amụma nọ sị enwẹn ẹ, “Ledẹ-o! Di-nwọnni m e mẹkẹzini Naamanị onyẹ Aramnị ẹfọma ebe ọ nọlẹni weri ihiẹn o buhẹ. Ma Osolobuẹ, m k'a chụburu ẹ d'a narịn a ihiẹn.”
21
Ya Gẹhazi nọ chụburu Naamanị. Ogẹn Naamanị gi hụn a k'ọ gbala, ọ nọ gha ụgbọ-ẹshin ẹ hidan, buru ẹ, sị a, “Ndemẹ ọ hụkwọ mma?”
22
Gẹhazi nọ sị a, “Ihiẹn ile rịchanrịn mma. Di-nwọnni m zi m d'a sị, ‘Ikorọbịa ẹbụọ rị itu ndị-amụma ghahụ alị rị ugu Ifrem bịa nke m. Dodo, ye wẹ siliva k'e jun ẹkpa ohu lẹ ẹwuru ẹbụọ.’ ”
23
Ya Naamanị nọ sị a, “Ọ gụ rị?! Buru nwan ẹkpa ẹbụọ!” Ọ nọ rịọkẹnmẹ Gẹhazi n'o weri wẹ. Ọ nọ gi ẹkpa ẹbụọ kẹnmẹ siliva hụ, buzi ẹwuru ẹbụọ chen'ẹ, bu wẹ ye idibo ẹ ẹbụọ, e buruni wẹ Gẹhazi ya, ọ hụ e sọn wẹ.
24
Ogẹn Gẹhazi gi ru ugu ebe ụlọ Ẹlaịsha rị, ọ nọ bunarịn ndị idibo hụ ihiẹn ndị ahụn, bu wẹ che mmụlọ. Ọ nọ zi wẹ la, ya wẹ nọ lama.
25
Ya ọ nọ kinzi d'e turu ihun di-nwọnn'ẹ wụ Ẹlaịsha. Ẹlaịsha nọ sị a, “Gẹhazi, elebe k'i jẹn?” Gẹhazi nọ sị a, “Mmẹ odibo i ejẹnni ebe ọwụlẹ.”
26
Kanị Ẹlaịsha nọ sị a, “Y'a marịn nị m rị ebẹhụ imẹ-mmọn kẹ okẹnnyẹ ahụn gha imẹ ụgbọ-ẹshin hidan d'e kunrun i? Nị wẹ gi ogẹn nọ ẹnịna nama egho mọbụ ẹwuru, alị olivu mọbụ alị vaịnị, atụnrụn lẹ ewu lẹ efin mọbụ idibo ikẹnnyẹ lẹ idibo ikpoho?
27
Oti Naamanị k'e risọnmẹ i nwan, yụ lẹ agbọ ị ile jẹnrin-ejẹn!” Oti nọ fụkpo Gẹhazi n'o d'a gha ebe Ẹlaịsha rị pụ, ẹhụ a ile hụ e nwun kẹ ẹkwa ọchan.
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 6 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25