bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ika
/
Ika 2018 Bible
/
2 Kings 15
2 Kings 15
Ika 2018 Bible
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 16 →
1
Hụn mẹ ẹ ahụa ẹsa kwasị ọgụn Jerobụam nke ẹbụọ eze Izrẹlụ ẹbamịn-ugu kịma kẹ Azaria nwa Amazia kịma Juda.
2
Ọ rị nwa ahụa mmisin k'ọ kịma, ahụa mmẹbụọ kwasị ọgụnnaị k'ọ kị; Jerusalẹm k'ọ nọ kị. Nnẹ ẹ wụ Jekolia onyẹ Jerusalẹm.
3
Azaria mẹ ihiẹn rị Osolobuẹ mma ẹnya, nọkẹ kẹ nẹdi ẹ wụ Amazia dọn mẹ.
4
Kanị, ofufe hụ wẹ rị a dan Iwu e fe Osolobuẹ ebe jẹnsọnmẹ elu a kụsịkwọnị, ndị alị hụkwọ e jẹn ebẹhụ d'a chụnnị Osolobuẹ ẹjan, a mụ nsẹnsi.
5
Osolobuẹ tụ eze wụ Azaria emu-oti, ya sụọ nọ biri ụlọ ichẹn; oti ahụn kụ a d'e ru ụhụọhịn ọ nwụnhụn. Jọtam nwa eze nọ lepụma obi-eze ẹnya, a kị ndị alị hụ.
6
Ihiẹn ndị ọzọ mẹni kẹ Azaria rị a kị lẹ ihiẹn ile o mẹ rị imẹ ẹkụkwọ w'e detọ ihiẹn ndị mẹ ogẹn ndị-nze Juda gisọnmẹ kị.
7
Azaria a nwụnhụn, laburu ndị nẹdi ẹ, wẹ nọ li ẹ ebe wẹ liye wẹ imẹ Obodo hụ Defidi tụn. Ya Jọtam nwa a nọ nọkin ẹnya a, kịma.
8
Hụn mẹ ẹ ahụa mmẹsatọ kwasị ọgụn Azaria kịma Juda kẹ Zẹkaraya nwa Jerobụam nwa Jụashị kịma Izrẹlụ ẹbamịn-ugu. Obodo Sameria k'ọ nọ kị; ifọn isin k'ọ kị.
9
O mẹ eje-ihiẹn ẹnya Osolobuẹ kẹ ndị nẹdi ẹ dọn mẹ. Ọ latọnị njọ Jerobụam nwa Nebatị, njọ hụn ọ dọ Izrẹlụ ye imẹ ẹ.
10
Shalum nwa Jabẹshi zuni Zẹkaraya eje-umẹ. Idẹnya ịhịan ile k'ọ nọ maye ẹ, gbu ẹ, nọkin ẹnya a, kịma.
11
Ihiẹn ndị ọzọ ile mẹni kẹ Zẹkaraya rị a kị rị imẹ ẹkụkwọ w'e detọ ihiẹn mẹ ogẹn ndị-nze kị Izrẹlụ gisọnmẹ kị.
12
Ịya kẹ oku hụ Osolobuẹ gwa Jehu gi mẹzu: “Agbọ ẹnọ kẹ mmụ ị k'a nọru ukpo-eze Izrẹlụ.”
13
Shalum nwa Jabẹshi kịma Izrẹlụ hụn mẹ ahụa mmitenẹi kwasị ọgụn Uzịa (wụ Azaria) kịma Juda. Obodo Sameria kẹ Shalum nọ kị; ifọn ohu k'ọ kị.
14
Ya kẹ Menahẹm nwa Gadị nọ gha Tẹza bịa Sameria, maye eze wụ Shalum nwa Jabẹshi, gbu ẹ, nọkin ẹnya a kịma.
15
Ihiẹn ndị ọzọ ile mẹni kẹ Shalum rị a kị lẹ eje-umẹ hụ o zu rị imẹ ẹkụkwọ w'e detọ ihiẹn ndị mẹ ogẹn ndị-nze kị Izrẹlụ ẹbamịn-ugu gisọnmẹ kị.
16
Ogẹn hụ kẹ Menahẹm gi gha Tẹza ọ rị maye obodo Tifsa lẹ ndị ile nọkunmẹn'ẹ, makẹni ekweni wẹ kpọpụ ọnụ-mgbọn wẹ we enwẹn wẹ ye ẹ. Ọ nọ nwan gbuchanrịn ndị obodo hụ, bụọdẹ ikpoho ile rị imẹ rịn'a.
17
Hụn mẹ ẹ ahụa mmitenẹi kwasị ọgụn Azaria wụ eze Juda kịma kẹ Menahẹm nwa Gadị kịma Izrẹlụ. Obodo Sameria k'ọ gha kị. Ahụa iri k'ọ kị.
18
O mẹ eje-ihiẹn ẹnya Osolobuẹ. O we kịchanrịn, ọ ghanị imẹ njọ Jerobụam nwa Nebatị pụ, njọ hụn Jerobụam dọ Izrẹlụ ye imẹ ẹ.
19
Pulu eze Asiria, nọ maye alị ahụn, Menahẹm nọ bu ẹkpa siliva nnụ-uku (1,000) ye Pulu kẹni Pulu kwadọn ẹ, mẹ ọkịkị banchanrịn a ẹka.
20
Ndị Izrẹlụ rị azụụn ọ rị a kị kẹ Menahẹm be eghoni. Ọ sị ọdanfịn ọwụlẹ han akpụrụ siliva iri-kwasị-ọgụnnaị wẹ k'e ye eze Asiria. Ya kẹ eze Asiria nọ lama, yeni alị hụ efe.
21
Ihiẹn ndị ọzọ mẹni kẹ Menahẹm rị a kị lẹ ihiẹn ile o mẹ rị imẹ ẹkụkwọ w'e detọ ihiẹn ndị mẹ ogẹn ndị-nze Izrẹlụ Ẹbamịn ugu gisọnmẹ kị.
22
Menahẹm a nwụnhụn, laburu ndị nẹdi ẹ, Pẹkahia nwa a nọ họnrin eze nọkin ẹnya a.
23
Hụn mẹ ahụa iri kwasị ọgụnnaị Azaria wụ eze Juda kịma kẹ Pẹkahia nwa Menahẹm kịma Izrẹlụ Ẹbamịn ugu. Obodo Sameria k'ọ nọ kị. Ahụa ẹbụọ k'ọ kị.
24
O mẹ eje-ihiẹn ẹnya Osolobuẹ. Ọ ghanị imẹ njọ Jerobụam nwa Nebatị pụ, njọ hụn Jerobụam dọ Izrẹlụ ye imẹ ẹ.
25
Onyẹ-isi agha a ohu wụ Pẹka nwa Rẹmalịa nọ zun'ẹ eje-umẹ. Pẹka kịha ndị Gilẹdị iri kwasị ọgụnnaị, gbu Pẹkahia lẹ Agobu lẹ Ariẹ imẹ ebẹhụ kachanrịn e ze hụn eze nọ e che ẹhụ imẹ obi-eze rị Sameria. Ẹrịra kẹ Pẹka dọn gbu Pẹkahia, họnrin eze nọkin ẹnya a.
26
Ihiẹn ndị ọzọ ile mẹni kẹ Pẹkahia rị a kị lẹ ihiẹn o mẹ rị imẹ ẹkụkwọ w'e detọ ihiẹn ndị mẹ ogẹn ndị-nze Izrẹlụ Ẹbamịn ugu gisọnmẹ kị.
27
Hụn mẹ ẹ ahụa mmẹbụọ kwasị ọgụnnaị Azaria eze Juda kịma kẹ Pẹka nwa Rẹmalịa kịma Izrẹlụ Ẹbamịn ugu. Obodo Sameria k'ọ nọ kị. Ahụa ọgụn k'ọ kị.
28
O mẹ eje-ihiẹn ẹnya Osolobuẹ. Ọ latọnị njọ Jerobụam nwa Nebatị, njọ hụn Jerobụam dọ Izrẹlụ ye imẹ ẹ.
29
Ogẹn Pẹka gi wụ eze Izrẹlụ Ẹbamịn ugu kẹ eze Asiria — hụn wụ nwan Tiglatị-Pilesa — gizi bịa, weri obodo ndịnị wẹ: Ijọnụ lẹ Ebẹlụ-Bẹt-Maaka lẹ Janụa lẹ Kẹdẹshi lẹ Hazọ. Ọ nọzị weri Gilẹdị lẹ Galili (o weri alị Naf'tali ile rị Galili). Ọ nọ kpụnrụn ndị bini wẹ, shi alị a wụ Asiria.
30
Ya Hoshia nwa Ẹla nọ zuni Pẹka nwa Rẹmalịa eje-umẹ. Ọ maye Pẹka, gbu ẹ, họnrin eze nọkin ẹnya a. Ahụa mẹ ẹ ọgụn Jọtam nwa Uzịa (Azaria) kịma Juda kẹ ihiẹnni mẹ.
31
Ihiẹn ndị ọzọ mẹni kẹ Pẹka rị a kị lẹ ihiẹn ile o mẹ rị imẹ ẹkụkwọ w'e detọ ihiẹn ndị mẹ ogẹn ndị-nze Izrẹlụ Ẹbamịn ugu gisọnmẹ kị.
32
Hụn mẹ ẹ ahụa ẹbụọ Pẹka nwa Rẹmalịa kịma Izrẹlụ Ẹbamịn ugu kẹ Jọtam nwa Uzịa (Azaria) kịma Juda.
33
Jọtam rị nwa ahụa isẹn kwasị ọgụn k'o họnrin eze. Jerusalẹm k'ọ gha kị. Ahụa mmisin k'ọ kị. Nnẹ ẹ wụ Jerusha nwa Zadọkụ.
34
Jọtam mẹ ihiẹn rị mma ẹnya Osolobuẹ kẹ nẹdi ẹ wụ Uzịa dọn mẹ.
35
Kanị, ofufe hụ wẹ rị a dan Iwu e fe Osolobuẹ ebe jẹnsọnmẹ elu a kụsịkwọnị, ndị alị hụkwọ e jẹn ebẹhụ d'a chụnnị Osolobuẹ ẹjan, a mụ nsẹnsi. Jọtam rụn Ọnụ-mgbọn hụ rị ebe ka elu e jẹn hụn wẹ ghazị a banye Ụnọ-nsọ Osolobuẹ.
36
Ihiẹn ndị ọzọ mẹni kẹ Jọtam rị a kị lẹ ihiẹn o mẹ rị imẹ ẹkụkwọ w'e detọ ihiẹn ndị mẹ ogẹn ndị-nze Juda gisọnmẹ kị.
37
Ogẹn ẹ kẹ Osolobuẹ gi zimẹ Rẹzini eze Aram lẹ Pẹka nwa Rẹmalịa d'a lụsọn Juda agha.
38
Ogẹn Jọtam gi nwụnhụn, laburu ndị nẹdi ẹ, wẹ nọ li ẹ ye imẹ Obodo hụ Defidi tụn, obodo nẹdi ẹ. Ahazị nwa a nọ họnrin eze nọkin ẹnya a.
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 16 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25