bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ika
/
Ika 2018 Bible
/
2 Kings 6
2 Kings 6
Ika 2018 Bible
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 7 →
1
Itu ndị-amụma sị Ẹlaịsha, “Lee ẹ, ebe ẹnyi bi arị e ru ẹnyi.
2
Nị ẹnyi jẹn Iyi Jọdanị d'e gbuhẹ ogwe osisi ohu-ohu, ẹnyi e gi tụnrụn ebe ẹnyi k'e bi.” Ẹlaịsha nọ sị, “Jẹn ni.”
3
Onyẹ ohu imẹ wẹ nọ sị a, “Dodo, n'i mẹ ọhụnma dujẹn ẹnyi wụ idibo i?” Ẹlaịsha nọ sị, “M k'e dujẹn ọnụ.”
4
Ẹlaịsha nọ sọnmẹ wẹ. E ru wẹ Iyi Jọdanị, ya wẹ nọ gbumẹ osisi.
5
Hụn onyẹ ohu imẹ wẹ gi rị e gbu osisi, isi-anyụn nọ danye imẹ mirin. Ọ nọ yibepụ, “Di-nwọnni m-ee! M narịn ịhịan ya anarịn!”
6
Ẹlaịsha wụ odibo Osolobuẹ nọ jụ a, “Ebe ọ danye?” Ọ ghọsị a ebe ọ danye, Ẹlaịsha nọ beri osisi mẹ ẹkẹrẹ, tụ a ye ebẹhụ, ọ nọ mẹ isi-anyụn ahụn shiẹnrin elu mirin.
7
Ẹlaịsha nọ sị a, “Wepụha a.” Okẹnnyẹ hụ nọ tịnpụ ẹka weri ẹ.
8
Ogẹn ohu, eze Aram lẹ ndị Izrẹlụ rị a lụ agha. Eze Aram lẹ ịhaịmẹ ẹ zugụ, ọ sị, “Ebe nọ ẹnịna lẹ ebe nọ ẹnịna kẹ ẹnyi sikọ d'a nọ mẹ wẹ ihiẹn.”
9
O mẹgụ, Ẹlaịsha wụ odibo Osolobuẹ nọ zi ozi jẹnni eze Izrẹlụ, gba a mkpịnsịn-ẹka ẹnya, sị, “Aghakwọlẹ ni ebahụn, makẹni ndị Aram jẹnkọ d'a rị ebahụn.”
10
O mẹgụ, eze Izrẹlụ nọ zi wẹ d'e lele ebẹhụ odibo Osolobuẹ gwa a oku ẹ. Ẹrịra kẹ Ẹlaịsha gwasọnmẹ eze Izrẹlụ ebe-lẹ-ebe wẹ ku, eze nkẹ hụ e zi wẹ d'e chekin ebẹhụ.
11
Ezigbo iwe nọ bịa eze Aram. Ọ nọ kwọndọn ndị-isi agha a, sị wẹ, “Ụnụ agwakọ m onyẹ rị imẹ ẹnyi hụn rị e re ẹnyi e ye eze Izrẹlụ ẹka?”
12
Onyẹ-isi ohu nọ sị a, “Eze nwọnni m, onwọnni onyẹ rị e mẹn'ẹ ebeni. Ẹlaịsha, onyẹ amụma rị Izrẹlụ, a gwa eze Izrẹlụ ihiẹn ị nọdẹ mmughẹ i ku.”
13
Eze Aram nọ sị, “Jẹn ni d'a chọpụha ebe ọ rị, nị m hụn ụzọ zi wẹ d'a nwụnhan a.” Wẹ nọ bịa d'a gwa eze, “Ọ hụ obodo Dọtanị.”
14
Eze nọ zi ndị gi ẹshin lẹ ndị gi ụgbọ-ẹshin a lụ agha lẹ igunrun ndị agha bu ọda shi ebahụn. Imẹ abalị kẹ wẹ gi jẹn, wẹ nọ kehunmẹ obodo ahụn.
15
Ogẹn nwata-iwe Ẹlaịsha odibo Osolobuẹ gi lihi ọtọ ụz'ọtụntụn pụha ezi, ndị-agha gisọnmẹ ẹshin lẹ ụgbọ-ẹshin e kehunmẹgụọlẹ obodo wẹ rị. Odibo Ẹlaịsha nọ sị, “Heuu, di-nwọnni m, kị ẹnyi k'e mẹ.”
16
Ẹlaịsha nọ sị a, “Atụlẹ egun. Ndị rị azụụn nke ẹnyi ka ndị rị azụụn nke wẹ.”
17
Ẹlaịsha nọ mẹ ekpere sị, “Osolobuẹ, dodo shịapụ a ẹnya, n'ọ hụn ụzọ.” Ya Osolobuẹ nọ shịapụ odibo hụ ẹnya. O lee ẹnya, ọ nọ hụn ẹshin lẹ ụgbọ-ẹshin ọkụn jun elu ugu ndị hụ, fihunmẹ Ẹlaịsha.
18
Ogẹn ndị Aram gi rumẹ ebe Ẹlaịsha rị, Ẹlaịsha nọ mẹ ekpere rịọ Osolobuẹ, sị, “Mẹ ẹnya kpu ndịnị ishi.” Ya Osolobuẹ nọ mẹ ẹnya kpu wẹ ishi kẹ Ẹlaịsha dọn rịọ.
19
Ẹlaịsha nọ sị wẹ, “Ebeni ẹlẹ ụzọ; ebeni ẹlẹ obodo ahụn ọnụ jẹnkọ. Sọnmẹ ni m, nị m du ụnụ jẹnni okẹnnyẹ hụ ọnụ chọkọ.” Ẹlaịsha nọ duru wẹ shi Sameria.
20
A banyegụ wẹ Sameria, Ẹlaịsha nọ sị Osolobuẹ, “Dodo, shịapụ wẹ ẹnya nị wẹ legha ụzọ.” Ya Osolobuẹ nọ shịapụ wẹ ẹnya, e lee wẹ ẹnya, wẹ nọ hụn a nị imẹ Sameria kẹ wẹ rị.
21
Ogẹn eze Izrẹlụ gi hụn wẹ, ọ nọ sị Ẹlaịsha, “Baba, nị m gbu wẹ? Nị m gbu wẹ?”
22
Ẹlaịsha nọ sị a, “Egbulẹ wẹ. Omẹdẹ ni i te gi ọpịa-agha ị mọbụ ụta ị nwụnlụa ịhịan imẹ agha, ni i gbu ẹ? Wẹhẹni wẹ ihiẹn-oriri lẹ mirin nị wẹ ri, ra, laburu di-nwọnni wẹ.”
23
Eze nọ mẹmẹni wẹ ẹregede ihiẹn-oriri, e rigụ wẹ, ra, ọ nọ sị wẹ lama, wẹ nọ laburu di-nwọnni wẹ. Ya kẹ ndị Aram nọ bịabẹhi d'a maye ndị Izrẹlụ ẹbamịn-ugu.
24
Ọ nọbe, Bẹn-Hadadị wụ eze Aram nọ kpọnrin ndị-agha a ile, wẹ nọ jẹn d'e kehunmẹ Sameria, isi-alị Izrẹlụ Ẹbamịn ugu.
25
Ya kẹ ihiẹn-oriri nọ kọ ọda-ọda imẹ Sameria ogẹn ahụn; wẹ kehunmẹbie Sameria ọda-ọda d'e runi egho egbuzi ihiẹn-oriri — hụn wụnị w'e gi akpụrụ egho siliva ọgụn-ẹnọ e ṅọn isi jaki, e gi akpụrụ egho siliva isẹn e ṅọn “nsịn-nduru”.
26
Ụhụọhịn ohu, ebe eze Izrẹlụ ghakọ elu mgbọn obodo hụ, okpoho ohu nọ kpọchen'ẹ, “Eze nwọnni m, dodo, yeni m ẹka!”
27
Eze nọ sị a, “Omẹni Osolobuẹ eyenin'i ẹka, elebe kẹ m'a gha nwọnhẹn ihiẹn m'e gi yeni i ẹka? M nwọnzi ọka ebe w'a nọ a kụkpọ ọka ra m nwọnzi manya ebe w'a nọ a pịnpụha manya?”
28
Eze nọzị nwan jụ a, “Kịnị rọ?” Ọ nọ sị eze, “Okpohoni sị m, ‘Wẹhẹ nwa ị okẹnnyẹ nị ẹnyi ri ẹ tannị, ekile ẹnyi e ri nwa m okẹnnyẹ.’
29
Ẹnyi nọ shiri nwa m okẹnnyẹ. Eki e fọn, m nọ sị a, ‘Wepụha nwa ị nị ẹnyi ri ẹ,’ kanị, o bu nwa a zuemẹ.”
30
Ogẹn eze gi nụ ihiẹn okpoho ahụn ku, ya ọ nọ dọwa ẹwuru ndị o yi. K'ọ ghakọ elu mgbọn hụ, wẹ hụ a hụn a nị ẹwuru wẹ gi a kwan ụya k'o yi imẹ.
31
Eze nọ sị, “Osolobuẹ ya mẹ m ihiẹn, mẹshi m'ẹ ikẹn, omẹni ebepụnị m Ẹlaịsha nwa Shafatị isi tannị!”
32
Ogẹn ahụn, Ẹlaịsha nọdị alị imẹ ụlọ iwe ẹ, ya lẹ ndị ichẹn wị nọdị. Eze nọ zi ụkọ a ohu burun'ẹ ụzọ d'e kunrun Ẹlaịsha. Kanị, n'o d'e ru ebẹhụ, Ẹlaịsha a gwagụọ ndị-ichẹn, sị, “Ụnụ ahụnnị kẹ izighẹni dọn zi ịhịan d'e bepụ m isi? Lee n'ẹ, onyẹ ahụn o zi bịa, ụnụ e nukin ụzọ, nukẹnm'ẹ makẹ ọ gha a banhan. Ẹlẹ nkiti-ụkụ di-nwọnn'ẹ hansọnkọ a ihiẹnni?”
33
Ẹlaịsha rịhụ e ku ihiẹnni, onyẹ eze zi nọ chọha a. Eze sị, “Osolobuẹ buhẹni ẹnyi nsọngbuni. Kị m'e chemẹzini Osolobuẹ?”
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 7 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25