bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ika
/
Ika 2018 Bible
/
2 Kings 7
2 Kings 7
Ika 2018 Bible
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 8 →
1
Ẹlaịsha nọ sị, “Nụ nị ihiẹn Osolobuẹ ku. Osolobuẹ sị: mgbeni ekile, ihiẹn-oriri k'e jun, wẹ jẹnkọ d'e re ọka-witi wẹ gweriẹn hụn k'e jun mkpu kọstadị nta ẹsa lẹ mkpikpi akpụrụ egho siliva ohu sụọ, re ọka-bali wẹ gweriẹn jun mkpu kọstadị nta mmisẹn akpụrụ egho siliva ohu ọnụ-mgbọn Sameria.”
2
Onyẹ-isi agha hụn tanhan eze ẹka nọ sị odibo Osolobuẹ, “Ọsụọdẹn'a nị Osolobuẹ besọnmẹ oghe ye igwere, nị ihiẹnni i ku s'ẹka mẹ?” Ẹlaịsha nọ sị a, “I k'e gi ẹnya ị hụn a, kanị y'e rikọ hụn ọwụlẹ imẹ ẹ!”
3
Ogẹn ahụn, mmadụ ẹnọ oti rị a kụ rị ẹhụ ọnụ-mgbọn obodo ahụn. Wẹ nọ sị ibe wẹ, “Kị ẹnyi k'a nọdịnị ebeni ọnwụn e we gbu ẹnyi?
4
Ẹnyi sị nwan, ‘Nị ẹnyi shi imẹ obodo,’ ihiẹn-oriri arị imẹ obodo, ẹnyi jẹnkọ d'a nwụntọ ebahụn. Ẹnyi nọdị ebeni, ẹnyi jẹnkọ d'a nwụnhụn. Nị ẹnyi gwarị fetu, shi ebe ndị Aram nị kehunmẹni ẹnyi rị d'e we enwẹn ẹnyi ye wẹ. Wẹ dọnmẹ ẹnyi ndụn, ẹnyi a rị ndụn; wẹ gbu ẹnyi, ẹnyi a nwụnhụn.”
5
Ogẹn ọhịhị gi rị a gba, wẹ nọ lihi, jẹnmẹ ebe ndị-agha Aram kehunmẹni wẹ a nọdị. E rumẹ wẹ mkpẹnrẹn ebẹhụ, e lee ebẹhụ ile k'ọ gba okpokoro!
6
Makẹni, Osolobuẹ e mẹgụọ ndị agha Aram nụ ụzụn ụgbọ-ẹshin lẹ ẹshin bu ọda lẹ igwerigwe ndị-agha, a sị wẹ ibe wẹ, “Lee n'ẹ, eze Izrẹlụ e jẹngụọ d'a rịọ eze ndị Hẹti lẹ eze ndị Ijiptu ọrụn nị wẹ lụsọn ẹnyi ọgụn!”
7
Wẹ nọ lihi, gbama ọsọ ozigbo ebe ọhị rị a gba ṅẹnrẹn-ṅẹnrẹn, gbatọsọnmẹ kẹ ọdụ w'a kpụkpọrị w'a nọdị kẹ ẹshin kẹ jaki wẹ ile; a la wẹ ihiẹn ile rị imẹ ọdụ wẹ tọgbọ, zụọrị isi wẹ.
8
Ndị oti ahụn e ru nwan mkpẹnrẹn ebẹhụ ndị Aram te a nọdị, a banye wẹ ọdụ ohu. E ri wẹ, a ra wẹ, e kpọnrin wẹ siliva lẹ goru lẹ ẹkwa, pụ d'e bu wẹ zuemẹ; e kinhẹnzi wẹ, banye imẹ ọdụ ọzọ, kpọnrin ihiẹn imẹ ẹ d'e zuemẹzi.
9
Wẹ nọ sị ibe wẹ, “Ihiẹn ẹnyi rị e mẹ arị mma. O te furu ni ẹnyi d'a gwa wẹ ihiẹnni rị mma mẹ tannị, bụ ẹnyi a gba nkịtịn. Ẹnyi cheri mgbe eki fọn, o k'e buhẹkwọnị ẹnyi afụnfụn. Nị ẹnyi jẹn d'a gwa ndị rị obi-eze.”
10
Wẹ nọ jẹn, kpọcheni ndị e che ọnụ-mgbọn obodo Sameria, sị wẹ, “Ẹnyi jẹn ebe ndị Aram kehunmẹni ẹnyi te rị, onwọnni akpụ onyẹ ohu rịn'a, ẹnyi anụnị ukwere onyẹ ọwụlẹ; ẹshin lẹ jaki ndị wẹ limẹ sụọ rị a; ọdụ wẹ rịsọnmẹ kẹ wẹ latọ wẹ.”
11
Ndị-nche ọnụ-mgbọn Sameria nọ we ozi hụ ghagbama, d'e ru imẹ obi-eze.
12
Eze nọ lihi ozigbo imẹ abalị ahụn, sị idibo ẹ, “Nị m gwa ọnụ ihiẹn ndị Aram rị e mẹ ẹnyi. A marịngụọ wẹ nị ẹgụn rị e gbu ẹnyi; ya haịn wẹ gi nwan la ebẹhụ wẹ nọdị tọ, d'a warị imẹ ọfịa, a sị enwẹn wẹ, ‘Wẹ k'a pụharịrị. Ogẹn ahụn, ẹnyi a nwụn wẹ ẹka, gi ẹ banye imẹ obodo wẹ.’ ”
13
Ya odibo ẹ ohu nọ sị a, “Hanpụha ikẹnnyẹ nị wẹ buru ẹshin isẹn imẹ ẹshin ndị họdụ imẹ obodoni. Ọsụọn'a nị wẹ gbu wẹ e gbu, nke wẹ akanị nke ndị Izrẹlụ ile họdụ ebeni njọ; ẹghẹẹ, ọnwụn ohu ahụn rị e che ndị Izrẹlụ ibe wẹ rị ebeni rọkwọ tan. Nị ẹnyi zi wẹ nwan d'e lee ihiẹn rị e mẹni.”
14
Wẹ nọ họrị ụgbọ-ẹshin ẹbụọ lẹ ẹshin a dọkpụnnị wẹ, eze nọ zi ndị e nyinni wẹ chọjẹn ndị-agha Aram. Ọ sị wẹ, “Jẹn ni d'e lele ihiẹn mẹni.”
15
Ya wẹ nọ sọnsọnmẹ ụzọ wẹ gha d'e rukwọrị Iyi Jọdanị, wẹ hụ a hụn ẹkwa lẹ ihiẹn ndị ọzọ ndị Aram matuhu kẹ wẹ gbakọ ọkụn-ọkụn. Ya ndị ozi hụ nọ kinhẹn d'a gwa eze kẹ wẹ jẹn.
16
Ya kẹ ndị obodo Sameria hụ ile nọ gha imẹ obodo wẹ pụha d'a kwarị ihiẹn rị ebẹhụ ndị Aram te kehunmẹni wẹ ziẹntọ. Ihiẹn-oriri nọ jun, ọka-witi wẹ gweriẹn jun mkpu kọstadị ẹsa lẹ mkpikpi nọ wụrụ akpụrụ egho siliva ohu, ọka-bali jun mkpu kọstadị mmisẹn a wụrụ akpụrụ egho siliva ohu — ihiẹn Osolobuẹ ku a bụn.
17
Onyẹ-isi agha hụ tanhan eze ẹka iwe Ẹlaịsha, kẹ eze buche ọrụn iche ọnụ-mgbọn obodo nche ẹka. Ogẹn wẹ gi nwan rị a fan-nfan (afụ fa) ọnụ-mgbọn, wẹ nọ zọgbu ẹ tọ ebẹhụ. Ọ nọ nwụnhụn kẹ odibo Osolobuẹ dọn ku ogẹn ahụn eze gi bịa iwe ẹ.
18
Ihiẹn nọ mẹ kẹ odibo Osolobuẹ dọn gwa eze, “Mgbeni ekile, wẹ jẹnkọ d'e re ọka-witi wẹ gweriẹn jun mkpu kọstadị ẹsa lẹ mkpikpi akpụrụ egho siliva ohu, re ọka-bali wẹ gweriẹn jun mkpu kọstadị mmisẹn akpụrụ egho siliva ohu — ọnụ-mgbọn Sameria.”
19
Onyẹ-isi agha hụ wụ hụn sị odibo Osolobuẹ, “Ọ sụọdẹn'a nị Osolobuẹ besọnmẹ oghere ye igwere, nị ihiẹnni i ku s'ẹka mẹ?” Odibo Osolobuẹ nọ sị a, “I k'e gi ẹnya ị hụn a, kanị y'e rikọ hụn ọwụlẹ imẹ ẹ!”
20
Ihiẹn hụ Ẹlaịsha ku mẹchanrịn a, wẹ zọgbu ẹ tọ ọnụ-mgbọn obodo, ọ nọ nwụnhụn.
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 8 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25