bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ika
/
Ika 2018 Bible
/
2 Kings 17
2 Kings 17
Ika 2018 Bible
← Chapter 16
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 18 →
1
Hụn mẹ ẹ ahụa mmẹbụọ Ahazị eze Juda kịma kẹ Hoshia nwa Ẹla kịma Izrẹlụ Ẹbamịn ugu. Obodo Sameria k'ọ nọ kị. Ahụa itenẹi k'ọ kị.
2
O mẹ eje-ihiẹn ẹnya Osolobuẹ, kanị o mẹruni hụn ndị-nze bun'ẹ ụzọ kị Izrẹlụ Ẹbamịn ugu mẹ.
3
Shal'manẹsẹ hụn wụ eze Asiria ogẹnni nọ bunụmanị Hoshia, Hoshia lẹ Izrẹlụ nọ họnrin ihu ẹ, a tụhan'a ụtụ.
4
O mẹgụ, eze Asiria nọ chọpụha nị Hoshia rị e nupụ isi okpuru ẹ, makẹni Hoshia a hangụọ ndị ụkọ jẹnni Fẹro wụ So, eze Ijiptu, d'a rịọ a eyemẹka. Ọ tụhazịnịnị eze Asiria ụtụ o te a tụha ahụa-ahụa. Ya Shal'manẹsẹ nọ nwụnrụn a, kpọkin ẹ ye imẹ ụlọ-ngan.
5
Eze Asiria lẹ itu ẹ nọ rujun alị hụ ile, bịa d'a lụsọn Sameria agha, kehunmẹ ẹ — ọrọgbọ ahụa ẹtọ.
6
Hụn mẹ ẹ ahụa itenẹi Hoshia kịma, eze Asiria nọ saẹka mẹri Sameria, ọ ban a ẹka; ọ nọ kpụnrụn ndị Izrẹlụ Ẹbamịn ugu shi Asiria. Ọ nọ mẹ wẹ birisọnmẹ imẹ Hala lẹ Gozanị rị ẹhụ Iyi Habọ lẹzi obodo ndị ọzọ rị alị ndị Mẹdịa.
7
Ihiẹn ndịnị ile mẹ makẹ njọ ndị Izrẹlụ mẹ Osolobuẹ wụ Chuku wẹ hụn gha alị Ijiptu, ẹka Fẹro eze Ijiptu, wepụha wẹ, lẹzi makẹni wẹ fe mmọn-lẹ-iyi;
8
wẹ hụ e mẹ omẹnalị alị ndị ahụn Osolobuẹ chụpụ buche wẹ, e fezi eje-ofufe ahụn ndị-nze Izrẹlụ Ẹbamịn-ugu bidọn.
9
Ndị Izrẹlụ gi nzuzue e mẹ Osolobuẹ wụ Chuku wẹ ihiẹn rịlẹni mma. A rụnrụnsọnmẹ wẹ ụnọ-mmọn imẹ obodo wẹ ile, kẹ imẹ alị-ọfịa wẹ rụntọhụ ụlọ-nche butọ ndị-agha kẹ imẹ obodo shịa ẹfọ wẹ tụnhunmẹ mgbọn.
10
A kọmasọnmẹ wẹ ọmụma-nsọ, zumẹsọnmẹ ihiẹn wẹ gi e rụa Ashẹra ye ugu ile jẹn elu lẹ okpuru osisi ọwụlẹ duni.
11
W'a nọsọnmẹ ụlọ-mmọn a mụye nsẹnsi kẹ alị ndị ahụn Osolobuẹ chụpụ buche wẹ dọn mẹ. Wẹ mẹsọnmẹ eje-ihiẹn hụn a kpasu Osolobuẹ iwe.
12
A tọ wẹ e fe mmọn, ọsụọn'a nị Osolobuẹ a sịgụọ wẹ, “Emẹkwọlẹ ni ihiẹnni.”
13
Osolobuẹ gi ndị-amụma a ile lẹ ndị ile a hụn ụzọ o zihẹ gba Izrẹlụ Ẹbamịn ugu lẹ Juda mkpịnsịn-ẹka ẹnya, sị wẹ, “Gha nị eje-ụzọ ụnụ ghakọ pụha. Mẹmẹ ni ihiẹn m sị ọnụ mẹ lẹ uhi m yisọnmẹ — kẹ wẹ dọn rị imẹ Iwu ile m ye ndị nẹdi ụnụ dọnmẹ lẹ kẹ m dọnsọnmẹ gwa ụnụ ghahanị ọnụ ndị-idibo m ndị-amụma.”
14
Kanị Izrẹlụ Ẹbamịn ugu lẹ Juda egọnni ntịn; e busọnmẹ wẹ isi-ikẹn nọkẹ ndị nẹdi wẹ, hụn gilẹni Osolobuẹ wụ Chuku wẹ dọn ẹnya.
15
A jụ wẹ uhi ẹ lẹ Iwu o gi kwọngbama enwẹn ẹ lẹ ndị nẹdi wẹ, jụ mkpịnsịn-ẹka ọ gbasọnmẹ wẹ. E sọnmẹ wẹ mmọn-lẹ-iyi la iwi, wẹ nwẹn nọ wụrụ ihiẹn la iwi. E lerisọnmẹ wẹ alị ndị ọzọ nọhunmẹni wẹ — bụ Osolobuẹ e te sịgụọ wẹ, “Emẹkwọlẹ ni kẹ w'e mẹ.”
16
A latọ wẹ ihiẹn ile Osolobuẹ wụ Chuku wẹ sị wẹ e mẹ, gi igwe kpụrụ ụmụ-efin ẹbụọ femẹ, zumẹ osisi wẹ gi a rụa Ashẹra. A kpọnị wẹ ihiẹn ile rị igwere isi alị, e fe wẹ mmọn Baalụ.
17
E gidẹ wẹ ụmụ wẹ ikẹnnyẹ lẹ ikpoho chụnnị mmọn ẹjan w'a dụn ọkụn. A gba wẹ ẹfa, a gwọ wẹ ọgụn — re enwẹn wẹ ye eje-ihiẹn, kpasu Osolobuẹ iwe.
18
Ya kẹ Osolobuẹ nọ gi iwe ahụn ndị Izrẹlụ Ẹbamịn ugu kpasu ẹ wepụ wẹ ihun ẹ. Ebọn Juda sụọ nọ họdụ.
19
Kanị ndị Juda nkẹ a jụ nị e mẹkọ wẹ ihiẹn ndị Osolobuẹ wụ Chuku wẹ sị wẹ mẹ. Kama, e mẹsọnmẹ wẹ eje-ihiẹn nwẹn ndị Izrẹlụ Ẹbamịn ugu mẹ.
20
Ya kẹ Osolobuẹ nọ nwan jụ ụmụ Izrẹlụ ile; ọ nọ mẹshimẹ wẹ ikẹn, ọ nị wẹ e gbu wẹ a kwarị ihiẹn wẹ d'e ru nị ọ chụpụdẹ wẹ ihun ẹ.
21
Ogẹn o gi sebepụ Izrẹlụ Ẹbamịn ugu ẹka ikpụlọ Defidi, ndị Izrẹlụ Ẹbamịn ugu nọ tumẹ Jerobụam nwa Nebatị eze wẹ. Jerobụam nọ dọpụ Izrẹlụ ebe wẹ nọ e sọn Osolobuẹ, han wẹ mẹ okẹn njọ.
22
Ndị Izrẹlụ nọ mẹsọnmẹ njọ ile Jerobụam mẹ, alatọnị wẹ wẹ
23
Osolobuẹ e we wepụ wẹ ihun ẹ, owepụ ahụn o gisọnmẹ ndị amụma ndị idibo ẹ ile gwatọ wẹ. E wepụ wẹ nwan ndị Izrẹlụ Ẹbamịn ugu alị wẹ, kpụnrụn wẹ shi Asiria, wẹ hụ nwan ebẹhụ d'e ru tannị.
24
Eze Asiria nọ nwan kpọnhẹn ndị rị ichẹn-ichẹn: ndị Babilọnụ, ndị Kọta, ndị Ava, ndị Hamatị lẹ ndị Sẹfavụ. O mẹ wẹ birisọnmẹ obodo ndị rị Sameria, gi wẹ nọkin ẹnya ndị Izrẹlụ Ẹbamịn ugu. Wẹ nọ weri Sameria, biri imẹ obodo ndị rịn'a.
25
Kẹ wẹ bimẹ ebẹhụ, efeni wẹ Osolobuẹ. Ya kẹ Osolobuẹ nọ zimẹ ẹwọrọ e ye imẹ igunrun wẹ, ẹwọrọ nọ gbupụ ụfọdụ imẹ igunrun.
26
Okuni nọ ru eze Asiria ntịn, nị “Ndị ị kpụnpụ alị wẹ, mẹ wẹ birisọnmẹ obodo ndị rị Sameria, amarịn iwu wẹ gi a rụa mmọn alị hụ. O zigụọ nwan ẹwọrọ yesọnmẹ igunrun wẹ, ẹwọrọ rị nwan e gbu wẹ, makẹni amarịn wẹ iwu wẹ gi a rụa a.”
27
Ya eze Asiria nọ sị, “Wekin ni onyẹ nchụn-ẹjan ohu imẹ ndị hụn ụnụ gha Sameria kpụnrụn n'o d'e biri ebẹhụ, n'ọ kuzi wẹ iwu mmọn alị ahụn.”
28
Ya onyẹ ohu imẹ ndị nchụn-ẹjan wẹ gha Sameria kpụnrụn nọ bịa Bẹtẹlụ d'e biri, kuzi wẹ kẹ w'e fe Osolobuẹ.
29
Kanị, alị ichẹn-ichẹn imẹ wẹ a kpụrụnzịghọ mmọn wẹ imẹ obodo ndị wẹ bi, kọma wẹ ye ụlọ-mmọn ndị Sameria rụnyesọnmẹ ebe jẹn elu.
30
Ndị Babilọnụ a kọma Sukọtụ-Bẹnọtụ, ndị Kọta a kọma Nẹgalụ, ndị Hamatị a kọma Ashima;
31
ndị Ava a kọma Nib'azị lẹ Tatakị, ndị Sẹfavụ hụ a kpọ ụmụ wẹ ọkụn e gi a chụnyeni Adramẹlẹki lẹ Anamẹlẹki, hụn wụ mmọn ndị Sẹfavụ ẹjan.
32
E femẹ wẹ Osolobuẹ, kanị e tumẹrin wẹ ndị nke wẹ ọwụlẹ ban wẹ ẹnya nị w'a rụnnị wẹ ọrụn ndị nchụn-ẹjan Osolobuẹ imẹ ụlọ-mmọn ndị hụ rịsọnmẹ ebe jẹn elu.
33
Wẹ hụ e fe Osolobuẹ, a rụazị mmọn wẹ kẹ wẹ e mẹ ẹ imẹ alị wẹ ghasọnmẹ kpụnhan wẹ.
34
Kẹ w'e mẹ alị wẹ ghasọnmẹ wẹhẹ wẹ kẹ wẹ mẹkọ d'e ru tannị. W'a ra fe Osolobuẹ mọbụ sọn uhi lẹ ọdịnalị lẹ iwu ndị hụ Osolobuẹ ye ụmụ Jekọpụ, onyẹ hụn ọ gụn Izrẹlụ, lẹ ihiẹn ndị ọ sị ụmụ Jekọpụ e mẹ.
35
Kẹ Osolobuẹ tumẹ nkwerigbama ẹgbata ya lẹ ndị Izrẹlụ, ọ sị wẹ, “Efelẹ ni mmọn-lẹ-iyi ọwụlẹ mọbụ kụnị wẹ isi alị; arụalẹ ni wẹ mọbụ chụnyeni wẹ ẹjan.
36
Osolobuẹ sụọ, hụn gi ikẹn hi ogbe lẹ ikẹn ọ kpasọnmẹ gha alị Ijiptu wepụha ụnụ kẹ ụnụ k'e fe. Ịya kẹ ọnụ k'a chụnyeni ẹjan, kpọnị isi alị.
37
Kpachanpụ nị ẹnya mẹsọnmẹ uhi lẹ ọdịnalị lẹ iwu lẹ ihiẹn ndị ọzọ o detọnị ọnụ. Efelẹ ni mmọn-lẹ-iyi.
38
Azọlẹ ni nkwerigbama m tumẹ ẹgbata mmẹ lẹ ọnụ; efelẹ mmọn-lẹ-iyi.
39
Kama, fe ni Osolobuẹ wụ Chuku ụnụ; ịya jẹnkọ d'a gbapụha ụnụ ẹka ndị-iṅẹnrẹn ọnụ ile.”
40
Ndịnị bi nwan Sameria egọnni ntịn, kama, e mẹsọnmẹ wẹ kẹ w'e mẹ alị wẹ ghasọnmẹ kpụnhan wẹ.
41
Ẹrịra kẹ wẹ fekọ Osolobuẹ lẹ mmọn wẹ pịn. D'e ru tannị, ụmụ wẹ lẹ ụmụ-ụmụ wẹ rịkwọ nwan e mẹ kẹ ndị nẹdi wẹ dọn mẹ.
← Chapter 16
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 18 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25