bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ika
/
Ika 2018 Bible
/
2 Kings 4
2 Kings 4
Ika 2018 Bible
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 5 →
1
Nwunyẹ onyẹ ohu rị itu ndị-amụma kwanburuhẹ Ẹlaịsha, sị a, “Odibo i wụ di m a nwụnhụngụọ. Y'a marịnghọ n'ọ gbaye Osolobuẹ ọda-ọda. Kanị, onyẹ o gi ụgwọ lala nwan d'e weri ụmụ m ikẹnnyẹ ẹbụọ n'o gi wẹ họnrin igbọn ẹ.”
2
Ẹlaịsha nọ sị a, “Kịnị k'ị chọ nị m mẹn'i? Gwa m, kịnị k'i nwọn iwe ị?” Ọ nọ sị a, “Onwọnni ihiẹn ọzọ mmẹ odibo i nwọn karị ofugbọn-olivu mẹ ẹkẹrẹ.”
3
Ẹlaịsha nọ sị a, “Jẹn d'a rịọnarịnsọnmẹ ibe i okpokoro ẹkpoko. Chọhakwọ hụn bu ọda, ẹlẹkwọ ẹkẹrẹ.
4
I kpọnhẹngụ wẹ, y'a ban imẹ ụnọ, kpọkin enwẹn i lẹ ụmụ ị ikẹnnyẹ ye imẹ ụlọ. Huyemẹ ofugbọn-olivu nta hụ i nwọn imẹ ẹkpoko ndị ahụn, hụn junni ụnụ e bu ẹ che ụsụọ.”
5
Okpoho ahụn nọ pụ, o mẹgụ, ọ nọ kpọkin enwẹn ẹ ye imẹ ụnọ, ya lẹ ụmụ a ikẹnnyẹ hụ. Ụmụ a ndị ahụn hụ e kpọnhẹnn'ẹ ẹkpoko ndị nwẹn, ọ hụ e huye.
6
O hujunchanrịngụ ẹkpoko ndị nwẹn ile, ọ nọ sị nwa a, “Wẹhẹzi.” Nwa a nọ sị a, “Ẹkpoko ahọdụzịnị.” Ya kẹ ofugbọn-olivu hụ nọ hubehi.
7
Ọ nọ jẹn d'a gwa odibo Osolobuẹ wụ Ẹlaịsha. Ẹlaịsha nọ sị a, “Jẹnmẹ d'e re ofugbọn hụ gi kụ ụgwọ i gi. Ịyụ lẹ ụmụ ị e gi hụn họdụnị bimẹ.”
8
Ụhụọhịn ohu, Ẹlaịsha nọ jẹn obodo Shunẹm. Okpoho ohu wụ ọdanfịn bi ebẹhụ nọ rịọ a ọda-ọda n'ọ nọdị ri ihiẹn-oriri; ya k'ọ nọ mẹ ni ogẹn ọwụlẹ Ẹlaịsha ghapụha, ọ banye d'e ri ihiẹn-oriri.
9
Okpoho hụ nọ sị di ẹ, “A marịngụọ m'a nị okẹnnyẹni a ghafe ebeni mbụ-lẹ-ẹbụọ wụ odibo-nsọ Osolobuẹ.
10
Nị ẹnyi mẹmẹ mmughẹ mẹ ẹkẹrẹ ye enu ụlọ, ẹnyi e bu bẹdi lẹ teburu lẹ ocho lẹ ukpẹ tọn'a, kẹn'ọ hụn ụzọ a nọdị ebẹhụ ogẹn ọwụlẹ ọ ghapụha nke ẹnyi.”
11
Ụhụọhịn ohu, Ẹlaịsha a bịa, ọ nọ shi mmughẹ nwẹn rị ibe elu d'e zu ikẹn.
12
Ya ọ nọ sị odibo ẹ wụ Gẹhazi, “Kpọha okpoho Shunẹm ahụn.” Ya ọ nọ kpọ a; okpoho hụ a bịa, turu ihun Ẹlaịsha.
13
Ẹlaịsha nọ sị Gẹhazi, “Sị a, ‘Lee ihiẹn-ihiẹn ị rị e mẹni ẹnyi. K'ị chọ nị wẹ mẹn'i? Nị wẹ d'a gwa eze mọbụ onyẹ-isi ndị-agha oku i?’ ” Okpoho hụ nọ sị, “E nwọnghọdẹ m ụlọ imẹ igunrun ndị nke ẹnyi.”
14
Ẹlaịsha nọ sị Gẹhazi, “Kịnị kẹ ẹnyi k'e mẹn'ẹ nwan?” Gẹhazi nọ sị a, “Omẹni ọhụn rọ, ọ mụnị okẹnnyẹ bụ di ẹ a kagụọ ẹgẹdi.”
15
Ẹlaịsha nọ sị a, “Kpọha a.” Ya ọ nọ kpọha a. Okpoho nwẹn nọ bịa d'e wuzo ọnụmụzọ.
16
Ya Ẹlaịsha nọ sị a, “Mgbeni akan-ile ị k'a pa nwa ị okẹnnyẹ ẹka.” Ya okpoho hụ nọ sị a, “Mba Diọkpa, odibo Osolobuẹ, atụlẹ odibo i ntụ!”
17
O mẹgụ, okpoho ahụn nọ tụrụ imẹ. Ahụa a bọ, o ru ogẹn ahụn Ẹlaịsha ku, ọ nọ mụ okẹnnyẹ kẹ Ẹlaịsha dọn gwa a.
18
Ogẹn nwata nwẹn gi himẹ, o ru ụhụọhịn ohu, ọ nọ jẹn d'e kunrun nẹdi ẹ imẹ ugbo ebe ya lẹ ndị rị a ghọn'a ihiẹn-ugbo rị.
19
Ọ nọ yimẹni nẹdi ẹ, “Isi m! Isi m!” Nẹdi ẹ nọ sị odibo ẹ ohu, “Pa a jẹnni nnẹ ẹ.”
20
Ya odibo hụ nọ parị a, pa a jẹnni nnẹ ẹ. Nwata hụ nọdị alị ụkụ nnẹ ẹ ebẹhụ ọ pa a d'e ru efinaị, ọ nọ nwụnhụn.
21
Okpoho ahụn nọ shi mmughẹ hụ rị elu, pa nwata hụ tọ enu bẹdi odibo Osolobuẹ, gụnma ụzọ, pụ.
22
Ọ nọ kpọ di ẹ, sị a, “Dodo, zihẹni m odibo ohu lẹ jaki ohu, nị m d'e kunrun odibo Osolobuẹ ozigbo, nị m lụaha.”
23
Di ẹ nọ sị a, “K'i k'e kunrunn'ẹ tannị? Onwọnni ofufe rị ichẹn rị tannị — kẹ mmẹmmẹ ifọn-ọhụn kẹ ụhụọhịn Ezumikẹn.” Okpoho hụ nọ sị a, “Nsọngbu arịa.”
24
Okpoho nwẹn nọ dọ ihiẹn o gi a nọdị elu jaki ye, sị odibo ẹ, “Nje; ozigbo-ozigbo: etukwọlẹ m nyinmẹ ẹkẹrẹ-ẹkẹrẹ sụkpan nị mmẹ gwa ị.”
25
Okpoho hụ nọ buli d'e kunrun odibo Osolobuẹ ebe ọ rị Ugu-Kamẹlụ. Mgbe Ẹlaịsha gi lechen'ẹ, ọ nọ sị odibo ẹ wụ Gẹhazi, “Lẹhụ onyẹ Shunẹm!
26
Dodo, gbaburu ẹ, y'a jụ a, ‘Ị hụ mma? Di i hụ mma? Nwa ị hụ mma?’ ” Okpoho ahụn nọ sị, “Ihiẹn ile hụ mma.”
27
Ogẹn o gi ru ebe odibo Osolobuẹ wụ Ẹlaịsha rị, ọ nọ fiedọn ẹ ụkụ. Gẹhazi nọ bịa n'o nupụ a. Kanị odibo Osolobuẹ nọ sị a, “Hapụ a ye! O nwọn ihiẹn rị a fụn'a ọda-ọda, kanị Osolobuẹ zuemẹni m'ẹ, Osolobuẹ eke gwa m ihiẹn ọ wụ.”
28
Okpoho hụ nọ sị, “Diọkpa, m rịọ ị nwa? A gwanị m'ị, ‘A tụlẹ m ntụ’?”
29
Ẹlaịsha nọ sị Gẹhazi, “Fa ẹwuru i ye ukun ọhụnma n'ọ n'ị gba ọsọ, y'e weri ọkpọ m, gbama ọsọ. I hụn ịhịan ụzọ, akụsịkwọlẹ n'i kele ẹ; onyẹ kele i, ekwelẹ. I ru ẹ, y'e bu ọkpọ m nị kwasị nwata hụ ihun.”
30
Nnẹ nwata hụ nọ sị, “Ma Osolobuẹ, Ma isi i, ahatukọ m'ị.” Ya Ẹlaịsha nọ lihi, sọnmẹ ẹ.
31
Gẹhazi buni wẹ ụzọ jẹnmẹ, ọ nọ bu ọkpọ hụ kwasị nwata hụ ihun, kanị nwata ekwọnni, o mẹhunmẹni. Gẹhazi nọ kinhẹn azụụn d'e kunrun Ẹlaịsha, sị a, “Nwata ahụn etẹnhinni.”
32
Ẹlaịsha e ru mmụlọ ebẹhụ, e lee nwata hụ nwụnhụngụnị elu-bẹdi Ẹlaịsha!
33
Ya ọ nọ banye, kpọkin enwẹn ẹ lẹ nwata hụ ye imẹ ụlọ, mẹ ekpere rịọ Osolobuẹ.
34
O nyinrin bẹdi ahụn, dinẹkwasị nwa-ndu ahụn, bu ọnụ a che ẹ ọnụ, bu ẹnya a che ẹ ẹnya, tịnpụ ẹka ẹbụọ kwasị a ẹka ẹbụọ. Hụn ahụn ọ tịnpụ enwẹn ẹ kwasị a, ẹhụ nwa-ndu hụ nọ kpọnmẹ ọkụn.
35
Ẹlaịsha nọ lihi; e jẹnjẹn, e jẹnlụa imẹ ụlọ ebẹhụ; o nyinrinzi elu-bẹdi hụ, dinẹkwasịzị nwa-ndu ahụn. Ya nwata hụ nọ ziẹn uziẹnrẹn mgbe ẹsa, shịapụ ẹnya.
36
Ẹlaịsha nọ hị Gẹhazi, sị a, “Kpọha onyẹ Shunẹm.” Ọ nọ kpọ a. Okpoho hụ a banhan, Ẹlaịsha nọ sị a, “Weri nwa ị.”
37
Okpoho nwẹn nọ gbuni Ẹlaịsha osekpu, hulụan'a isi; ọ nọ weri nwa a, pụ.
38
Ogẹn Ẹlaịsha gi lụakinhẹn Gil'galụ, ụnwụn rị a mụ ẹgbẹrẹ hụ. Ebe ya lẹ itu ndị amụma rị e zu, ọ nọ sị odibo ẹ, “Bu ite hi-ogbe che ọkụn n'i gbuni ndịnị awaị.”
39
Onyẹ ohu imẹ wẹ nọ shi ọfịa d'a kpa mkp'ẹhụhụọ. Ọ nọ hụn vaịnị-ọfịa. Ọ nọ tụtụ ogbe vaịnị-ọfịa, tụtụjun ẹwuru ẹ. Ọ lụaha, ọ nọ ja wẹ ye imẹ ite, onwọnni onyẹ marịn nị.
40
Wẹ nọ hupụha awaị hụ. Kanị e rimẹ w'ẹ, wẹ nọ yimẹ, “Heuu, odibo Osolobuẹ! Ihiẹn-oriri rị imẹ iteni k'a saẹka gbukwọ ịhịan!” Ọ nịnị wẹ ri.
41
Ẹlaịsha nọ sị, “Wẹhẹ ni ọka wẹ gweriẹn” Ọ nọ bu ẹ che imẹ ite hụ, sị, “Ke ni ni wẹ ya nị wẹ ri.” Onwọnzini ihiẹn mẹn'ẹ.
42
Okẹnnyẹ ohu gha Baalụ-Shalisha wẹhẹni odibo Osolobuẹ wụ Ẹlaịsha ogbe brẹdi ọgụn wẹ gi ọka-bali ibuzọ kagụnị mẹmẹ lẹ ukun ọka oyiyi. Ẹlaịsha nọ sị odibo ẹ, “W'ẹ ye ndị amụmanị ri.”
43
Odibo ẹ nọ sị a, “Nanị m'e ye mmadụ ọgụn-isẹn ihiẹn ntanị ri?” Kanị Ẹlaịsha nọ sị a, “W'ẹ ye wẹ ri. Osolobuẹ sị, ‘Wẹ k'e rijun ẹfọ, ọ họdụdẹ.’ ”
44
Ya ọ nọ bupụhanị wẹ ya, wẹ nọ ri, rihọdụ, ihiẹn Osolobuẹ ku a bụn.
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 5 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25