bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ika
/
Ika 2018 Bible
/
2 Kings 20
2 Kings 20
Ika 2018 Bible
← Chapter 19
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 21 →
1
O tebe, emu nọ kụma Hezikaya, chọmadẹ n'o gbu ẹ. Ya onyẹ amụma wụ Azaya nwa Emọzụ nọ jẹn d'e kunrun ẹ, sị a, “Lee ihiẹn Osolobuẹ ku: ọ sị ị, ‘Dọnkwama ụlọ i, makẹni y'e d'a nwụn; y'a dịnhịnkọ.’ ”
2
Ya Hezikaya nọ gbehutọ, bu ihun zinmẹ ẹhụ-ẹjan, mẹ ekpere rịọ Osolobuẹ, sị,
3
“Euu, Osolobuẹ, dodo, nyanhankwọ kẹ m dọn rị e sọnchanrịn ị ọhụnma-ọhụnma lẹ kẹ m dọn wechanrịn obi m ile ye i, e mẹ ihiẹn rị mma ẹnya ị.” Hezikaya nọ kwan ẹkwan ọda-ọda.
4
Azaya rị etintinnaị ezi-ọgwa imẹ obi-eze ahụn hụn o gi pụkọ, Osolobuẹ nọ sị a,
5
“Kin azụụn d'a gwa onyẹ-ndu ndị nke m wụ Hezikaya, sị a, ‘Lee ihiẹn Osolobuẹ wụ Chuku Defidi nẹdi i ku: Ọ sị, “A nụgụọ m ekpere i, hụn ẹnya-mirin i; m k'a zụọ ị. I k'e jẹn Ụlọ-nsọ Osolobuẹ nwẹnẹ eki.
6
M k'e be ahụa mmisẹn chen'i. M k'a gbapụha yụ lẹ obodoni ẹka eze Asiria. M k'e gi ufiri ẹfan m lẹ ufiri odibo m wụ Defidi che obodoni nche.” ’ ”
7
Azaya nọ sị wẹ, “Sụkpọ nị akpụrụ osisi-figi, nyan ye ẹsusue hụ.” Wẹ nọ mẹ ihiẹn o ku, Hezikaya nọ dịnhịn.
8
Ogẹn Hezikaya gi jụ Azaya, “Kị m'e gi marịn nị Osolobuẹ k'a zụọ m emuni lẹni m k'e jẹn Ụlọ-nsọ Osolobuẹ nke akp'ọhịn ẹtọ?”
9
Azaya nọ sị a, “Lee ihiẹn y'e gi marịn nị Osolobuẹ k'e mẹ ihiẹn ọ sị n'o k'e mẹ: Elee hụn ị chọ: nị onyinyọn jẹnshi ihun amụkụ iri ra n'o kin azụụn amụkụ iri?”
10
Hezikaya nọ sị a, “Onyinyọn jẹnshi ihun amụkụ iri, onwọnni ihiẹn ọ wụ. Ya kin nwan azụụn amụkụ iri.”
11
Ya kẹ onyẹ-amụma wụ Azaya nọ kpọku Osolobuẹ, Osolobuẹ nọ mẹ onyinyọn kin azụụn amụkụ iri elu mgbanyinrin Ahazị ebẹhụ w'a nọ e gi onyinyọn e lele ogẹn.
12
Ogẹn ahụn, eze Babilọnụ wụ Mẹrodaki-Baladanị nwa Baladanị nọ de ẹkụkwọ-ozi, zi wẹ weri ya lẹ ihiẹn jẹnni Hezikaya, makẹni ọ nụ nị emu kụ Hezikaya.
13
Hezikaya nọ nabanhan ndị ụkọ hụ, ghọsịchanrịn wẹ ihiẹn ile rị ebe o dọnmẹ ihiẹn: kẹ siliva kẹ goru kẹ ihiẹn ndị e shin ọhụnma kẹ ezigbo udẹn lẹ ofigbọn-olivu; ọ ghọsịzị wẹ ebe o dọnmẹ ihiẹn-agha a kẹ ihiẹn ile rị ebe o dọnmẹ ihiẹn. Onwọnni ihiẹn rị obi-eze Hezikaya mọbụ alị-eze ẹ hụn Hezikaya ghọsịlẹni wẹ.
14
Azaya onyẹ-amụma nọ jẹnburu eze wụ Hezikaya, jụ a, “Kị ndị hụ ku? Elebe kẹ wẹ gha bịa?” Hezikaya nọ sị, “Wẹ gha alị teni bịa; alị Babilọnụ kẹ wẹ gha bịa.”
15
Azaya nọ sị a, “Kịnị kẹ wẹ hụn imẹ obi-eze i?” Hezikaya nọ sị a, “A hụngụọ wẹ ihiẹn ile rị obi-eze m. Onwọnni ihiẹn rị ebe ile m'e dọnmẹ ihiẹn hụn m ghọsịlẹni wẹ.”
16
Azaya nọ sị Hezikaya, “Gọn ntịn ihiẹn Osolobuẹ ku:
17
Ogẹn lalarịrị hụn wẹ sikọ d'e kpọnchanrịn ihiẹn ile rị obi-eze i lẹ ihiẹn ile ndị nẹdi i dọnmẹtọ d'e ru tannị, kpọnla Babilọnụ. Onwọnni ihiẹn k'a họdụnị. Ya kẹ Osolobuẹ ku.
18
Wẹ k'a ghadẹ ẹbozo i, ụmụ ẹfọ ị, ẹdeke i, weri ịhịan, wara wẹ, a rụnmanị wẹ wẹ ọrụn imẹ obi-eze Babilọnụ.”
19
Ya kẹ Hezikaya nọ sị Azaya, “Ozi Osolobuẹ zi i zi m hụ mma.” Hezikaya ku ẹrịra makẹni ọ sị enwẹn ẹ, “Kasị a mẹni udọn lẹ ndọnkwa hụd'a ebe m rị ndụn?”
20
Ihiẹn ndị ọzọ mẹni kẹ Hezikaya rị a kị, ihiẹn ọ rụn lẹ k'o dọn rụn ọgọdọ mirin lẹ uroro-amị ọ tụ hụn o gi dọbanhan mirin imẹ Jerusalẹm rị imẹ ẹkụkwọ w'e detọ ihiẹn ndị mẹ ogẹn ndị-nze Juda gisọnmẹ kị.
21
Hezikaya a nwụnhụn, laburu ndị nẹdi ẹ, nwa a wụ Manasẹ nọ họnrin eze nọkin ẹnya a.
← Chapter 19
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 21 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25