bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ilokano
/
Ilokano (Ti Biblia (1973))
/
Ezekiel 20
Ezekiel 20
Ilokano (Ti Biblia (1973))
← Chapter 19
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 21 →
1
Ket napasamac idi maicapito a tawen, iti maicalima a bulan, idi maicapul-lo nga aldaw ti bulan, nga immay dagiti daduma a lallacay ti Israel tapno umumanda ken Jehova, ket nagtugawda iti sangoanac.
2
Ket ti sao ni Jehova dimteng caniac, a kinunana,
3
Anac ti tao, agsaoca cadagiti lallacay ti Israel, ket cunam cadacuada, Castoy ti cuna ni Apo Jehova: Immaycayo aya nga umuman caniac? Cas sibibiagac, cuna ni Apo Jehova, saanacto a mapagyumanan cadacayo.
4
Ocomemto aya ida, anac ti tao, ocomemto aya ida? Ipacaammom cadacuada dagiti kinarimon dagiti ammada;
5
Ket cunam cadacuada, Castoy ti cuna ni Apo Jehova: Idi aldaw a panamilic iti Israel, ken insapatac iti capuonan ti balay ni Jacob, ket nagpacaamoac cadacuada idiay daga ti Egipto, idi insapatac cadacuada, a kinunac, Siac ni Jehova a Diosyo;
6
Iti daydi nga aldaw insapatac cadacuada, nga aonec ida idiay daga nga Egipto nga ipan idiay daga a nabirucac a maipaay cadacuada, isu a pagayusan ti gatas ken diro, a pacaidayawan ti isu-amin a daga.
7
Ket kinunac cadacuada, Ibellengyo tunggal tao dagiti kinarimon iti imatangna, ket dicayo tulawan ti bagbagiyo met laeng cadagiti didiosen ti Egipto; Siac ni Jehova a Diosyo.
8
Ngem simmukirda caniac, ket didac kinayat nga ipangag; saan nga imbelleng ti tunggal maysa dagiti kinarimon iti imatangna, ket dida met binaybay-an dagiti didiosen ti Egipto. Idin kinunac nga ibuyatconto ti pungtotco cadacuada, tapno matungpal ti ungetco a maibusor cadacuada iti tengnga ti daga ti Egipto.
9
Ngem siac nagaramidac gapu iti naganco, tapno saan coma a mabassawangan iti imatang dagiti nasnacion, isu a nagnaedanda idi, nga iti imatangda nagpacaammoac cadacuada, iti panangaonco cadacuada iti daga ti Egipto.
10
Gapuna pinaruarco ida manipud iti daga ti Egipto, ket inyegco ida iti let-ang.
11
Ket intedco cadacuada dagiti linlintegco, ket impakitac cadacuada dagiti bilbilinco, a no tungpalen ida ti tao, isuda ti pagbiagannanto.
12
Castamet intedco met cadacuada dagiti al-aldawco a panaginana nga isuda ti tanda caniac ken cadacuada, tapno maammoanda coma a siac ni Jehova a mangsantificar cadacuada.
13
Ngem ti balay ti Israel simmukir caniac idiay let-ang; saanda a nagna cadagiti linlintegco, ket naglictadanda dagiti bilbilinco, a no salimetmetan ida ti tao, isuda ti pagbiagannanto; ket dagiti al-aldawco a panaginana binassawanganda unay. Iti casta kinunac nga ibuyatconto ti pungtotco cadacuada idiay let-ang, tapno ibusenna ida.
14
Ngem nagaramidac gapu iti naganco, tapno saan coma a matabbaawan iti imatang dagiti nasnacion, nga iti imatangda inaonco ida.
15
Castamet insapatac cadacuada idiay let-ang, a diacto ida ipan iti daga nga intedco cadacuada, isu a pagayusan ti gatas ken diro, a pacaidayawan ti isu-amin a daga;
16
Ta isuda naglictadanda dagiti bilbilinco, ket dida nagna cadagiti linlintegco, ket tinabbaawanda dagiti al-aldawco a panaginana; ta ti pusoda simmurot cadagiti didiosenda.
17
Nupay casta ti matac insakitna ida, ket diac ida dinadael, ket diac met inaramid ti naananay a panungpalanda idiay let-ang.
18
Ket kinunac cadagiti annacda idiay let-ang, Dicayo magna cadagiti linlinteg dagiti ammayo, ket saanyo met nga annuroten dagiti bilbilinda, dicay met tulawan dagiti bagbagiyo met laeng cadagiti didiosenda.
19
Siac ni Jehova a Diosyo; magnacayo cadagiti linlintegco, ket salimetmetanyo dagiti bilbilinco, ket tungpalenyo ida;
20
Ket ngilinenyo dagiti al-aldawco a panaginana; ket isudanto ti maysa a tanda caniac ken cadacayo, tapno maammoanyo a siac ni Jehova a Diosyo.
21
Ngem dagiti annac simmukirda caniac; saanda a nagna cadagiti linlintegco, ket dida met tinungpal dagiti bilbilinco tapno aramidenda ida, a no tungpalen ida ti tao isuda ti pagbiagannanto; tinabbaawanda dagiti al-aldawco a panaginana. Idin kinunac nga ibucbucconto ti pungtotco cadacuada, tapno matungpal ti ungetco a maibusor cadacuada idiay let-ang.
22
Nupay casta inawidco ti imac, ket nagaramidac gapu iti naganco, tapno di coma matabbaawan iti imatang dagiti nasnacion, nga iti imatangda inaonco ida.
23
Castamet insapatac cadacuada idiay let-ang, a siac iwarasconto ida cadagiti nasnacion, ket iwarawaracto ida cadagiti dagdaga;
24
Agsipud ta dida tinungpal dagiti bilbilinco, no di ket naglictadanda dagiti linlintegco, ket tinabbaawanda dagiti al-aldawco a panaginana, ket dagiti matada sinurotda dagiti didiosen dagiti ammada.
25
Castamet iniccac ida cadagiti linlinteg a saan a naimbag; ken bilbilin isu a saanda coma a pagbiagan;
26
Ket tinulawac ida babaen cadagiti bucodda a sagsagut, iti panangipalabasda iti apuy amin dagiti manglucat ti aanacan, tapno aramidec ida a walangwalang, nga agnanayon, tapno maammoanda coma a siac ni Jehova.
27
Gapuna, anac ti tao, agsaoca iti balay ti Israel, ket cunam cadacuada, Castoy ti cuna ni Apo Jehova; Castoy met dagiti ammayo nagtabbaawda caniac, babaen ti panaglabsingda a maibusor caniac.
28
Ta idi naipancon ida iti daga nga insapatac nga ited cadacuada, idi nakitadan ti amin a turturod a nangato, ken amin a caycayo a narucbus, ket idiay impaayda dagiti datdatonda, ken idiay indayada ti pananggargari a datonda, idiay met inaramidda ti nabanglo a sayamusomda, ket idiay imbuyatda dagiti datdatonda a mainum.
29
Idin kinunac cadacuada, Ania ti caipapanan ti nangato a disso a papananyo? Gapuna a ti naganna managan iti Bamah agingga ita nga aldaw.
30
Cunaem ngarud iti balay ti Israel, Castoy ti cuna ni Apo Jehova: Tulawanyo aya ti bagbagiyo met laeng a cas ti ugali dagiti ammayo? ket agbalangcantiscayo aya a sumurot cadagiti kinarimonda?
31
Ket no idatonyo dagiti sagsagutyo, no ipalabasyo dagiti annacyo iti apuy, tulawanyo dagiti bagbagiyo met laeng cadagiti amin a didiosenyo inggana ita nga aldaw? ket siacto aya ti mapagyumanan cadacayo, O balay ti Israel? Cas sibibiagac, cuna ni Apo Jehova, saanacto a mapagyumanan cadacayo;
32
Ket ti panpanunutenyo awanto a pulos, intono cunayo, Cascamto cadagiti sabali a nacion, cas cadagiti familia dagiti dagdaga, nga agservi iti cayo ken iti bato.
33
Cas sibibiagac, cuna ni Apo Jehova, pudno a babaen ti ima a nabileg ken siuunnat a tackiag, ken gura a maibuyat, agariacto cadacayo.
34
Ket iruarcayto cadagiti il-ili, ken tiptiponencayto nga aggapu cadagiti dagdaga a nacaiwarasanyo, babaen ti ima a nabileg, ken siuunnat a tackiag, ken pungtot a maibuyat;
35
Ket yegcayto iti let-ang dagiti il-ili, ket idiay ocomencayto iti rupanrupa.
36
Cas iti panangocomco cadagiti ammayo idiay let-ang iti daga ti Egipto, casta met ti panangocomconto cadacayo, cuna ni Apo Jehova.
37
Ket paglasatencayto iti baba ti sarucod, ket yegcayto iti singgalut ti tulag;
38
Ket gugurancayto iti panangiruarco cadagiti nasukir cadacayo, ken dagidiay sumalungasing caniac; iruarconto ida iti daga a pagnaedanda, ngem saandanto a sumrec iti daga ti Israel: ket mabigbigyonto a siac ni Jehova.
39
No maipapan cadacayo, O balay ti Israel, Castoy ti cuna ni Apo Jehova; Incayo, agservicayo tunggal maysa cadagiti didiosenna, ken manipud met ita, no didacto ipangag; ngem ti nasantoan a naganco saanyonton a tabbaawan cadagiti sagsagutyo, ken cadagiti didiosenyo.
40
Ta idiay nasantoan a bantayco, idiay bantay a natayag ti Israel, cuna ni Apo Jehova, idiay isu-amin a balay ti Israel, agservidanto caniac isuda amin iti daga; idiay awatecto ida, ket idiay kiddawecto dagiti datdatonyo, ken dagiti umuna a bunga dagiti sagutyo, agraman dagiti amin a cucuayo a nasantoan.
41
Cas maysa a nabanglo a sayamusom awatencayto, intono iruarcayo cadagiti il-ili, ken tiptiponencayo nga aggapu cadagiti dagdaga a nacaiwarasanyo; ket madaydayawacto cadacayo iti imatang dagiti nasnacion.
42
Ket mabigbigyonto a siac ni Jehova, intono ipancayo iti daga ti Israel, iti daga nga insapatac nga ited cadagiti ammayo.
43
Ket idiay malagipyonto dagiti dalanyo, ken amin dagiti aramidyo, a nacatulawanyo met laeng; ket umsienyonto dagiti bagbagiyo met laeng iti imatangyo a bucod maipuon cadagiti amin a dakes nga inaramidyo.
44
Ket mabigbigyonto a siac ni Jehova, intono agaramidac cadacayo gapu iti naganco, saan a maiyannurot cadagiti dakes a daldalanyo, wenno mayalubog cadagiti naulpit nga aramidyo, O dacayo balay ti Israel, cuna ni Apo Jehova.
45
Ket ti sao ni Jehova dimteng caniac, a kinunana,
46
Anac ti tao, isangom ti rupam iti abagatan, ket iturongmo ti saom iti abagatan, ket agipadtoca ti maibusor iti bakir iti tanap iti Abagatan;
47
Ket cunaem iti bakir ti Abagatan; Denggem ti sao ni Jehova: Castoy ti cuna ni Apo Jehova, Adtoy, gangatacto ti apuy kenca, ket runotennanto tunggal cayo a nalangto, ken tunggal cayo a nagango: ti sumsumged a darang dinto maiddep, ket amin a rupa manipud abagatan inggana iti amianan mauramto gapu kencuana.
48
Ket amin a lasag makitananto a siac, ni Jehova, ti nanggangat kencuana; isu dinto maiddep.
49
Idin kinunac, Ah Apo Jehova! cunada a maipapan caniac, Saan aya nga isu ti mannanao cadagiti pangngarig?
← Chapter 19
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 21 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48