bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ilokano
/
Ilokano (Ti Biblia (1973))
/
Ezekiel 32
Ezekiel 32
Ilokano (Ti Biblia (1973))
← Chapter 31
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 33 →
1
Ket naaramid idi maicapul-lo ket dua a tawen, iti maicapul-lo ket dua a bulan, iti umuna nga aldaw ti bulan, a ti sao ni Jehova dimteng caniac, a kinunana,
2
Anac ti tao, agunnoyca maipuon ken ni Faraon nga ari ti Egipto, ket cunaem kencuana, Sica naiyaspingca iti maysa a urbon a leon dagiti nasnacion; nupay casta sica casca la maysa nga olimaw cadagiti baybay; ket rimmuarca cadagiti carayanmo, ket kiniburmo dagiti dandanum iti sacam, ket linibegmo dagiti carcarayanda.
3
Castoy ti cuna ni Apo Jehova: yucradconto ti iketco kenca agraman ti bonggoy ti adu nga il-ili; ket isang-atdacanto iti iketco.
4
Ket ibaticanto iti daga, ibellengcanto iti nalawa a tay-ac, ket amin dagiti tumatayab ti langit pagbatayecto kenca, ket dagiti an-animal iti amin a daga pagpennekecto ida kenca.
5
Ket icabilconto ti lasagmo iti rabaw dagiti banbantay ket punnoecto dagiti lobong iti kinatayagmo.
6
Sibugacto met iti daram ti daga a naglangoyam, agingga cadagiti banbantay, ket dagiti pagayusan ti danum mapnodanto kenca.
7
Ket intono iddepenca abbongacto dagiti langlangit, ket pasipngetecto dagiti bitbitwenna; abbongacto ti init iti ulep, ket ti bulan dinto aglawag.
8
Amin dagiti naraniag a silsilaw ti langit pasipngetecto iti ngatom, ket icabilconto ti sipnget iti dagam, cuna ni Apo Jehova.
9
Siac riribukecto met dagiti puspuso dagiti adu nga il-ili, intono yegco ti pannacarbecmo iti nagtengngaan dagiti nasnacion, cadagiti dagdaga a dica naammoan.
10
Wen, pagsiddaawecto dagiti adu nga il-ili maipuon kenca, ket dagiti ar-arida agbutengdanto a napalalo maipuon kenca, intono pagkilapec ti campilanco iti sangoananda; ket isuda agkintayegdanto iti tunggal canito, tunggal tao gapu iti bucodna a biag, iti aldaw a pannacatuangmo.
11
Ta castoy ti cuna ni Apo Jehova: Ti campilan ti ari ti Babilonia umayto kenca.
12
Babaen cadagiti campilan dagiti nabileg ipasagconto ti umariwecwecmo; amin dagidiay pagbutngan dagiti nasnacion: ket paawanendanto iti kinatangsit ti Egipto, ket amin dagiti umariwecwecna marbecdanto.
13
Dadaelecto met amin dagiti an-animalna manipud iti denna dagiti adu a dandanum; ti saca ti tao saannanton met a kiburen ida, ket dagiti cuco dagiti an-animal saandanto metten ida a kiburen.
14
Calpasanna paglitnawec dagiti danumda, ket pagayusecto dagiti carayanda a cas lana, cuna ni Apo Jehova.
15
Intono aramidec ti daga ti Egipto a langalang ken let-ang, daga a naiccaten ti kinapunnona, intono cabilec amin dagiti agnaed kencuana, mabigbigdanto a siac ni Jehova.
16
Daytoy ti unnoy a pagunnoydanto; dagiti annac a babbai dagiti nasnacion pagunnoydanto daytoy; iti Egipto, ken iti amin nga umariwecwecna, pagunnoydanto daytoy, cuna ni Apo Jehova.
17
Naaramid met idi maicapul-lo ket dua a tawen, idi maicapul-lo ket lima nga aldaw ti bulan, a ti sao ni Jehova dimteng caniac, a kinunana,
18
Anac ti tao, agdung-awca a maipaay iti umariwecwec ti Egipto, ket ipurruacmo ida, isu met laeng ken dagiti annac a babbai dagiti agdindinamag a nasnacion, agingga cadagiti nababa a paspaset ti daga, agraman cadagidiay bumaba iti dariwangwang.
19
Asino ti artapam iti pintas? bumabaca, ket makicaiddaca cadagiti saan a nacugit.
20
Isuda mapasagdanto iti tengnga dagidiay a napapatay iti campilan: isu mayawat iti campilan; isu iruaryo ken amin ti umariwecwecna.
21
Ti napigsa cadagiti mannacabalin agsaonto kencuana manipud iti tengnga ti Tanem agraman cadagidiay tumulong kencuana: bimmabadan, agiddada a sitatalna, dagiti met laeng saan a nacugit, napapatay iti campilan.
22
Ti Asiria adda idiay ken amin a bonggoyna; dagiti tanemna addada iti licmutna; isuda amin napapatayda, napasagda babbaen ti campilan;
23
A dagiti tanemda addada iti caunegan a paspaset ti dariwangwang, ket ti bonggoyna adda iti aglicmut ti tanemna; isuda amin napapatayda; napasagda iti campilan, isuda ti namagbuteng iti daga dagiti sibibiag.
24
Adda idiay ti Elam ken amin dagiti umariwecwecna iti aglicmut ti tanemna; isuda amin napapatayda, napasagda iti campilan, isuda a bimmaba a saan a nacugit cadagiti nababa a paspaset ti daga, isuda ti nangpataud iti panagbuteng iti daga dagiti sibibiag, ket inawitda ti bainda agraman cadagidiay bumaba iti dariwangwang.
25
Isu incabilanda iti pagiddaanna iti tengnga dagiti napapatay agraman dagiti amin nga umariwecwecna: dagiti tanemna addada amin iti licmutna; isuda amin saanda a nacugit, napapatayda iti campilan; ta isuda ti nangpataud iti panagbuteng idiay daga dagiti sibibiag, ket inawitda ti bainda agraman cadagidiay bumaba iti dariwangwang: isu naicabil iti tengnga dagidiay a napapatay.
26
Adda idiay ti Mesec, Tubal, ken amin dagiti umariwecwecda; dagiti tantanemda addada iti aglicmut cadacuada; isuda amin saanda a nacugit, napapatayda iti campilan; ta isuda ti nangpataud iti panagbuteng iti daga dagiti sibibiag.
27
Ket isuda saandanto a makicaidda cadagiti nabileg a napasag cadagiti saan a nacugit, a bimmaba idiay Tanem agraman dagiti igam ti gubat, ket indissoda dagiti campilanda iti baba dagiti oloda, ket dagiti kinadakesda addada iti rabaw dagiti tultulangda; ta isuda idi ti pagbutngan dagiti nabileg iti daga dagiti sibibiag.
28
Ngem sica matucculcanto iti tengnga dagiti saan a nacugit, ket makicaiddacanto cadagidiay a napapatay iti campilan.
29
Adda idiay ti Edom, dagiti ar-arina ken amin dagiti principena, isuda agraman kinabilegda naicaidda cadagidiay napapatay iti campilan; makicaiddadanto cadagiti saan a nacugit, ken cadagidiay bumaba iti dariwangwang.
30
Adda idiay dagiti principes ti amianan, isuda amin, ken amin dagiti Sidonios, isuda a bimmaba agraman cadagiti napapatay; iti panagbuteng a pinataud ti kinabilegda maibabainda; ket makicaiddada a saan a nacugit cadagidiay napapatay ti campilan, ket awitenda ti bainda agraman cadagidiay bumaba iti dariwangwang.
31
Ni Faraon makitananto ida, ket maliwliwanto cadagiti amin nga umariwecwecna, ni Faraon met laeng ken amin a buyotna, napapatay iti campilan, cuna ni Apo Jehova.
32
Ta incabilco ti pangbutengna iti daga dagiti sibibiag; ket isu maicabilto iti tengnga dagiti saan a nacugit, agraman cadagidiay napapatay iti campilan, ni Faraon met laeng ken amin ti umariwecwecna, cuna ni Apo Jehova.
← Chapter 31
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 33 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48