bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ilokano
/
Ilokano (Ti Biblia (1973))
/
Ezekiel 28
Ezekiel 28
Ilokano (Ti Biblia (1973))
← Chapter 27
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 29 →
1
Ti sao ni Jehova dimteng manen caniac, a kinunana,
2
Anac ti tao, ibagam iti principe ti Tiro, Castoy ti cuna ni Apo Jehova: Agsipud ta ti pusom timmangsit, ket kinunam, Siac maysaac a dios, agtugawac iti tugaw ti Dios, iti tengnga dagiti baybay; nupay casta sica taoca, a saan a Dios, nupay insaadmo ti pusom a cas ti puso ti Dios;
3
Adtoy sica masmasiribca ngem ni Daniel; awan ti palimed a mailinged kenca;
4
Babaen ti siribmo ken babaen ti pannacaawatmo nacagun-odca cadagiti kinabacnang, ket nacaornongca ti balitoc ken pirac cadagiti gupgupitmo;
5
Babaen ti dackel a siribmo ken babaen ti panagtagilacom pinaadum dagiti kinabacnangmo, ket ti pusom timmangsit gapu cadagiti kinabacnangmo;
6
Gapuna castoy ti cuna ni Apo Jehova; Agsipud ta insaadmo ti pusom cas ti puso ti Dios;
7
Adtoy ngarud, yegconto dagiti gangannaet kenca, dagiti nacaamamac manipud cadagiti nasnacion, ket isuda asutendanto dagiti campilanda a maibusor iti imnas ti siribmo, ket tulawandanto ti raniagmo.
8
Ipababadacanto iti yuyeng, ket mataycanto iti ipapatay dagidiay a mapapatay, iti tengnga dagiti baybay.
9
Cunaemto pay laeng aya iti sangoanan ti mamapatay kenca, Siac Diosac? ngem sica taoca, a saan a Dios, iti ima daydiay a mangsugat kenca.
10
Mataycanto iti ipapatay dagiti saan a nacugit babaen ti ima dagiti gangannaet; ta sinaoc, cuna ni Apo Jehova.
11
Castamet ti sao ni Jehova dimteng caniac, a kinunana,
12
Anac ti tao, agunnoyca maipaay iti ari ti Tiro, ket cunaem kencuana, Castoy ti cuna ni Apo Jehova: Sica selloam ti pacadagupaa, napno ti sirib, ken awan pagcuranganna iti imnas.
13
Addaca idi idiay Eden, a minuyongan ti Dios; tunggal napateg a bato isu ti abbongmo, sardio, topacio, ken ti diamante, ti berilo, ti onix, ken ti jaspe, ken ti zafiro, ti esmeralda ken ti carbunculo, ken balitoc: ti pannacaaramid dagiti panderetam ken dagiti pito adda idi kenca; idi aldaw a pannacaparsuam isuda naisaganada.
14
Sica ti napulotan a kerubin a mangabbong: ket siac insaadca, tapno addaca idi iti rabaw ti nasantoan a bantay ti Dios; sica nagnagnaca iti tengnga dagiti batbato nga apuy.
15
Sica awan idi ti pagcurangam cadagiti daldalanmo nanipud idi aldaw a pannacaparsuam agingga iti nasarac kenca ti kinakillo.
16
Gapu iti caadu ti panagtagilacom pinunnoda ti tengngam iti panangranggas ket sica nagbasolca: gapuna nga imbellengca a cas saan a sagrado iti bantay ti Dios; ket dinadaelca, O mangabbong a kerubin, manipud iti tengnga dagiti batbato nga apuy.
17
Ti pusom timmangsit gapu iti imnasmo; tinulawam ti siribmo gapu iti raniagmo; impurruacca iti daga; incabilca iti sangoanan dagiti ar-ari, tapno makitadaca coma.
18
Gapu iti caadu dagiti kinadangkesmo, iti kinakillo ti panagtagilacom, tinabbaawam dagiti santuariom; gapuna nga inruarco ti maysa nga apuy manipud iti tengngam; isu linamutnaca, ket siac pinagbalinca a dapu iti rabaw ti daga iti imatang ti amin dagidiay macakita kenca.
19
Isuda amin a macaammo kenca cadagiti il-ili masdaawdanto kenca; sica nagbalinca a pagbutngan, ket awancanton nga agnanayon.
20
Ket ti sao ni Jehova dimteng caniac, a kinunana,
21
Anac ti tao, isangom ta rupam nga agturong iti Sidon, ket agpadtoca iti maibusor kencuana,
22
Ket cunam, Castoy ti cuna ni Apo Jehova: Adtoy, bumusorac kenca; O Sidon; ket siac maitan-ocacto iti tengngam; ket mabigbigdanto a siac ni Jehova, intono aramidec dagiti panangocomco kencuana, ken masantificarac kencuana.
23
Ta ibaonconto ti angol kencuana, ken dara cadagiti lanlansanganna; ket dagiti nasugatan mapasagdanto iti tengngana, nga adda campilan a maicaniwas kencuana iti tunggal sikigan; ket mabigbigdanto a siac ni Jehova.
24
Ket awanton ti natarumamis a calunay iti balay ti Israel, wenno macadunor a siit ti aniaman a nailicmut cadacuada, dagidiay nangoyaw cadacuada; ket mabigbigdanto a siac ni Apo Jehova.
25
Castoy ti cuna ni Apo Jehova: Intono urnongec ti balay ti Israel manipud cadagiti il-ili a nacaiwarasanda, ket masantificaracto cadacuada iti imatang dagiti nasnacion, isunto ti panagtaengda iti dagada met laeng nga intedco ken adipenco a Jacob.
26
Ket agnaeddanto a sitatalged kencuana; wen, agbangondanto cadagiti balbalay, ken agmulada cadagiti cauvasan, ket agtaengdanto a sitatalged, intono ocomec dagidiay amin a nangoyaw cadacuada iti aglicmutda; ket mabigbigdanto a siac ni Jehova a Diosda.
← Chapter 27
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 29 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48