bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ilokano
/
Ilokano (Ti Biblia (1973))
/
Ezekiel 31
Ezekiel 31
Ilokano (Ti Biblia (1973))
← Chapter 30
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 32 →
1
Ket naaramid idi maicapul-lo ket maysa a tawen, iti maicatlo a bulan, iti umuna nga aldaw ti bulan, a ti sao ni Jehova dimteng caniac, a kinunana,
2
Anac ti tao, agsaoca ken Faraon nga ari ti Egipto, ken cadagiti umariwecwecna: Asino ti capadpadam iti catan-ocmo?
3
Adtoy, ti Asirio isu maysa idi a cantingen idiay Libano nga adda napintas a sangsangana, ken linong a cas iti bakir, ken ti nawasnay a tayagna; ket ti tuctocna adda idi iti nagtengngaan dagiti nasamec a sangsanga.
4
Isu tinaraonan dagiti dandanum isu pinatubo ti caadalman: dagiti carcarayanna nagtarayda iti aglicmut ti pagmulaanna; ket pinadanunna dagiti cancanalna cadagiti amin a caycayo ti away.
5
Gapuna a ti catayagna naipangato iti ngatoen dagiti amin a caycayo ti away; ket dagiti sangsangana immaduda, ket dagiti sangana immatidugda gapu cadagiti adu a dandanum, idi timpuarda.
6
Amin dagiti tumatayab ti langit inaramidda dagiti umumocda cadagiti sangana: ket iti siroc dagiti sangana amin dagiti an-animal ti away iyegda dagiti urbonda; ket iti baba ti linongna nagnaed dagiti amin a dadackel a nasnacion.
7
Castoy idi ti imnasna iti kinatan-ocna, iti caatiddug dagiti sangana; ta ti ramutna adda idi iti arpad dagiti adu a danum.
8
Dagiti cantingen iti minuyongan ti Dios isu saanda a nabalin nga inatiw; dagiti caycayo a parwa saanda idi a cas cadagiti sangana, ket dagiti caycayo ti castano saanda idi a cas cadagiti sangana; ket awan met idi ti aniaman a cayo iti minuyongan ti Dios a cas kencuana iti kinasayaatna.
9
Isu inaramidco a naimnas gapu iti caadu dagiti sangana, tapno, iti casta amin a caycayo ti Eden, nga adda idi iti minuyongan ti Dios, immapalda kencuana.
10
Gapuna castoy ti kinuna ni Apo Jehova: Agsipud ta maipangatoca iti kinatayag, ket isu insaadna ti tuctocna iti nagtengngaan dagiti nasamec a sangsanga, ket ti pusona tumangsit iti catayagna;
11
Ngarud isu yawatconto iti ima ti nabileg dagiti nasnacion; di bumurong nga isu makibiangto kencuana, isu pinaruarco gapu iti kinadakesna.
12
Ket dagiti gangannaet, ti nacabutbuteng dagiti nasnacion, isu pinucawda, ket isu pinanawanda: iti rabaw dagiti banbantay ken cadagiti amin a lobong dagiti sangana natnagda, ket dagiti sangana nabungtolda iti denna dagiti amin a pagayusan ti danum ti daga; ket amin dagiti il-ili ti daga pimmanawda iti linongna, ket isu binaybayanda.
13
Iti rabaw ti dadaelna amin dagiti tumatayab ti langit agnaeddanto, ket amin dagiti animal ti away addadanto cadagiti sangana;
14
Ta tapno awan cadagiti amin a caycayo iti arpad ti dandanum ti agpasindayag iti kinatayagna, ket dida met isaad ti tuctocda iti nagtengngaan dagiti nasamec a sangsanga, wenno dagiti nabileg agtalgedda iti cangatoda, amin met laeng dagiti uminum iti danum; ta isuda amin nayawatda ken patay, cadagiti nababa a paspaset ti daga, iti tengnga dagiti annac dagiti tattao, agraman cadagidiay bumaba iti dariwangwang.
15
Castoy ti cuna ni Apo Jehova: Idi aldaw a bimmaba iti Tanem nagladingitac; inabbongac ti yuyeng a maipaay kencuana, ket tinipedco dagiti carayanna; ket dagiti dadackel a dandanum nagtaengda; ket pinagladingitco ti Libano a maipaay kencuana, ket amin dagiti caycayo iti away nagcapuyda gapu kencuana.
16
Pinagkintayegco dagiti nasnacion iti daranudor ti pannacatuangna, idi isu imbellengco idiay Tanem a naicuyog cadagidiay bumaba iti dariwangwang; ket amin dagiti caycayo ti Eden, dagiti napili ken caimbagan ti Libano, amin dagiti uminum iti danum, naliwliwada cadagiti nababa a paspaset ti daga.
17
Isuda met bimmabada idiay Tanem a naicuyog kencuana agingga cadagidiay napapatay iti campilan; wen, dagidiay tackiagna, a nagnaed iti linongna iti tengnga dagiti nasnacion.
18
Asino ti capadam a castoy iti dayag ken iti cadackel cadagiti caycayo ti Eden? nupay casta maipababacanto a maicuyog cadagiti caycayo ti Eden agingga cadagiti nababa a paspaset ti lubong: agiddacanto iti tengnga dagiti saan a nacugit, a maicuyog cadagidiay napapatay iti campilan. Daytoy isu ni Faraon ken amin ti umariwecwecna, cuna ni Apo Jehova.
← Chapter 30
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 32 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48