bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ilokano
/
Ilokano (Ti Biblia (1973))
/
Ezekiel 23
Ezekiel 23
Ilokano (Ti Biblia (1973))
← Chapter 22
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 24 →
1
Ti sao ni Jehova dimteng manen caniac, a kinunana,
2
Anac ti tao, adda idi dua a babbai, annac ti maysa nga ina:
3
Ket isuda nagbalangcantisda idiay Egipto; nagbalangcantisda iti kinaagtutuboda; idiay napespes dagiti susoda, ket idiay naiggaman ti barucong ti kinavirgenda.
4
Ket ti naganda Ahola ti inauna, ken Aholiba ti cabsatna: ket isuda nagbalinda a cucuac, ket nangyanacda cadagiti annac a lallaki ken babbai. Ket no maipapan iti naganda, Samaria ti Ahola, ken Jerusalem ti Aholiba.
5
Ket ni Ahola nagbalangcantis idi adda iti biangco; ket isu inaremna dagiti caayanayatna, cadagiti Asirios a cacaarrubana,
6
Isuda a nacawesan iti azul, gobernadores ken agturturay isuda amin nacaay-ayoda a bumabbaro, tattao a cumacabayo a nagsacayda cadagiti cabayo.
7
Ket isu nagbalangcantis cadacuada, cadagiti napili unay a lallaki ti Asiria isuda amin; ket siasinoman nga inaremna; cadagiti amin a didiosenda tinulawanna ti bagina met laeng.
8
Ket dina met binay-an dagiti kinabalangcantisna nanipud cadagiti al-aldaw ti Egipto; ta idi kinaagtutubona nakicaiddada kencuana, ket iniggamanda ti barucong ti kinavirgenna; ket imbuyatda kencuana ti kinabalangcantisda.
9
Gapuna nga isu inyawatco iti ima dagiti caayanayatna, iti ima dagiti Asiros isuda nga inaremna.
10
Dagitoy linucaisanda ti kinalamolamona; innalada dagiti annacna a lallaki ken babbai; ket isu pinapatayda iti campilan: ket isu nagbalin nga ubbaw a sarsarita cadagiti babbai, ta inaramidda dagiti panangipato kencuana.
11
Ket ni cabsatna a babai nga Aholiba nakitana daytoy, nupay casta dacdakes iti panagaremna ngem isu, ken cadagiti kinabalangcantisna, nacarcaroda pay ngem cadagiti kinabalangcantis ni cabsatna.
12
Inaremna dagiti Asirios, gobernadores ken agturturay, dagiti cacaarrubana, a nacawesan a sipipintas unay, lallaki a cumacabayo a nagsacay cadagiti cabayo, isuda amin nacaay-ayoda a bumabbaro.
13
Ket nakitac nga isu natulawan isuda a dua nagnada iti maysa a dalan.
14
Ket isu ninayonanna dagiti kinabalangcantisna; ta nacakita cadagiti lallaki a naipinta iti bacud, dagiti ladawan dagiti Caldeos a naipinta iti bermellon,
15
A nabaricsan cadagiti barikes cadagiti lomoda nga adda turturbante cadagiti oloda, isuda amin piprincipeda iti langada cas caasping dagiti taga Babilonia idiay Caldea, ti daga ti nacayanacanda.
16
Ket apaman a nakitana ida isu nagarem cadacuada, ket nangibaon cadagiti babaonen cadacuada idiay Caldea.
17
Ket dagiti taga Babilonia immayda kencuana idiay pagiddaan ti ayat, ket isu tinulawanda iti pannakicamalalada, ket isu narugitan cadacuada, ket ti cararuana napatamnay cadacuada.
18
Iti casta linucaisanna dagiti kinabalangcantisna, ket linucaisanna ti kinalamolamona: idin ti cararuac napatamnay kencuana, cas ti pannacapatamnay ti cararuac iti cabsatna.
19
Nupay casta isu pinaaduna dagiti pannakicamalalana, a linagipna dagiti aldaw ti kinaagtutubona, idi panagbalangcantisna idiay daga ti Egipto.
20
Ket isu inaremna dagiti camalalada, a dagiti lasagda cas ti lasag dagiti asno, ket ti putotda cas ti putot dagiti cabayo.
21
Castoy ti pinangpalagipmo iti derrep ti kinaagtutubom, iti pannacaiggem ti barucongmo cadagiti Egipcios gapu cadagiti suso ti kinaagtutubom.
22
Gapuna, O Aholiba, castoy ti cuna ni Apo Jehova: Adtoy, ibangonconto dagiti caayanayatmo a maibusor kenca, gapu cadacuada ti cararuam mapatamnay, ket yegconto ida a maibusor kenca iti amin a sikigan:
23
Dagiti taga Babilonia ken amin dagiti Caldeos, ti Pekod ken Shoa ken ti Koa, ken amin dagiti Asirios a maicuyog cadacuada; macaay-ayo a bumabbaro, gobernadores ken agturturay isuda amin, principes ken lallaki nga agdindinamag, isuda amin sisasacayda cadagiti cabayo.
24
Ket umaydanto a bumusor kenca nga adda ig-igamda, luglugan, ken bagbagon, ken agraman cacuyogan dagiti il-ili; isuda agiintardanto a maibusor kenca iti aglicmut agraman sarapa ken kalasag ken cabal ti olo: ket yawatconto ti panangocom cadacuada, ket isuda ocomendacanto a cas mayannugot cadagiti panangocomda.
25
Ket agimonacto a maibusor kenca, ket agaramiddanto a sirurungsot kenca; isinadanto ti agongmo ken dagiti lapayagmo; ket ti tiddam matuangto iti campilan: alaendanto dagiti annacmo a lallaki ken babai; ket ti tiddam runotento ti apuy.
26
Casta met ucsubandacanto cadagiti pagan-anaymo, ket alaenda dagiti nainmas nga alajasmo.
27
Castoy ti panangpasardengconto kenca iti derrepmo, ken ti kinabalangcantismo a naggapu iti daga ti Egipto; iti casta dicanto itangad dagiti matam cadacuada, ket dicanto met malagipen ti Egipto.
28
Ta castoy ti cuna ni Apo Jehova: Adtoy, yawatcanto iti ima dagidiay a caguram, iti ima dagidiay nacapatamnayan ti cararuam;
29
Ket agaramiddanto a sigugura kenca, ket alaendanto amin a nagbannogam, ket ibatidacanto a labus ken lamolamo; ket ti kinalamolamo ti kinabalangcantismo malucasanto, isuda a dua ti derrepmo ken ti kinabalangcantismo.
30
Dagitoy a banbanag maaramiddanto kenca, agsipud ta nagbalangcantisca cadagiti nasnacion, ken gapu ta natulawanca cadagiti didiosenda.
31
Nagnaca iti dalan ni cabsatmo a babai; gapuna yawatconto ti copana iti imam.
32
Castoy ti cuna ni Apo Jehova: Sica uminumcanto iti copa ni cabsatmo a babai, isu a nauneg ken dackel; sica macatawaancanto a maabi ken marabrabac; isu adu ti malaonna.
33
Mapnocanto iti panagbartec ken leddaang, ti copa ti siddaaw ken pannacalangalang, iti copa ni cabsatmo a babai a Samaria.
34
Wen, isu inumem ken paatianam, ket ngetngetem dagiti tippingna, ken caramutam dagiti susom; ta sinaoc, cuna ni Apo Jehova.
35
Gapuna, castoy ti cuna ni Apo Jehova: Agsipud ta sica linipatannac, ket naglictadannac, awitem met ngarud ti derrep ken kinabalangcantismo.
36
Ni Jehova kinunana pay caniac: Anac ti tao, ocomemto aya da Ahola ken Aholiba? ipalawagmo ngarud cadacuada dagiti kinarimonda.
37
Ta nakiabigda iti saanda nga asawa, ket ti dara adda cadagiti im-imada; ket cadagiti didiosenda nakicamalalada ket dagiti annacda a lallaki, nga inyanacda caniac impalabasda iti apuy cadacuada tapno marunotda.
38
Maysa pay, inaramidda daytoy caniac; tinulawanda ti santuarioc iti dayta met la nga aldaw, ket tinabbaawanda dagiti al-aldawco a panaginana.
39
Ta idi pinapatayda dagiti annacda a maipaay cadagiti didiosenda, immayda met iti dayta nga aldaw iti santuarioc tapno isu tabbaawanda; ket adtoy castoy ti inaramidda iti tengnga ti balayco.
40
Ket castamet dacayo nagpaayabcayo cadagiti lallaki nga immay a naggapu iti adayu, isuda a nacaibaonan ti babaonen, ket adtoy, immayda; gapu cadacuada nagdigusca, pinintaam dagiti matam, ket nagcawesca cadagiti naarcos.
41
Ket nagtugawca iti nadaeg a pagiddaan, nga adda maysa a lamesaan a naisagana iti sangoananna, nga iti rabawna incabilmo ti inciensoc ken ti lanac.
42
Ket ti timec ti adu a sitatalged adda idi kencuana: ket dagiti lalllaki a sapasap a tattao agraman cadagiti mammartec nayegda nanipud iti let-ang; ket dagiti dua nagarcosda cadagiti pulceras cadagiti im-imada, ken napintas a balangat cadagiti oloda.
43
Idin kinunac maipapan iti daydiay nairuam iti pannakicamalala, Ita makipagbalangcantisdanto kencuana.
44
Ket simrecda kencuana, a cas ti iseserrecda iti maysa a balangcantis: iti casta simrecda cada Ahola ken ni Aholiba, dagiti naderrep a babbai.
45
Ket dagiti nalinteg a lallaki, ocomendanto ida iti pannacaocom dagiti babbai a mannakicamalala, ken iti pannacaocom dagiti babbai a nagibuyat iti dara; agsipud ta mannakicamalalada a babbai, ken ti dara adda cadagiti im-imada.
46
Ta castoy ti cuna ni Apo Jehova: mangisang-atacto iti maysa a buyot a maibusor cadacuada, ket yawatconto ida iti pannacariribuc ken pannacaagaw.
47
Ket ti buyot uburennanto ida cadagiti batbato, ket papatayenna ida cadagiti campilanda, papatayendanto dagiti annacda a lallaki ken babbai, ket puuranda dagiti balbalayda iti apuy.
48
Castoy ti panangpasardengco iti derrep iti daga, tapno amin a babbai maisuro coma a saan nga agaramid ti cas iti kinaderrepmo.
49
Ket supapacandanto ti derrepyo cadacayo, ket awitenyonto dagiti basbasol maipuon cadagiti didiosenyo, ket mabigbigyonto a siac ni Apo Jehova.
← Chapter 22
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 24 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48