bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ilokano
/
Ilokano (Ti Biblia (1973))
/
Ezekiel 24
Ezekiel 24
Ilokano (Ti Biblia (1973))
← Chapter 23
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 25 →
1
Ket, iti maicasiam a tawen, iti maicapul-lo a bulan, iti maicapul-lo nga aldaw ti bulan, ti sao ni Jehova dimteng manen caniac, a kinunana,
2
Anac ti tao, isuratmo ti nagan ti aldaw, nga isu daytoy met laeng nga aldaw: ti ari ti Babilonia immasideg iti Jerusalem iti daytoy met laeng nga aldaw.
3
Ket iyebcasmo ti maysa a pangarig iti nasukir a balay, ket cunaem cadacuada, Castoy ti cuna ni Apo Jehova, isaangmo ti caldero, isu isaangmo, ket mangibucbucca met iti danum kencuana:
4
Urnongem dagiti reddecna kencuana, amin met laeng a nasayaat a reddec, ti luppo, ken ti abaga; punnoem cadagiti napili a tultulang.
5
Mangalaca ti napili iti pangen, ken casta met ti maysa a gabsuon a cayo a maipaay cadagiti tultulang iti siroc ti caldero; isu paburekem a naimbag; wen, dagiti tultulang kencuana maipaburecda coma iti tengngana.
6
Gapuna castoy ti cuna ni Apo Jehova: Asi pay ti ili a sidadara, ti caldero a ti latina adda idiay, ken ti latina saan a rimmuar kencuana! iruarmo kencuana tunggal reddec; awan ti nagasgasat kencuana.
7
Ta ti darana adda iti tengngana; isu incabilna iti rabaw ti nalucasan a bato; saanna nga imbuyat iti daga, tapno maabongan iti tapuc.
8
Tapno pasang-atenna ti pungtot a mangibales, incabilco ti darana iti rabaw ti nalucasan a bato, tapno isu saan coma a maabbongan.
9
Gapuna castoy ti cuna ni Apo Jehova; Asi pay ti ili a sidadara! Siac padackelecto met ti gabsuon.
10
Igabsuon ti cayo, papudoten ti apuy, ipaburek a naimbag ti lasag, ken papaleten ti digu, ket dagiti tultulang macset coma.
11
Calpasanna isu isaad nga ongaong iti rabaw dagiti beggangna tapno mapapudot coma, ket ti gambangna mauram coma, ket ti rugitna matunaw coma kencuana, tapno ti latina maibus coma.
12
Isu binannogna ti bagina met laeng iti trabajo; nupay casta ti dackel a latina saan a maiccat kencuana, ti latina saan a maiccat gapu iti apuy.
13
Iti kinarugitmo isu ti derrep: agsipud ta dinalusanca ket saanca a nadalusan, saancanto a madalusanen iti rugitmo, agingga iti pagsardengec ti pungtotco kenca.
14
Siac ni Jehova, sinaoc: ket maaramidto, ket aramidecto; saanacto nga agsunod, ket diacto met isakit, ken saanacto met nga agbabawi; cas mayalubog cadagiti dalanmo, ken cas mayannugot cadagiti aramidmo, isuda ocomendacanto, cuna ni Apo Jehova.
15
Castamet a dimteng caniac ti sao ni Jehova, a kinunana,
16
Anac ti tao, adtoy, iccatec kenca ti tarigagay dagiti matam iti maysa a pettat a didigra: nupay casta dicanto agladingit wenno agsangit, ket di met agayus dagita luluam.
17
Agsaibbecca, ngem saan a napigsa, saanca nga agladingit cadagiti natay; ireppetmo ti bonetem dita olom, ket icabilmo dagiti zapatosmo cadagita sacam, ket saanmo nga abbongan dagiti bibigmo, ket dica mangan iti tinapay dagiti lallaki nga agpanes.
18
Gapuna a nagsaoac iti ili iti bigat; ket iti sumipnget natay ni asawac; ket iti sumaganad a bigat inaramidco ti cas naibilin caniac.
19
Ket ti ili kinunana caniac, Saanmonto aya nga ibaga cadacami no aniada ti caipapananda cadacami, dagitoy nga aramidem?
20
Idin kinunac cadacuada, Ti sao ni Jehova dimteng caniac, a kinunana,
21
Agsaoca iti balay ti Israel, Castoy ti cuna ni Apo Jehova: Adtoy, tulawacto ti santuarioc, ti tangsit ti bilegyo, ti tarigagay dagiti matayo, ken daydiay patgen ti cararuayo; ket dagiti annacyo a lallaki ken babbai nga imbatiyo iti licudan mapasagdanto iti campilan.
22
Ket aramidenyonto ti cas inaramidco: saanyonto nga abbongan dagiti bibigyo, ket dicayto met mangan iti tinapay dagiti tattao nga agpanes.
23
Ket dagiti boneteyo addanto cadagiti oloyo, ken dagiti zapatosyo cadagiti sacsacayo: dicayto agladingit wenno agsangit; no di ket cumapsutcayto cadagiti kinadangkesyo, ken aglidaycayo nga agkikinnita.
24
Castoy ni Ezequiel isunto cadacayo ti tanda; cas cadagiti amin nga inaramidna aramidenyonto: intono daytoy dumteng, mabigbigyonto a siac ni Apo Jehova.
25
Ket sica, anac ti tao, saanto aya nga iti aldaw a panangiccat cadacuada iti pigsada, ti ragsac ti dayagda, tarigagay dagiti matada, ken daydiay patgen dagiti pusoda, dagiti annacda a lallaki ken babbai,
26
Nga iti dayta nga aldaw daydiay macatalaw umayto kenca tapno isu ipadamagna kenca cadagiti lapayaugmo?
27
Iti dayta nga aldaw ti ngiwatmo aglucatto iti daydiay a nacatalaw, ket agsaocanto ket saancanton nga umel: iti casta agbalinca a tanda cadacuada; ket mabigbigdanto a siac ni Jehova.
← Chapter 23
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 25 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48