bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ilokano
/
Ilokano (Ti Biblia (1973))
/
Ezekiel 36
Ezekiel 36
Ilokano (Ti Biblia (1973))
← Chapter 35
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 37 →
1
Ket sica, anac ti tao, agipadtoca cadagiti bantay ti Israel, ket cunaem, Dacayo banbantay ti Israel, denggenyo ti sao ni Jehova.
2
Castoy ti cuna ni Apo Jehova: Agsipud ta ti cabusor kinunana a maibusor cadacayo, Aha, dagiti daan a nangato a disdisso dacami ti agtagicua;
3
Gapuna agpadtoca, ket cunam, Castoy ti cuna ni Apo Jehova: Agsipud ta, wen agsipud ta inaramiddacayo a langalang, ket inalimundacayo iti tunggal sikigan, tapno tagicuaendacayo ti tidda dagiti nasnacion, ket naalacayo cadagiti bibig dagiti mannanao, ken ti dakes a damag ti ili;
4
Gapuna, dacayo banbantay ti Israel, denggenyo ti sao ni Apo Jehova: Castoy ti cuna ni Apo Jehova cadagiti bantay ken cadagiti turod, cadagiti pagayusan ti danum ken cadagiti lobong, cadagiti langalang a disso ken cadagiti il-ili a nagtalawan, isuda a nagbalin a samsam ken marabrabac iti tidda dagiti nasnacion nga adda iti aglicmut;
5
Gapuna castoy ti cuna ni Apo Jehova; Kinapudnona iti apuy ti imonco nagsaoac a maicaniwas iti tidda dagiti nasnacion, ken maicaniwas iti amin ti Edom, nga innalada ti dagac a maipaay cadacuada a tagicuaenda a siraragsac ti amin a pusoda, agraman gura ti cararua, tapno isu ipurruacda a maipaay a samsam.
6
Gapuna agpadtoca maipapan iti daga ti Israel, ket cunaem cadagiti bantay ken cadagiti turod, cadagiti pagayusan dagiti danum ken cadagiti lobong, Castoy ti cuna ni Apo Jehova: Adtoy, nagsaoac iti imonco ken iti pungtotco, agsipud ta inawitmo ti bain dagiti nasnacion;
7
Castoy ngarud ti cuna ni Apo Jehova: Insapatac, a kinunac, Pudno a dagiti nasnacion nga adda iti aglicmut kenca, isuda awitendanto ti bainda.
8
Ngem dacayo, O banbantay ti Israel, isaringityonto dagiti sangsangayo, ket itedyo ti bungayo iti ilic nga Israel; ta isuda asidegdan nga umay.
9
Ta adtoy, siac bumoyogac cadacayo, ket agsubliacto cadacayo, ket mataloncayto ken mamulaancayo;
10
Ket paaduecto dagiti lallaki cadacayo, amin ti balay ti Israel, wen isu-amin; ket dagiti il-ili mapagnaeddanto, ket dagiti racrac a disso matarimaandanto;
11
Ket paaduecto cadacayo ti tao ken ti animal; ket manayonandanto ken nabungada; ket pagbalinencayto a mapagnaedan a cas idi immun-una a casasaadyo, ket aramidecto ti nasaysayaat cadacayo ngem cadagidi damoyo: ket mabigbigyonto a siac ni Jehova.
12
Wen, papagnaecto dagiti lallaki cadacayo, ti met laeng ilic nga Israel; ket isuda tagicuaendacanto, ket sicanto ti tawidda, ket manipud ita saanmonton ida a pagladingiten gapu cadagiti annacda.
13
Castoy ti cuna ni Apo Jehova: Agsipud ta cunada cadacayo, Sica daga maysaca a managlamut ti tao, ken maysa a manangpaliday iti nacionmo;
14
Gapuna saancanton nga aglamut cadagiti tattao, ket dicanto metten agpaliday ti nacionmo, cuna ni Apo Jehova;
15
Ket siac dicanto metten palubosan a dumngeg iti panangumsi dagiti nasnacion, ket dicanto metten awiten dagiti babalaw dagiti il-ili, dicanto metten paitibcol ti ilim, cuna ni Apo Jehova.
16
Castamet ti sao ni Jehova dimteng caniac, a kinunana,
17
Anac ti tao, idi a ti balay ti Israel nagnaed iti bucodda a daga, isu tulawanda gapu iti dalanda ken babaen cadagiti gapuananda: ti dalanda iti sangoanac cas ti kinarugit ti maysa a babai iti panagcadawyanna.
18
Gapuna imbuyatco ti pungtotco cadacuada gapu iti dara nga imbuyatda iti daga, ken agsipud ta isu tinulawanda cadagiti didiosenda;
19
Ket inwarasco ida cadagiti nasnacion, ket naiwarada cadagiti dagdaga, cas mayannugot iti dalanda: ken cas mayalubog cadagiti aramidda inocomco ida.
20
Ket idi dimtengda cadagiti nasnacion a napananda, tinabbaawanda ti nasantoan a naganco, iti dayta a dagiti tattao kinunada a maipanggep cadacuada, Dagitoy isuda ti ili ni Jehova, ket rimmuarda iti dagana.
21
Ngem impategco ti nasantoan a naganco, isu a tinabbaawan ti balay ti Israel iti nagtengngaan dagiti nasnacion, a napananda.
22
Gapuna cunam iti balay ti Israel, Castoy ti cuna ni Apo Jehova: Saanco nga aramiden daytoy gapu cadacayo, O balay ti Israel, no di ket gapu iti nasantoan a naganco, isu a tinabbaawanyo iti nagtengngaan dagiti nasnacion, a napananyo.
23
Ket pasantoecto ti dackel a naganco, isu a natabbaawan iti nagtengngaan dagiti nasnacion, isu a tinabbaawanyo iti tengngada; ket dagiti nasnacion mabigbigdanto a siac ni Jehova, cuna ni Apo Jehova, intono mapasantoac cadacayo iti sangoanan dagiti matada.
24
Ta alaencayto manipud iti tengnga dagiti nasnacion, ket urnongencayto manipud cadagiti amin a dagdaga, ket yegcayto iti dagayo met laeng.
25
Ket iwarsicto ti nalitnaw a danum cadacayo, ket nadaluscayto; manipud iti amin a kinarugityo, ken manipud cadagiti amin a didiosenyo, dalusancayto.
26
Iccancayto met ti maysa a baro a puso, ket maysa a baro nga espiritu isaadconto iti unegyo; ket iccatecto ti bimmato a puso iti lasagyo, ket iccancayto iti maysa a puso a lasag.
27
Ket isaadconto ti Espirituc iti unegyo, ket papagnaencayto cadagiti linlintegco, ket tungpalenyonto digiti bilbilinco, ken aramidenyo ida.
28
Ket agnaedcayto iti daga nga intedco cadagiti ammayo; ket dacayto ti ilic, ket siacto ti Diosyo.
29
Ket ispalencayto cadagiti amin a kinarugityo, ket ayabacto ti bin-i, ket paaduecto, ket saanacto a mangicabil ti bisin cadacayo.
30
Ket paaduecto ti bunga ti cayo, ken ti nayon ti talon, tapno saanyo nga awatenen coma ti umsi ti bisin cadagiti nasnacion.
31
Iti casta malagipyonto dagiti dakes a daldalanyo, ken dagidi gapuananyo a saanda a nasayaat; ket calucsawyonto dagiti bagiyo met laeng iti imatangyo gapu cadagiti kinadakesyo ken gapu cadagiti kinarimonyo.
32
Aramidec daytoy a saan a gapu cadacayo, cuna ni Apo Jehova, ammoenyo coma: agbaincayo coma ken mariribuccayo gapu cadagiti daldalanyo, O balay ti Israel.
33
Castoy ti cuna ni Apo Jehova: Iti aldaw a panangdalusco cadacayo cadagiti amin a kinadakesyo, pagbalinecto dagiti il-ili a mapagnaedan, ken dagiti naracrac a disso matarimaandanto.
34
Ket ti daga a langalang idi matalonto, daydiay langalang idi iti imatang dagiti amin a limmabas.
35
Ket cunaendanto, Daytoy daga a langalang idi nagbalin a cas iti minuyongan ti Eden; ket ti nadadael ken langalang ken narbec nga ili napasarikedkedan ken napagnaedan.
36
Iti casta dagiti nasnacion a nabati iti aglicmut cadacayo, mabigbigdanto a siac, ni Jehova, binangonco dagiti narbec a disso, ken minulaac daydiay langalang: Siac, ni Jehova, insaoc, ket isu aramidecto.
37
Castoy ti cuna ni Apo Jehova: Gapu iti daytoy, mapagdawatanacto met iti balay ti Israel, tapno isu aramidec a maipaay cadacuada: paaduecto ida cadagiti tattao cas maysa nga arban.
38
Cas ti arban a maipaay a daton, cas ti arban ti Jerusalem cadagiti nakedngan a fiestana, iti casta dagiti naracrac nga ili mapnodanto cadagiti arban dagiti tattao; ket mabigbigdanto a siac ni Jehova.
← Chapter 35
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 37 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48