bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ilokano
/
Ilokano (Ti Biblia (1973))
/
Ezekiel 34
Ezekiel 34
Ilokano (Ti Biblia (1973))
← Chapter 33
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 35 →
1
Ket ti sao ni Jehova dimteng caniac, a kinunana,
2
Anac ti tao, agipadtoca a maibusor cadagiti papastor ti Israel, agipadtoca, ket cunaem cadacuada, cadagiti met laeng papastor, Castoy ti cuna ni Apo Jehova: Asi pay dagiti papastor ti Israel nga pacanenda dagiti bagida met laeng! dagiti papastor saanda coma aya a pacanen dagiti carnero?
3
Canenyo ti taba, ken agcawescayo iti dutdot ti carnero, partienyo dagiti nalucmeg; ngem dicayo pacanen dagiti carnero.
4
Dagiti nacapuy saanyo a pinapigsa, ket dicayo met inagasan daydiay masakit, ket saanyo met a binedbedan daydiay nabungtol, dicayo met inyawid daydiay napapanaw, saanyo met a biniroc daydiay napucaw; ngem babaen ti panangipapilit ken panangparigat nagturaycayo cadacuada.
5
Ket naiwarada agsipud ta awan ti agpastor, ket naaramidda a taraon cadagiti amin nga an-animal ti away, ket naiwarada.
6
Dagiti carneroc nagtawatawda cadagiti amin a banbantay, ken iti rabaw ti tunggal nangato a turod; wen, dagiti carneroc naiwarada iti amin a langa ti daga; ket awan ti siasinoman a nagbiruc wenno nagsapul cadacuada.
7
Gapuna a dacayo papastor, denggenyo ti sao ni Jehova.
8
Cas sibibiagac, cuna ni Apo Jehova, pudno nga agsipud ta dagiti carneroc nagbalinda a samsam, ken dagiti carneroc naaramidda a taraon dagiti amin nga animal ti away, gapu ta awan idi ti agpastor ket dagiti papastorco dida met biniruc dagiti carneroc, no di ket dagiti papastor tinaraonanda dagiti bagida met laeng, ket saanda a tinaraonan dagiti carneroc;
9
Gapuna, dacayo papastor denggenyo ti sao ni Jehova:
10
Castoy ti cuna ni Apo Jehova, Adtoy bumusorac cadagiti papastor; ket sapulecto dagiti carneroc iti imada, ket pasardengecto ida nga agpacan cadagiti carneroc; ket dagiti papastor saandanto metten a pacanen dagiti bagida met laeng; ket luc-atacto dagiti carneroc iti ngiwatda, tapno saanda coma nga agservi a taraon cadacuada.
11
Ta castoy ti cuna ni Apo Jehova: Adtoy, siac met laeng, wen siac, agbirucacto cadagiti carneroc, ket sapulecto ida.
12
Cas ti pastor birukenna ti pangenna iti aldaw nga caaddana iti nagtengngaan dagiti carnerona a naiwara iti adayu, casta ti panangsapulconto cadagiti carneroc; ket luc-atacto ida cadagiti amin a disso a nacaiwarasanda iti naulep ken nasipnget nga aldaw.
13
Ket iruarconto ida manipud cadagiti il-ili, ken urnongecto ida manipud cadagiti dagdaga, ket yegconto ida iti dagada met laeng; ket pacanecto ida iti rabaw dagiti bantay ti Israel, iti denna dagiti pagayusan dagiti danum, ken cadagiti amin a mapagnaedan a disso ti daga.
14
Pacanecto ida iti nasayaat a pagaraban; ket iti rabaw dagiti bantay iti cangatoan ti Israel addanto pagapunanda: idiay agiddadanto iti nasayaat a pagapunan; ket iti nataba a pagaraban mapacandanto iti rabaw dagiti bantay ti Israel.
15
Siacto met laeng ti agpastor cadagiti carneroc, ket pagiddaecto ida, cuna ni Apo Jehova.
16
Sapulecto daydiay napucaw, ket iyawidconto daydiay napapanaw, ket bedbedacto daydiay nabungtol, ket papigsaecto daydiay masakit: ngem ti nalucmeg ken ti napigsa pucawecto; taraonacto ida iti naincalintegan.
17
Ket no maipapan kenca, O arbanco, castoy ti cuna ni Apo Jehova: Adtoy, siac mangocomac iti nagbaetan dagiti carnero ken carnero, dagiti carnero a calakian ken dagiti calding a calakian.
18
Pagarupenyo aya a bassit a banag ti pannanganyo iti nasayaat a pagaraban, ket baddekenyo pay cadagiti sacayo ti tidda ti pagarabanyo? ken ti pananginumyo cadagiti nalitnaw a danum, ngem libegenyo pay ti tidda cadagiti sacayo?
19
Ket no maipapan cadagiti carneroc, canenda ti binaddecyo cadagiti sacayo, ken inumenda ti linibegyo cadagiti sacayo.
20
Gapuna castoy ti cuna ni Apo Jehova cadacuada: Adtoy, siac, wen siac, ocomecto dagiti nalucmeg a carnero ken dagiti nacottong a carnero.
21
Agsipud ta nagiduroncayo babaen ti bacrang ken ti abaga, ket sinangdoyo amin dagiti agcacapsut cadagiti sarayo, agingga iti naiwarayo ida iti adayu;
22
Ispalecto ngarud ti arbanco, ket saandanton a samsam; ket ocomecto dagiti carnero ken dagiti carnero.
23
Ket bangonecto ti maysa a pastor cadacuada, ket pacanennanto ida, nga isu ni adipenco a David; pacanennanto ida, ket isunto ti pastorda.
24
Ket siac, ni Jehova, siacto ti Diosda, ket ni adipenco a David principe cadacuada; Siac, ni Jehova, sinaoc.
25
Ket mangaramidacto cadacuada iti maysa a tulag ti cappia, ket pasardengecto dagiti dakes nga an-animal iti daga; ket agnaeddanto a sitatalged iti let-ang, ken maturog iti bakir.
26
Ket aramidecto ida a bendicion ken dagiti disso iti aglicmut ti turodco; ket pagarbisecto iti pannawen a nakedngan; addanto ar-arbis ti bendicion.
27
Ket ti cayo iti away mangtedto iti bungana, ket ti daga mangtedto ti rang-ayna, ket sitatalgeddanto iti dagada; ket mabigbigdanto a siac ni Jehova, intono bungtolec dagiti balunet ti sangolda, ken luc-atac ida iti ima dagidiay a nangpatagabu cadacuada.
28
Ket saandanton a samsam cadagiti nasnacion, ket dagiti animal ti daga saandanto metten a lamuten ida; no di ket agnaeddanto a sitatalged, ket awanto ti mangpabutengen cadacuada.
29
Ket mangbangonacto cadacuada iti maysa a pagmulaan a maipaay a dayaw, ket saandanton; a maibus iti bisin iti daga, ket didanto metten awiten ti bain dagiti nasnacion.
30
Ket mabigbigdanto a siac, ni Jehova a Diosda, addaac cadacuada, ket isuda, ti balay ti Israel, isuda ti ilic, cuna ni Apo Jehova.
31
Ket dacayo dagiti carneroc, dacayo carnero ti pagpaarabac tattaocayo, ket siac ti Diosyo, cuna ni Apo Jehova.
← Chapter 33
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 35 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48