bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
1 Chronicles 11
1 Chronicles 11
Kamba (Mbivilia) 1956
← Chapter 10
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 12 →
1
Nĩvo ĩndĩ Isilaeli onthe mamũmbanĩie Ndaviti ku Eviloni, makĩmwĩa, Sisya, twĩ ĩvĩndĩ yaku na mwĩĩ waku.
2
Mavinda ma tene, o yĩla Saulo waĩ mũsumbĩ, nue watongoesye Isilaeli kũmaumaalasya na kũmatũngaa: na Yeova Ngai waku akwĩa, Nue ũkethĩwa mũĩthi wa andũ makwa Isilaeli, na ũkeethĩwa mũnene wĩ mbee ũsumbĩnĩ wa andũ makwa Isilaeli.
3
Kwondũ wa ũu atumĩa onthe ma Isilaeli mooka kwa mũsumbĩ ku Eviloni; na Ndaviti atianĩĩa ũtianĩo nao ku Eviloni mbee wa Yeova; na mamwĩtĩkĩsya Ndaviti mauta ethĩwe mũsumbĩ wa Isilaeli, kwĩanana na ndeto ya Yeova ĩla waneenie na kanyw’a wa Samueli.
4
Na Ndaviti na Isilaeli onthe maenda Yelusaleme (nayo nĩ Yevusi); na Ayevusi, ala matwĩe ĩ nthĩ, maĩ kw’o.
5
Na ala matwĩe Yevusi mamwĩa Ndaviti, Ndwĩlika vaa. Ĩndĩ Ndaviti nĩwakwatie ngome yĩ vinya ya Saioni; nayo nĩ ndũa ya Ndaviti.
6
Na Ndaviti asya, O ũla wĩamba ũkũna Ayevusi akeethĩwa mũnene na kavuteni. Na Yoavu mwana wa Nzeluia nĩwe wambie kwambata, na atw’ĩkĩthw’a mũnene.
7
Na Ndaviti nĩwekalaa ngomenĩ ĩsu yĩ vinya; kwondũ wa ũu mamĩta ndũa ya Ndaviti.
8
Nake aaka ndũa athyũlũlũkĩtye, kuma Milo o kũthyũlũlũkya; na Yoavu atũngĩĩa kĩlungu kĩla kyatiele kya ndũa.
9
Na Ndaviti ongeleka kũneneva; nũndũ Yeova wa nguthu aĩ vamwe nake.
10
Na ĩndĩ aa nĩo anene ma ngũmbaũ ila Ndaviti waĩ nasyo, ila ilũmanĩtye nake na vinya ũsumbĩnĩ wake, vamwe na Isilaeli onthe, imũtw’ĩkĩthye mũsumbĩ kwĩanana na ndeto ya Yeova ũndũ wa Isilaeli.
11
Na ũũ nĩ ũtalo wa ngũmbaũ ila Ndaviti waĩ nasyo: Yasoveamu, mwana wa Mũakimoni, mũnene wa ala mĩongo ĩtatũ; nake ookĩlĩlye andũ maana atatũ ĩtumo yake na amoaa o yĩmwe.
12
Na ĩtina wake kwaĩ Eleasali mwana wa Ndoto, Mũaoi, ũla waĩ ũmwe wa ila ngũmbaũ itatũ.
13
Aĩ vamwe na Ndaviti ku Vasitamimu, na vau Avilisiti moombana mokite, vala vaĩ mũũnda wusũĩte mbaale; na, andũ makũka makĩĩte Avilisiti.
14
Na maũngama ũ mũũndanĩ katĩ, na mawũkitĩa, na mooaa Avilisiti; na Yeova amatangĩĩa na ũkĩlyo mũnene.
15
Na atatũ ma ala andũ anene mĩongo ĩtatũ matheea ĩvianĩ vala ve Ndaviti, malika ngunganĩ ya Atulamu; na nguthu ya Avilisiti maĩ manamba maeema moo mwandanĩ wa Alevai.
16
Na ĩvinda yĩu Ndaviti aĩ ngomenĩ yĩ vinya, na asikalĩ ma Avilisiti ĩvinda yĩu maĩ Mbethi‐leemu.
17
Na Ndaviti akwatwa nĩ mũng’atũko, na asya, Ame! Kethĩwa mũndũ ũmwe akanenga manzĩ ma ũnyw’a ma kĩthima kya Mbethi‐leemu, kĩla kĩ vakuvĩ na mbingĩlo!
18
Na asu atatũ mavithũkĩa mavũthũĩla nguthu ya Avilisiti, na matava manzĩ kĩthimanĩ kya Mbethi‐leemu, kĩla kyaĩ vakuvĩ na mbingĩlo, na makua, na mamũtwaĩa Ndaviti: ĩndĩ Ndaviti ndaaĩtĩkĩla kũmanyw’a, ĩndĩ etĩa Yeova nthĩ,
19
na asya, Ngai wakwa ndakandeke nĩke ũndũ ũilyĩ ũu: nĩnyw’a nthakame ya andũ aa ala malekilye mathayũ moo mũisyonĩ? Nũndũ nĩmamaetie mathayũ moo me mũisyonĩ. Kwondũ wa ũu ndaaĩtĩkĩla kũmanyw’a. Maũndũ asu nĩmeekiwe nĩ ila ngũmbaũ ĩtatũ.
20
Na Avisai, mwana‐a‐inyia wa Yoavu, nĩwe waĩ mũnene katĩ wa asu atatũ; nũndũ nĩwamokĩlĩlye andũ maana atatũ ĩtumo na amoaa, na aĩ na syĩtwa katĩ wa asu atatũ.
21
Katĩ wa asu atatũ, nĩwe wataĩiwe kwĩ ala elĩ, na atw’ĩkĩthw’a kavuteni woo: ĩndĩ ala atatũ ma mbee ndaaĩanana nao.
22
Mbenaia mwana wa Yeoiata, mwana wa mũndũ wĩ ũkũmbaũ wa Kaviseeli, ũla wekĩte meko manene, ooaa ana elĩ ma Alieli wa Moavi: o na atheea na ooaa mũnyambũ wĩ nthĩnĩ wa ĩima ĩvinda kwĩĩa.
23
Na ooaa Mũmisili, mũndũ mũasa mũno, ũasa wake waĩ mĩkono ĩtano; na kw’okonĩ kwa Mũmisili kwaĩ ĩtumo yailyĩ ta mũamba wa mũtumi wa ngũa; na amũtheeea na ndata, na amũvena Mũmisili ĩtumo kw’okonĩ kwake, na amũaa na ĩtumo yake mwene.
24
Mbenaia mwana wa Yeoiata nĩwekie maũndũ asu, na aĩ na syĩtwa katĩ wa ngũmbaũ isu itatũ.
25
Sisya, ataĩawa mũno kwĩ ala mĩongo ĩtatũ, ĩndĩ ndaaĩanana na ala atatũ ma mbee: na Ndaviti amwia ethĩwe mũnene wa nguthu ya asũvĩi make.
26
O na ngũmbaũ sya ita: Asaeli mwana‐a‐inyia wa Yoavu, na Elianani mwana wa Ndoto wa Mbethi‐leemu,
27
na Samothi Mũaloli, na Elesu Mũveloni,
28
na Ila mwana wa Ikesi Mũtekoa, na Avieseli Mũanathothi,
29
na Sivekai Mũusathi, na Ilai Mũaoi,
30
na Maalai Mũnetovathi, na Eleti mwana wa Mbaana Mũnetovathi,
31
na Ithai mwana wa Livae wa ku Ngivea wa ana ma Mbenyamini, na Mbenaia Mũvilathoni,
32
na Uulai wa tũlũsĩ twa Ngaasi, na Avieli Mũalivathi,
33
na Asimavethi Mũmbalumi, na Eliava Mũsaalivoni,
34
na ana ma Asemu Mũngisoni, na Yonathani mwana wa Sake Mũalali,
35
na Aiamu mwana wa Sakali Mũalali, na Elivali mwana wa Ulu,
36
na Eevieli Mũmekelathi, na Aiya Mũveloni,
37
na Esolo Mũkalimeli, na Naalai mwana wa Esivai,
38
na Yoeli mwana‐a‐inyia wa Nathani, na Mivali mwana wa Akali,
39
na Nzeleki Mũamimoni, na Naalai Mũmbelothi, ũla wakuĩaa Yoavu mwana wa Nzeluia mĩio ya kaũ,
40
na Ila Mũithili, na Ngalevu Mũithili,
41
na Ulia Mũititi, na Nzavati mwana wa Alai,
42
na Atina mwana wa Sinza Mũleuveni, mũnene wa Aleuveni, na andũ mĩongo ĩtatũ vamwe nake,
43
na Aananu mwana wa Maaka, na Yosavati Mũmithini,
44
na Usia Mũasetelathi, na Sama na Yeieli ana ma Othamu Mũaloeli,
45
na Yetiaeli mwana wa Simili, na Yooa mwana‐a‐inyia wake, Mũtisi,
46
na Elieli Mũmaavi, na Yelivai, na Yosavia, ana ma Elinaamu, na Ithima Mũmoavi,
47
na Elieli, na Oveti, na Yasieli Mũmesovai.
← Chapter 10
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 12 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29