1 Chronicles 6

Kamba (Mbivilia) 1956

← Chapter 5 Jump to: Chapter 7 →

1Ana ma Livai: Ngelisoni, na Koathi, na Melali.

2Na ana ma Koathi: Amilamu, na Isali, na Eviloni, na Usieli.

3Na ana ma Amilamu: Aluni, na Mose, na Miliamu. Na ana ma Aluni: Natavu, na Aviu, na Eleasali, na Ithamali.

4Eleasali asyaa Vineasi, na Vineasi asyaa Avisua,

5na Avisua asyaa Mbuki, na Mbuki asyaa Usisi,

6na Usisi asyaa Nzelaia, na Nzelaia asyaa Melaiothi,

7na Melaiothi asyaa Amalia, na Amalia asyaa Aituvu,

8na Aituvu asyaa Nzatoki, na Nzatoki asyaa Aimaasi,

9na Aimaasi asyaa Asalia, na Asalia asyaa Yoanani,

10na Yoanani asyaa Asalia (nĩwe ũla watethisye wĩa wa ũthembi nyũmbanĩ ĩla Solomoni wakie Yelusaleme),

11na Asalia asyaa Amalia, na Amalia asyaa Aituvu,

12na Aituvu asyaa Nzatoki, na Nzatoki asyaa Salumu,

13na Salumu asyaa Ilikia, na Ilikia asyaa Asalia,

14na Asalia asyaa Selaia, na Selaia asyaa Yeosataki;

15na Yeosataki aenda e mũtave yĩla Yeova watwaie Yuta na Yelusaleme na kw’oko kwa Nevukatilesa.

16Ana ma Livai: Ngelisoni, na Koathi, na Melali.

17Na aa nĩo masyĩtwa ma ana ma Ngelisoni: Livini na Simei.

18Na ana ma Koathi nĩ Amilamu, na Isali, na Eviloni, na Usieli.

19Ana ma Melali: Mali na Musi. Na ĩno nĩyo mĩvĩa ya Alivai kũatĩĩa nyũmba sya aaĩthe moo.

20Ma Ngelisĩni: Livini mwana wake, na Yaathi mwana wake, na Nzima mwana wake,

21na Yoa mwana wake, na Ito mwana wake, na Nzela mwana wake, na Yeathelai mwana wake.

22Ana ma Koathi: Aminatavu mwana wake, na Kola mwana wake, na Asili mwana wake,

23na Elikana mwana wake, na Eviasavu mwana wake, na Asili mwana wake,

24na Taathi mwana wake, na Ulieli mwana wake, na Usia mwana wake, na Sauli mwana wake.

25Na ana ma Elikana: Amasai, na Aimoti.

26Ũvoonĩ wa Elikana, ana ma Elikana: Nzovai mwana wake, na Naathi mwana wake,

27na Eliavu mwana wake, na Yeloamu mwana wake, na Elikana mwana wake.

28Na ana ma Samueli: ĩkithathi Yoeli, na wa kelĩ Aviya.

29Ana ma Malali: Mali, na Livini mwana wake na Simei mwana wake, na Usa mwana wake,

30na Simea mwana wake, na Akia mwana wake, na Asaia mwana wake.

31Na aa nĩo ala Ndaviti wamaiie masyaasye ũthũkũmi wa kwina nyũmbanĩ ya Yeova, ĩtina wa ĩsandũkũ yathũmũa.

32Na mathũkũmĩaa kwĩnanĩ ngalĩ ya mbee ya wĩkalo wa ĩeema ya kũmbanĩa, kũvika Solomoni amina kwaka nyũmba ya Yeova ku Yelusaleme: na nĩmaũngamaa wĩanĩ woo kwĩanana na nguthu syoo.

33Na aa nĩo ala mathũkũmaa, vamwe na ana moo, Ma ana ma Akoathi: Emani ũla waĩ mwini, mwana wa Yoeli, mwana wa Samueli,

34mwana wa Elikana, mwana wa Yeloamu, mwana wa Elieli, mwana wa Toa,

35mwana wa Nzuve, mwana wa Elikana, mwana wa Maathu, mwana wa Amasai,

36mwana wa Elikana, mwana wa Yoeli, mwana wa Asalia, mwana wa Nzevania,

37mwana wa Taathi, mwana wa Asili, mwana wa Eviasavu, mwana wa Kola,

38mwana wa Isali, mwana wa Koathi, mwana wa Livai, mwana wa Isilaeli.

39Na mwana‐a‐inyia wake Asavu, ũla waũngamaa kw’okonĩ kwake kwa aũme, o Asavu, mwana wa Mbelekia, mwana wa Simea,

40mwana wa Mikaeli, mwana wa Mbaaseia, mwana wa Malikiya,

41mwana wa Ethini, mwana wa Nzela, mwana wa Ataia,

42mwana wa Ethani, mwana wa Nzima, mwana wa Simei,

43mwana wa Yaathi, mwana wa Ngelisoni, mwana wa Livai.

44Na ngalĩ ya kw’oko kwa aka kwaĩ ana‐a‐ĩthe moo ana ma Melali: Ethani mwana wa Kisi, mwana wa Avati, mwana wa Maluku,

45mwana wa Asavia, mwana wa Amasia, mwana wa Ilikia,

46mwana wa Amisi, mwana wa Mbani, mwana wa Semeli,

47mwana wa Mali, mwana wa Musi, mwana wa Melali, mwana wa Livai.

48Na ana‐a‐ĩthe moo Alivai nĩmaiiwe kwondũ wa ũthũkũmi w’onthe wa wĩkalo wa nyũmba ya Ngai.

49Ĩndĩ Aluni na ana make nĩmathembaa kĩthembeonĩ kya nthembo ya kũvĩvw’a, na kĩthembeonĩ kya kũtoeesya ũvani, kwondũ wa wĩa w’onthe wa vala vandũ vatheu mbee, na kwondũ wa wĩw’anĩthyo wa Isilaeli, kwĩanana na w’onthe ũla Mose mũthũkũmi wa Ngai weaie.

50Na aa nĩo ana ma Aluni: Eleasali mwana wake, Vineasi mwana wake, Avisua mwana wake,

51Mbuki mwana wake, Usisi mwana wake, Nzelaia mwana wake,

52Melaiothi mwana wake, Amalia mwana wake, Aituvu mwana wake,

53Nzatoki mwana wake, Aimaasi mwana wake.

54Na ĩndĩ aa nĩ motũo moo kwĩanana na myako ya maeema moo mĩvakanĩ yoo: ana ma Aluni ma mĩvĩa ya Akoathi (nũndũ mũlimano wa mbee nĩwatw’ĩkie woo),

55asu manengwa Eviloni nthĩ ya Yuta, na syengo syayo ila imĩthyũlũlũkĩte;

56ĩndĩ isesi sya ĩ ndũa, na mĩsyĩ yayo, manenga Kalevu mwana wa Yevune.

57Na mamanenga ana ma Aluni ndũa sya kwĩvitha, ku Eviloni; o na Livina na syengo syayo, na Yatili, na Esitemoa na syengo syayo,

58na Ileni na syengo syayo, na Ndevili na syengo syayo,

59na Asani na syengo syayo, na Mbethisemesi na syengo syayo;

60na kuma mbaĩnĩ ya Mbenyamini, Ngeva na syengo syayo, na Alemethi na syengo syayo, na Anathothi na syengo syayo. Ndũa syoo syonthe mĩvĩanĩ yoo syaĩ ndũa ĩkũmi na itatũ.

61Na ana ala angĩ ma Koathi manengwa ndũa ĩkũmi kwa kũlimana, kuma mũvĩanĩ wa mbaĩ yoo, nthĩnĩ wa nyunzu ya mbaĩ, nyunzu ya Manase.

62Na ana ma Ngelisoni ndũa ĩkũmi na itatũ kwĩanana na mĩvĩa yoo, kuma mbaĩnĩ ya Isakali, na kuma mbaĩnĩ ya Aseli, na kuma mbaĩnĩ ya Navitali, na kuma mbaĩnĩ ya Manase ku Mbasani.

63Na ana ma Melali manengwa kwa kũlimana ndũa ĩkũmi na ilĩ kwĩanana na mĩvĩa yoo, kuma mbaĩnĩ ya Leuveni, na kuma mbaĩnĩ ya Ngati, na kuma mbaĩnĩ ya Nzevuluni.

64Na ana ma Isilaeli manenga Alivai ndũa isu na syengo syasyo.

65Na manengane kwa kũlimana kuma mbaĩnĩ ya ana ma Yuta, na kuma mbaĩnĩ ya ana ma Simeoni, na kuma mbaĩnĩ ya ana ma Mbenyamini, ndũa isu ila iwetetwe na syĩtwa.

66Na mĩvĩa ĩmwe ya ana ma Koathi yaĩ na ndũa syĩ mĩvakanĩ yoo kuma mbaĩnĩ ya Evalaimu.

67Na mamanenga ila ndũa sya kwĩvitha, Sekemu ĩla yĩ nthĩ yĩ iĩma ya Evalaimu na syengo syayo; o na Ngeseli na syengo syayo,

68na Yokimeamu na syengo syayo, na Mbethi‐oloni na syengo syayo,

69na Aiyaloni na syengo syayo, na Ngathi‐limoni na syengo syayo;

70na kuma nyunzu ya mbaĩ ya Manase, Aneli na syengo syayo, na Mbileamu na syengo syayo, kwondũ wa ala matiele ma mũvĩa wa ana ma Koathi.

71Ana ma Ngelisoni manengwa, kuma mũvĩanĩ wa nyunzu ya mbaĩ ya Manase, Ngolani ku Mbasani na syengo syayo, na Asetalothi na syengo syayo;

72na kuma mbaĩnĩ ya Isakali, Ketesi na syengo syayo, na Ndavelathi na syengo syayo,

73na Lamothi na syengo syayo, na Anemu na syengo syayo;

74na kuma mbaĩnĩ ya Aseli, Masali na syengo syayo, na Avitoni na syengo syayo,

75na Ukoki na syengo syayo, na Leovu na syengo syayo,

76na kuma mbaĩnĩ ya Navitali, Ketesi ku Ngalilii na syengo syayo, na Amumoni na syengo syayo, na Kiliathaimu na syengo syayo.

77Na ala angĩ ma Alivai, ana ma Melali, manengwa, kuma mbaĩnĩ ya Nzevuluni, Limoni na syengo syayo, na Tavoli na syengo syayo;

78na mũingo ũya wa Yolotani ku Yeliko, ngalĩ ya wumĩlonĩ wa syũa ya Yolotani, manengwa kuma mbaĩnĩ ya Leuveni, Mbeseli ĩla yĩ weũnĩ na syengo syayo, na Yasa na syengo syayo,

79na Ketemothi na syengo syayo, na Mevaathi na syengo syayo;

80na kuma mbaĩnĩ ya Ngati, Lamothi ku Ngileati na syengo syayo, na Maanaimu na syengo syayo,

81na Esivoni na syengo syayo, na Yaseli na syengo syayo.

← Chapter 5 Jump to: Chapter 7 →