1 Chronicles 4

Kamba (Mbivilia) 1956

← Chapter 3 Jump to: Chapter 5 →

1Ana ma Yuta: Velesi, na Esiloni, na Kalimi, na Uulu, na Sovali.

2Na Leaia mwana wa Sovali asyaa Yaathi; na Yaathi asyaa Aumai, na Laati. Ĩsu nĩyo mĩvĩa ya Anzolathi.

3Na aa nĩ ana ma ĩthe wa Etamu: Yesileeli, na Isima, na Itivasi; na syĩtwa ya mwĩĩtu‐a‐inyia woo eetawa Aselelivoni;

4na Venueli ĩthe wa Ngetoli, na Eseli ĩthe wa Uusa. Asu nĩo ana ma Uulu, ĩkithathi ya Evilatha, ĩthe wa Mbethi‐leemu.

5Na Asuli ĩthe wa Tekoa aĩ na iveti ilĩ, Eela na Naala.

6Na Naala amũsyaĩa Ausamu, na Eevieli, na Temeni, na Aasitali. Asu nĩ ana ma Naala.

7Na ana ma Eela nĩ Nzelethi, na Isali, na Ethinani.

8Na Akosi asyaa Anuvu, na Nzoveva, na mĩvĩa ya Aalieli mwana wa Alumu.

9Na Yavesu aĩ na ndaĩa kwĩ ana‐a‐ĩthe make: na inyia wake amwĩta syĩtwa yake Yavesu, akyasya, Nĩkwĩthĩwa nĩnamũsyaie na thĩna.

10Na Yavesu eekaĩla Ngai wa Isilaeli, akyasya, A! Ethĩwa ũkangathima w’o, na kwongela mũvaka wakwa, na kw’oko kwaku kũkeethĩwa nakwa, na kũnzũvĩa kwa ũthũku, ndikethĩwe na woo! Na Ngai amũnenga ũndũ wamũkũlilye.

11Na Keluvu mwana‐a‐inyia wa Suua asyaa Meili, ũla waĩ ĩthe wa Esitoni.

12Na Esitoni asyaa Mbethi‐lava, na Vasea, na Teina ĩthe wa Ili‐naasi. Asu nĩo ana ma Lekia.

13Na ana ma Kenasi: Othinieli, na Selaia. Na ana ma Othinieli: Athathi.

14Na Meonothai asyaa Ovala: na Selaia asyaa Yoavu ĩthe wa Ngeaalasi; nũndũ asu maĩ ndũĩka.

15Na ana ma Kalevu mwana wa Yevune: Ilu, na Ela, na Naami; na ana ma Ela; na Kenasi.

16Na ana ma Yealeleli: Nzivu, na Siva, na Tilia, na Asaleli.

17Na ana ma Esala: Yetheli, na Meleti, na Evieli, na Yaloni; nake asyaa Miliamu, na Samai, na Isiva ĩthe wa Esitemoa.

18Na mũka wake Mũyuti asyaa Yaleti ĩthe wa Ngetoli, na Eeveli ĩthe wa Soko, na Yekuthieli, ĩthe wa Nzanoa. Na asu angĩ nĩo ana ma Mbithia mwĩĩtu wa Valao, ũla watwaiwe nĩ Meleti.

19Na ana ma mũka wa Otia, mwĩĩtu‐a‐inyia wa Naamu, nĩ ĩthe wa Keila Mũngalimi, na Esitemoa Mũmaaka.

20Na ana ma Simonu: Aminoni, na Lina, na Mbeni‐anani, na Tiloni. Na ana ma Isi: Nzoethi, na Mbeni‐nzoethi.

21Ana ma Siela mwana wa Yuta: Eeli ĩthe wa Leka, na Laata ĩthe wa Malesa, o na mĩvĩa ya nyũmba ya ala matumaa katane nzeo, ma nyũmba ya Asivea;

22na Yokimu, na andũ ma Koseva, na Yoasi, na Salavu, ala masumbĩkie nthĩ ya Moavi, na Yasuvi‐leemu. Na maandĩko aa nĩ ma tene tene.

23Asu maĩ ombi ma mbisũ, ala matwĩe Netaimu na Ngetela: nĩvo mekalaa vamwe na mũsumbĩ kwondũ wa wĩa wake.

24Ana ma Simeoni: Nemueli, na Yamini, na Yalivu, na Nzela, na Sauli;

25na Salumu mwana wake, na Mivisamu mwana wake, na Misima mwana wake.

26Na ana ma Misima: Amueli mwana wake, na Nzakuli mwana wake, na Simei mwana wake.

27Na Simei aĩ na ana ĩkũmi na thanthatũ na eĩtu thanthatũ; ĩndĩ ana‐a‐ĩthe make matyaĩ na ana aingĩ o na mũvĩa woo w’onthe ndwaaingĩva ta ana ma Yuta.

28Na nĩmekalaa Mbeeli‐sieva, na Molata, na Asali‐suali,

29na Mbila, na Esemu, na Tolati,

30na Mbethueli, na Olima, na Nzikilaki,

31na Mbethi‐malikavothi, na Asali‐susimu, na Mbethi‐mbili, na Saalaimu. Isu syaĩ ndũa syoo kũvika yĩla Ndaviti wasumbĩkie.

32Na mĩsyĩ yoo yaĩ Etamu, na Aini, na Limoni, na Tokeni, na Asani, ndũa itano;

33na misyĩ yoo yonthe ĩla yathyũlũlũkĩte ndũa isu, kũvika Mbaali. Asu maĩ motũo moo, na maĩ na ũandĩko wa mosyaanĩo moo.

34Na Mesovavu, na Yamileki, na Yosa, na Amasia,

35na Yoeli, na Yeu mwana wa Yosivia, mwana wa Selaia, mwana wa Asielu,

36na Elioenai, na Yaakova, na Yesoaia, na Asaia, na Atieli, na Yesimieli, na Mbenaia,

37na Nzisa mwana wa Sivi, mwana wa Aloni, mwana wa Yetaia, mwana wa Simili, mwana wa Semaia—

38asu ala mawetetwe na masyĩtwa maĩ anene mĩvĩanĩ yoo: na nyũmba sya aaĩthe moo syongeleka mũno.

39Na maenda ũlikĩlonĩ wa Ngetoli, o kũvika ngalĩ ya wumĩlonĩ wa syũa ya kyanda, mamanthe kĩsesi kya ndĩthya syoo sya mbũi na malondu.

40Na moona kĩsesi kĩnou na kĩseo, na nthĩ yaĩ mbaamu, na ĩkilĩtye, na yaĩ na mũuo; nũndũ ala matwĩe vu tene maĩ ma Amu.

41Na asu aandĩke na masyĩtwa mooka mĩthenya ya Esekia mũsumbĩ wa Yuta, na makũna maeema moo, na Ameuni ala moonekie kw’o, na mamamina vyũ kũvika ũmũnthĩ, na mekala vandũ voo; nĩkwĩthĩwa kwaĩ kĩsesi kw’o ũndũ wa ndĩthya syoo sya mbũi na malondu.

42Na amwe moo, o ma ana ma Simeoni, andũ maana atano, mathi kĩĩmanĩ kya Seili, me na makavuteni moo Velatia, na Nealia, na Levaia, na Usieli, ana ma Isi.

43Na makũna ũtialo wa Aamaleki ala mavonokie, na mekalĩte kw’o kũvika ũmũnthĩ.

← Chapter 3 Jump to: Chapter 5 →