bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
Deuteronomy 2
Deuteronomy 2
Kamba (Mbivilia) 1956
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 3 →
1
Nĩvo ĩndĩ tweethyũũie, twakwata kyalo kitũ tũendete weũnĩ na nzĩa ĩla ĩelete Ũkanga Mũtune, o tondũ Yeova waneenie nakwa; na twathyũlũlũka kĩĩma kya Seili mĩthenya mingĩ.
2
Na Yeova aneena nakwa, akĩmbĩa,
3
Kũthyũlũlũka kwenyu kwa kĩĩma kĩĩ nĩkweanĩa: ĩthyũũei ngalĩ ya ĩũlũ.
4
Na meaĩe andũ, ũkyasya, Mũitĩa kũvĩtĩla mũvakanĩ wa ana‐a‐ĩthe menyu ana ma Esau, ala matũaa Seili; na makamũkĩa. Kwondũ wa ũu ĩsũvĩei mũno;
5
mũikamathee; nũndũ ndikamũnenga kĩlungu kya nthĩ yoo, aiee, o na vandũ va ũkinya veana ĩkinya ya ũnyaĩĩ; nikwĩthĩwa nĩmũnengete Esau kĩĩma kya Seili kĩthĩwe ng’ũndũ yake.
6
Mũkathooa liu kwoo na mbesa, nĩ kana mũye; na mũkathooa manzĩ kwoo na mbesa, nĩ kana mũnyw’e.
7
Nũndũ Yeova Ngai waku nũkũathimĩte wĩanĩ w’onthe wa moko maku; nũmanyĩte kwanganga kwaku weũnĩ ũũ mũnene: myaka ĩno mĩongo ma Yeova Ngai waku nĩwĩkalĩte naku; ndwaanyivĩwa nĩ kĩndũ.
8
Na ĩndĩ twavita kuma vala vaĩ ana‐a‐ĩthe maitũ ana ma Esau, ala matũaa Seili, twaeka nzĩa va Alava, na Elathi, na ya Esioni‐ngeveli. Na tweethyũũa na twakwata nzĩa ya kũthi weũnĩ wa Moavi.
9
Na Yeova ambĩa, Ndũkathĩn’ye Amoavi, o na ndũkokite nao; nũndũ ndikaũnenga kĩlungu kya nthĩ yake kĩthĩwe ng’ũndũ yaku; nũndũ nĩnengete syana sya Loto nthĩ ya Ali yĩthĩwe ng’ũndũ yoo.
10
(Aemi matwie vo tene, andũ anene, na aingĩ, na aasa, o ta Aanaki:
11
o namo matalawa Alevai, o ta Aanaki; ĩndĩ Amoavi mametaa Aemi.
12
O na Aoli matwĩe Seili tene, ĩndĩ ana ma Esau mamalũngya; na mamamina vyũ mbee woo, na matũa vandũ voo; o tondũ Isilaeli wekie nthĩ ya ng’ũndũ yake, ĩla Yeova wamanengie.)
13
Yu ũkĩlai, mũinge kalũsĩ ka Nzeleti. Na twainga kalũsi ka Nzeleti.
14
Na mĩthenya ĩla twookie kuma Katesĩmbalinea, kũvika yĩla twaingie kalũsĩ ka Nzeleti, yaĩ myaka mĩongo ĩtatũ na nyanya; kũvika yĩla nzyawa yonthe ya andũ ma kaũ maminiwe kumw’a mwakonĩ wa maeema, o tondũ Yeova wamevĩtĩe.
15
Na ĩngĩ kw’oko kwa Yeova kwaĩ ĩũlũ woo, kũmananga kũmaumya mwakonĩ wa maeema, kũvika maminwa vyũ.
16
Kwondũ wa ũu kweethĩwa, yĩla andũ onthe ma kaũ maanangiwe na makw’a kuma andũnĩ,
17
nĩw’o Yeova waneenie nakwa, akĩmbĩa,
18
Ũmũnthĩ inga ũsĩ wa Ali mũvaka wa Moavi:
19
na yĩla wĩthengeea welekele ana ma Amimoni, ndũkamathĩn’ye, kana kũkita namo; nũndũ ndikaũnenga kĩlungu kya nthĩ ya ana ma Amimoni kĩthĩwe ng’ũndũ yaku; nĩkwĩthĩwa nĩmanengete ana ma Loto nthĩ ĩsu yĩthĩwe ng’ũndũ yoo.
20
(O na ĩsu ĩtalawa nĩ nthĩ ya Alevai: Alevai matwĩe vo tene; ĩndĩ Aamimoni mametaa Anzamisumi,
21
andũ anene, na aingĩ, na aasa, o ta Aanaki; ĩndĩ Yeova amananga mbee woo; na mamalũngya, na matũa vandũ voo;
22
o tondũ wekie kwondũ wa ana ma Esau, ala matũaa Seili, yĩla wanangie Aoli mbee woo; na mamalũngya, na matũaa vandũ voo kũvika ũmũnthĩ.
23
Na Aavi, ala matwĩe mĩsyĩ kũvika Ngasa, maanangwa nĩ Akavitoli, ala maumie Kavitoli, na matũa vandũ voo.)
24
Ũkĩlai, mũkwate kyalo kyenyu, mũkĩle mwanda wa Alinoni: sisya, nĩnenganĩte Sioni ũla Mũamoli, mũsumbĩ wa Esivoni, na nthĩ yake, kw’okonĩ kwaku; ambĩlĩlyai kũmyosa, na kũkita nake.
25
Ũmũnthĩ kwondũ waku nĩngwambĩlĩlya kũtĩsya ngo sya andũ ila syĩ ĩtheo wa ĩtu yonthe, na kũsyĩkĩa w’ĩa, ila ikew’a ũvoo waku, na ikatetemaa, na kũkwatwa nĩ woo kwondũ waku.
26
Na natũma andũ nĩ weũnĩ wa Ketemothi mathi kwa Sioni mũsumbĩ wa Esivoni na ndeto sya mũuo, ngyasya,
27
Ndeka nĩvĩtĩle nthĩ yaku: ngaendela lelũnĩ, ndikathũka ngalĩ ya kw’oko kwa aũme kana kw’oko kwa aka.
28
Ũkanthooesya lĩu mbesa, nĩye; na ũkanenga manzĩ ma mbesa, nĩnyw’e: ndeka no kũvĩta ngũvĩta na maũũ makwa;
29
o tondũ ana ma Esau ala matũaa Seili, na Amoavi ala matũaa Ali, mambĩkie; mũvaka ngainga Yolotani na kũlika nthĩ ĩla Yeova Ngai waitũ ũtũnengae.
30
Ĩndĩ Sioni mũsumbĩ wa Esivoni ndaaĩtĩkĩla tũvĩtĩle kwake; nũndũ Yeova Ngai waku nĩwomisye veva wake, na amũng’endethya ngoo, amũnengane kw’okonĩ kwaku, o tondũ kũilyĩ ũmũnthĩ.
31
Na Yeova ambĩa, Sisya, nĩnambĩlĩlya kũnengane Sioni na nthĩ yake mbee waku: ambĩlĩlya kwosa, nĩ kana ũtiĩwe nthĩ yake.
32
Nĩvo ĩndĩ Sioni watumĩlĩle, we na andũ make onthe, kũkita naitũ kũu Yaasa.
33
Na Yeova Ngai waitũ amũnengane mbee waitũ; na twamũkũna we, na ana make, na andũ make onthe.
34
Na twoosa ndũa syake syonthe ĩvinda yĩu, na twaananga vyũ kĩla ndũa yaĩ na andũ, vamwe na aka na twana tũnini; tũtyaatia mũndũ o na ũmwe;
35
no indo twoosie syĩthĩwe mũtavo witũ ene, vamwe na mĩio ya ndũa ila twoosie.
36
Kuma Aloeli, ĩla yĩ ũtee wa mwanda wa Alinoni, na kuma ndũanĩ ĩla yĩ mwandanĩ, o kũvika Ngileati, vatyaĩ ndũa o na ĩmwe yaĩ na ũvai mũtũlu ũtonya kũtũsiĩĩa; Yeova Ngai waitũ anengane syonthe mbee waitũ:
37
no nthĩ ya ana ma Amimoni ũtaamĩthengeea; ngalĩko yonthe ya ũsĩ wa Yavoki, na ndũa sya nthĩ yĩ iĩma, na o vala Yeova Ngai waitũ watũvatie.
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 3 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34