bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
Deuteronomy 31
Deuteronomy 31
Kamba (Mbivilia) 1956
← Chapter 30
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 32 →
1
Na Mose athi na amatavya Isilaeli onthe ndeto ii.
2
Na amea, Ũmũnthĩ nĩ wa myaka ĩana na mĩongo ĩlĩ; nditonya kumaala na kũlika ĩngĩ: na Yeova nũndavĩtye, Ndũkainga ũsĩ ũũ wa Yolotani.
3
Yeova Ngai waku, akatongosya mbee waku; akaananga mbaĩ isu syume mbee waku, naku ũkailũngya nthĩ yasyo: na Yosua akatongosya mbee waku, o tondũ Yeova ũneenete.
4
Na Yeova akameka o tondũ wamekie Sioni na Oku, asumbĩ ma Aamoli, na nthĩ yoo; ala wamanangie.
5
Na Yeova akamanengane mbee wenyu, na mũkameka kwĩanana na mwĩao w’onthe ũla namwĩaĩe.
6
Ĩthĩwa na vinya na ũkũmbaũ mũnene, ndũkakĩe, o na ndũkatelemw’e nĩmo: nũndũ Yeova Ngai waku, nĩwe ũendaa naku; ndakakũnyivĩa, o na ndakakũtia.
7
Na Mose amwĩta Yosua, na amwĩa Isilaeli onthe mene na metho moo, Ĩthĩwa na vinya na ũkũmbaũ mũnene: nĩkwĩthĩwa ũkalika wĩ na andũ aa nthĩ ĩla Yeova wamevĩtĩe aaĩthe moo kũmanenga; na ũkatuma matiĩwa yo.
8
Na Yeova, nĩwe ũla ũendaa mbee waku; akeethĩwa vamwe naku, ndakakũnyivĩa, o na ndakakũtia: ndũkakĩe, o na ndũkateve.
9
Na Mose aandĩka mĩao ĩno, na amanenga athembi ana ma Livai, ala makuaa ĩsandũkũ ya ũtianĩo ya Yeova, vamwe na atumĩa onthe ma Isilaeli.
10
Na Mose ameaĩa, akyasya, Kĩla myaka mũooza yathela, ĩvinda yĩla yĩtw’ĩtwe ya kũekanĩa mathiĩ, mbokanĩ ya malwanda,
11
ĩvinda ya kũka kwa Isilaeli onthe kumĩla mbee wa Yeova Ngai waku vala wĩnyuva, wĩsomaa mĩao ĩno matũnĩ ma Isilaeli onthe.
12
Ũmbanasya andũ, aũme na aka na twana tũnini, na mwĩkali wa ũeninĩ ũla wĩkalaa kwaku, nĩ kana mew’e, na nĩ kana memanyĩsye, na kũmũkĩa Yeova Ngai wenyu, na kũkwata na kwĩka ndeto syonthe sya mĩao ĩno;
13
na nĩ kana syana syoo, ila itaamanya, syĩw’e, na kwĩmanyĩsya kũkĩa Yeova Ngai wenyu, mĩthenya yonthe ĩla mwĩĩkala nthĩ ĩla mwĩinga Yolotani mũthi mũmĩmesye.
14
Na Yeova amwĩa Mose, Sisya, mĩthenya ya kũkw’a kwaku nĩthengee: mwĩte Yosua, mũkaũngame ĩeemanĩ ya kũmbanĩa, nĩ kana nĩmwĩaĩe Yosua. Na Mose na Yosua maenda, na maũngama ĩeemanĩ ya kũmbanĩa.
15
Na Yeova aumĩla Ĩeemanĩ e kĩtuĩnĩ kya mũumbĩ: na kĩtuĩ kyu kya mũumbĩ kyaũngama ĩũlũ wa mũomo wa Ĩeema.
16
Na Yeova amwĩa Mose, Sisya, ũkakoma na aaĩthe maku; na andũ aa makookĩla, na kwĩka ũmalwaya wa kũatĩĩa ngai ngeni sya nthĩ, vala meenda na kwĩkalaa katĩ wasyo, na makandia, na kwananga ũtianĩo wakwa ũla natianĩe nao.
17
Nĩvo ũthatu wakwa ũkamakanĩa mũthenya ũsu, na ngamatia, na ngamavitha ũthyũ wakwa, na makaminwa vyũ, na mothũku maingĩ na mathĩna makamokĩa; kwondũ wa ũu makaneena mũthenya ũsu, Mothũku aa matyaatũkĩa nũndũ Ngai waitũ nde vamwe naitũ?
18
Na kũvitha nĩngavitha ũthyũ wakwa mũthenya ũsu nũndũ wa ũthuku w’onthe ũla makethĩwa mekĩte, ũndũ wa kwĩthyũũĩa ngai ingĩ.
19
Kwondũ wa ũu andĩkai wathi ũũ kwondũ wenyu, na ũmanyĩsye ana ma Isilaeli: ũwĩkĩe makanyw’anĩ moo, nĩ kana wathi ũũ wĩthĩwe ngũsĩ yakwa kwa ana ma Isilaeli.
20
Nũndũ yĩla nĩmalikya nthĩ ĩla namevĩtĩe aaĩthe moo, nthĩ yusũĩte ĩia na ũkĩ wa nzũkĩ, na maya na mavũna, na manoa; nĩvo ĩndĩ makethyũũĩa ngai ingĩ, na kwithũkũma, na kũmbũthya, na kwananga ũtianĩo wakwa.
21
Na kũkeethĩwa, yĩla mothũku maingĩ na mathĩna memokĩa, wathi ũũ ũkeethĩwa ngũsĩ mbee woo; nũndũ ndũkola kuma makanyw’anĩ ma ũsyao woo: nũndũ nĩnĩsĩ motalĩthyo moo ala meũtalĩthya ũmũnthĩ, ndanamba kũmalikya nthĩ ĩla namevĩtĩe.
22
Na ĩndĩ Mose aandĩka wathi ũũ mũthenya o ũsu, na amamanyĩsya ana ma Isilaeli.
23
Na amwĩaĩa Yosua mwana wa Nuni, na amwĩa, Ĩthĩwa na vinya na ũkũmbaũ mũnene; nũndũ ũkamalikya ana ma Isilaeli nthĩ ĩla namevĩtĩe: nakwa ngeethĩwa vamwe naku.
24
Na kweethĩwa, Mose amina kũandĩka ndeto sya mĩao ĩno ĩvukunĩ, na kũmina syonthe,
25
Mose ameaĩa Alivai, ala makuaa ĩsandũkũ ya ũtianĩo ya Yeova, akĩmea,
26
Osai ĩvuku yĩĩ ya mĩao, na mũyie ũtee wa ĩsandũkũ ya ũtianĩo ya Yeova Ngai wenyu, nĩ kana yĩkalae vo yĩthĩwe ngũsĩ kwaku.
27
Nũndũ nĩnĩsĩ ũng’endu waku, na ngingo yaku nyũmũ: sisya, o yĩla nyie nĩ thayũ vamwe nenyu ũmũnthĩ, nĩmũng’endeaa Yeova; na nĩ mbee veanata ĩtina wa kũkw’a kwakwa?
28
Mbũmbanĩsyai atumĩa onthe ma mbaĩ syenyu, na anene menyu, nĩ kana nĩneene ndeto ii matũnĩ moo, na kwĩta ĩtu na nthĩ imakũsĩĩe.
29
Nũndũ nĩnĩsĩ atĩ ĩtina wa kũkw’a kwakwa mũkeethũkya vyũ, na kwĩthyũũa na kũtia nzĩa ĩla namwĩaĩe; na ũthũku ũkamũkĩa mĩthenya ya mũminũkĩlyo; nĩkwĩthĩwa mũkekaa ũla Yeova wonaa wĩ ũthũku, kũmũthatya ũndũ wa wĩa wa moko menyu.
30
Na Mose aneena matũnĩ ma ũmbano w’onthe wa Isilaeli ndeto sya wathi ũũ, kũvika syathela vyũ.
← Chapter 30
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 32 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34