bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
Deuteronomy 9
Deuteronomy 9
Kamba (Mbivilia) 1956
← Chapter 8
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 10 →
1
Ĩw’a, we Isilaeli: ũmũnthĩ nũkũinga Yolotani, ũlike na kwosa nthĩ ya mbaĩ nene na syĩ vinya kwĩ we, ndũa nene na mbiie kũvika ĩtunĩ,
2
andũ anene na aasa, ana ma Aanaki, ala ũmesĩ, na ala weewie maiwetwa atĩĩ, Nũũ ũla ũtonya kũũngama mbee wa ana ma Anakĩ?
3
Manya ĩndĩ ũmũnthĩ, kana Yeova Ngai waku nĩwe ũla wĩinga mbee waku o ta mwaki ũla ũminaa; nake akamananga, na kũmanyivya mbee waku: kwondũ wa ũu ũkamalũngya, na kũmananga mĩtũkĩ, o tondũ Yeova ũneenete naku.
4
Yeova Ngai waku amina kũmalũngya mbee waku, ndũkaneene ngoonĩ yaku, ũkyasya, Nũndũ wa ũlũngalu wakwa Yeova nũndikĩtye nthĩ ĩno nĩmĩmesye; ĩndĩ nĩ kwondũ wa ũthũku wa mbaĩ isu Yeova ailũngya syume mbee waku.
5
Ti kwondũ wa ũlũngalu waku, kana kwondũ wa ũlũngalu wa ngoo yaku, wĩlika ũmesye nthĩ yoo; ĩndĩ kwondũ wa ũthũku wa mbaĩ isu Yeova Ngai waku ailũngya syume mbee waku, na nĩ kana alũlũmĩlye ndeto ĩla Yeova wamevĩtĩe aaĩthe maku, Avalaamu, na Isaka, na Yakovo.
6
Manya ĩndĩ, kana Yeova Ngai waku ndeũkũnenga nthĩ ĩno nzeo ũmĩmesye nũndũ wa ũlũngalu waku; nĩkwĩthĩwa wĩ mbaĩ yĩ ngingo nyũmũ.
7
Lilikana, ndũkolwe, ũndũ wamũthatisye Yeova Ngai waku weũnĩ: kuma mũthenya ũla waumie nthĩ ya Misili, mũvaka mwavika vandũ vaa, mwamũng’endeeaa Yeova.
8
O na vu Olevu mwamũthatĩsya Yeova, nake Yeova amũthatĩa enda kũmwananga.
9
Nambata kĩĩmanĩ kwosa masengea ma mavia, o masengea ma ũtianĩo ũla Yeova watianĩe nenyu, nĩvo nekalile kĩĩmanĩ mĩthenya mĩongo ĩna na matukũ mĩongo ĩna; ndyaaya lĩu kana kũnyw’a manzĩ.
10
Na Yeova anenga masengea elĩ ma mavia maandĩkĩtwe na kyaa kya Ngai; na kwaandĩkĩtwe ĩũlũ wamo kwĩanana na ndeto syonthe, ila Yeova waneenie nenyu kĩĩmanĩ e katĩ wa mwaki mũthenya wa ũmbano.
11
Na kweethĩwa mĩthenya mĩongo ĩna na matukũ mĩongo ĩna yathela, Yeova anenga ala masengea elĩ ma mavia, namo nĩ masengea ma ũtianĩo.
12
Na Yeova ambĩa, Ũkĩla, ũtheee mĩtũkĩ; nĩkwĩthĩwa andũ maku ala wamaumisye nthĩ ya Misili nĩmevukĩtye; mĩtũkĩ nĩmathũkĩte nzĩanĩ ĩla nameaĩe; nĩmeseũvĩsye mũvw’anano na syĩndũ matwekethetye.
13
Na ũndũ ũngĩ Yeova aneena nakwa, akĩmbĩa, Nĩnonete andũ aa, na, sisya, nĩ andũ me na ngingo nyũmũ:
14
ndeka, nĩmanange, na kwananga syĩtwa yoo yume ĩtheo wa ĩtu; na ngakũtw’ĩkĩthya mbaĩ yĩ vinya na nene kwĩ mo.
15
Kwondũ wa ũu neethyũũa na natheea kuma kĩĩmanĩ, na kĩĩma kyaĩ kyakanu mwaki: na masengea asu elĩ ma ũtianĩo maĩ mokonĩ makwa elĩ.
16
Na noona, na, sisya, mũmũvĩtanĩsye Yeova Ngai wenyu; mũseũvĩtye mũvw’anano wa kasaũ ka ng’ombe na syĩndũ ila mũtwekethetye: mwaathũka mĩtũkĩ nzĩanĩ ĩla Yeova wamwĩaĩe.
17
Na nakwete masengea asu elĩ, na namakiman’ya na nthĩ na moko makwa elĩ, namoaa mũsyaĩtye.
18
Na navalũka nthĩ mbee wa Yeova, o ta ĩvinda ya mbee, mĩthenya mĩongo ĩna na matukũ mĩongo ĩna; ndyaaya lĩu kana kũnyw’a manzĩ; nũndũ wa naĩ syenyu syonthe ila mwavĩtĩsye, ũndũ wa kwĩka ũndũ Yeova wonaa wĩ ũthũku, mũkĩmũthatya.
19
Nũndũ nakĩaa ũthatu na kũthilĩka, kũla Yeova wamũthilĩkĩle amwanange. Ĩndĩ Yeova ambĩthukĩĩsya ĩvinda yĩu nayo.
20
Na Yeova amũthatĩa Aluni mũno akyenda kũmũaa: nakwa ĩvinda yĩu namũvoyea Aluni nake.
21
Na noosa naĩ yenyu, nayo nĩ kasaũ kala mwaseũvĩtye, nakavĩvya na mwaki, nakatumbanga, nakathia kavinya, katw’ĩka ta kĩtoo: na neekĩa kĩtoo kyako kalũsĩnĩ kala katheeete kuma kĩĩmanĩ.
22
Na kũu Tavela, na Masa, na Kivilothi‐ataava, mwamũthatya Yeova.
23
Na yĩla Yeova wamũtũmie kuma Katesi‐mbalinea, akĩmwĩa, Ambatai mũmĩmesye nthĩ ĩla namũnengie; nĩvo mwaleile mwĩao wa Yeova Ngai wenyu, na mũtyaamwĩtĩkĩla, kana kwĩthukĩĩsya wasya wake.
24
Nĩmwamũng’endeie Yeova kuma mũthenya ũla namũmanyie inyw’ĩ.
25
Kwondũ wa ũu navalũka mbee wa Yeova mĩthenya mĩongo ĩna na matukũ mĩongo ĩna ala navalũkile, nũndũ Yeova nĩwaĩtye akamwananga.
26
Na namũvoya Yeova, ngyasya, Ame Mwĩaĩi Yeova, ndũkanange andũ maku na ũtiĩwa waku, ala wamovoisye kwondũ wa ũnene waku, ala wamaumisye Misili na kw’oko kwĩ vinya.
27
Lilikana athũkũmi maku, Avalaamu, na Isaka, na Yakovo; ndũkasisye ngũlũ sya andũ aa, kana ũthũku woo, kana naĩ yoo,
28
nthĩ ĩla watumisye ndĩkese kwasya, Nĩkwĩthĩwa Yeova ndaatonya kũmalikya nthĩ ĩla wamathie, na nĩkwĩthĩwa nĩwamamenaa, amaumisye akamoaĩe weũnĩ.
29
Ĩndĩ nĩ andũ maku na ũtiĩwa waku, ala wamaumisye na vinya waku mũnene na kw’oko kwaku kũtambũũku.
← Chapter 8
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 10 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34