bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
Deuteronomy 32
Deuteronomy 32
Kamba (Mbivilia) 1956
← Chapter 31
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 33 →
1
Ĩthukĩĩsyei, inyw’ĩ matu, na nĩngũneena; Na nthĩ nĩĩthukĩĩsye ndeto sya kanyw’a wakwa.
2
Ũmanyĩsyo wakwa ũketĩkaa ta mbua; Kũneena kwakwa kũkavolotangaa ta ĩmwe, Ta ũnyenyeũ nyekinĩ ya vuvĩ, Na ta mĩono ya mbua tũmĩtĩnĩ.
3
Nũndũ ngatavan’ya syĩtwa ya Yeova: Mũwetei Ngai waitũ ũnene.
4
Ĩvia, wĩa wake nĩ mwĩanĩu; Nũndũ nzĩa syake syonthe nĩ ndũngalu: Ngai wa kĩthito na ũte na naĩ, Nake nĩ wa w’o na mũlũngalu.
5
Nĩmamwĩkĩte ũthũku, ti ana make, nĩyo ĩlanga yoo; Nĩ ũsyao wĩ ngũlũ na mũthyoeku!
6
Nĩw’o mũũmũĩva Yeova, Inyw’ĩ andũ atumanu na mũte na ũĩ? Tiwe ĩthe waku ũla wakũthooie? Nĩwe wakũmbie, na akũlũlũmĩlya.
7
Lilikana mĩthenya ya tene, Sũanĩa myaka ya nzyawa nyingĩ: Kũlya ĩthe waku, nake akakwon’ya; Kũlya atumĩa maku, na makakũtavya.
8
Yĩla Ũla Wĩ Ĩũlũ wa Onthe wanengie mbaĩ ũtiĩwa wasyo, Yĩla wamataanisye ana ma andũ, Nĩwamavakanisye andũ mĩvaka Kwĩanana na ũndũ ana ma Isilaeli meanaa.
9
Nũndũ kĩlungu kya Yeova nĩ andũ make; Yakovo nĩwe kĩanda kya ũtiĩwa wake.
10
Amwĩthĩa nthĩ yĩ yalata, Na weũnĩ mwanangĩku walumaa nyamũ; Amũthyũlũlũka, amũtethya, Amũsũvĩa ta kyũma kya itho yake.
11
O ũndũ ndiũ yũkĩlangasya ndala yayo, Ĩkĩũlũkanga ĩũlũ wa tũswii twayo, Ĩkĩtambũũkya nthwau syayo, ĩitwosa, Ĩkĩtũkua ĩũlũ wa nthwau syayo:
12
Yeova e weka amũtongoesya, Na vatyaĩ ngai ngenĩ yaĩ nake.
13
Amwambatya kũndũ kũtũlu kwa nthĩ, Nake aya ũsyao wa mĩũnda; Na amwongethya ũkĩ wa nzũkĩ ĩvianĩ, Na mauta ĩvianĩ yũmũ mũno;
14
Mauta ma ndĩthya ya ng’ombe, na ĩia ya ndĩthya ya mbũi na malondu, Vamwe na mathunya ma tũtena twa malondu, Na ndũũme sya kĩ‐Mbasani, na mbũi, Vamwe na nganũ ila nzeo mbee; Na wanyw’a mbinyu ya nthakame ya nzavivũ.
15
Ĩndĩ Yesuluni anoa mũno, na ekangya nthele: Nũnoete, na ũkaimba, na ũkatendea; Nĩvo ĩndĩ wamũtiie Ngai ũla wamũmbie, Na avũthya Ĩvia ya ũtangĩĩo wake.
16
Mamwĩkĩa kĩwĩu ũndũ wa ngai ngeni; Mamũthatya ũndũ wa mothũku moo.
17
Mathembea ndaimoni, nasyo ti Ngai, Ngai ila mataamanya, Ngai ngeni ila syaumbũkie mĩtũkĩ, Ila aaĩthe menyu mataikĩaa.
18
Ĩvia yĩla yakũsyaie ndũyĩlilikana, Na nĩwũlĩtwe nĩ Ngai ũla wakũsyaie.
19
Na Yeova oona, na amathĩtha, Nũndũ eew’ĩthiw’e woo nĩ ana make aũme na eĩtu.
20
Nake asya, Ngamavitha ũthyũ wakwa, Ngasisya ũndũ mũminũkĩlyo woo ũkethĩwa ũilyĩ: Nũndũ nĩ ũsyao mũng’endu mũno, Syana ite na kĩthito nongi.
21
Nĩmambĩkĩĩte kĩwĩu nũndũ wa isu ite Ngai; Nĩmanthatisye kwondũ wa maũndũ moo ma mana: Nakwa ngamekĩa kĩwĩu kwondũ wa asu mate andũ; Ngamathatya kwondũ wa mbaĩ ndumanu.
22
Nũndũ mwaki nĩwakanĩte kwondũ wa ũthatu wakwa, Naw’o nũvĩvasya o na kũvika Seoli kũu nthĩnĩ wa nthĩ, Na nũminaa nthĩ vamwe na wingĩvo wayo, Na nũkwatasya mwaki myambĩlĩlyo ya iĩma.
23
Ngombĩĩa mothũku ĩũlũ woo; Ngamaathanga na mĩsyĩ yakwa ĩthele vyũ:
24
Makang’ong’wa nĩ nzaa, na kũvĩvw’a nĩ muutĩa ũilyĩ mwakĩ Na wanangĩko mũthũku; Ngaete maeo ma nyamũ mbai ĩũlũ woo, Vamwe na ũoi wa tũsamũ tũla tũtambũkaa kĩtoonĩ.
25
Na kũu nza ũvyũ ũkooaana, Na w’ĩa mũnene tũsũmbanĩ nthĩnĩ; Ũkaananga mwanake na mwĩĩtu mũtheu me elĩ, Kaũkenge vamwe na mũndũ mũũme wĩ mbuĩ.
26
Naisye, Nĩthĩwa nĩmanyaĩĩkya kũasa, Nĩthĩwa nĩtuma ũlilikan’yo woo ũthela andũnĩ;
27
Kethĩwa ndiũkĩa ũthatu wa amaitha, Nthũ syoo itikese kũsũanĩa ũndũ ũte wa w’o, Itikese kwasya, Kw’oko kwitũ nĩkũtũlĩtw’e, Na Yeova ndaaĩka ũu w’onthe.
28
Nũndũ nĩ mbaĩ ĩtataĩkaa, Na ndĩ ũmanyi nthĩnĩ wayo.
29
A! Kethĩwa nĩ oĩ, na makamanya ũũ, Na makasũanĩa mũminũkĩlyo woo!
30
Ũmwe atonya ata kũlũngya ngili, Na elĩ kũlũngya ngili ĩkũmi, Ate o Ĩvia yoo yĩmathooetye, Na Yeova amanenganĩte?
31
Nũndũ ĩvia yoo yĩtiilyĩ ta Ĩvia yitũ, O na amaitha moo ene nĩmeũtw’a ũu.
32
Nũndũ mũsavivũ woo nĩ wa mũsavivũ wa Sotomo, Na wa mĩũnda ya Ngomola: Nzavivũ syoo nĩ nzavivũ sya nyongo, Itũngo syasyo syĩ ũũ:
33
Mbinyu yoo nĩ ũoi wa nzoka, Na ũoi mũthũku wa syĩko.
34
Ũu ndwiĩtwe kwakwa, Ũkasiĩlanĩlw’a na ũthwii wakwa mwie?
35
Ũĩvanĩsyo nĩ wakwa, na kũĩva, Ĩvinda yĩla kũũ kwoo kũkatendelũka: Nũndũ mũthenya wa wanangĩko woo nũthengeee, Na maũndũ ala makamokĩa makekalaataa.
36
Nũndũ Yeova akasilĩla andũ make, Na akeetũnga kwondũ wa athũkũmi make; Yĩla wĩona vinya woo wathela, Na vati mũndũ mwove kana ũla ũte mwove.
37
Nake akasya, Iĩva ngai syoo, Ĩvia yĩla meekwatĩtye;
38
Ila syaĩe mathunya ma nthembo syoo, Na syanyw’a mbinyu ya nthembo yoo ya kũnyuwa? Syũkĩle na kũmũtethya inyw’ĩ, Syĩthĩwe mawĩvitho menyu.
39
Sisya yu kana nyie, o nyie, ninyie we, Na vati ngai ĩngĩ vamwe nakwa: Ninyie nũaa, na ninyie nĩthayũũkasya; Ninyie nũkitaa, na ninyie nĩvoasya; Na vati mũndũ ũtonya kũvenana kw’okonĩ kwakwa.
40
Nũndũ nĩngũkĩlya kw’oko kwakwa ĩtunĩ, Na kwasya, O ũndũ nyie nĩ thayũ tene na tene,
41
Ethĩwa nĩngũnoa ũvyũ wakwa ũla ũtisatisaa, Na kw’oko kwakwa kũĩkwata ũsili; Ngeeĩvanĩsya amaitha makwa, Ngaĩva ala mamenaa.
42
Ngatoonethya mĩsyĩ yakwa nthakame, Na ũvyũ wakwa ũkamina mĩĩ; Nthakame ya ala mooaiwe na ala mataviwe, Kuma mĩtwenĩ ya atongoi ma amaitha.
43
Tanai, inyw’ĩ mbaĩ, vamwe na andũ make: Nũndũ akaĩvanĩsya nthakame ya athũkũmi make, Na akaĩva nthũ syake, Na akaumya nthembo kwondũ wa nthĩ yake, kwondũ wa andũ make.
44
Na Mose ooka na aneena ndeto syonthe sya wathi ũũ matũnĩ ma andũ, we, na Osea mwana wa Nuni.
45
Na Mose amina kũmatavya Isilaeli onthe ndeto ii syonthe;
46
na amea, Ĩkĩai ngoonĩ syenyu ndeto syonthe ila ngũmũkũsĩĩa ũmũnthĩ, ila mũkeaĩa syana syenyu isũvĩe na kwĩka, o ndeto syonthe sya mĩao ĩno.
47
Nũndũ ti ũndũ wa mana kwenyu; nũndũ nĩ thayũ wenyu, na kwondũ wa ũndũ ũsu mũkaingĩvĩsya mĩthenya yenyu nthĩ, ĩla mwĩinga Yolotani mũmĩmesye.
48
Na Yeova aneena na Mose mũthenya o ũsu, akĩmwĩa,
49
Ambata kĩĩmanĩ kĩĩ kya Avalimu, kũvika kĩĩma kya Nevo, kĩla kĩ nthĩ ya Moavi, kĩla kyelekele Yeliko; na ĩloele nthĩ ya Kanaani, ĩla nĩmanengae ana ma Isilaeli yĩthĩwe ng’ũndũ yoo;
50
ũkakw’ĩe kĩĩmanĩ kĩla ũkwambata, na ũkyũmbanw’a vamwe na andũ maku, o tondũ Aluni mwana‐a‐mwenyu wakw’ĩĩe kĩĩmanĩ kya Olu, na oombanw’a vamwe na andũ make:
51
nĩkwĩthĩwa nĩmwambĩtanĩsye katĩ wa ana ma Isilaeli manzĩnĩ ma Meliva nthĩ ya Katesi, weũnĩ wa Nzini; nĩkwĩthĩwa mũtyaonan’ya kana nyie nĩ mũtheu katĩ wa ana ma Isilaeli.
52
Nũndũ ũkoona ĩ nthĩ mbee waku; ĩndĩ ndũkalika nthĩ ĩsu ĩla nĩmanengae ana ma Isilaeli.
← Chapter 31
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 33 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34