bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
Deuteronomy 5
Deuteronomy 5
Kamba (Mbivilia) 1956
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 6 →
1
Na Mose ameta Isilaeli onthe, na amea, Ĩthukĩĩsyei, we Isilaeli, myamũlo na motw’ĩo ala ngũneena matũnĩ menyu ũmũnthĩ, nĩ kana mwĩmanyĩsye, mũmasũvĩe na kũmekaa.
2
Yeova Ngai waitũ atianĩe ũtianĩo naitũ Olevu.
3
Ũtianĩo ũũ Yeova ndaatianĩa na aaĩthe maitũ, ĩndĩ nĩ ithyĩ, o ithyĩ ala twĩ thayũ vaa ithyonthe ũmũnthĩ.
4
Yeova aneena nenyu ũthyũ kwa ũthyũ kĩĩmanĩ e mwakinĩ
5
(nakwa naũngama katĩ wa Yeova nenyu ĩvinda yĩu, nĩmwon’ye ndeto ya Yeova: nĩkwĩthĩwa nĩmwakĩaa nũndũ wa mwaki, na mũtyaambata kĩĩmanĩ), akĩmwĩa,
6
Ninyie Yeova Ngai waku, ũla wakumisye nthĩ ya Misili, ũkumya nyũmbanĩ ya ũkombo.
7
Ndũkethĩwe na ngaĩ ingĩ ate o nyie.
8
Ndũkeseũvĩsye mũvw’anano mwasũvye, mũvw’ano o na wĩva wa kĩndũ kĩ ĩũlũ ĩtunĩ, kana kĩla kĩ kũũ nthĩ, kana kĩla kĩ manzĩnĩ ĩtheo wa nthĩ:
9
ndũkamĩkunamĩe, o na ndũkamĩthũkũme; nũndũ nyie, Yeova Ngai waku, nĩ Ngai wĩ kĩwĩũ, ngĩivanĩsya kwa syana ũthũku wa aaĩthe, kũvika nzyawa ya katatũ na ya kana sya ala mamenaa;
10
na ngyonan’ya ũseo wĩ wendo kũvika ngili na ngili sya ala mambendaa na kũkwataa mĩao yakwa.
11
Ndũkawete syĩtwa ya Yeova Ngai waku mana: nũndũ Yeova ndakasya ũsu nde ĩvĩtyo ũla ũwetaa syĩtwa yake mana.
12
Lilikana mũthenya wa savato, ũwĩkalye wĩ mũtheu, o tondũ Yeova Ngai waku wakwĩaĩe.
13
Tethya wĩa mĩthenya thanthatũ, wĩke mawĩa maku onthe;
14
ĩndĩ mũthenya wa mũonza nĩ savato wa Yeova Ngai waku: mũthenya ũsu ndũkatethye wĩa o na wĩva, we, kana mwana waku, kana mwĩĩtu waku, kana mũthũkũmi waku mũndũ mũũme, kana mũthũkũmi waku mwĩĩtu, kana ng’ombe yaku, kana ĩng’oi yaku, kana indo syaku o na syĩva, kana mũeni waku ũla wĩ kwaku; nĩ kana mũthũkũmi waku mũndũ mũũme na mũthũkũmi waku mwĩĩtu mathũmũe o taku.
15
Na lilikana atĩ waĩ mũthũkũmi nthĩ ya Misili, na Yeova Ngai waku akumya vo na kw’oko kwĩ vinya na kw’oko kũtambũũku: kwondũ wa ũu Yeova Ngai waku nĩwakwĩaĩe ũlilikane mũthenya wa savato.
16
Taĩa au na mwenyu, o tondũ Yeova Ngai waku wakwĩaĩe; nĩ kana matukũ maku maingĩve, na nĩ kana kwĩthĩwe ũseo kwaku, nthĩ ĩla Yeova Ngai waku ũkũnengae.
17
Ndũkoae.
18
O na ndũkalaalae.
19
O na ndũkoye.
20
O na ndũkamũkũsĩĩe mũtũi waku ũvũngũ.
21
O na ndũkamwĩw’ĩe ĩtomo mũka wa mũtũi waku; o na ndũkew’ĩe ĩtomo nyũmba ya mũtũi waku, kana mũũnda wake, kana mũthũkũmi wake mũndũ mũũme, kana mũthũkũmi wake mwĩĩtu, kana ng’ombe yake, kana ĩng’oi yake, kana kĩndũ o na kĩva kya mũtũi waku.
22
Ndeto isu Yeova aneena na ũmbano wenyu w’onthe kĩĩmanĩ e katĩ wa mwaki, na mũumbĩnĩ, na kĩvindunĩ kya ngokomi, na wasya mũnene: o na ndaongela. Na aiandĩka masengeanĩ elĩ ma mavia, na anenga nyie.
23
Na kweethĩwa, mweew’a wasya wĩ kĩvindunĩ, yĩla kĩĩma kyakanĩte mwaki, mwanthengeea, o atongoi onthe ma mbaĩ syenyu, na atumĩa menyu;
24
na mwanbĩa, Sisya, Yeova Ngai waitũ nũtwonetye ũtheu mũtisu wake na ũnene wake, na ithyĩ nĩtwĩw’ĩte wasya wake wĩ nthĩnĩ wa mwaki: ũmũnthĩ nĩtwoona kana Ngai nũneenaa na mũndũ, nake akekala thayũ.
25
Na yu ĩndĩ twĩkw’ĩa kĩ? Nũndũ mwaki ũũ mũnene ũkatũmina: ethĩwa tũkeew’a ĩngĩ wasya wa Yeova Ngai waitũ, tũkakw’a.
26
Nũndũ nĩ wĩva wa onthe me mĩĩ, ũla wewie wasya wa Ngai ũla wĩ thayũ akĩneena e katĩ wa mwaki, o tondũ tweew’a, nake akekala thayũ?
27
Thi ũthengeee, wĩw’e w’onthe ũla Yeova Ngai waitũ wĩneena: naku ũtũtavye w’onthe ũla Yeova Ngai waitũ wĩneena naku; naitũ tũkawĩw’a, na kũwĩka.
28
Na Yeova eew’a wasya wa ndeto syenyu, yĩla mwaneenie nakwa; na Yeova ambĩa, Nĩneew’a wasya wa ndeto sya andũ aa, ila makũtavya: nĩmaneena nesa w’onthe ũla maneena.
29
A! Kethĩwa me na ngoo ta ĩsu mavinda onthe, mangĩe na kũkwata mĩao yakwa yonthe, nĩ kana kwĩthĩwe ũseo kwoo, na kwa syana syoo tene na tene!
30
Enda ũmatavye, Syokai maeemanĩ menyu.
31
Ĩndĩ we, ũngama vaa vakuvĩ nakwa, na nĩngũkũtavya mwĩao w’onthe, na myamũlo, na motw’ĩo, ala wĩmamanyĩsya, nĩ kana matonye kũmekĩaa nthĩ ĩla nĩmanengae mamĩmesye.
32
Sũvĩai ĩndĩ mwĩke o tondũ Yeova Ngai wenyu wamwĩaĩe: mũtikathũke ngalĩ ya kw’oko kwa aũme kana kw’oko kwa aka.
33
Endaai na nzĩa yonthe ĩla Yeova Ngai wenyu wamwĩaĩe, nĩ kana mwĩthĩwe thayũ, na nĩ kana kwĩthĩwe ũseo kwenyu, na mwingĩvye mĩthenya yenyu mwĩ nthĩ ĩla mwĩmĩmesya.
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 6 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34