Numbers 7 — Khmer 2014 (អាល់គីតាប)

1នៅថ្ងៃម៉ូសាដំឡើងជំរំ‌សក្ការៈរួចរាល់ហើយ គាត់បានចាក់ប្រេងលើជំរំ‌សក្ការៈ និងគ្រឿងបរិក្ខារទាំងអស់នៅក្នុងជំរំ‌សក្ការៈ ដើម្បីញែកជាសក្ការៈ ហើយគាត់ក៏បានចាក់ប្រេងលើអាសនៈ និងគ្រឿងបរិក្ខារទាំងអស់ដែលប្រើប្រាស់ជាមួយអាសនៈ ដើម្បីញែកជាសក្ការៈដែរ។

2ពេលនោះ ពួកមេដឹកនាំដែលជាមេលើក្រុមគ្រួសារនានារបស់ជន‌ជាតិអ៊ីស្រ‌អែល នាំគ្នាជូនជំនូន។ អ្នកទាំងនោះជាមេដឹកនាំនៃកុល‌សម្ព័ន្ធដែលបានចូលរួមជំរឿនប្រជា‌ជន។

3ពួកគេបានយកជំនូនរបស់ខ្លួនមកជូន អុលឡោះ‌តាអាឡា រទេះមានដំបូលចំនួនប្រាំមួយ និងគោប្រាំមួយនឹម គឺរទេះនីមួយៗជាជំនូនរបស់មេដឹកនាំពីរនាក់ ហើយគោនីមួយៗជាជំនូនរបស់មេដឹកនាំម្នាក់ៗ។ ពួកគេនាំយកជំនូនទាំងនោះមកជូននៅមុខជំរំ‌សក្ការៈ។

4អុលឡោះ‌តាអាឡា មានបន្ទូលមកកាន់ម៉ូសាថា៖

5«ចូរទទួលជំនូនទាំងនេះពីពួកគេ យកទៅប្រើប្រាស់សម្រាប់កិច្ចការក្នុងជំរំជួបអុលឡោះ‌តាអាឡា។ ត្រូវប្រគល់ជំនូនឲ្យពួកលេវីតាមមុខងាររបស់ពួកគេរៀងៗខ្លួន»។

6ម៉ូសាក៏ប្រគល់រទេះ និងគោឲ្យពួកលេវី។

7គាត់ឲ្យរទេះពីរ និងគោពីរនឹមទៅកូនចៅគើសូន សម្រាប់ប្រើប្រាស់ក្នុងការងាររបស់គេ។

8គាត់ឲ្យរទេះបួន និងគោបួននឹម ទៅកូនចៅម៉្រារី សម្រាប់ប្រើប្រាស់ក្នុងការងារ ដែលពួកគេបំពេញក្រោមការដឹកនាំរបស់លោកអ៊ីថា‌ម៉ារ ជាកូនរបស់អ៊ីមុាំហារូន។

9គាត់ពុំបានឲ្យទៅកូនចៅកេហាត់ទេ ព្រោះពួកគេមានភារកិច្ចលើគ្រឿងសក្ការៈផ្សេងៗ ដែលត្រូវតែលីសែង។

10នៅថ្ងៃដែលម៉ូសាចាក់ប្រេងលើអាសនៈ គឺក្នុងឱកាសពិធីសម្ពោធអាសនៈពួកមេដឹកនាំបានយកជំនូនមកជូននៅមុខអាសនៈ។

11អុលឡោះ‌តាអាឡា មានបន្ទូលមកម៉ូសាថា៖ «ពួកមេដឹកនាំត្រូវយកជំនូនមួយថ្ងៃម្នាក់ មកជូនក្នុងពិធីសម្ពោធអាសនៈ»។

12អ្នកដែលជូនជំនូននៅថ្ងៃទីមួយ គឺលោកណា‌សូន ជាកូនរបស់លោកអមីណា‌ដាប់ ពីកុល‌សម្ព័ន្ធយូដា។

13ជំនូនរបស់គាត់មានពានប្រាក់មួយ ទម្ងន់សែ‌សិបតម្លឹង ថូប្រាក់មួយទម្ងន់ម្ភៃតម្លឹង គិតតាមទម្ងន់របស់ទីសក្ការៈ ក្នុងពាន និងថូនេះមានពេញដោយម្សៅម៉ដ្ត លាយជាមួយប្រេងសម្រាប់ជូនជាជំនូនម្សៅ។

14បន្ទាប់មក មានពែងមាសមួយ ទម្ងន់បីតម្លឹង ដែលមានគ្រឿងក្រអូបពេញ

15គោស្ទាវមួយ ចៀមឈ្មោលមួយកូនចៀមអាយុមួយខួបមួយ សម្រាប់ធ្វើជាគូរបានដុត

16ពពែឈ្មោលមួយ សម្រាប់ធ្វើជាគូរបានរំដោះបាប

17ហើយគោឈ្មោលពីរចៀមឈ្មោលប្រាំ ពពែឈ្មោលប្រាំ កូនចៀមអាយុមួយខួបប្រាំ សម្រាប់ធ្វើជាគូរបានមេត្រីភាព។ នេះជាជំនូនរបស់លោកណា‌សូន ជាកូនរបស់លោកអមីណា‌ដាប់។

18នៅថ្ងៃទីពីរ លោកនេថា‌នេល ជាកូនរបស់លោកស៊ូហារ ពីកុល‌សម្ព័ន្ធអ៊ីសាខារ នាំយកជំនូនរបស់គាត់មកជូន។

19ជំនូនដែលគាត់ជូនមានពានប្រាក់មួយទម្ងន់សែ‌សិបតម្លឹង ថូប្រាក់មួយទម្ងន់ម្ភៃតម្លឹង គិតតាមទម្ងន់របស់ទីសក្ការៈ ក្នុងពាន និងថូនេះមានពេញដោយម្សៅម៉ដ្តលាយជាមួយប្រេង សម្រាប់ជូនជាជំនូនម្សៅ។

20បន្ទាប់មក មានពែងមាសមួយ ទម្ងន់បីតម្លឹងដែលមានគ្រឿងក្រអូបពេញ

21គោស្ទាវមួយចៀមឈ្មោលមួយ កូនចៀមអាយុមួយខួបមួយសម្រាប់ធ្វើជាគូរបានដុត

22ពពែឈ្មោលមួយ សម្រាប់ធ្វើជាគូរបានរំដោះបាប

23ហើយគោឈ្មោលពីរ ចៀមឈ្មោលប្រាំ ពពែឈ្មោលប្រាំ កូនចៀមអាយុមួយខួបប្រាំ សម្រាប់ធ្វើជាគូរបានមេត្រីភាព។ នេះជាជំនូនរបស់លោកនេថា‌នេល ជាកូនរបស់លោកស៊ូហារ។

24នៅថ្ងៃទីបី គឺលោកអេលាប ជាកូនរបស់លោកហេឡូន ជាមេដឹកនាំរបស់កូនសាប់យូ‌ឡូន។

25ជំនូនរបស់គាត់មានពានប្រាក់មួយ ទម្ងន់សែ‌សិបតម្លឹង ថូប្រាក់មួយទម្ងន់ម្ភៃតម្លឹង គិតតាមទម្ងន់របស់ទីសក្ការៈ ក្នុងពាន និងថូនេះមានពេញដោយម្សៅម៉ដ្តលាយជាមួយប្រេង សម្រាប់ជូនជាជំនូនម្សៅ។

26បន្ទាប់មក មានពែងមាសមួយ ទម្ងន់បីតម្លឹងដែលមានគ្រឿងក្រអូបពេញ

27គោស្ទាវមួយ ចៀមឈ្មោលមួយ កូនចៀមអាយុមួយខួបមួយ សម្រាប់ធ្វើជាគូរបានដុត

28ពពែឈ្មោលមួយសម្រាប់ធ្វើជាគូរបានរំដោះបាប

29ហើយគោឈ្មោលពីរ ចៀមឈ្មោលប្រាំ ពពែឈ្មោលប្រាំ កូនចៀមអាយុមួយខួបប្រាំ សម្រាប់ធ្វើជាគូរបានមេត្រីភាព។ នេះជាជំនូនរបស់លោកអេលាប ជាកូនរបស់លោកហេឡូន។

30នៅថ្ងៃទីបួន គឺលោកអេលី‌ស៊ើរ ជាកូនរបស់លោកសេដេ‌អ៊ើរ ជាមេដឹកនាំរបស់កូនចៅរូបេន។

31ជំនូនរបស់គាត់មានពានប្រាក់មួយទម្ងន់សែ‌សិបតម្លឹង ថូប្រាក់មួយទម្ងន់ម្ភៃតម្លឹង គិតតាមទម្ងន់របស់ទីសក្ការៈ ក្នុងពាន និងថូនេះមានពេញដោយម្សៅម៉ដ្ត លាយជាមួយប្រេងសម្រាប់ជូនជាជំនូនម្សៅ។

32បន្ទាប់មក មានពែងមាសមួយ ទម្ងន់បីតម្លឹង ដែលមានគ្រឿងក្រអូបពេញ

33គោ ស្ទាវមួយចៀមឈ្មោលមួយ កូនចៀមអាយុ មួយខួបមួយសម្រាប់ ធ្វើជាគូរបានដុត

34ពពែឈ្មោលមួយ សម្រាប់ធ្វើជាគូរបានរំដោះបាប

35ហើយគោឈ្មោលពីរ ចៀមឈ្មោលប្រាំ ពពែឈ្មោលប្រាំ កូនចៀមអាយុមួយខួបប្រាំ សម្រាប់ធ្វើជាគូរបានមេត្រីភាព។ នេះជាជំនូនរបស់លោកអេលី‌ស៊ើរ ជាកូនរបស់លោកសេដេ‌អ៊ើរ។

36នៅថ្ងៃទីប្រាំ គឺលោកស្លូមាល ជាកូនរបស់លោកស៊ូរីសា‌ដាយ ជាមេដឹកនាំរបស់កូនចៅស៊ីម្មាន។

37ជំនូនរបស់គាត់មានពានប្រាក់មួយទម្ងន់សែ‌សិបតម្លឹង ថូប្រាក់មួយទម្ងន់ម្ភៃ‌តម្លឹង គិតតាមទម្ងន់របស់ទីសក្ការៈ ក្នុងពាន និងថូនេះមានពេញដោយម្សៅម៉ដ្តលាយជាមួយប្រេង សម្រាប់ជូនជាជំនូនម្សៅ។

38បន្ទាប់មក មានពែងមាសមួយទម្ងន់បីតម្លឹង ដែលមានគ្រឿងក្រអូបពេញ

39គោស្ទាវមួយចៀមឈ្មោលមួយ កូនចៀមអាយុមួយខួបមួយ សម្រាប់ធ្វើជាគូរបានដុត

40ពពែឈ្មោលមួយ សម្រាប់ធ្វើជាគូរបានរំដោះបាប

41ហើយគោឈ្មោលពីរ ចៀមឈ្មោលប្រាំ ពពែឈ្មោលប្រាំ កូនចៀមអាយុមួយខួបប្រាំ សម្រាប់ធ្វើជាគូរបានមេត្រីភាព។ នេះជាជំនូនរបស់លោកស្លូមាល ជាកូនរបស់លោកស៊ូរីសា‌ដាយ។

42នៅថ្ងៃទីប្រាំមួយ គឺលោកអេលា‌សាប់ ជាកូនរបស់លោកដេហ៊ូ‌អែល ជាមេដឹកនាំរបស់កូនចៅកាដ។

43ជំនូនរបស់គាត់មានពានប្រាក់មួយទម្ងន់សែ‌សិបតម្លឹង ថូប្រាក់មួយទម្ងន់ម្ភៃតម្លឹង គិតតាមទម្ងន់របស់ទីសក្ការៈ ក្នុងពាន និងថូនេះមានពេញដោយម្សៅម៉ដ្តលាយជាមួយប្រេង សម្រាប់ជូនជាជំនូនម្សៅ។

44បន្ទាប់មក មានពែងមាសមួយទម្ងន់បីតម្លឹង ដែលមានគ្រឿងក្រអូបពេញ

45គោស្ទាវមួយ ចៀមឈ្មោលមួយកូនចៀមអាយុមួយខួបមួយ សម្រាប់ធ្វើជាគូរបានដុត

46ពពែឈ្មោលមួយ សម្រាប់ធ្វើជាគូរបានរំដោះបាប

47ហើយគោឈ្មោលពីរ ចៀមឈ្មោលប្រាំ ពពែឈ្មោលប្រាំ កូនចៀមអាយុមួយខួបប្រាំ សម្រាប់ធ្វើជាគូរបានមេត្រីភាព។ នេះជាជំនូនរបស់លោកអេលា‌សាប់ ជាកូនរបស់លោកដេហ៊ូ‌អែល។

48នៅថ្ងៃទីប្រាំ‌ពីរ គឺលោកអេលី‌សាម៉ា ជាកូនរបស់លោកអាំមីហ៊ូដ ជាមេដឹកនាំរបស់កូនចៅអេប្រាអ៊ីម។

49ជំនូនរបស់គាត់មានពានប្រាក់មួយទម្ងន់សែ‌សិបតម្លឹង ថូប្រាក់មួយទម្ងន់ម្ភៃតម្លឹង គិតតាមទម្ងន់របស់ទីសក្ការៈ ក្នុងពាន និងថូនេះ មានពេញដោយម្សៅម៉ដ្តលាយជាមួយប្រេង សម្រាប់ជូនជាជំនូនម្សៅ។

50បន្ទាប់មក មានពែងមាសមួយទម្ងន់បីតម្លឹង ដែលមានគ្រឿងក្រអូបពេញ

51គោស្ទាវមួយ ចៀមឈ្មោលមួយកូនចៀមអាយុមួយខួបមួយ សម្រាប់ធ្វើជាគូរបានដុត

52ពពែឈ្មោលមួយ សម្រាប់ធ្វើជាគូរបានរំដោះបាប

53ហើយគោឈ្មោលពីរ ចៀមឈ្មោលប្រាំ ពពែឈ្មោលប្រាំ កូនចៀមអាយុមួយខួបប្រាំ សម្រាប់ធ្វើជាគូរបានមេត្រីភាព។ នេះជាជំនូនរបស់លោកអេលី‌សាម៉ា ជាកូនរបស់លោកអាំមី‌ហ៊ូដ។

54នៅថ្ងៃទីប្រាំ‌បី គឺលោកកាម៉ាលាល ជាកូនរបស់លោកផ្តាស៊ើរ ជាមេដឹកនាំរបស់កូនចៅម៉ាណាសេ។

55ជំនូនរបស់គាត់មានពានប្រាក់មួយ ទម្ងន់សែ‌សិបតម្លឹង ថូប្រាក់មួយទម្ងន់ម្ភៃតម្លឹង គិតតាមទម្ងន់របស់ទីសក្ការៈ ក្នុងពាន និងថូនេះមានពេញដោយម្សៅម៉ដ្តលាយជាមួយប្រេង សម្រាប់ជូនជាជំនូនម្សៅ។

56បន្ទាប់មក មានពែងមាសមួយទម្ងន់បីតម្លឹង ដែលមានគ្រឿងក្រអូបពេញ

57គោស្ទាវមួយ ចៀមឈ្មោលមួយ កូនចៀមអាយុមួយខួបមួយ សម្រាប់ធ្វើជាគូរបានដុត

58ពពែឈ្មោលមួយ សម្រាប់ធ្វើជាគូរបានរំដោះបាប

59ហើយគោឈ្មោលពីរ ចៀមឈ្មោលប្រាំ ពពែឈ្មោលប្រាំ កូនចៀមអាយុមួយខួបប្រាំ សម្រាប់ធ្វើជាគូរបានមេត្រីភាព។ នេះជាជំនូនរបស់លោកកាម៉ាលាល ជាកូនរបស់លោកផ្តាស៊ើរ។

60នៅថ្ងៃទីប្រាំ‌បួន គឺលោកអប៊ីដាន ជាកូនរបស់លោកគីដាហូនី ជាមេដឹកនាំរបស់កូនចៅពុន‌យ៉ាមីន។

61ជំនូនរបស់គាត់ មានពានប្រាក់មួយទម្ងន់សែ‌សិបតម្លឹង ថូប្រាក់មួយទម្ងន់ម្ភៃតម្លឹង គិតតាមទម្ងន់របស់ទីសក្ការៈ ក្នុងពាន និងថូនេះមានពេញដោយម្សៅម៉ដ្តលាយជាមួយប្រេង សម្រាប់ជូនជាជំនូនម្សៅ។

62បន្ទាប់មក មានពែងមាសមួយទម្ងន់បីតម្លឹង ដែលមានគ្រឿងក្រអូបពេញ

63គោស្ទាវមួយ ចៀមឈ្មោលមួយ កូនចៀមអាយុមួយខួបមួយ សម្រាប់ធ្វើជាគូរបានដុត

64ពពែឈ្មោលមួយ សម្រាប់ធ្វើជាគូរបានរំដោះបាប

65ហើយគោឈ្មោលពីរ ចៀមឈ្មោលប្រាំ ពពែឈ្មោលប្រាំ កូនចៀមអាយុមួយខួបប្រាំ សម្រាប់ធ្វើជាគូរបានមេត្រីភាព។ នេះជាជំនូនរបស់លោកអប៊ីដាន ជាកូនរបស់លោកគីដាហូនី។

66នៅថ្ងៃទីដប់ គឺលោកអហ៊ីយេ‌ស៊ើរ ជាកូនរបស់លោកអាំមីសា‌ដាយ ជាមេដឹកនាំរបស់កូនចៅដាន់។

67ជំនូនរបស់គាត់មានពានប្រាក់មួយទម្ងន់សែ‌សិបតម្លឹង ថូប្រាក់មួយទម្ងន់ម្ភៃតម្លឹង គិតតាមទម្ងន់របស់ទីសក្ការៈ ក្នុងពាន និងថូនេះ មានពេញដោយម្សៅម៉ដ្តលាយជាមួយប្រេង សម្រាប់ជូនជាជំនូនម្សៅ។

68បន្ទាប់មក មានពែងមាសមួយទម្ងន់បីតម្លឹង ដែលមានគ្រឿងក្រអូបពេញ

69គោស្ទាវមួយ ចៀមឈ្មោលមួយ កូនចៀមអាយុមួយខួបមួយ សម្រាប់ធ្វើជាគូរបានដុត

70ពពែឈ្មោលមួយ សម្រាប់ធ្វើជាគូរបានរំដោះបាប

71ហើយគោឈ្មោលពីរ ចៀមឈ្មោលប្រាំ ពពែឈ្មោលប្រាំ កូនចៀមអាយុមួយខួបប្រាំ សម្រាប់ធ្វើជាគូរបានមេត្រីភាព។ នេះជាជំនូនរបស់លោកអហ៊ីយេ‌ស៊ើរ ជាកូនរបស់លោកអាំមីសា‌ដាយ។

72នៅថ្ងៃទីដប់មួយ គឺលោកប៉ាគី‌ហ៊ាល ជាកូនរបស់លោកអូក្រាន ជាមេដឹកនាំរបស់កូនចៅអេស៊ើរ។

73ជំនូនរបស់គាត់មានពានប្រាក់មួយទម្ងន់សែ‌សិបតម្លឹង ថូប្រាក់មួយទម្ងន់ម្ភៃតម្លឹង គិតតាមទម្ងន់របស់ទីសក្ការៈ ក្នុងពាន និងថូនេះ មានពេញដោយម្សៅម៉ដ្តលាយជាមួយប្រេង សម្រាប់ជូនជាជំនូនម្សៅ។

74បន្ទាប់មក មានពែងមាសមួយទម្ងន់បីតម្លឹង ដែលមានគ្រឿងក្រអូបពេញ

75គោស្ទាវមួយ ចៀមឈ្មោលមួយ កូនចៀមអាយុមួយខួបមួយ សម្រាប់ធ្វើជាគូរបានដុត

76ពពែឈ្មោលមួយ សម្រាប់ធ្វើជាគូរបានរំដោះបាប

77ហើយគោឈ្មោលពីរ ចៀមឈ្មោលប្រាំ ពពែឈ្មោលប្រាំ កូនចៀមអាយុមួយខួបប្រាំ សម្រាប់ធ្វើជាគូរបានមេត្រីភាព។ នេះជាជំនូនរបស់លោកប៉ាគី‌ហ៊ាល ជាកូនរបស់លោកអូក្រាន។

78នៅថ្ងៃទីដប់‌ពីរ គឺលោកអហ៊ីរ៉ា ជាកូនរបស់លោកអេណាន់ ជាមេដឹកនាំរបស់កូនចៅណែប‌ថាលី។

79ជំនូនរបស់គាត់មានពានប្រាក់មួយទម្ងន់សែ‌សិបតម្លឹង ថូប្រាក់មួយទម្ងន់ម្ភៃតម្លឹង គិតតាមទម្ងន់របស់ទីសក្ការៈ ក្នុងពាន និងថូនេះមានពេញដោយម្សៅម៉ដ្តលាយជាមួយប្រេង សម្រាប់ជូនជាជំនូនម្សៅ។

80បន្ទាប់មក មានពែងមាសមួយទម្ងន់បីតម្លឹង ដែលមានគ្រឿងក្រអូបពេញ

81គោស្ទាវមួយ ចៀមឈ្មោលមួយ កូនចៀមអាយុមួយខួបមួយ សម្រាប់ធ្វើជាគូរបានដុត

82ពពែឈ្មោលមួយ សម្រាប់ធ្វើជាគូរបានរំដោះបាប

83ហើយគោឈ្មោលពីរ ចៀមឈ្មោលប្រាំ ពពែឈ្មោលប្រាំ កូនចៀមអាយុមួយខួបប្រាំ សម្រាប់ធ្វើជាគូរបានមេត្រីភាព។ នេះជាជំនូនរបស់លោកអហ៊ីរ៉ា ជាកូនរបស់លោកអេណាន់។

84ជំនូនដែលមេដឹកនាំរបស់ជន‌ជាតិអ៊ីស្រ‌អែលយកមកជូន នៅថ្ងៃចាក់ប្រេងសម្ពោធអាសនៈ សរុបទាំងអស់មានពានប្រាក់ដប់‌ពីរ ថូប្រាក់ដប់‌ពីរ ពែងមាសដប់‌ពីរ។

85ពានប្រាក់នីមួយៗទម្ងន់សែ‌សិបតម្លឹង ថូប្រាក់នីមួយៗទម្ងន់ម្ភៃតម្លឹង ដូច្នេះ គ្រឿងប្រដាប់ជាប្រាក់មានទម្ងន់ទាំងអស់ ប្រាំ‌ពីររយម្ភៃតម្លឹង គិតតាមទម្ងន់របស់ទីសក្ការៈ។

86រីឯពែងមាសទាំងដប់‌ពីរ ដែលមានដាក់គ្រឿងក្រអូបពេញនោះ ពែងនីមួយៗមានទម្ងន់បីតម្លឹង គិតតាមទម្ងន់របស់ទីសក្ការៈ។ សរុបមកទម្ងន់របស់ពែងមាសទាំងអស់មានសាម‌សិបប្រាំមួយតម្លឹង។

87រីឯចំនួនសត្វសម្រាប់ធ្វើជាគូរបានដុត មានគោស្ទាវដប់ពីរ ចៀមឈ្មោលដប់ពីរ កូនចៀមអាយុមួយខួបដប់‌ពីរ ដែលត្រូវជូនជាមួយជំនូនម្សៅ។ រីឯគូរបានរំដោះបាប មានពពែឈ្មោលដប់ពីរ។

88ចំនួនសត្វសម្រាប់ធ្វើជាគូរបានមេត្រីភាព សរុបទាំងអស់មានគោឈ្មោលម្ភៃ‌បួន ចៀមឈ្មោលហុក‌សិប ពពែឈ្មោលហុក‌សិប និងកូនចៀមអាយុមួយខួបហុក‌សិប។ នេះជាជំនូនសម្រាប់ពិធីសម្ពោធអាសនៈ ក្រោយពេលធ្វើពិធីលាបប្រេងរួច។

89នៅពេលដែលម៉ូសាចូលទៅក្នុងជំរំជួបអុលឡោះ‌តាអាឡា ដើម្បីសន្ទនាជាមួយទ្រង់ គាត់បានឮសំឡេង ពីលើគំរបហិបនៃសន្ធិសញ្ញាដែលស្ថិតនៅចន្លោះរូបម៉ាឡា‌អ៊ីកាត់មានស្លាបទាំងពីរ។ គាត់ក៏សន្ទនាជាមួយទ្រង់។