bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lugbara
/
Lugbara (E’yo Siza Alatararu Munguniri BIBLIA)
/
Numbers 1
Numbers 1
Lugbara (E’yo Siza Alatararu Munguniri BIBLIA)
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 2 →
1
Yehova nga e’yo ’yo Musa tia roko Sinaiaria, hema ti ecizaniri ma alia, eli iri yini efuzu angu Misiriariasi ma vutiari ma mba iriri ma o’du okorisi kini,
2
Emi ma la anzi Israelini ongulumuru ’diyi ma kalafe, ori’ba yini vusi, suruti yi ma a’bipini vusi, yi ma ru ma kalafe vusi, ’ba agupiru ’diyi dria alu alu, dri vusi dri vusi;
3
e’dozu ’ba capi eli be kali iri ’diyisi azini ’ba eli kali iri agapi ra ’diyi be, ’ba dria Israeli ma eselia ecopi fupi mupi ombaa ’diyi, emi Aroni be ma la yi ma kalafe ongulumu yini vusi.
4
Azini engazu suruti dria alu alu ma alia ’ba alu ovupi eri ma a’bipi ma suru driliari ma ovu emi be indio
5
’Ba ngapi pa sopi emi be indi ’diyi yi ’di ’ba Rubenini, Elizuri Sedeuri mvi’i;
6
’ba Simeonini, Selumieli Zurisadai mvi’i;
7
’ba Yudani, Nasoni Aminadabu mvi’i;
8
’ba Isakarini, Netaneli Zuari mvi’i;
9
’ba Zebulunini, Eliabu Heloni mvi’i;
10
Yusufu anzini, ’ba Efiraimuni, Elisama Amihudi mvi’i; ’ba Manaseni, Gamalieli Pedazuri mvi’i;
11
’ba Benyaminini, Abidani Gideoni mvi’i;
12
’ba Danini, Ahiezeri Amisadai mi’i;
13
’ba Aserini, Pagieli Okirani mvi’i;
14
’ba Gadini, Eliasafu Deueli mvi’i;
15
’ba Nafutalini, Ahira Enani mvi’i.
16
’Ba ’diyi yi ’ba omvele engazu ’ba ongulumuru ma eselia, suru yi ma a’bipini ma drilia opiru ’diyi, yi ’ba suruti Israelini ma drilia ’diyi.
17
Musa pi Aroni be nga di ’ba te omvele rusi ’diyi ’du,
18
yi nga ’ba ongulumuru oku dria tualu mba iriri ma o’du okorisi; nga yi ma a’bipi ma ru e’da ori’ba yini vusi, yi ma a’bipi ma suruti vusi, ru yini ma kalafe vusi, dri vusi dri vusi, e’dozu ’ba capi eli be kali iri ’diyisi azini ’ba kali iri agapi ra ’diyi be;
19
ekile Yehovani azile Musa ma tiarile, eri la yi ma kalafe trotro ’dini roko Sinaiaria.
20
Rubeni, Israeli ma mva kayuri ma anzipi ma a’bianzi, ori’ba yini vusi, yi ma a’bipi ma suruti vusi, ru yini ma kalafe vusi, dri vusi dri vusi, ’ba agupiru dria e’dozu ’ba capi eli be kali iri ’diyisi azini ’ba eli iri agapi ra ’diyi be, ’ba dria ecopi fupi mupi ombaa’diyi:
21
’ba yima eselia yiniyi ma kalafe lale, suru Rubenini ’diyi, yi alifu kali su drini azia, drini turu towi.
22
Simeoni anzipi ma a’bianzi ori’ba yini vusi, yi ma a’bipi ma suruti vusi, ’ba yini yi ma kalafe lale, ru yini ma kalafe vusi, dri vusi dri vusi, ’ba agupiru dria e’dozu ’ba capi eli be kali iri ’diyisi azini ’ba eli kali iri agapi ra ’diyi be, ’ba dria ecopi fupi mupi ombaa ’diyi:
23
’ba yi ma eselia yini yi ma kalafe lale suru Simeonini ’diyi, yi alifu kali towi drini oromi, drini turu na.
24
Gadi anzipi ma a’bianzi, ori’ba yini vusi, yi ma a’bipi ma suruti vusi, ru yini ma kalafe vusi, e’dozu ’ba capi eli be kali iri ’diyisi azini ’ba eli be kali iri agapi ra ’diyi be, ’ba dria ecopi fupi mupi ombaa ’diyi:
25
’ba yi ma eselia yini yi ma kalafe lale suru Gadini ’diyi, yi alifu kali su drini towi, drini turu azia drini kali towi.
26
Yuda anzipi ma a’bianzi, ori’ba yini vusi, yi ma a’bipi ma suruti vusi, e’dozu ’ba capi eli be kali iri ’diyisi azini ’ba eli be kali iri agapi ra ’diyi be, ’ba dria ecopi fupi mupi ombaa ’diyi:
27
’ba yi ma eselia yini yi ma kalafe lale suru Yudani ’diyi, yi alifu kali aziri drini su, drini turu azia.
28
Isakari ma anzipi ma a’bianzi, ori’ba yini vusi, yi ma a’bipi ma suruti vusi, ru yini ma kalafe vusi, e’dozu ’ba capi eli be kali iri ’diyisi azini ’ba eli be kali iri agapi ra ’diyi be, ’ba dria ecopi fupi mupi ombaa ’diyi:
29
’ba yi ma eselia yini yi ma kalafe lale suru Isakarini ’diyi, yi alifu kali towi drini su, drini turu su.
30
Zebuluni anzipi ma a’bianzi, ori’ba yini vusi, yi ma a’bipi ma suruti vusi, ru yini ma kalafe vusi, e’dozu ’ba capi eli be kali iri ’diyisi azini ’ba eli be kali iri agapi ra ’diyi be, ’ba dria ecopi fupi mupi ombaa ’diyi:
31
’ba yi ma eselia yini yi ma kalafe lale suru Zebulunini ’diyi, yi alifu kali towi drini aziri, drini turu su.
32
Yusufu anzipi ma eselia, adani Efiraimu anzipi ma a’bianzi, ori’ba yini vusi, yi ma a’bipi ma suruti vusi, ru yini ma kalafe vusi, e’dozu ’ba capi eli be kali iri ’di yisi azini ’ba eli be kali iri agapi ra ’diyi be, ’ba dria ecopi fupi mupi ombaa ’diyi:
33
’ba yi ma eselia yini yi ma kalafe lale suru Efiraimuni ’diyi yi alifu kali su, drini turu towi.
34
Manase anzipi ma a’bianzi, ori’ba yini vusi, yi ma a’bipi ma suruti vesi, ru yini ma kalafe vusi, e’dozu ’ba capi eli be kali iri ’diyisi azini ’ba eli be kali iri agapi ra ’diyi be, ’ba dria ecopi fupi mupi ombaa ’diyi:
35
’ba yi ma eselia yini yi ma kalafe lale suru Manaseni ’diyi, yi alifu kali na drini iri, drini turu iri.
36
Benyamini anzipi ma a’bianzi, ori’ba yini vusi, yi ma a’bipi ma suruti vusi, ru yini ma kalafe vusi, e’dozu ’ba capi eli be kali iri ’diyisi azini ’ba eli be kali iri agapi ra ’diyi be, ’ba dria ecopi fupi mupi ombaa ’diyi:
37
’ba yi ma eselia yini yi ma kalafe lale suru Benyaminini ’diyi, yi alifu kali na drini towi, drini turu su.
38
Dani anzipi ma a’bianzi, ori’ba yini vusi, yi ma a’bipi ma suruti vusi, ru yini ma kalafe vusi, e’dozu ’ba capi eli be kali iri ’diyisi azini ’ba eli be kali iri agapi ra ’diyi be, ’ba dria ecopi fupi mupi ombaa ’diyi:
39
’ba yi ma eselia yini yi ma kalafe lale suru Danini ’diyi, yi alifu kali azia drini iri, drini turu aziri.
40
Aseri anzipi ma a’bianzi, ori’ba yini vusi, a’bipi yini ma suruti vusi, ru yini ma kalafe vusi, e’dozu ’ba capi eli be kali iri ’diyisi azini ’ba eli be kali iri agapi ra ’diyi be, ’ba dria ecopifupi mupi ombaa ’diyi:
41
’ba yima eselia yini yi ma kalafe lale suru Aserini ’diyi, yi alifu kali su drini alu, drini turu towi.
42
Nafutali anzipi ma a’bianzi, ori’ba yini vusi, yi ma a’bipi ma suruti vusi, ru yini ma kalafe vusi, e’dozu ’ba capi eli be kali iri ’diyisi azini ’ba eli be kali iri agapi ra ’diyi be, ’ba dria ecopi fupi mupi ombaa ’diyi:
43
’ba yi ma eselia yini yi ma kalafe lale suru Nafutalini ’diyi, yi alifu kali towi drini na, drini turu su.
44
’Diyi ’ba yini yi ma kalafe lale, Musa pini lale Aroni pie, ’ba mudri drini iri Israeli ma drilia opiru ’diyi pie ’diyi, yi dria alu alu yi ma a’bipi ma suruti vusi.
45
’Dini ’ba dria yini yi ma kalafe lale anzi Israelini ma eselia, yi a’bipi ma suruti vusi, e’dozu ’ba capi eli be kali iri ’diyisi azini ’ba eli be kali iri agapi ra ’diyi be, ’ba Israelini ecopi fupi mupi ombaa ’diyi dria-
46
adani ’ba dria yini yi ma kalafe lale ’diyi yi alifu turu azia drini na, drini turu towi drini kali towi.
47
Te lani ’ba Levini ma kalafe yi ma a’bipi ma suruti vusi yi be ku.
48
A’disiku Yehovani ’yole Musa ma tianirisi, kini,
49
Te suruti Leviniri a’dule mi ma la ku, mi ma la yi ma kalafe anzi Israelini ma eselia ku;
50
te mi ma azi ’ba Levini ’diyini ovuzu hema ti ecizani e’yo eti nzezaniri ma drilia, afazuni be dria, afani ’diyi be dria; yi nga bereni ji yi’i afazuni be dria, yi nga azi nga eri dri, yi nga hema yini aso bere nde ma ageiasi kuru.
51
Te bereni e’doria muria drile ’ba Levini nga eri trani; te leria bere asoria, ’ba Levini nga eri asoni. ’Ba toko ka esi ogogo, ma fu eri kai ra.
52
Te anzi Israelini yi nga hema yini aso ongulumu yini vusi, ’ba dria alu alu pari yini hema asozuri ma ageia, ’ba dria alu alu vini bendera erini ma ageia.
53
Te ’ba Levini ma aso hema yini bere e’yo eti nzezaniri ma ageia, adra kazu ovuzu anzi Israelini ongulumuru ’diyi ma ruaa ku; ’ba Levini nga bere e’yo eti nzezaniri ma azi ma ta mbani.
54
Anzi Israelini ’ye ani ’dini; ekile e’yo dria Yehovani azile Musa ma tiarile yi ’ye ’dini trotro.
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 2 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36