Numbers 7

Lugbara (E’yo Siza Alatararu Munguniri BIBLIA)

← Chapter 6 Jump to: Chapter 8 →

1Eri nga eca ’dini o’du Musani bere asozu dezu ’borisi, ruani efizu odusi eri ’bazu alatararu, afazuni ’diyi pie dria ’borisi, ka de pari edeta edezuri pi ma rua efizu yi ’bazu alatararu, afazuni pie dria ’bo,

2opi Israelini, ’ba yi ma a’bipi ma suruti drilia ’diyi nga afa fe; yi ’ba suru ma drilia, ’ba ndra yini kalafe lale ’diyi ma drilia ’diyi;

3yi nga afa feza yini edetaru ’diyi eji Yehova ma drilia, magali drini a’bule ci azia ’diyi pi, monio mudri drini iri be, magali alu opi iri vusi, monio alu alu opi alu alu vusi; yi nga yi fe bere ma drilia.

4Yehova nga ’yo Musa ma tia kini,

5Mi ma a’i afa ’diyi yi ma driasi, yi ma ovu hema ti ecizaniri ma azi ’yezu ani, mi ma fe ’ba Levini ’diyi dri, ’ba alu alu dri azi erini vusi.

6Musa nga di magali piyi a’i monio ’diyi be ra, nga yi fe ’ba Levini dri.

7Eri nga magali fe iri monio su be Gerisoni anzipi dri azi yini vusi;

8nga vini magali fe su monio aro be Merari anzipi dri azi yini vusi, geri kuhani Aroni mvi Itamari ma driarisi.

9Te feni afa Kohati anzipi dri aluni ku, azi pari alatararunirini ovule yinirisi, yini afa nde ojile yi ma ombetisirisi,

10’Ba opiru fe vini afa feza pari edeta edezuri fezu Mungu driri ma e’yosi o’du yini odu efizu eri ma ruaarisi adani ’ba opiru nde ’diyi fe afa feza yini edetaru pari edeta edezuri ma drilia.

11Yehova nga ’yo Musa ma tia, Opi alu alu ma fe afa feza ini edetaru o’du ini vusi pari edeta edezuri ’bazu alatararuri ma e’yosi.

12’Ba afa feza ini fepi o’du okorisiri Nasoni Aminadabu mvi suru Yudaniri’i;

13afa feza erini feleri ’di: awala dahaburu nzipi sekeli turu alu drini kali nari pi, saani dahaburu nzipi sekeli kali aziriri pie, sekeli pari alatararuri vileri vusi; afazu ’diyi iritro ga tre anyafura inikiniru osale odusirisi ovuzu edeta edele anyafurasiriru;

14kabile meleru alu nzipi sekeli mudri gapi obiesesi treri pie;

15monio aludururi pi, kabiloago pie, kabiloago eli be aluri pie, ovuzu edeta vezaniriru;

16ndriago alu edeta e’yo onzi edezuriru;

17fe vini edeta asi anzuruni ’diyiru, tiago iri, kabiloago towi, kabiloago eli be alu alu ’diyi towi. ’Di afa feza edetaru Nasoni Aminadabu mvini feleri’i.

18O’du iririsi Netaneli Zuari mvi opi Isakarini nga afa feza ini feni;

19afa feza erini fele edetaru ’diyi yi ’di: awala dahaburu nzipi sekeli turu alu drini kali nari pi, saani nzipi sekeli kali aziriri pie, sekeli pari alatararuri vileri vusi; afazu ’diyi iritro ga tre anyafura inikiniru osale odusirisi ovuzu edeta edele anyafurasiriru;

20kabile meleru alu nzipi sekeli mudri gapi obiesesi treri pie;

21monio aludururi pi, kabiloago pie, kabiloago eli be aluri pie ovuzu edeta vezaruriru;

22ndriago alu edeta e’yo onzi edezuriru;

23fe vini edeta asi anzuruni ’diyiru tiago iri ’diyi pi, kabiloago towi, ndriago towi, kabiloago eli be alu alu ’diyi towi. ’Di afa feza edetaru Netaneli Zuari mvini feleri’i.

24O’du narisi eri Eliabu Heloni mvi opi Zebuluni anzipi ma driliari’i:

25afa feza erini fele edetaruri eri awala dahaburu nzipi sekeli turu alu drini kali nari pi, saani nzipi sekeli kali aziriri pie, sekeli pari alatararuri vileri vusi; afazu ’diyi iritro ga tre anyafura inikiniru osale odusirisi ovuzu edeta edele anyafurasiriru;

26kabile meleru alu nzipi sekeli mudri gapi obiesesi treri pie;

27monio aludururi pi, kabiloago pie, kabiloago eli be aluri pie, ovuzu edeta vezaruriru;

28ndriago alu edeta e’yo onzi edezuriru;

29fe vini edeta asi anzuruni ’diyiru tiago iri, kabiloago towi, ndriago towi, kabiloago eli be alu alu ’diyi towi. ’Di afa feza edetaru Eliabu Heloni mvini feleri’i.

30O’du surisi eri Elizuri Sedeuri mvi opi Rubeni anzipi ma driliari’i:

31afa feza erini fele edetaruri eri awala dahaburu nzipi sekeli turu alu drini kali nari pi, saani dahaburu nzipi sekeli kali aziriri pie, sekeli pari alatararuri vileri vusi; afazu ’diyi iritro ga tre anyafura inikiniru osale odusirisi ovuzu edeta edele anyafurasiriru;

32kabile meleru alu nzipi sekeli mudri gapi obiesesi treri pie;

33monio aludururi pi, kabiloago pie, kabiloago eli be aluri pie ovuzu edeta vezaruriru;

34ndriago alu edeta e’yo onzi edezuriru;

35fe vini edeta asi anzuruni ’diyiru tiago iri, kabiloago towi, ndriago towi, kabiloago eli be alu alu ’diyi towi. ’Di ’afa feza edetaru Elizuri Sedeuri mvini feleri’i.

36O’du towirisi eri Selumieli Zurisadai mvi opi Simeoni anzipi ma driliari’i:

37afa feza erini fele edetaruri eri awala dahaburu nzipi sekeli turu alu drini kali nari pi, saani dahaburu nzipi sekeli kali aziriri pie, sekeli pari alatararuri vusi; afa feza ’diyi iritro ga tre anyafura inikiniru osale odusirisi ovuzu edeta edele anyafurasiriru;

38kabile meleru alu nzipi sekeli mudri gapi obiesesi treri pie;

39monio aludururi pi, kabiloago pie, kabiloago eli be aluri pie, ovuzu edeta vezaruriru;

40ndriago alu edeta e’yo onzi edezuriru;

41fe vini edeta asi anzuruni ’diyiru tiago iri, kabiloago towi, ndriago towi, kabiloago eli be alu alu ’diyi towi. ’Di afa feza edetaru Selumieli Zurisadai mvini feleri’i.

42O’du aziarisi eri Eliasafu Deueli mvi opi Gadi anzipi ma driliari’i:

43afa feza erini fele edetaruri eri awala dahaburu nzipi sekeli turu alu drini kali nari pi, saani dahaburu nzipi sekeli kali aziriri pie, sekeli pari alatararuri vileri vusi; afazu ’diyi iritro ga tre anyafura inikiniru osale odusirisi ovuzu edeta anyafurasiriru;

44kabile meleru alu nzipi sekeli mudri gapi obiesesi treri pie;

45monio aludururi pi, kabiloago pie, kabiloago eli be aluri pie, ovuzu edeta vezaruriru;

46ndriago alu edeta e’yo onzi edezuriru;

47fe vini edeta asi anzuruni ’diyiru tiago iri, kabiloago towi, ndriago towi, kabiloago eli be alu alu ’diyi towi. ’Di afa feza edetaru Eliasafu Deueli mvini feleri’i.

48O’du aziririsi eri Elisama Amihudi mvi opi Efiraimu anzipi ma driliari’i:

49afa feza erini fele edetaruri eri awala dahaburu nzipi sekeli turu alu drini kali nari pi, saani dahaburu nzipi sekeli kali aziriri pie, sekeli pari alatararuri vileri vusi; afazu ’diyi iritro ga tre anyafura inikiniru osale odusirisi ovuzu edeta anyafurasiriru;

50kabile meleru alu nzipi sekeli mudri gapi obiesesi treri pie;

51monio aludururi pi, kabiloago pie, kabiloago eli be aluri pie ovuzu edeta vezaruriru;

52ndriago alu edeta e’yo onzi edezuriru;

53fe vini edeta asi anzuruni ’diyiru tiago iri, kabiloago towi, ndriago towi, kabiloago eli be alu alu ’diyi towi. ’Di afa feza edetaru Elisama Amihudi mvini feleri’i.

54O’du arosi eri Gamalieli Padazuri mvi opi Manase anzipi ma driliari’i:

55afa feza erini fele edetaruri eri awala dahaburu nzipi sekeli turu alu drini kali nari pi, saani dahaburu nzipi sekeli kali aziriri pie, sekeli pari alatararuri vileri vusi; afazu ’diyi iritro ga tre anyafura inikiniru osale odusirisi ovuzu edeta edele anyafurasiriru;

56kabile meleru alu nzipi sekeli mudri gapi obiesesi treri pie;

57monio aludururi pi, kabiloago pie, kabiloago eli be aluri pie, ovuzu edeta vezaruriru;

58ndriago alu edeta e’yo onzi edezuriru;

59fe vini edera asi anzuruni ’diyiru tiago iri, kabiloago towi, ndriago towi, kabiloago eli be alu alu ’diyi towi. ’Di afa feza edetaru Gamalieli Pedazuri mvini feleri’i.

60O’du oromirisi eri Abidani Gideoni mvi opi Benyamini anzipi ma driliari’i:

61afa feza erini fele edetaruri eri awala dahaburu nzipi sekeli turu alu drini kali nari pi, saani dahaburu nzipi sekeli kali aziriri pie, sekeli pari alataruri vileri vusi; afazu ’diyi iritro ga tre anyafura inikiniru osale odusirisi ovuzu edeta edele anyafurasiriru;

62kabile meleru alu nzipi sekeli mudri gapi obiesesi treri pie;

63monio aludururi pi, kabiloago pie, kabiloago eli be aluri pie, ovuzu edeta vezaruriru;

64ndriago alu edeta e’yo onzi edezuriru;

65fe vini edeta asi anzuruni ’diyiru tiago iri, kabiloago towi, ndriago towi, kabiloago eli be alu alu ’diyi towi. ’Di afa feza edetaru Abidani Gideoni mvini feleri’i.

66O’du mudririsi eri Ahiezeri Amisadai mvi opi Dani anzipi ma driliari’i:

67afa feza erini fele edetaruri eri awala dahaburu nzipi sekeli turu alu drini kali nari pi, saani dahaburu nzipi sekeli kali aziriri pie, sekeli pari alatararuri vileri vusi; afazu ’diyi iritro ga tre anyafura inikiniru osale odusirisi ovuzu edeta anyafurasiriru;

68kabile meleru alu nzipi sekeli mudri gapi obiesesi treri pie;

69monio aludururi pi, kabiloago pie, kabiloago eli be aluri pie, ovuzu edeta vezaruriru;

70ndriago alu edeta e’yo onzi edezuriru;

71fe vini edeta asi anzuruni ’diyiru, tiago iri, kabiloago towi, ndriago towi, kabiloago eli be alu alu ’diyi towi. ’Di afa feza edetaru Ahiezeri Amisadai mvini feleri’i.

72O’du mudri drini alurisi eri Pagieli Okirani mvi opi Aseri anzipi ma driliari’i:

73afa feza erini fele edetaruri eri awala dahaburu nzipi sekeli turu alu drini kali nari pi, saani dahaburu nzipi sekeli kali aziriri pie, sekeli pari alatararuri vileri vusi; afazu ’diyi iritro ga tre anyafura inikiniru osale odusirisi ovuzu edeta anyafurasiriru;

74kabile meleru alu nzipi sekeli mudri gapi obiesesi treri pie;

75monio aludururi pi, kabiloago pie, kabiloago eli be alori pie, ovuzu edeta vezaruriru;

76ndriago alu edeta e’yo onzi edezuriru;

77fe vini edeta asi anzuruni ’diyiru tiago iri, kabiloago towi, ndriago towi, kabiloago eli be alu alu ’diyi towi. ’Di afa feza edetaru Pagieli Okirani mvini feleri’i.

78O’du mudri drini iririsi eri Ahira Enani mvi opi Nafutali anzipi ma driliari’i:

79afa feza erini fele edetaruri eri awala dahaburu nzipi sekeli turu alu drini kali nari pi; saani dahaburu nzipi sekeli kali aziriri pie, sekeli pari alatararuri vileri vusi; afazu ’diyi iritro ga tre anyafura inikiniru osale odusirisi, ovuzu edeta edele anyafurasiriru;

80kabile meleru alu nzipi sekeli mudri gapi obiesesi treri pie;

81monio aludururi pi, kabiloago pie, kabiloago eli be aluri pie, ovuzu edeta vezaruriru;

82ndriago alu edeta e’yo onzi edezuriru;

83fe vini edeta asi anzuruni ’diyiru tiago iri, kabiloago towi, ndriago towi, kabiloago eli be alu alu ’diyi towi, ’Di afa feza edetaru Ahira Enani mvini feleri’i.

84Afa feza opi Israelini ’diyini fele pari edeta edezuri fezu Mungu driri ma e’yosi, o’du yini odu efizu eri ma ruaarisi ’diyi yi ’di: awala dahaburu mudri drini iri, saani dahaburu mudri drini iri, kabile meleru mudri drini iri;

85awala dahaburu alu alu ma nziza sekeli turu alu drini kali na, saani alu alu ma nziza sekeli kali aziri, dahabu afazu ’diyini dria eci i sekeli alifu iri drini turu su, sekeli pari alatararuri vileri vusi;

86kabile meleru mudri drini iri gapi obiesesi tre ’diyi nzi yini sekeli mudri mudri, sekeli pari alatararuri vileri vusi, mele kabile ’diyini dria eci i sekeli turu alu drini kali iri;

87tiago edeta vezaruni ’diyi dria yi tiago aluduru mudri drini iri, kabiloago mudri drini iri, kabiloago eli be alu alu ’diyi mudri drini iri, edeta yini anyafurasi ’diyi be; ndriago edeta e’yo onzi edezuriru ’diyi mudri drini iri;

88tiago edeta asi anzuruni ’diyini dria yi tiago kali iri drini su, kabiloago kali azia, ndriago kali azia, kabiloago eli be alu alu ’diyi kali azia. ’Diyi afa feza fele pari edeta edezuri fezu Mungu driri ma e’yosi, o’du yini odu efizu eri ma ruaarisi ’diyi.

89Musa ka fi hema ti ecizaniria e’yo ’yozu eri be, eri nga o’duko e’yo ’yopi eri tiari eri, engazu kiti yikini ovupi sanduku e’yo eti nzezaniri ma driari ma drilia, kerubi iri ’diyi ma eselia; eri nga e’yo ’yo eri tia.

← Chapter 6 Jump to: Chapter 8 →