Numbers 2

Lugbara (E’yo Siza Alatararu Munguniri BIBLIA)

← Chapter 1 Jump to: Chapter 3 →

1Yehova nga di ’yo Musa pi ma tia Aroni be, kini,

2Anzi Israelini alu alu nga yi ma hema aso yi vile bendera ma ageia, suruti yi ma a’bipini ma bendera be; yi ma aso hema yini hema ti ecizaniri be otizaru ageiniasi kuru.

3’Ba ngapi hema asopi woko etuni efurialeruria ’diyi nga ovu ’ba bendera pari ’ba Yudani ’diyini hema asozuriarini ’diyi, ongulumu yini vusi; opi Yuda anziyi ma driliari nga ovu Nasoni Aminadabu mvi’i.

4Ongulumu erini, ’ba yi ma eselia yini yi ma kalafe lale ’diyi, yi alifu kali aziri drini su, drini turu azia.

5’Ba ngapi hema asopi eri ma ageia ’diyi yi suru Isakarini; opi Isakari anziyi ma driliari nga ovu Netaneli Zuari mvi’i;

6ongulumu erini, ’ba yi ma eselia yini yi ma kalafe lale ’diyi, yi alifu kali towi drini su drini turu su.

7Suru Zebulunini opi Zebuluni anziyi ma driliari nga ovu Eliabu Heloni mvi’i;

8ongulumu erini, ’ba yi ma eselia yini yi ma kalafe lale ’diyi, yi alifu kali towi drini aziri, drini turu su.

9’Ba dria pari Yudani hema asozuria, yini yi ma kalafe lale ’diyi, yi alifu turu alu drini kali aro drini azia, drini turu su, ongulumu yini vusi. Yi nga dri ko acizu okorisini.

10Bendera pari Rubenini hema asozu ongulumu yini vusiriari nga ovu woko uruleruria; opi Rubeni anziyi ma driliari nga ovu Elizuri Sedeuri mvi’i;

11ongulumu erini, ’ba yi ma eselia yini yi ma kalafe lale, ’diyi yi alifu kali su drini azia, drini turu towi.

12’Ba hema asopi eri ma ageia ’diyi yi suru Simeonini; opi Simeoni anziyi ma driliari nga ovu Selumieli Zurisadai mvi’i;

13ongulumu erini, ’ba yi ma eselia yini yi ma kalafe lale ’diyi yi alifu kali towi drini oromi, drini turu na.

14Suru Gadini opi Gadi anziyi ma driliari nga ovu Eliasafu Reueli mvi’i;

15ongulumu erini, ’ba yi ma eselia yini yi ma kalafe lale ’diyi yi alifu kali su drini towi, drini turu azia drini kali towi.

16’Ba dria pari Rubenini hema asozuria, yini yi ma kalafe lale ’diyi yi alifu turu alu drini kali towi drini alu, drini turu su drini kali towi, ongulumu yini vusi. Yi nga dri ko acizu iririsini,

17Vutinia hema ti ecizaniri nga e’do muzo drileni, de pari ’ba Levini hema asozurini ovuria pari ’bani hema asozu ’diyi ma eselia agadua. Yi ma ko dri acizu drile yini hema asolerile, ’ba dria alu alu ma ovu i ma paria bendera yini ma ageia.

18Bendera pari Efiraimuni hema asozu ongulumu yini vusiriari nga ovu woko etuni ’derialeruria; opi Efiraimu anziyi ma driliari nga ovu Elisama Amihudi mvi’i;

19ongulumu erini, ’ba yi ma eselia yini yi ma kalafe lale ’diyi, yi alifu kali su drini turu towi.

20Suru Manaseni nga ovu eri ma ageia; opi Manase anziyi ma driliari nga ovu Gamalieli Pedazurimvi’i;

21ongulumuerini, ’ba yi ma eselia yini yi ma kalafe lale ’diyi, yi alifu kali na drini iri, drini turu iri.

22Suru Benyaminini opi Benyamini anziyi ma driliari nga ovu Abidani Gideoni mvi’i;

23ongulumu erini, ’ba yi ma eselia yini yi ma kalafe lale ’diyi, yi alifu kali na drini towi, drini turu su.

24’Ba dria pari Efiraimuni hema asozuria yini yi ma kalafe lale ’diyi, yi alifu turu alu drini aro, drini turu alu, ongulumu yini vusi. Yi nga dri ko acizu narisini.

25Bendera pari Danini hema asozu ongulumu erini vusiriari nga ovu woko andraleruria; opi Dani anziyi ma driliari nga ovu Ahiezeri Amisadai mvi’i;

26ongulumu erini, ’ba yi ma eselia yini yi ma kalafe lale ’diyi, yi alifu kali azia drini iri, drini turu aziri.

27’Ba hema asopi eri ma ageia ’diyi yi suru Aserini; opi Aseri anziyi ma driliari nga ovu Pagieli Okirani mvi’i;

28ongulumu erini, ’ba yi ma eselia yini yi ma kalafe lale ’diyi, yi alifu kali su drini alu, drini turu towi.

29Suru Nafutalini: opi Nafutali anziyi ma driliari nga ovu Ahira Enani mvi’i;

30ongulumu erini, ’ba yi ma eselia yini yi ma kalafe lale ’diyi, yi alifu kali towi drini na, drini turu su.

31’Ba dria pari Danini hema asozuria, yini yi ma kalafe lale ’diyi yi alifu turu alu drini kali towi drini aziri, drini turu azia. Yi nga dri ko acizu vileru.

32’Diyi ’ba anzi Israelini ma eselia, yini yi ma kalafe lale yi ma a’bipi ma suruti vusi ’diyi. ’Ba dria ovupi pari yini hema asozu ’diyia, yini yi ma kalafe lale ongulumu yini vusi ’diyi, yi ndra alifu turu azia drini na, drini turu towi drini kali towi,

33Te lani ’ba Levini ma kalafe ami Israelini be ku, ekile ’Yehovani e’yoni azile Musa ma tiarile.

34Anzi Israelini ’ye ’dini; ekile e’yo dria Yehovani azile Musa ma tiarile, yi aso hema yini bendera yini vusi ’dini trotro, yi ko dri vini acizu ’ba dria alu alu ori’ba yini vusi, yi ma a’bipi ma suruti vusi ’dini.

← Chapter 1 Jump to: Chapter 3 →