bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lugbara
/
Lugbara (E’yo Siza Alatararu Munguniri BIBLIA)
/
Numbers 3
Numbers 3
Lugbara (E’yo Siza Alatararu Munguniri BIBLIA)
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 4 →
1
A’bianzi Aroni pini Musa be, o’du Yehovani e’yo ’yozu Musa be oni Sinai ma driarisi ’diyi yi ’di.
2
Aroni anzipi ma ru yi ’di: Nadabu mva okori pi, Abihu pi, Eleazari pi’i Itamari pie.
3
’Diyi Aroni anzipi ma ru, yi kuhani ’bani odu osule yi, ma dria erini ’bale ndu alatararu azi kuhaniruri ngazu ’diyi.
4
Te Nadabu pi Abihu be odra Yehova ma drilia, o’du yini aci ndu Yehovani azile kuri ofezu edetaru Yehova ma drilia, angu roko dria Sinaiarisi; anzi yini yo. Eleazari pi Itamari be nga di azi kuhaniruri nga yi ati Aroni ma milia ani.
5
Yehova nga di ’yo Musa ma tia, kini,
6
Mi eji suru Levini ogogo, ma ’ba yi kuhani Aroni ma drilia, yi ma nga azi eri dri ani beni.
7
Yi ma mba azi erini ma ta, yi ma mba azi ’ba ongulumuru ’diyi dri driari ma ta indi, hema ti ecizaniri ma i drilia, yini bere ma azi ngaria.
8
Yi ma mba afazu hema ti eciza-niria ’diyi ma ta dria azi ngazu anzi Israelini dri, yini bere ma azi ngaria.
9
Mi ma fe ’ba Levini Aroni pi dri anzipi be; fe yi pi eri dri anzi Israelini ma e’yosi.
10
Mi ma ope Aroni pi ndu anzipi be, yi ma mbai e’yo yini ovuzu kuhaniruri ma ta; ma fu ’ba toko esipi ogogori kai ra.
11
Yehova nga di ’yo Musa ma, tia, kini,
12
Te ma’i, mi ndre, ma ope ’ba Levini anzi Israelini ma eselia, aliriaanzi otile oko opojo ma ti zipi anzi Israelini ma eselia ’diyi ma paria; ’ba Levini nga ovu mani,
13
A’disiku aliriaanzi otile oko ’diyi dria mani; o’du mani aliriaanzi angu Misirinia ’diyi ofuzu driarisi, ma ope ndra aliriaanzi otile oko Israeli ma alia ’diyi dria ndu maniru, ’ba pi ma anzi anyapa be dria; yi nga ovu mani: ma Yehova’i.
14
Yehova nga ’yo Musa tia roko dria Sinaia, kini,
15
Mi ma la anzi Levini ma kalafe, yi ma a’bipi ma suruti vusi, ori’ba yini vusi; mi ma la ’ba agupiru ’diyi ma kalafe dria e’dozu odekua capi mba be alurisi muzu drile.
16
Musa nga di yi ma kalafe la e’yo ’yoza Yehovani vusi, ekile erini azile eri ma tiarile.
17
Levi anzipi ma ru yi ’di: Gerisoni pi, Kohati pi, Merari pie.
18
Gerisoni anzipi ori’ba yini vusi, yi ma ru ’di: Libini pi, Simei be.
19
Kohati anzipi ori’ba yini vusi: Amuramu pi, Izihari pi, Hebironi pi, Uzieli pie.
20
Merari anzipi ori’ba yini vusi: Ma’i pi Musi be. ’Diyi ori’ba Levini yi ma a’bipi ma suruti vusi.
21
’Ba Libini piyi ma ori’ba ’ba Simeini ’diyi be efu Gerisoni ma alia; Gerisoni ma ori’ba yi ’di.
22
’Ba yi ma eselia yini yi ma kalafe lale, ’ba agupiru ’diyi dria ma kalafe vusi, e’dozu odekua capi mba be alurisi muzu drile ’diyi, ada ’ba yi ma eselia yini yi ma kalafe lale ’diyi, yi alifu aziri drini turu towi.
23
Gerisoni ma ori’ba nga yi ma hema aso bere ma ngu kua etuni ’derialeru.
24
Opi ’ba Gerisonini ma a’bipi ma suruti driliari nga ovu Eliasafu Laeli mvi.
25
Gerisoni anzipi ma azi hema ti ecizaniri ma alia nga ovu bere pi ma agei tezu, Hema pie, enyi eri a’buzuri pie, bongo ’ile hema ti ecizaniri ma tiliari pie,
26
bongo o’ile irii ma ageia ’diyi pie, bongo ’ile irii ovupi bere ma ageia azini pari edeta edezuri ma ageia kururi ma tiliari pie, bakani eri vile azi ngazu ’diyi pie dria.
27
Ori’ba Amuramuni piyi efu Kohati ma alia, ori’ba Iziharini pie, ori’ba Hebironini pie, ori’ba Uzielini pie; ’diyi ori’ba Kohatini.
28
’Ba agupiru dria e’dozu odekua capi mba be alurisi muzu drile ’diyi ma kalafe vusi, yi alifu aro drini turu azia, azi pari alatararuari ma ta mbazu.
29
Kohati anzipi ma ori’ba nga hema yini aso bere ma kala uruleruria.
30
Opi ori’ba Kohatini ma eselia i a’bipi ma suruti driliari nga ovu Elizafani Uzieli mvi’i.
31
Azi yini nga ovu sanduku pi ma agei tezu, mesa pie, tala pati pie, pari edeta edezu ’diyi pie, afazu yini azi ngazu pari alatararuria ’diyi pie, bongo o’ile ’diyi pie, azi erini be dria.
32
Eleazari kuhani Aroni mvi nga ovu opiru opianzi Levini ’diyi ma drilia, eri nga ’ba pari alatararuri ma azi ngapi ’diyi ma azi ndreni.
33
Ori’ba Malini piyi efu Merari ma alia ori’ba Musini be; ’diyi ori’ba Merarini.
34
’Ba yi ma eselia yini yi ma kalafe lale ’ba dria agupiru ’diyi ma kalafe vusi, e’dozu odekua capi mba be alurisi muzu drile ’diyi, yi alifu azia drini turu iri.
35
Opi ori’ba Merarini ma eselia i a’bipi ma suruti ma driliari eri Zurieli Abihaili mvi’i; yi nga yi ma hema aso bere ma kala andraleruria.
36
Azi pele Merari anzipi driri nga ovu bau bereni ’diyi pi ma agei tezu, bau rwe rwe ’diyi pie, pati erini edrele uru ’diyi pie, ’bileni pie, afazuni pie dria, aziniri be dria;
37
azini vini pati agoferu irii ageiniarini ’diyi pie, ’bileni pie, aloni pie, bakani pie.
38
’Ba hema asopi bere ma drilia etuni efurialeru hema ti ecizaniri ma drilia woko etuni efuzurialeruria ’diyi nga ovu Musa pi Aroni pie anzipi be, pari alatararuri ma azi ngazu, anzi Israelini ma azi ngazu indi; ma fu ’ba toko esipi ogogori kai ra.
39
’Ba Levini dria yini yi ma kalafe lale, Musa pini lale Aroni be azita Yehovanisi, ori’ba yini vusi, ’ba agupiru dria e’dozu odekua capi mba be alurisi muzu drile ’diyi, yi alifu kali iri drini iri.
40
Yehova nga ’yo Musa tia, Mi ma la aliriaanzi agupiru anzi Israelini ma eselia, e’dozu odekua capi mba be alurisi muzu drile ’diyi ma kalafe, mi la vini yi ru yini vusi.
41
Te mi ma ope ’ba Levini maniru (ma Yehova’i) aliriaanzi dria anzi Israelini ma eselia ’diyi ma paria; azini mi ma ope ’ba Levini ma anyapa, anyapa dria otile oko anzi Israelini ma anyapa ma eselia ’diyi ma paria.
42
Musa nga di aliriaanzi dria anzi Israelini ma eselia ’diyi ma kalafe la ekile Yehovani azile eri tiarile ra.
43
Aliriaanzi agupiru dria ru yini ma kalafe vusi e’dozu odekua capi mba be alurisi muzu drile, yini yi ma kalafe lale ’diyi, yi alifu kali iri drini turu iri drini kali aziri drini na.
44
Yehova nga ’yo Musa tia kini,
45
Mi ma ope ’ba Levini aliriaanzi dria anzi Israelini ma eselia ’diyi ma paria, mi ope vini anyapa yini ’ba ’diyi ma anyapa paria; te ’ba Levini nga ovu mani ma Yehova’i,
46
Te aliriaanzi anzi Israelini ma eselia turu iri drini kali aziri drini na acepi, kalafe ’ba Levini ’diyini agapi drile tu ’diyi ma onzezasi,
47
mi ma a’i sekeli towi towi yi ma dri vusi, mi ma a’i sekeli nde sekeli pari alatararu vileri vusi, (te gera kali iri ’diyi sekeli alu).
48
Te mi ma fe sekeli nde ’ba acepi ’diyi onzezu ’diyi Aroni pi dri anzipi be.
49
Musa nga di sekeli ’ba onzezu ’diyi a’i ’ba lile kule amve ’ba Levinini onze1e ku ’diyi dri.
50
Eri a’i sekeli nde ’diyi aliriaanzi anzi Israelini ma eselia ’diyi dri, sekeli alifu alu drini turu na, drini kali azia drini towi sekeli pari alatararu vileri vusi;
51
Musa nga di sekeli ’ba onzezu ’diyi fe Aroni pi dri anzipi be ekile e’yo ’yoza Yehovanirile, ekile Yehovani azile Musa ma tiarile.
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 4 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36