bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lugbara
/
Lugbara (E’yo Siza Alatararu Munguniri BIBLIA)
/
Numbers 15
Numbers 15
Lugbara (E’yo Siza Alatararu Munguniri BIBLIA)
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 16 →
1
Yehova nga ’yo Musa ma tia, kini,
2
Mi olu e’yo anzi Israelini ma tia, mi ’yo yi tia kini, Emi ka ca angu emini ngazu ovuzu, mani ngale fele emi driria,
3
emi ka le afa feza edetaru fe acisi Yehova dri, ekile edeta vezaruri pile, edeta azini pie, afa feza emini azile fezu oyosiri pie, afa fele ceniri pie, afa fele omu e’yoni azile azi ’diyisiri pie, aji arikariru fezu ani Yehova dri, kani ti o’biru ma eselia kani kabilo ma eselia,
4
ka’dini ’ba afa feza fepi Yehova dri edetaruri ma fe edeta edele anyafurasiri, ’nyafura inikiniru abaka ma aliari ma esele mudri ma azi alu, osazaru odu lu’bu ma aliari ma esele su ma azi alurisi;
5
azini mi ma ede vini patiefi ma su kopo ma aliari esele su ma azi aluri edeta mvuzaru, edeta vezaruri be tualu, kani edeta be kabilo alu alu vusi.
6
Ka ovu kabilo agoni, mima ede edeta anyafurasiriru, anyafura inikiniru abaka ma aliari ma esele mudri ma azi iri, osazaru odu lu’bu ma aliari ma esele na ma azi alurisi;
7
mi ma fe vini patiefi ma su kopo ma aliari ma esele na ma azi alu edeta mvuzaru, afa aji be arikariru Yehova dririru.
8
Mi ka monio ede fezu edeta vezaruriru kani edetaru, mini oyoni solerisi, kani edeta asi anzuruniriru Yehova dri,
9
ka’dini agu nde ma fe monio be tualu anyafura abaka ma aliari ma esele mudri ma azi na, osale odu lu’bu ma aliari ma alisiri edeta edele anyafurasiriru,
10
te mi ma fe patiefi ma su kopo ma ali edeta mvuzaru, afa feza edele acisi, aji be arikariru Yehova dririru.
11
Ma ’ye ’dinile monio alu alu vusi, kabiloago alu alu vusi, kabiloanzi agoru ’diyi alu alu vusi ndrianzi alu alu vusi dria.
12
Ekile afa mini ngale edele ’diyi ma kalafeni ovulerile, emi ma ’ye yi vu kalafe yini vusi.
13
Karianzi otile akua ’dia ’diyi dria ma ’ye e’yo ’diyi geri ’disi, yini afa feza fele acisi afa aji be arikariru Yehova driri feria.
14
Ani’bo ka ri emi eselia, kani ’ba azini ka nga ovu emi eselia, kpere a’bianzi emini vusi dria, ka le afa feza fele acisi afa aji be arikariru Yehova driri fezu ra, eri ma ’ye emini ’yelerile trotro.
15
’Ba ongulumuru ’diyi dri azita ma ovu alu, emi dri ani’bo ovupi emi ma eseliari be, azita ’dani ’daniru a’bianzi emini vusi; ani’bo ma ovu trotro emini ovulerile Yehova ma milia.
16
Azita pi e’yo azizaruri be ma ovu alu emi dri, ani’bo ovupi emi eseliari be.
17
Yehova nga ’yo Musa tia, kini,
18
Mi olu anzi Israelini ma tia, mi ’yo yi tia kini, Emi ka fi angu mani emi lile vuniaria,
19
eri nga di ovu ’dini, emini angu nde ma enya nyaria ’boria, emima fe edeta ’dule ururi Yehova dri.
20
Emi ma fe anyafura emini agaru ma esele okori mikate wereru edeta ’dule ururiru, emi ma ’du eri uru ekile emini adrile edeta ’dule uru afa akuma driarisirile.
21
Emi ma fe anyafura emini agaru ma esele okori edeta ’dule ururiru Yehova dri kpere a’bianzi emini ’diyi vusi dria.
22
Emi ka aba ra, ka azita dria Yehovani e’yoni ’yole Musa tia ’diyi ma ta mba ku,
23
ada azita dria Yehovani azile emi dri geri Musa vurisi, engazu o’du Yehovani ndra e’dozu azita azizurisi, kpere drile a’bianzi emini ’diyi vusi dria,
24
ka’dinile e’yoni nga ovu ’dini, ezata ’diri ka ovu ’yezaru aniakosi, de ’ba ongulumuru nini vini e’yoni ku, ka’dini ’ba ongulumuru ’diyi dria ma fe monio aluduru alu edeta vezariru, afa aji be arikari Yehova dririru, edeta erini anyafurasiri pi, edeta erini mvuzaruri be, ekile azitani lelerile, azini vini ndriago alu edeta e’yo onzi edezuriru.
25
Kuhani nga ani anzi Israelini dria ongulumuru ’diyi ma e’yo onzi ede, e’yo onzi yini nga ovu wuzaru ani; erini ovule e’yo abaza ’yele aniakosi’irisi, azini yini afa feza yini fele edetaru acisi Yehova driri pi ejile, edeta yini e’yo onzi edezuri be Yehova ma drilia abaza yini ma e’yosi ’borisi.
26
Nga anzi Israelini dria ongulumuru ’diyi pi ma e’yo onzi wu ani, ani’bo ovupi yi ma eseliari be, a’disiku ’ba ezani aka ku te ’ba dria nini e’yoni ku.
27
Te ’ba azini alu ka eza aniakosi, ka’dini eri nga di ndriaroni eli be aluri fe edeta e’yo onzi edezuriru.
28
Kuhani nga ’ba e’yo ezapi aniakosiri ma e’yo onzi ede Yehova ma drilia, e’yo onzi erini edezu, erini e’yo ezaria aniakosi, e’yo onzi nderi nga ovu ani wuzaru.
29
Azita ’ba e’yo ezapi aniakosi ’diyi ma e’yosiri ma ovu alu trotro, ’ba anzi Israelini ma eselia tile karimvaruri pi dri ani’bo ovupi yi ma eseliari be.
30
Te ’ba e’yo ezapi i drisi akari, ka ’ba tile karimvaruri kani ani’boni ti, agu nderi Yehovani o’da; ma a eri ma dri o’dipi ma eseliasi ra.
31
Erini e’yo Yehovani ’bale aparakaru azini erini eri ma azita nyole ’borisi, ma ja drini teketeke; eri ma e’yo onzi nga ovu eri ma dria. ’Ba sabato ezapiri o’bezu onisiri
32
De anzi Israelini yini nga ovuria roko driaria, yi isu agu azinini eja owuria o’du sabatonisi.
33
’Ba eri isupi eja owuria ’diyi nga eri eji Musa pi vu Aroni pie, ’ba ongulumuru pie dria.
34
Yi nga eri ’ba aruru, a’disiku eceni nga ma ’ye eri ngoni yari ku.
35
Yehova nga di ’yo Musa tia kini, Ma ece agu ’diri fuzu ku; ’ba ongulumuru ’diyi dria ma o’be eri onisi pari yini hema asozuri ma tia amve.
36
’Ba ongulumuru ’diyi dria nga di eri ji pari hema asozuri ma tia amve, nga eri o’be onisi, eri dra kai ra, ekile Yehovani azile Musa ma tiarile.
37
Yehova nga ’yo Musa tia, kini,
38
Mi ’yo anzi Israelini ma tia, mi azi yi tia bongo yinima ti edezu yaliyaliru a’bianzi yini vusi dria, azini baka buluru ’bazu bongo ma ti yaliyaliru ’diyi ma ruaa dria.
39
Eri nga ovu emi dri afa yaliyaliruriru, emi ma lu vunia ani azita Yehovani dria ma e’yo egazu yi ’yezu beni; emima aci ani ekile emi asini azini emi mileni lele, emini ndra acizu ani ali o’bazurile, ’dini ku.
40
Emi ma ega azini ma ’ye azita mani ’diyi dria beni, te emi ma ovu ani alatararu Mungu emini dri.
41
Ma Yehova Mungu emini ndra emi ofupi ejipi angu Misiriariasi, ovuzu Mungu eminiruri’i. Ma Yehova Mungu eminiri’i.
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 16 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36