bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lugbara
/
Lugbara (E’yo Siza Alatararu Munguniri BIBLIA)
/
Numbers 32
Numbers 32
Lugbara (E’yo Siza Alatararu Munguniri BIBLIA)
← Chapter 31
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 33 →
1
Isu anzi Rubenini piyi anzi Gadini be yi ovu anyapa be ongulumuru o’biru tu; yini angu Yazeriari pi ndreria angu Gileadiari be, mi ndre, eri pari onyiru ti ocezuri’i.
2
Ka’dini anzi Gadini piyi anzi Rubenini ’diyi be yi nga emu e’yo ’yozu Musa pi ma tia kuhani Eleazari pie, ’ba ’wara ’ba ongulumuru ma drilia ’diyi pie dria, kini,
3
Ataroti pi, Diboni pie, Yazeri pie, Nimura pie, Hesiboni pie, Eleale pie, Sebamu pie, Nebo pie, Beoni pie,
4
angu Yehovani ezale ’ba Israelini ongulumuru ’diyi ma drilia ’diri, eri angu onyiru ti ocezuri’i; azini ama ati’ba mini, ama ti be.
5
Ka’dini yi nga ’yo ra, Ama ka asi ndriza isu mi milia ’bo, ’ba ma fe angu ’dori ama ati’ba miniru ’diyi dri ovuzu amaniru; mi ji ama Yoridani tia ’aa’dasi ku fo!
6
Te Musa nga di ’yo Gadi anzipi pi ma tia Rubeni anzipi be kini, Emi adripi nga yini mu a’di ’dizu, te emi’i emi nga emini ri te ’doa ya?
7
Emi fe Israeli anzipi ma asini fuzu, yini ani lezu zozu ’aa’dasi fizu angu Yehovani fele yi dri ’bori ma alia ku ’dini a’disi ya?
8
Emi atapi ’ye ndra ’dinile mani ndra yi ti peria Kadesi-barineasi angu ma orile gazu.
9
Te yi ka ndra tu fizu e’buti Esikoliaria, ka angu olu ’bo, yi fe ndra anzi Israelini ma asini fuzu yini ani lezu fizu angu Yehovani fele yi driri ma alia ku.
10
O’du ’darisi aoko nya ndra Yehovani, eri so ndra oyo ani kini,
11
Ada ada ’ba etupi efupi Misiriasi e’dozu ’ba capi eli be kali iri ’diyisi muzu drile ’diyi ma azi aluni ngani angu ndra mani oyoni sole eri fezu Iburahimu pi dri, Isaka pie, Yakobo pieri ndre ’de ku, yini ma vuti bile asi driasi kurisi;
12
pe kiri Kalebu ’ba Kenizini Yefune ma mvi pi, Yosua Nuni mvi be, yi nga fini, yini Yehova ma vuti bile asi driasirisi.
13
Aoko nya ndra Yehovani Israeli ma e’yosi, eri fe ndra yini ani rizu abazu ’dile ’dole angu roko driaria eli kali su, de nga a’bianzi nde e’yo onzi ezapi ndra Yehova ma milia ’diyi odrani dria ku.
14
Te mi ndre, emi enga emi atapi ma paria, ’ba ezata be ’dayi ma ori ezupi ’diyiru, fezu adra aciru Yehovani Israeli ma ruaarini i erezu drile drile ani!
15
Te emi ka emi oja kuzu eri vuti biko ja, eri nga di yi ku dika angu roko driari ma alia, emi nga fe ani ’ba ’diyini dri jazu dria ra.
16
Te yi nga di esi eri vu ogogo, nga ’yo eri tia, Ama nga lico o’be ’dia anyapa amani dri, ama nga vini aku o’ba ’dia anzi amani nyiri ’diyi dri indi,
17
te ama ngulupi nga ovu ngonde afa ombani be muzu anzi Israelini ma drilia, de nga ama jini yi pari yiniria ku; te anzi amani nyiri ’diyi nga ovu aku abi kaliru be ’diyi ma alia, ’ba angu e’ipi ’diyi ma e’yosi.
18
Ama ngani emvi ama vile akua ku, de nga anzi Israelini alu alu nyani angu yini yi ma awurusoru ku.
19
A’disiku ama ngani angu nya amaniru Yoridania ’aa’dasi azini drilenialeruria ku; awuruso amanirini ’dele ama dri Yoridani ma kala ’dosi etuni efurialeruriarisi.
20
Musa nga di ’yo yi tia, Emi ka e’yo ’diri ’ye ra, emi ka afa ombani losu emi ruaa muzu ombaa Yehova ma drilia,
21
azini ’ba emini afa ombani osupi yi ruaa ’diyi dria ka zo Yoridani tia ’aa’dasi Yehova ma drilia, de nga eri droni ari’ba ini i ma driliasi ku,
22
azini Yehova ka angu ’diri nde i ma drilia oko raka; ka’dini emi nga mvi vilerisi ndo, e’yo ngani ovu emi dria Yehova ma milia ku, kani Israeli ma milia ku indi; te angu ’dori nga ovu emi dri afa eminiru Yehova ma milia.
23
Te emi ka nga ’ye ’dini ku, mi ndre, emi di e’yo eza Yehova vu; te emi ma ni ada ada, e’yo onzi eminiri nga emi isu ra.
24
Emi o’ba di aku anzi emini nyiri ’diyi dri, emi o’be di lico kabilo emini dri, emi ’ye ekile e’yo efupi emi tilea ’borile.
25
Anzi Gadini piyi anzi Rubenini be nga di ’yo Musa ma tia kini, Ama ati’ba mini ama nga ’ye opi amanini azilerile ra.
26
Anzi amani nyiri ’diyi pi nga ovu ’daa aku Gileadia ’diyi ma alia, oku amani pie, kabilo amani o’biru ’diyi pie, anyapa amani pie dria;
27
te ama’i ati’ba mini ’diyi, ’ba dria alu alu afa ombani osupi ’diyi, ama nga zo Yehova ma drilia a’di ’dizu, opi amanini azilerile.
28
’Dini Musa nga e’yo yini azi kuhani Eleazari pi ma tia Yosua Nuni mvi pie, ’ba ’wara yi a’bipi ma suruti Israeli anzipi ma suru ma eselia ’diyi ma drilia ’diyi pie.
29
Musa nga ’yo yi tia, Gadi anzipi Rubeni anzipi be, ’ba dria alu alu afa ombani osupi ’diyi ka nga zo Yoridani ma tia ’aa, dasi Yehova ma drilia, azini angu nde ka nga ovu ndezaru emi drilia ’bo, ka’dini emi di nga angu Gileadiari fe yi dri yi ma afaru;
30
te yi ka nga zo emi be afa ombani be yi ruaa ku, ka’dini yi nga angu nya yiniru emi be tualu angu Kananini ma alia ra.
31
Gadi anzipi nga e’yo omvi Rubeni anzipi be kini, Ama nga ’ye ekile Yehovani ’yole ati’ba mini ’diyi ma tia ’borile ra.
32
Ama nga zo afa ombani be ama ruaa Yehova ma drilia fizu angu Kananinia, angu amani nyale ama ma awurusoruri nga ovu Yoridani tia ’aa’dosi ra.
33
Musa nga di angu Sihoni opi ’ba Amorini ma driliarini pi fe yi dri angu Ogi opi Basaniarini nyaleri be, ada anzi Gadini piyi dri Rubeni anzipi pie, suru ali Manase Yusufu mvini pie, fe angu nde yi dri ekile aku angu ndea ’diyini ovule angu yi ma ageia ’diyi berile, kpere aku ovupi angu nde ma kalatia ’diyi vusi dria.
34
Gadi anzipi nga aku Dibonini pi o’ba Ataroti pie, Aroeri pie,
35
Atiroti-sofani pie, Yazeri pie, Yogibeha pie,
36
Beti-nimura pie, Beti-harani pie, yi aku ovupi abi kaliru be ’diyi; yi o’be vini lico kabiloni indio
37
Rubeni anzipi nga aku Hesibonini pi o’ba, Eleale pie, Kiriataimu pie,
38
Nebo pie, Baali-meoni pie (aku ’bani ru ojale ndu ’diyi), Sibima pie; yi nga aku yini o’bale ’diyi omve ru azinisi.
39
Makiri Manase mvi ma anzipi mu Gileadia, pa eri yi ma afaru, odro ’ba Amorini ovupi alenia ’diyi ra.
40
Musa nga di Gileadini fe Makiri Manase mvi dri, eri nga di ovu ’daa.
41
Yairi Manase mvi nga mu aku angu ndea ’diyi opa ra, nga yi ma ru ’da Havoti-yairi.
42
Noba mu Kenati pi opazu aku erini nyiri ’diyi be, nga eri omve Noba’i, i ma ngulupi ma rusi.
← Chapter 31
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 33 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36