bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lugbara
/
Lugbara (E’yo Siza Alatararu Munguniri BIBLIA)
/
Numbers 21
Numbers 21
Lugbara (E’yo Siza Alatararu Munguniri BIBLIA)
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 22 →
1
Te ’ba Kananini ovupi opiru Aradia angu Uruleruari eri e’yo Israelini emuzu geri Atarimuarisiri ra; eri nga di a’di ’di I sraeli be, nga ’ba azini obi ati’baru.
2
Te Israeli nga oyo so ci Yehova vu, kini, Mi ka nga ’ba ’diyi fe ama dria ada, ka’dini ma nga aku yini ma dri ja teketeke ra.
3
Yehova nga Israeli ma o’duko eri ra, nga ’ba Kananini ’diyi fe yi dri; yi nga di yi ma dri ja teketeke aku yini be; nga angu nde ma ru ’da Horima’i.
4
Yi ko dri oni Horiasi acizu muzu geri Miri Ekaru vualerurisi angu Edomuni onazu kalaasi; te ’ba ma asi fu mgbo geri nde ma e’yosi.
5
’Ba yi nga ani e’yo onzi ’yo Mungu pi ma ruaa Musa be, kini, Emi ofu ndra ama ejizu Misiriasi amani ani odrazu angu roko driaria a’disi ya? A’disiku enya yo, yi mvuza vini yo, te ama tileni acu acu nyaka onzikanyaru ’dirisi.
6
Yehova nga uri aciru ’diyi ma ti pe ’ba ma eselesi, yi nga ’ba oga ra, ’ba Israelini karakarau nga odra ani ra.
7
’Ba yi nga eca Musa vu, nga ’yo kini, Ama eza ra amani e’yo onzi ’yole Yehova pi ma ruaa mi berisi; mi zi Yehova tia, eri ma ’du uri ’diyi ama vurisi ra. Musa nga di Mungu zi yi dri ani.
8
Yehova nga ’yo Musa ma tia, Mi ma ede uri aciru ma wura ’bazu pati lokoru ma sia; te eri nga ovu ’dini, ’ba dria alu alu urini galeri ka eri ndre ra, eri nga ovu idriru.
9
Musa nga di uri ede molasi, nga eri ’ba pati lokoru ma sia; te eri eca ’dini, uri ka ’ba azini ga ra, agu nde ka uri edele molasiri lu ra, eri nga i pa ra ovuzu idriru.
10
Anzi Israelini nga dri ko acizu, nga di hema yini aso Obotia.
11
Yi nga dri ko Obotiasi acizu, nga hema aso Iye-abarimu roko Moabu ma drilia etuni efurialeruria.
12
Nga vini dri ko ’daarisi acizu, nga hema aso e’bu Zerediaria.
13
Nga vini dri ko ’daarisi acizu, nga hema aso Arinoni ovupi roko efupi ’ba Amorini ma lokiri ma aliari ma kala ’aa’dasiria; te Arinoni eri lokiri Moabuniri, Moabu pi ma esele cozu ’ba Amonini be.
14
Ka’dini ’yo buku omba Yehovani ’bale ’diyi ma e’yo ecezuri ma alia ’dini, kini, Vahebu Sufa ma aliari pi, e’bu Arinonia ’diyi pie,
15
angu eluza e’bu ndeni, i elupi aku Ariari vuleru, i atipi lokiri Moabuni vualeruri pie.
16
Nga dri ko ’daarisi acizu Beeria, ’diri yi a’di Yehovani ndra e’yoni ’yole Musa ma tia, kini, Mi oku ’ba tualu, ma nga yi fe yi driri’i.
17
Etu ’dasi Israeli ngo ongo ’diri kini: Mi ma adi adi, mi yi a’di gale gari la!-Emi ngo ongo eri tia fo!-
18
yi a’di nde ’ba opiru ’diyini gale, ’ba ’wara ’ba drilia ’diyini ’bileni ovale, kali opiniri pisi lote yini beri’i. Yi nga dri ko rokoa ’darisi acizu Matanaa.
19
Enga Matanaasi cazu Nahalielia, enga Nahalieliasi cazu Bamotia,
20
enga Bamotiasi cazu e’bu angu Moabuniaria, kpere Pisiga angu lupi va roko yi kokoruri vualeruri ma dri mbiliria uru.
21
Israeli nga ojio ti pe Sihoni opi ’ba Amorini ma driliari vu kini,
22
Mi ma ku ma ma aga angu mini ma alesi fo! Ama ngani ama oja kalasi fizu amvu pi ma alia amvu zabibuni be ku; ama ngani yi a’di gale ga ’diyi mvu ku; ama nga aci gboko opiniria, de nga ama deni kalati miniri agazu ku.
23
Te Sihoni a’ini Israelini agazu angu ini ma alesi ku; te Sihoni oku ba erini ’diyi dria tualu, fuzu a’di ’dizu Israeli be rokoa, nga eca Yahazia, a’di ’dizu Israeli be.
24
Te Israeli nga eri ofu seisi, nga angu erini pa nyazu yiniru engazu Arinonia kpere Yabokia, ada kpere Amoni anzipi vu; a’disiku lokiri Amoni anzipiniri ovu okporu.
25
Israeli nga aku ’diyi opa dria; Israeli nga ovu aku ambo ambo ’ba Amorini ’diyini ma alia dria, Hesiboni pia, aku erini ambo ambo ’diyi be dria.
26
Te Hesibonini aku Sihoni opi ’ba Amorini ma driliarini, Sihoni nde ’di ndra a’di opi ndraka Moabu ma driliari be, opa angu erini dria eri ma driarisi, ada kpere Arinonia.
27
E’yo ’disi ’ba e’yo o’beza o’bepi ’diyi ’yo ndra ’dinile, Emi emu Hesibonia, mi fe ’ba ma si aku Sihonini, eri ’bazu kirikiri.
28
Te aci enga Hesiboniasi ’bo, aci ma andre enga aku Sihoniniasi ra. Eri ve Ari Moabuari teketeke, ’ba opiru pari uruleru Arinonia ’diyini be.
29
Eyawaye Moabu ye! Candi mi dri, mi ’ba Kemosi vile ’diyi la! Eri fe i anzipini apazu, eri fe i ezopini muzu ati’baru, Sihoni opi ’ba Amorini ma driliari dri yoo!
30
Ama gbi yi ra, Hesiboni ja dri kpere Dibonia ’bo, ama eza angu kpere Nofa capi Medebaaria ra.
31
’Dini Israeli ovu ’ba Amorini ma angua.
32
Musa nga ’ba ti pe Yazeri ma orile gazu; yi nga aku erini opa, nga ’ba Amorini ovupi ’dale ’diyi odro ra.
33
Yi nga vini yi oja, tuzu geri Basaniarisi; te Ogi opi Basaniari nga fu a’di ’dizu yi be Edreia, eri’i ’ba erini be dria.
34
Yehova nga ’yo Musa tia, Mi ma ’ye erisi urisi ku; mani eri fele mi ma dria, ’ba erini ’diyi pie dria, angu erini pie ’borisi; mi nga eri ’ye ekile mini Sihoni opi ’ba Amorini ma drilia ovupi Hesiboniari ’yelerile.
35
Yi nga di eri fu ani anzipi pie, ’ba erini ’diyi pie dria, kpere ’ba alunini acezu erini kuria; yi pa angu erini nyazu yiniru.
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 22 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36