bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lugbara
/
Lugbara (E’yo Siza Alatararu Munguniri BIBLIA)
/
Numbers 23
Numbers 23
Lugbara (E’yo Siza Alatararu Munguniri BIBLIA)
← Chapter 22
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 24 →
1
Balamu nga ’yo Balaki ma tia, Mi ma si ma dri ’doa pari edeta edezu ’diyi aziri, mi ma ’ba vini ma dri ’doa monio aluduru aziri, kabiloagoaziri be.
2
Balaki nga ’ye Balamuni ’yolerile; Balaki pi Balamu be nga monio pi ede edetaru kabiloago be pari edeta edezu ’diyi vusi.
3
Balamu nga ’yo Balaki tia, Mi ma so pa edeta mini vezaruri ma ageia, te ma nga mu ra; kani Yehovani nga emu dri fuzu ma be yani; te e’yo dria erini ngale ecele ma driri ma nga olu mi tia ra. Eri nga di mu tu oni tuari ma dria.
4
Mungu nga dri fu Balamu be; Balamu nga ’yo eri tia, Ma ede pari edeta edezu aziri ’diyi ra, ma fe monio aludururi pi edetaru kabiloago be, pari edeta edezu alu alu ’diyi vusi.
5
Yehova nga e’yo ’yoza ’ba Balamu ma tilia, nga ’yo ra, Mi mvi Balaki vu, te mi nga ’yo ’dini.
6
Eri nga emvi eri vu, de erini pa soria edeta erini vezaruri ma ageia, yi ’ba opiru Moabu ma drilia ’diyi be.
7
Eri nga e’yo olu e’yo o’bezasi kini, Balaki eji ma Aramuasi, opi Moabuni eji ma oni etuni efurialeru ’diyiasi: Mi emu Yakoboni otri ma dri fo Mi emu vini mani Israeli ma ru ’yo onzi indi,
8
Te ma nga ’ba Munguni otrile ku ’diyi otri ngoni ngoni ya? Ma nga ’ba Yehovani yi ma ru ’yozu onzi ku ’diyi ma ru ’yo onzi ngoni ngoni ya?
9
Kata ururi ma driarisi ma eri ndre ra, ma eri lu oni amboru ma driarisi; mi ndre, eri suru ovupi a’duleri, ngani yi la suru ’diyi ma aziru ku.
10
A’di eco Yakobo ma irifura lazaruni ya? A’di eco Israeli ma esele su ma azi alu lazaruni ya? Mi fe ma ma dra ’ba kililirurini dralerile, asiza mani ma ovu erinirile fo
11
Balaki nga ’yo Balamu ma tia, E’yo mini ’yele ma vu ’diniri a’di e’yoni ya? Ma eji mi ’dia ari’ba mani otrizu, te mi ndre, mi awu asi Indriza fe yi dri teketeke’i.
12
Te eri omvi e’yo, eri ’yo ra, Ma ma ’ba ma asi e’yo Yehovani ’bale ma tiliari ’yozu’i ku ya?
13
Balaki nga ’yo eri tia, Mi ma emu nga ma be pari azinialeru, mi eco ani yi ndre ’daarisi ra; mi nga kiri yi ma azi vile asizu ’diyi ndre ra, mi ngani yi ndre dria ku; te ’daarisi mi ma otri yi ma dri fo!
14
Eri nga eri ji amvu Zofimuaria kpere Pisiga ma dri mbiliria, nga pari edeta edezu ’diyi ede aziri, nga monio aludururi pi ede kabiloago be pari edeta edezu ’diyi ma dria alu alu.
15
Balamu nga ’yo Balaki ma tia, Mi so nga pa ’dia edeta vezaru miniri ma ageia, de mani ngaria dri furia Yehova be ’dale.
16
Yehova nga dri fu Balamu be ’daa, nga e’yo ’yoza ’ba eri ma tilia ra, nga ’yo ra, Mi mvi Balaki vu, mi ’yo eri tia ’dini.
17
Eri nga eca eri vu, te mi ndre, eri so pa edeta erini vezaruri ma ageialeru, de ’ba opiru Moabu ma drilia ’diyi eri be indio Balaki nga ’yo eri tia, Yehova ’yo e’yo ngoni ya?
18
Eri nga e’yo olu e’yo o’bezasi kini, Mi Balaki la, mi enga e’yo erizu fo! Mi co bile e’yo mani erizu, Zipori mvi la!
19
Mungu ovuni ’bani inzo lizu ku, eri ovuni vini ’ba ma orile i e’yo ojazu ku. E’yo erini ’yole ’diyi ma azi erini i ngale ’yele kuni ci ya? E’yo erini ’yole ’diyi ma azi erini ngale fele ma ca i paria ’yeke kuni ci ya?
20
Mi ndre, fe ma dri azita asi ndriza fezu: i eri fe asi ndriza ’bo, ma econi e’yoni oja ma’i ku.
21
Eri ndreni e’yo onzi Yakobo ma alia ku, eri ndreni vini asi mbaza sraeli ma alia ku; Yehova Mungu yiniri ovu yi be, o’duko otrezu opisiri ovu yi ma eselia ci.
22
Mungu ofu yi Misiriasini; eri ovu okpo be ekile odru ma okpole.
23
Ole Yakoboni rozuni yo ada, andri ndrile Israeli ma dria onziruni yo; yi nga di ’yo Yakobo ma e’yosi Israeli be, Mungu ’ye e’yo amboru tu ’doni ya!
24
Mi ndre, ’ba yi enga kamiandrile, eri i enga uru kamile; eri ngani la va ku, de nga eri nyani afa erini cileri ku, de nga eri mbeni afa erini fuleri ma ari ku.
25
Balaki nga ’yo Balamu ma tia, Mi ma otri yi aluni ku, mi ma fe asi ndriza yi dri aluni ku indio
26
Te Balamu nga e’yo omvi ’yo Balaki ma tia kini, Ma ’yoni mi tia kini, Ma ma ’ye e’yo dria Yehovani ’yoleri’i, ku ya?
27
Balaki nga ’yo Balamu ma tia, Mi emu di, ma nga vini mi ji pari azinia; kani e’yoni nga ovu Mungu ma milia onyiru mini yi otrizu ma dri ’daarisi yani.
28
Balaki nga Balamuni ji Peori angu lupi va roko vualeruri ma dri mbiliria.
29
Balamu nga ’yo Balaki ma tia, Mi si ma dri ’doa pari edeta edezu ’diyi aziri, mi ’ba ma dri ’doa monio aluduru aziri, kabiloago aziri be.
30
Balaki nga ’ye Balamuni ’yole ’borile, nga monio aludururi pi fe edetaru kabiloago be, pari edeta edezu alu alu ’diyi ma dria.
← Chapter 22
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 24 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36